ەەڭ جاڭا مازمۇندار
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى
2019 ـ جىلى 3 ـ ايدىڭ 19 ـ كۇنى 67 ـ سان
2019 ـ جىلى 3 ـ ايدىڭ 18 ـ كۇنى 66 ـ سان
2019 ـ جىلى 3 ـ ايدىڭ 16 ـ كۇنى 65 ـ سان
2019 ـ جىلى 3 ـ ايدىڭ 15 ـ كۇنى 64 ـ سان
2019 ـ جىلى 3 ـ ايدىڭ 14 ـ كۇنى 63 ـ سان
شينجياڭ ۋاكىلدەر ۇيىرمەسى وتكىزگەن جالپى جيىن جۇڭگو - شەتەل اقپارات قۇرالدارىنا اشىق ۇستالدى
«ۇيرەنۋدە قۋاتتى ەل» ۇيرەنۋ تۇعىرىن جاپپاي جالپىلاستىرۋدى جەبەدى
«ۇيرەنۋدە قۋاتتى ەل»ۇيرەنۋ تۇعىرىن تياناق ەتىپ، ۇيرەنۋ قىزۋ ورلەۋگە كوتەرىلدى
شاۋەشەك قالالىق قۇبىر سۋى سەرىكتىگى «ۇيرەنۋدە قۋاتتى ەل» ۇيرەنۋ تۇعىرىنان پايدالانىپ، جۇمىسشى-قىزمەتكەرلەردىڭ ساپاسىن جوعارىلاتتى
اۋىرتپالىقتى جەڭىلدەتىپ، جاۋاپكەرشىلىكتى جەڭىلدەتپەي، ناقتى ىسكەرلىكپەن تاماشا ناتيجە جاراتايىق
ءبىر وتباسى ءبىر ورتاعا شۋاق بولدى
فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ كەرەك
شينجياڭ ۋاكىلدەر ۇيىرمەسى شەتەل ساۋداگەرلەرى قارجى قوسۋ زاڭى جوباسىن قارادى
ايماقتىق پارتكومنىڭ نازاريا ۇيرەنۋ وزەكتى گرۋپپاسى كەدەيلىكتەن ارىلتۋدان قامال الۋ جونىندە ارناۋلى تاقىرىپتىق ۇيرەنۋ وتكىزدى
كادرلاردى ءمان - ماعىناسىز ىستەردەن قۇتىلدىرايىق
«فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى باسىپ تاراتتى
الاقات ەگىپ، اۋقاتتانۋدىڭ جاڭا جولىنا ءتۇستى
لەي فىڭنان ۇيرەنىپ، مەيىر جەتكىزدى
لەي فىڭ رۋحىن ساۋلەلەندىرۋدى وزىمىزدەن باستايىق
اقىسىز ەمدەۋ تۇرعىنداردىڭ جۇرەگىنە جىلۋ سيلادى
شاعىن قيمىل شەكسىز مەيىر جەتكىزدى
حاۋىپسىزدىكتى دارىپتەپ، كوڭىلدى ەسەيۋ
شي جينپيڭ، لي كىچياڭ، ۋاڭ حۋنيڭ، حان جىڭ مەملەكەتتىك حالىق قۇرىلتايى ماجىلىسىندەگى ءىشىنارا ۋاكىلدەر  ۇيىرمەسىنىڭ باياندامانى قاراۋىنا جەكە - جەكە قاتىناستى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، شينجياڭداعى ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەيىك
شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي مەملەكەتتىك حالىق قۇرىلتايى ماجىلىسىندەگى ءبىر ءبولىم ۋاكىلدەر ۇيىرمەلەرىنىڭ باياندامانى قاراۋىنا جەكە-جەكە قاتىناستى
ايماقتىق پارتكومنىڭ نازاريا ۇيرەنۋ وزەكتى گرۋپپاسى ەكولوگيالىق وركەنيەت قۇرىلىسى جونىندە ارناۋلى تاقىرىپتىق ۇيرەنۋ وتكىزدى
جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ىنتالاندىراتىن قوعامدىق راي قالىپتاستىرايىق
2019 ـ جىلى 3 ـ ايدىڭ 13 ـ كۇنى 62 ـ سان

