ءتىلشىمىز لي ميڭشىڭ حابارلايدى. بىرنەشە كۇننەن بەرى شاعانتوعاي اۋدانىنداعى ءارقايسى تاراۋ مەملەكەتتىك ەكى ءماجىلىس رۋحىن دەر كەزىندە ۇيرەنىپ، اۋدان كولەمىندە پارتيا 19-قۇرىلتايى رۋحىن ۇيرەنۋ، دايەكتىلەندىرۋ ورلەۋىن كوتەردى.
3-ايدىڭ 29-كۇنى شاعانتوعاي اۋدانى جانكىسى اۋىلى وڭتۇستىك قىستاعى كوميتەتىنىڭ كەڭسەسىندە اۋداندىق پارتكوم ۇگىت ءبولىمىنىڭ قىستاقتا تۇراتىن قىزمەت اترەتى مەن قىستاق «ەكى كوميتەتى» قىستاقتاعى پارتيا مۇشەلەرى مەن جۇرتشىلىقتى ەكى ءماجىلىس رۋحىن ۇيرەنۋگە ۇيىمداستىردى. كوكتەمگى ءوندىرىس جاقىنداعانىمەن، قىستاق تۇرعىندارىنىڭ مەملەكەتتىڭ ءىرى ىستەرىن بىلسەم دەگەن قىزعىندىلىعىنا ەش اسەر ەتە الماعان.
65 جاستاعى ساقا پارتيا مۇشەسى ۋاڭ يۋشيان بىلاي دەدى: «ەكى ماجىلىستە حالىق تۇرمىسىن قامتاماسىزداندىرۋ جانە جاقسارتۋ ورتاعا قويىلىپتى، بۇل وتە جاقسى بولدى. مەملەكەتتىڭ كۇن سايىن قۇدىرەتتەنىپ، حالىقتىڭ تۇرمىسىنىڭ كۇن سايىن جاقسارعانىن كورىپ وتىرمىز، مۇنىڭ بارلىعى پارتيانىڭ ابزال ساياساتىنىڭ ارقاسى، پارتيانىڭ جاقسى باسشىلىعىنىڭ ارقاسى».
قىستاقتا تۇراتىن قىزمەت اترەتىنىڭ باستىعى ۋاڭ ۋيجى: «ەكى ءماجىلىس رۋحىن ۇيرەنىپ، نەگىزگى ساتى كادرى بولعان بىزدەر پارتيا مەن مەملەكەتتىڭ شەكارا ءوڭىردىڭ ورنىقتىلىعى مەن دامۋىنا باسا نازار اۋدارىپ وتىرعانىن جۇرەكتەرىمىزبەن سەزىندىك، ءاربىر سوزدەن تەرەڭ شابىت الىپ وتىردىق. قىستاقتا تۇراتىن قىزمەت اترەتىنىڭ مۇشەسى رەتىندە، قىستاق ‹ەكى كوميتەتى› القاسىنداعىلارعا بەلسەنە كومەكتەسىپ، قىستاق تۇرعىندارىن اۋلا شارۋاشىلىعىن دامىتىپ، ەرەكشەلىككە يە ەگىمشىلىك، باعىمشىلىق كولەمىن ۇلعايتۋعا جەتەلەپ، كىرىس ارناسىن كەڭەيتە تۇسەمىز» دەدى.
3-ايدىڭ 23-كۇنى شاعانتوعاي اۋدانى كادرلار ءماجىلىسىن اشىپ، مەملەكەتتىك ەكى ءماجىلىس رۋحىن ۇيرەنىپ، جەتكىزىپ، اۋدانداعى كادرلاردان ەكى ءماجىلىس رۋحىن جاقسى ۇيرەنۋ، دايەكتىلەندىرۋدى كوز الداعى ماڭىزدى ساياسي مىندەت ساناپ، مەملەكەتتىك ەكى ءماجىلىس رۋحىن ۇيرەنۋ، دايەكتىلەندىرۋدى پارتيا 19-قۇرىلتايىنىڭ رۋحىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرۋ، تياناقتاندىرۋمەن ۇشتاستىرىپ، ەكولوگياسى جاقسى، زاڭمەن جونگە سالىناتىن، باي- باقىتتى شاعانتوعاي قۇرۋعا ۇلەس قوسۋدى تالاپ ەتتى.
