ەەڭ جاڭا مازمۇندار
2021-جىلى 3-ايدىڭ 3-كۇنى 47-سان
شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 28 - رەتكى توپتىق ۇيرەنۋىندە بىلاي دەپ باسا دارىپتەدى
جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى زاڭمەن جونگە سالۋ قامتاماسىزدىعىن ازىرلەيىك
كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، جاڭا دامۋ ۇستانىمىن بۇلجىماي دايەكتىلەندىرىپ، باستامانى جاقسى اشۋعا، قادامدى جاقسى تاستاۋعا شىنايى كەپىلدىك ەتۋ كەرەك
اكىمشىلىك مەكەمەسى 2021-جىلعى 4-رەتكى پارتيا باسشىلىق گرۋپپاسى ءماجىلىسىن اشتى
مالشىلاردىڭ ءتول الۋىنا جەتەكشىلىك ەتتى
تاۋىق باعىپ، اۋقاتتانۋ جولىنا ءتۇستى
تاۋىق باعىپ، اۋقاتتانۋ جولىنا ءتۇستى
ىندەتكە قارسى اتتانىپ، بۇقارانىڭ اماندىعىن جاقسى قورعادى
اۋقاتتانۋ جولىنداعى تاتۋ اعا-ىنىلەر
وسەك-اياڭ قانشا قايتالانسا دا وسەك-اياڭ
تاماشا تۇرمىسىمىزدى پومپەونىڭ بۇلدىرۋىنە جول بەرمەيمىز
ءبىزدىڭ تاماشا تۇرمىسىمىزدى ەشكىم دە بۇلدىرە المايدى
وسەك-اياڭ ايتقاندى عانا بىلەتىن پومپەو ءوز ابىرويىن ءوزى ايرانداي توكتى
شىندىق ارقىلى پومپەونىڭ وسەك-اياڭىنىڭ ءشيىن شىعارامىز
تاربيەلەۋ-باۋلۋ ورتالىعى قانداي ەكەندىگىندە ءبىزدىڭ ەڭ سويلەۋ ۇقىعىمىز بار
قونىس جاڭالاپ ءورىس كەڭەيدى، باقىتتىڭ داڭعىل جولى اشىلدى
نىسان قۇرىلىسى تارتىپپەن ىلگەرىلەتىلدى
رايونىمىز كومىر كەندەردى زەردەلىلەندىرۋ قۇرىلىسىن جەدەل ىلگەرىلەتەدى
ساۋداگەر شاقىرىپ، قارجى ەنگىزۋدى كۇشەيتىپ، جوعارى ساپالى دامۋعا دەم بەرەيىك
جاڭا يدەيانىڭ اقىل - پاراسات شۇعىلاسىن سەزىندى
كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، جاڭا دامۋ ۇستانىمىن بۇلجىماي دايەكتىلەندىرىپ، باستامانى جاقسى اشۋعا، قادامدى جاقسى تاستاۋعا شىنايى كەپىلدىك ەتۋ كەرەك
جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى زاڭمەن جونگە سالۋ قامتاماسىزدىعىن ازىرلەيىك
ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى
2021-جىلى 3-ايدىڭ 2-كۇنى 46-سان
«شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ جونىندەگى سۇراۋ-جاۋاپ» باسپادان شىعىپ تاراتىلدى
كەدەيلىكتەن ارىلتۋدان قامال الۋ رۋحىن ساۋلەلەندىرىپ، تىڭ دا اناعۇرلىم زور جەڭىستەرگە ۇزدىكسىز قول جەتكىزۋ كەرەك
كۇللى الەمدى جالت قاراتقان ۇلى تابىس، تاريح بەتىندە ايشىقتالعان دۇنيە كەرەمەتى
تاسقىن اعارىن ارشىدى
تاسقىن اعارىن ارشىدى

كوكتەمنىڭ دەمى

جولدانعان ۋاقىتى : 2018/4/13 12:05:51

ەرسىنالى سۇلتان ۇلى
 
شىق، شىق - اۋەن، ول - ساعاتتىڭ ءتىلى. شىق ول تابيعات سالعان بەينە، ول - كوكتەمنىڭ دەمى. ءتىل مەن بەينە ۇندەس. ۇندەستىكتەن جاراتىلىس تۋىندايدى.