جايىر قىستاعىنداعى تۇرعىنداردىڭ «جاڭا كىرىس كوزى»

جولدانعان ۋاقىتى : 2018/4/13 13:38:47

   ءتىلشىمىز ايمان ءرابي حابارلايدى. ءدال بۇگىنگى تاڭداعى شاۋەشەك قالاسى شاعجى مال فەرماسى جايىر قىستاعىنداعى قىستاق تۇرعىندارىنىڭ «جاڭا كىرىس كوزى» ءبارىمىزدى قىزىقتىردى ءارى قۋاندىردى. ول «جاڭا كىرىس كوزىنىڭ» ءمانىن اشالاي ايتار بولساق، ءبىر جاعىنان، قىستاق تۇرعىندارى مالدارىن كووپەراتيۆكە قوسىپ، جارنا بولىسىنەن يگىلىكتەنىپ پايداسىن كورسە، ەندى ءبىر جاعىنان، قوس قولدارىنا سۇيەنىپ، ەڭبەك ەتىپ، بەس سادىرا مال سوڭىنان ءبىر جىل سالپاقتاماي، كاسىپ ىستەپ، وتباسىلىق كىرىسىن جوعارىلاتىپ، باي - باقىتتى تۇرمىستارىن كەشىرۋدە.
   
  «مىڭ ەستىگەننەن ءبىر كورگەن ارتىق» دەپ 4 - ايدىڭ 3 - كۇنى جايىر قىستاعىنا دا ات باسىن تىرەپ، اۋەلى، «تاڭبالى باعىمشىلىق كووپەراتيۆىنىڭ» وسىزاماندانعان جىلى قوي قوراسىنا باس سۇقتىق. ءبىز بارعاندا قىستاق تۇرعىنى جامجاپ وقىرعا جەم - ءشوپ سالىپ، مال قامىمەن قاربالاس ەكەن، ارەدىكتە باعىمعا الىنعان ءىشتى ساۋلىقتاردى نۇسقاي: «كوردىڭدەر مە مىنا ساۋلىق قويلار مەنىڭ قوسقان ‹جارنام› » دەيدى.
  
  ەگەر بۇرىنعى جىلدارى بولسا، جامجاپ ءدال وسى مەزگىلدە، ءبىر قورا قويىن الدىنا سالىپ، قىستاۋدان كوكتەۋلىككە قاراي كوشەتىن كوش جولىندا كەتىپ بارا جاتقان بولار ەدى. ءبىراق، كوشىپ - قونىپ جۇرەتىن بۇل تىرلىك بىلتىردان بەرى جامجاپپەن  قوش ايتىسقان، سەبەبى ول بىلتىر 25 ساۋلىق قويىن كووپەراتيۆكە قوسىپ، ءوزى وسى كووپەراتيۆتىڭ ءبىر مۇشەسى بولىپ شىعا كەلدى، كووپەراتيۆ وعان ايىنا 2500 يۋاننان ەڭبەكاقى الاتىن مال بورداقىلاۋ جۇمىسىن تابىس ەتتى.

  «ەگەر ءداستۇرلى باعىمشىلىق كاسىبىمەن مال باعار بولساق، تاۋ اسىپ، تاس باسىپ، كەڭ دالانىڭ قويناۋىن كەزىپ ءجۇرىپ، مال سوڭىنان سالپاقتاعاندا،جىلدىق كىرىسىم ون مىڭ يۋاننان اسپاس ەدى. ال قازىر، كووپەراتيۆتەن 5000 يۋان جىلدىق جارنا اقىسىنان يگىلىكتەنسەك، ودان تىس جۇمىس ىستەپ، قوسىمشا كىرىسىمدى دە ارتتىردىم» دەيدى جامجاپ.
 
