كوكتەۋلىكتە كوتەرىلدى قىزىل تۋ

سۋرەتتە: مالشىلار مەملەكەت تۋىن شىعارۋ راسىمىنە قاتىناسۋدا.

  
  ۇسىنىس ەتىلگەن ءتىلشى تاۋلە قۇماش ۇلى حابارلايدى. ۇزاق ۋاقىتتان بەرى شاعانتوعاي اۋدانىنداعى ءار ۇلت حالقى ءار دۇيسەنبى كۇنگى مەملەكەت تۋىن شىعارۋ سالتىنا بەلسەندى قاتىناسىپ، مەملەكەت ءانىن اسقاقتاتا شىرقاپ، پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسىپ، وتانشىلدىق سەزىمدەرىن ءار قىرىنان ايگىلەپ كەلەدى.
   
  وسىعان سايكەس، 4-ايدىڭ 15-كۇنى مەملەكەت حاۋىپسىزدىگى كۇنى بايلانىسىمەن شاعانتوعاي اۋدانىنىڭ ءارقايسى ەگىن، مال شارۋاشىلىق وڭىرلەرىندە جالپى بەتتىك مەملەكەت تۋىن شىعارۋ ءراسىمى وتكىزىلدى، جاڭاجەر اۋىلى اقتوبە مال شارۋاشىلىق قىستاعىنىڭ اقسارى كوكتەۋلىگىندە كوك اسپاندا جەلبىرەگەن مەملەكەت تۋى مالشىلاردىڭ باقىتتى تۇرمىسقا دەگەن سەنىمدەرىن ونان ارى بەكەمدەي ءتۇستى.
  
  جاڭاجەر اۋىلى اقتوبە مال شارۋاشىلىق قىستاعىنىڭ كادرى تولقىن قۋانىشباي ۇلى مەملەكەت حاۋىپسىزدىگى كۇنى بايلانىسىمەن، تۋ شىعارۋ سالتىنا قاتىناسقان مالشىلارعا  باتىل ءۇن قاتىپ، ايقىن پوزيتسيا ءبىلدىرىپ، ۇشقارىلىققا باتىل قارسى تۇرىپ، قوعام ورنىقتىلىعىنا زيان جەتكىزەتىن ءىس - ارەكەتتەر بايقالسا،قاتىستى ورىندارعا دەر كەزىندە مالىمدەۋ، ۇلتتار ىنتىماعىن قورعاپ، قوعامنىڭ ورنىقتىلىعى مەن جاراسىمدىلىعىن ساقتاپ، كورىكتى شاعانتوعاي قۇرۋعا  ۇلەس قوسۋ جونىنەن تالاپتار قويدى.
  
  ساقا پارتيا مۇشەسى ايتىكەن: «بۇگىن مەملەكەت حاۋىپسىزدىگى  كۇنى بايلانىسىمەن اۋىلداستارىممەن بىرگە مەملەكەت تۋىن شىعارۋ راسىمىنە قاتىناستىم، مەملەكەتتىڭ ءتيىمدى ساياساتىنىڭ ارقاسىندا جەرگىلىكتى ۇكىمەت وزىمە جانە وتاۋ شىعارعان ءۇش  ۇلىما وتىرىقتاندىرۋ تۇيىنىنەن ەڭسەلى بەيقۇت ءۇي جانە جىلى مال قورا سالىپ بەردى. ەكى ۇلىم شەكارا قورعاۋشى بولىپ جۇمىسقا ورنالاستى، پارتيا مەن ۇكىمەتكە العىسىم شەكسىز» دەدى.
   
  سەكەن داۋلەتقان ۇلى: «بۇگىن مەملەكەت تۋىن شىعارادى دەگەن سوڭ مالدى ەرتە قورادان ورگىزە سالىپ، 7 كيلومەتردەن جەتكەنىم وسى، نارت قىزىل تۋدىڭ كوك اسپاندا جەلبىرەۋى باقىتتى تۇرمىسقا دەگەن سەنىمىمىزدى بەكەمدەي ءتۇستى، بۇگىنگى باقىتتى تۇرمىسمىزدى قادىرلەۋىمىز كەرەك» دەدى.
 

 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»