 شىق! بۇرشىككە تۇنعان شىق. ول - كوكتەمنىڭ دەمى، الىپ كۇننىڭ جىلۋىمەن تىرلىككە تىنىس، تىرشىلىككە ىرىس سيلايتىن، جەر اناعا ءپۇلىس جاباتىن دەم. شولىركەگەن تىرلىكتىڭ ءشولىن باسىپ، بويىنا قۋات سيلايتىن دەم. ادامنىڭ ويىن كيەلى كوكتەمنىڭ سىرىنا تارتىپ، سىمباتىنا باۋرايتىن دەم. سوناۋ الىستان جىل قۇسىنىڭ ءۇنى كەلەدى! و، ساعىندىرعان كوكتەم! مەنىڭ بالالىق كوكتەمىمنىڭ كۋاسىسىڭ سەن.

  _ اۋىلعا كوكتەم كەلدى مە؟

  _ ءيا،كۇنگەيدىڭ قارى كەتىپ، تەرىسكەيدىڭ قارى قالدى، -دەيدى دوسىم! 

  ءيا، تۋعان جەردىڭ كوكتەمى دە سەن سەكىلدى،دوسىم! ءار رەت حابارلاسقاندا ءومىر جونىندە ويلامدى وي، تەبىرەنىستى سىرىڭدى اعىتىپ، ءۇمىتىمنىڭ وركەنىنە ارماننىڭ جىلۋىن بەرىپ، كوڭىلىمدەگى قاياۋدى كوڭىل كوكجيەگىڭدەگى كىرشىكسىز وي ساۋلەلەرىڭ ارقىلى قۋاسىڭ- اۋ! سەنىڭ ءاربىر سوزدەرىڭ مەنى جاڭاشا ءبىر كوكتەمگە باستايدى. مەندە دە كۇن سايىن، ساعات سايىن بولماسا دا، اي سايىن جاڭارۋلار بولادى. تاعدىر تەرىسكەيىن قاراتسا، سوعان ساي تەرىسكەيدى نۇرلاندىراتىن سىرى بولەك دوس سيلايدى ەكەن-اۋ مىنا ءومىر. سوداندا شىعار جاقسىلاردىڭ جانارىنان تاراعان جىلۋ مەن جاقسى ءسوزدىڭ قۇدىرەتىمەن كۇندە قۇتاياتىن ءۇمىتىمىزدى ءومىردىڭ جەلكەنى ەتىپ، تاڭمەن تالاسا تۇرىپ، كۇنمەن بىرگە كۇلىپ ويانىپ ءجۇرمىز.

  تالاپ دەيمىن دوسىمنىڭ اتىن ىشتەي قايتالاپ... اۋىلعا بارسام-اق الدىنا شىعىپ، قولىنداعى جۇمىسىن قويا سالىپ، بىرەر كۇن مەنىمەن اۋىل ارالاپ، وي - قىردى كەزىپ كەتە باراتىنبىز! تەكەس وزەنىنىڭ ارناسىندا ويناپ، ايدىنىندا بىرگە مالتاعان بالالىق كەزدەرىمىز بۇل كۇندە اڭىز بەن اڭگىمەگە ايىرباستامايتىن، ءتىل جەتپەس ءتاتتى شاقتارىمىزدىڭ ەلەسىنە اينالعان. راس، بالا كەزىمىز ارمانسىز كۇننىڭ اۋاسىمەن تىنىستاپ، قىزىقتى شاقتاردىڭ ەلەسىن كوڭىلىمىزدىڭ كوكجيەگىنە وشپەستەي ەتىپ جازىپ جۇرگەن كەزىمىز ەكەن-اۋ، ءسىرا! ول كەزدە، ءبىز تەكەس وزەنىنىڭ ارناسى تولىسا اعاتىن مامىر مەن ماۋسىمدى، شىلدە مەن تامىزدى اڭسايتىنبىز! سۋعا مالتايتىن كەزدە ۇيىمداسا قالۋشى ەدىك! سول ساباقتاستار بۇل كۇندە قايدا ەكەن دەشى! اندا - ساندا ەسىمە تۇسەدى. مۇمكىن ولار دا سول كۇندەرىن اڭسايتىن شىعار! ادامدار اڭساعان، ساعىنعان ساتتەردە عانا ءبىر - بىرىنە جاقىنداسادى ەكەن-اۋ. سول ءبىر ەلەسكە اينالعان كەزىڭنىڭ كۇندىز ويىڭنان، تۇندە تۇسىڭنەن شىقپاۋى دا ءتىل جەتپەس سىر! ءبىز تارام-تارام جولدار ارقىلى اۋىل دەگەن كىندىك قانىمىز تامعان، وسكەن مەكەننەن، اۋەلى، بىرىمىزدەن - ءبىرىمىز الىستادىق. ساعىنعان ساتتەردە نەمەسە اۋىلعا بارعان كەزدە سول جولدار ارقىلى ءبىر - بىرىمىزبەن قاۋىشىپ قالىپ جۇردىك. راس، ءبىز سەندەردەن الىستاتقان وسىناۋ جولدارمەن ەمەس، وسى جولدار ارقىلى ۇزاپ بارا جاتقان ساتتەردەگى قيماستىقتان تۋعان، ساعىنۋدان قۋات العان كوڭىلىمىزدىڭ تەرەڭىندەگى ساعىنىشتارمەن جاقىنبىز!