  جايىر قىستاعىندا جالپى 117 وتباسى بار،  قولدا بار مال سانى 12 مىڭ  تۇياق. بۇل قىستاقتاعىلار ءتورت ماۋسىمدا سۋدىڭ تۇنىعىن، ءشوپتىڭ شۇيگىنىن قۋالاي قونىستانىپ، مال سوڭىنان سالپاقتاعاندا، تاپقان تالشىعىنىڭ كوبى مالدىڭ ءشوپ شاينارىنا كەتىپ، جىل سوڭىندا ماردىمدى كىرىس كىرگىزە الماي، ابدەن  تيتىقتاپ، كۇن كورىس جاعدايلارى جۇبىنا جەتكەن ەدى.
 
  2017 - جىلى  قىستاق تۇرعىندارىنىڭ باعىمشىلىق سالاسىنداعى كىرىسىن ارتتىرىپ، باسقا سالادا دا جۇمىستانۋىن ىلگەرىلەتۋ ءۇشىن، شاعجى مال فەرماسى پارتكومى جانە قىستاق «ەكى كوميتەتى» مەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن قىزمەت اترەتىندەگىلەردىڭ قولداپ - قۋاتتاۋىندا، «تاڭبالى باعىمشىلىق كاسىپتىك كووپەراتيۆى» قۇرىلعاننان كەيىن كووپەراتيۆ جاۋاپتىسى، ىسكەر ازامات مۇرات  بايمىرزا ۇلى كووپەراتيۆكە جارنا قوسساڭ، جىل سوڭىندا جارنا پايداسىنان يگىلىكتەنەسىڭ دەپ مالشىلارعا تابىستىڭ كوزىن جىڭىشكەلىكپەن ءتۇسىندىرىپ ءارى ولاردى يلاندىرىپ، كووپەراتيۆكە كىرگىزىپ، اۋىلداستارىنىڭ اۋقاتتانۋىنا باستاماشى بولدى.
 
  ىشتەي ەگجەي - تەگجەيلى ەسەپ جاساپ كورىپ، پايدا كورمەسە، زيان شەكپەيتىنىنە كوزى جەتكەن جارقىن 57 تۇياق ساۋلىق قويىن ءبىر-اق كووپەراتيۆكە وتكىزەدى. ول « قازىر 10 مىڭ يۋان جىلدىق جارنا پايداسىنان يگىلىكتەنسەم، بۇنىڭ سىرتىندا، ايەلىم ەكەۋىمىز قاراپ وتىرماي كاسىپ تاۋىپ ىستەپ، جىلدىق كىرىسىمىز 30 دا 40  مىڭ يۋانعا دەيىن جەتتى» دەپ ءوز جاعدايىن تىلشىدەن جاسىرمادى.
  
  ۇعىسۋعا قاراعاندا، قىستاق تۇرعىندارى ساۋلىق قويدى جارنا ەتىپ قوسىپ، كووپەراتيۆتىڭ ءبىر تۇتاس باسقارۋىنا وتكىزىپ بەرىپ، ءار جىلى كووپەراتيۆ پەن قىستاق تۇرعىندارى 40 دا 60 پايىزدىق جارنا ءبولىسىن ءبولىسىپ، مولشەرمەن ءار ءجۇز تۇياق قويدان مالشىلارعا كىرەتىن كىرىس 20 مىڭ يۋانعا جەتكەن.
 
