ــ ايماعىمىزدىڭ ءارقايسى ورىن، تاراۋى باس شۋجي شي جينپيڭنىڭ ەكى ءماجىلىس كەزىندە سويلەگەن ماڭىزدى سوزدەرى مەن ەكى ءماجىلىس رۋحىن جەتكىزدى، ۇيرەندى
تىلشىلەرىمىز شيڭ شياۋيۋە، چي نا، ياڭ يىڭ حابارلايدى. جاقىننان بەرى ايماعىمىزدىڭ ءارقايسى ورىن، تاراۋى باس شۋجي شي جينپيڭنىڭ ەكى ءماجىلىس كەزىندە سويلەگەن ماڭىزدى سوزدەرى مەن ەكى ءماجىلىس رۋحىن مۇقيات جەتكىزدى، ۇيرەندى.
كوپشىلىك شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وسكەلەڭ بورىشتىلىق تانىممەن، جاۋاپكەرلىك تانىممەن، كوكەيتەستىلىك تانىممەن كۇرەسكەرلىك رۋحتى ساۋلەلەندىرىپ، قۇدىرەتتى كۇش - قۋات توپتاپ، جاڭا داۋىردە قۇلشىنا العا ىلگەرىلەپ، جاڭا ناتيجەلەر جاراتاتىندىقتارىن ءبىلدىردى.
3-ايدىڭ 23-كۇنى ايماقتىق حالىق قۇرىلتايى قىزمەت كوميتەتى ورگانى ءماجىلىس اشىپ، باس شۋجي شي جينپيڭنىڭ ماڭىزدى سوزدەرى رۋحى مەن مەملەكەتتىك ەكى ءماجىلىس رۋحىن مۇقيات جەتكىزدى، ۇيرەندى.
ماجىلىستە مىنالار اتاپ كورسەتىلدى: باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرىنىڭ مازمۇنى باي، تۇرعىسى بيىك، جاڭا داۋىردەگى حالىق قۇرىلتايى قىزمەتىنە ايقىن باعدار مەڭزەپ، ءتۇبىرلى باعدارنامامەن قامدادى. كوپشىلىك باس شۋجي شي جينپيڭنىڭ ماڭىزدى سوزدەرى رۋحى مەن مەملەكەتتىك ەكى ءماجىلىس رۋحىن تەرەڭ ءتۇسىنىپ، جاپپاي دايەكتىلەندىرىپ، حالىق قۇرىلتايى قىزمەتىن ءبىرتۇتاس جوبالاي وتىرىپ جاسامپازدىقپەن ىلگەرىلەتۋدەن تىڭ ناتيجە جاراتاتىندىقتارىن ءبىلدىردى.
ايماقتىق حالىق قۇرىلتايى قىزمەت كوميتەتىنىڭ مۇشەسى، كەڭسە مەڭگەرۋشىسى باۋىرجان بەكتۇرعان ۇلى: « الداعى قىزمەت بارىسىندا باس شۋجي شي جينپيڭنىڭ ماڭىزدى سوزدەرى رۋحىن مۇقيات ۇيرەنىپ، جەتە ءتۇسىنىپ، جاڭا داۋىردەگى حالىق قۇرىلتايى قىزمەتىنىڭ جاڭا تالاپتارىن دۇرىس يگەرىپ، باقىلاۋ جانە ۋاكىلدەر قىزمەتىنىڭ وي جەلىسى مەن قىزمەت تۇيىندەرىن عىلمي جوبالاپ، قاتىستى سالالاردىڭ ءتۇيىندى قىزمەتتەرىنە بولعان تەكسەرۋ ـ زەرتتەۋدى، ماقۇلدانعان ۇسىنىس ـ پىكىرلەردىڭ تياناقتانۋىن باقىلاۋ-تەكسەرۋدى كۇشەيتىپ، حالىق قۇرىلتايىنىڭ ءتۇرلى جاۋاپكەرلىكتەرىن ادا ەتۋدى ايماقتىق پارتكومنىڭ وزەكتى قىزمەتتەرىمەن سايكەستىرىپ، ايماقتىڭ ەكونوميكاسى مەن قوعامىنىڭ اقاۋسىز دامۋىن قۇلشىنا جەبەۋگە كۇش سالامىز» دەدى.
سول كۇنى ايماقتىق پارتكوم ۇيىمداستىرۋ ءبولىمى ءماجىلىس اشىپ، ورگانداعى، سونداي-اق « ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتى باسشىلىق گرۋپپاسى كەڭسەسىندەگى پارتيا مۇشەلەرى مەن كادرلارعا ماڭىزدى سوزدەر رۋحى مەن ەكى ءماجىلىس رۋحىن جەتكىزدى. كوپشىلىك تەبىرەنىستى كوڭىل كۇيمەن بىلاي دەدى: باس شۋجي شي جينپيڭ اتى زاتىنا ساي مەملەكەتتىڭ رولشىسى، حالىقتىڭ جول باستاۋشىسى ەكەندىگىن اماليات تولىق دالەلدەدى. باس شۋجي شي جينپيڭنىڭ مەملەكەتتىڭ ءتوراعاسى، ورتالىق اسكەري ىستەر كوميتەتىنىڭ ءتوراعاسى بولىپ سايلانۋى پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگى سانالادى. پارتياعا ابسوليۋتتى ادال بولىپ، يدەيا، ساياسي، ارەكەت جاقتا ءارقاشان شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ ۇيىمداستىرۋ كادرلارىندا بولۋعا ءتيىستى توڭكەرىستىك رۋح .