شاعانتوعاي اۋدانى ءىس جۇزىندىگىنە بىرلەستىرە وتىرىپ، مەملەكەتتىك ەكى ءماجىلىس رۋحىن پارتيا مەكتەبىنىڭ كادرلاردى تاربيەلەۋ جوسپارىنا ەنگىزىپ، اۋدانداعى بارلىق پارتيالى كادرلاردى قارارعا، توپقا ءبولىپ تاربيەلەۋدى ۇيعاردى. ساياسي ساپاسى كۇشتى، ساياسات ورەسى جوعارى باسشى كادرلاردان، پارتيا مەكتەبىنىڭ وقىتۋشىلارىنان مەملەكەتتىك ەكى ءماجىلىستىڭ رۋحىنان لەكسيا جاساۋ ۇيىرمەسىن قۇرىپ، نەگىزگى ساتىنى،قالىڭ حالىق جۇرتشىلىعىن كوزدەي وتىرىپ كەڭ كولەمدى ۇگىت-لەكسيا قيمىلىن جۇرگىزۋگە اۋىل، قالاشىق، فەرمالارعا جىبەردى.
شاعانتوعاي مال فەرماسى پارتكومىنىڭ شۋجيى تان چيڭحۋا بىلاي دەدى: «ۇيرەنۋ ارقىلى دامۋ وي جەلىسىمىز ءتىپتى دە ايقىندالا ءتۇستى، فەرمامىز ءىس جۇزىندىككە بىرلەستىرە وتىرىپ دامۋ وي جەلىسىن تۇراقتاندىردى، باس نىسانانى تىعىز توڭىرەكتەي وتىرىپ، كەدەيلىكتەن قۇتىلدىرۋدان قامال الۋ، ەكولوگيالىق ورتانى قورعاۋ، فينانس حاۋىپ-قاتەرىنەن ساقتانۋ سىندى ءۇش ءىرى قامال الۋ شايقاسىن جاقسى جۇرگىزەمىز».
شاعانتوعاي مال فەرماسى ەكى ءماجىلىس رۋحىن ءار ۇلت ەگىنشى-مالشىلارىنا كەڭ كولەمدە ۇگىتتەپ، بەتپە-بەت ۇگىت جۇرگىزۋ ارقىلى قالىڭ ەگىنشى، مالشىلاردىڭ ەكى ءماجىلىس مازمۇنى جونىندەگى تۇسىنىگىن تەرەڭدەتە ءتۇستى.
ۇيرەنۋ بارىسىندا وسى فەرماداعى پارتيالى كادرلار جەرلىك ەكونوميكانىڭ دامۋ ەرەكشەلىگىنە بىرلەستىرە وتىرىپ، مۇنان كەيىنگى جوسپار مەن دامۋ جونىنەن تالقى ورىستەتتى.
شاعانتوعاي اۋداندىق ءبىرىنشى بالالار باقشاسى وقىتۋشى-قىزمەتشىلەردى ءتۇرلى فورمامەن ەكى ءماجىلىس رۋحىن ۇيرەنۋگە ۇيىمداستىردى. كادرلار مەن قىزمەتشىلەر جاڭا داۋىردە جاڭا سەرپىنمەن بالالار تاربيەسىنىڭ تاماشا بولاشاعىن جاراتۋعا قۇلشىناتىندىقتارىن ءبىلدىردى.
كەڭ كولەمدى ءارى ىشكەرىلەي ۇيرەنۋ ارقىلى شاعانتوعايداعى ءار ۇلت كادرلارى مەن جۇرتشىلىق اۋەلگى ماقساتتى ۇمىتپاي، بورىشتى ەستە بەرىك ساقتاپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، جاپپاي دوڭگەلەك داۋلەتتى قوعام قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش قوساتىندىقتارىن ءبىلدىردى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»