  ... سەن كۇلىپ جىبەردىڭ! تەكەستىڭ ءيىرىمىن ىشىنە بۇككەن باياۋ تولقىندارىندا شاعالالار ەركىن سامعايدى. قارلىعاشتار باۋىرىمەن ءاربىر تولقىندى سىزىپ ءوتىپ، سايراعان ادەمى داۋىسىمەن قارسىداعى كىشكەنە ارالشانىڭ بىتىك وسكەن توعايىن اينالىپ بارىپ كوزدەن عايىپ بولادى. ەكەۋىمىزدىڭ كوڭىلىمىزدە بالالىقتىڭ كۇيى تولقىپ، الدەبىر ساعىم ەلەستەر جەتەگىنە الىپ، قايتا اكەپ تاستايدى.

- ەسىڭدە مە؟-دەگەن سوزىنەن سەلت ەتتىم.

 - نە، نارسە؟- الگى تەكەستىڭ ايدىنىن كەسىپ  وتكەن كەزىمىز؟

  _ كوپ قوي... قايسى ءبىرىن ايتاسىڭ؟

  _ ۇمىتىپ قالعان ەكەنسىڭ،-دەدى ول،-وسى وزەننىڭ اناۋ جەرىندە سۋعا شومىلىپ جۇرگەنبىز. ءبىر قاراساق قىز ساباقتاستار ءبىز شومىلىپ جۇرگەن ارناعا قاراي سۋ العالى كەلە جاتىپتى. ءبىز ولاردان ۇيالعانىمىزدان وسى ارنادان تۇڭعىش رەت كەسىپ وتتىك ەمەس پە؟

  _ راس، ەندى ەسىمە كەلدى. اعىننان قورقىپ وتە الماي جۇرگەن ءبىزدىڭ جۇرەگىمىزدىڭ تەرەڭىندەگى ەرلىكتى وياتقان سول بەينەلەر قازىر قايدا ەكەن؟- دەدىم وعان بۇرىلىپ! ول، ءۇنسىز  وتىر...

  و، اعىندى عۇمىر-اي! بالالىقتىڭ ەڭ قىزىقتى، ەڭ ادەمى كەزدەرىن ويىمنان وشىرمەي ساقتاپسىڭ-اۋ! دوسىم، قاراشى،تاعى ءبىر كوكتەم كەلدى، انە، جىل قۇستارىنىڭ تاڭعى القىزىل رەڭگە بويالعان قاناتتارىنان ەرلىكتىڭ جىرى، اۋەنىنەن ءۇمىتتىڭ ءانى ءاربىر بۇرشىكتەرگە شىق بوپ قونىپ جاتىر!

  ول شىق- كوكتەمنىڭ دەمى! ساعىنىش جىلۋىنان تۇنعان ءاربىر بالعىن شاقتان بىرگە قانات قاققان ءاربىرىمىزدىڭ جانارىمىزداعى ءۇمىت پەن ارماننىڭ نۇرى!


    رەداكتورى: گۇلنۇر جۇماش قىزى

   تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»