كوپشىلىك شي جينپيڭنىڭ جاڭا ءداۋىر جۇڭگوشا سوتسياليزم يدەياسىن باستان ـ اياق قيمىل قىبلاناماسى ەتىپ، ساياسي سانانى جوعارىلاتىپ، ساياسي شىنىعۋدى كۇشەيتىپ، «ءتورت تانىمدى» بەرىك ورناتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل تياناقتاندىرىپ، نازاردى باستان ـ اياق باس نىساناعا شوعىرلاندىرىپ، باس نىسانادان جازباي، باس نىسانانى تياناقتاندىرىپ، العان بەتتەن قايتپايتىن رۋحاني بەت ـ بەينەمەن ۇيىمداستىرۋ قىزمەتىن جەبەپ، قوعام ورنىقتىلىعى مەن باياندى تىنىشتىقتى پارمەندى كەپىلمەن قامدايتىندىقتارىن ءبىلدىردى.
3-ايدىڭ 23- كۇنى ايماقتىق مەملەكەتتىك باجى مەكەمەسى كادرلار ءماجىلىسىن اشتى. كوپشىلىك يدەيا مەن ارەكەتتى سانالى تۇردە باس شۋجي شي جينپيڭنىڭ ماڭىزدى سوزدەرى رۋحىمەن، مەملەكەتتىك ەكى ءماجىلىستىڭ شەشىم ـ ورنالاستىرۋلارىمەن بىرلىككە كەلتىرىپ، باجى قىزمەتىنىڭ تالاپتارىن ءبىر-بىرلەپ ولشەمگە سالىستىرىپ، تولىق، ناقتى تياناقتاندىرۋعا كۇش سالاتىندىقتارىن ءبىلدىردى.
ايماقتىق مەملەكەتتىك باجى مەكەمەسى پارتگرۋپپاسىنىڭ شۋجيى، مەكەمە باستىعى جاڭ ۋانشين: « ‹ءتورت تانىمدى› شىنايى كۇشەيتىپ، قىزمەت ورنىمىزدى تياناق ەتە وتىرىپ، مەملەكەتتىك باجى قىزمەتىن جاقسى ىستەۋگە؛ باجى كىرىسى ساپاسىن ۇزدىكسىز جوعارىلاتىپ، مىندەتتىڭ تولىق ورىندالۋىنا كەپىلدىك ەتۋگە؛ باجى تاپسىرۋعا قاتىستى ءتيىمدى ساياساتتاردى تولىق تياناقتاندىرۋعا كۇش سالامىز. مەملەكەتتىك باجى سالاسىنىڭ ‹ ۇكىمەتتى ىقشامداپ، ۇقىقتى تومەنگە بەرۋ،ۇقىقتى بەرۋ مەن باسقارۋدى ۇشتاستىرۋ، ساپالى قىزمەت كورسەتۋ › رەفورماسىن ءۇرتىس تەرەڭدەتىپ، باجى جيناۋ، تيجارات-ساۋدا ورتاسىن اناعۇرلىم ساپالىلاندىرىپ، ايماعىمىز ەكونوميكاسىنىڭ جوعارى ساپادا دامۋىنا قىزمەت وتەيمىز» دەدى.
جاقىندا ايماقتىق اۋىل شارۋاشىلىق مەكەمەسى ءماجىلىس اشىپ، باس شۋجي شي جينپيڭنىڭ ماڭىزدى سوزدەرى رۋحى مەن مەملەكەتتىك ەكى ءماجىلىس رۋحىن جەتكىزدى، ۇيرەندى. ماجىلىسكە قاتىناسقاندار قىزمەت ءىس جۇزىندىكتەرىمەن ۇشتاستىرا وتىرىپ اۋىل شارۋاشىلىعىنىڭ بيىلعى ءتۇيىندى قىزمەتتەرى جونىندە مۇقيات تالقى ورىستەتىپ، قىزمەتتىڭ نىسانا ـ مىندەتتەرىن ايقىنداپ، جاڭا قىزمەت شارالارىن ورتاعا قويدى.
ايماقتىق اۋىل شارۋاشىلىعى مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى ءدىلمۇرات: « ماڭىزدى ءسوز بەن ءماجىلىس رۋحىن تولىق ءتۇسىنىپ، ۇيىمدىق باسشىلىقتى اناعۇرلىم كۇشەيتىپ، قىزمەت ءىس جۇزىندىگىمەن ۇشتاستىرا وتىرىپ، جالپى كادر، جۇمىسشى ـ قىزمەتشىلەردىڭ اۋىل شارۋاشىلىعى،اۋىل-قىستاق، شارۋالارعا قىزمەت وتەۋ تانىمىن شىن مانىندە كۇشەيتىپ، ايماعىمىز اۋىل شارۋاشىلىعى قىزمەتىنىڭ اقاۋسىز دامۋىن جەبەۋگە قۇلشىنامىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»