جايىر قىستاعى پارتيا ياچەيكاسىنىڭ شۋجيى ەرمۇرات: «باسىم كوپ ساندى قىستاق تۇرعىندارىنىڭ ويى جارقىن جولداسپەن ۇقساس، مالدارىن كووپەراتيۆتىڭ ءبىر تۇتاس باسقارۋىنا وتكىزىپ بەرىپ، اۋىر جۇكتەن جەڭىلدەپ، باسقا جۇمىس ىستەپ، كىرىس كوزىن مولايتۋ، قىستاعىمىزداعى 30 وتباسىنان، 1800 تۇياق قوي كووپەراتيۆكە  كىرگەن. اۋىلداستارىنىڭ زور سەنىمىن ارقالاعان مۇرات شينجياڭ بيشان مال شارۋاشىلىق سەرىكتەستىگىمەن كووپەراتيۆتىڭ قويىن بازار باعاسىنان جوعارى باعادا ساتىپ الۋ كەلىسىمىنە قول قويىسا، سونىمەن قاتار، 26 تۇياق اۆستراليا دورپەر قوشقارىن ەنگىزىپ، باسباي قويىمەن بۋدانداستىرىپ، قوي ءناسىلىن ساپالىلاندىردى» دەيدى مالشىلار مەن كووپەراتيۆتىڭ جاعدايىن ۇلكەن جاقتان ءتۇسىندىرىپ.
  
  ءيا، كووپەراتيۆتىڭ العاشقى توپتاعى جاساندى جولمەن ۇرىقتاندىرعان قويلارى بيىل 3-ايدان بەرى تولدەي باستاعان. كوزدىڭ جاۋىن الىپ، كوڭىلدى توعايتقان ىلعي ءبىر قاراباس اپپاق قوزىلاردىڭ سالماعى ءبىر اي ىشىندە ون نەشە كيلوگرامعا تاياۋ تارتقان.
   ۇعىسۋعا قاراعاندا، ءناسىلدى ءتولدىڭ جەتىلۋى جەرگىلىكتى قويدان تەز ءارى ەت مولشەرى جوعارى بولىپ، بازاردى يەلەۋگە، بازار قاجەتىن قاناعاتتاندىرۋعا مۇمكىندىگى وتە كۇشتى ەكەن. ەتىنىڭ باعاسى دا جەرگىلىكتى قويدان ءبىر دە ەكى يۋان جوعارى، تەك ەگىز قوزىدان عانا تولدەيتىن ءناسىلدى قويدىڭ ەندى ءبىر ايتاقالسىن ارتىقشىلىعى جىلىنا ەكى رەت ءتول الۋعا بولاتىنى، ونىڭ ۇستىنە ويداعىداي جەمدەپ، كۇتىم كۇيىن دۇرىستاپ باقسا، بازارعا سالاتىن قويلار 70 كيلوگرامعا دەيىن سالماق باسادى ەكەن. ارينە، بۇنداي ەرەكشەلىكتەر باعىمشىلىق كاسىبىنە جارقىن بولاشاقتىڭ باعدارىن سيلاعان.
  
  مۇراتتىڭ ويى بويىنشا بولعاندا، وسى بەتالىسىنان جازباسا، كووپەراتيۆتىڭ كولەمى جالعاستى ۇلعايىپ، مەجەمەن 3 جىلدا قولدا بار مال سانى 5000 تۇياققا جەتىپ، مالىن كووپەراتيۆكە تاپسىرعان مالشىلاردىڭ كىرىسى  ءتىپتى دە ارتاتىنى ءسوزسىز ەكەن. 

  شاۋەشەك قالالىق ورمان شارۋاشىلىعى مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا جايىر قىستاعىنا تۇسكەن قىزمەت اترەتىنىڭ باستىعى، قىستاق پارتيا ياچەيكاسىنىڭ ءبىرىنشى شۋجيى ۋاڭ جيانگو: «بۇدان كەيىن دە قىستاق ‹ەكى كوميتەتى› مەن قىزمەت اترەتىندەگىلەر قىستاق تۇرعىندارىنىڭ كووپەراتيۆكە كىرۋىنە بەلسەنە جەتەكشىلىك ەتىپ، شارۋاشىلىقتى شوعىرلى دامىتۋ جولىمەن ءجۇرىپ، ەڭبەككۇشتەردى ازات  ەتىپ، باسقا سالادا جۇمىستانۋىن ىلگەرىلەتىپ، قىستاق تۇرعىندارىنىڭ كىرىسىن ارتتىرىپ، تۇرمىس دەڭگەيىن ۇزدىكسىز جوعارىلاتۋعا قۇلشىنامىز» دەدى.


 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»