ەەڭ جاڭا مازمۇندار
نازاريا ۇيرەنىپ،تەكسەرۋ-زەرتتەۋدى جەبەپ،حاۋىپسىز ءوندىرىستى
شينجياڭعا كومەكتەسۋ قىزمەتى مول جەمىس بەردى
«ونى تۋعان قارىنداسىمداي كورەمىن»
ساپالى ەمدەۋ قىزمەتكەرلەرىن باۋلىپ بەردى
انامنىڭ مەدالى
قابىلەت ادامگەرشىلىكتىڭ ساداعاسى
ەڭبەكشىلدىك دەگەنىمىز سۇلۋلىق
2018-جىلى 5-ايدىڭ 25-كۇنى
تارباعاتايعا تەرەڭ سۇيىسپەنشىلىك ورناتىپ، دامۋىن جەبەدى (4)
تارباعاتايعا تەرەڭ سۇيىسپەنشىلىك ورناتىپ، دامۋىن جەبەدى (3)
تارباعاتايعا تەرەڭ سۇيىسپەنشىلىك ورناتىپ، دامۋىن جەبەدى (2)
تارباعاتايعا تەرەڭ سۇيىسپەنشىلىك ورناتىپ، دامۋىن جەبەدى (1)
تارباعاتايعا تەرەڭ سۇيىسپەنشىلىك ورناتىپ، دامۋىن جەبەدى (6)
تارباعاتايعا تەرەڭ سۇيىسپەنشىلىك ورناتىپ، دامۋىن جەبەدى (5)
ىنتىماقتىڭ نەگىزىن بەكەمدەپ،ۇشقارىلىقتى باتىل تەجەپ،پارتيا 19-قۇرىلتايى رۋحىنىڭ جەتەكشىلىگىندە جاڭا جورىق باستايىق
شي جينپيڭنىڭ ەكولوگيالىق وركەنيەت يدەياسىن مۇقيات ۇيرەنىپ،دايەكتىلەندىرىپ،لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، كورىكتى شينجياڭ قۇرايىق
جۇمىرتقانى ساقتاي دا، تۇتىنا دا ءبىلىڭىز
سەيىلدەۋدە ەسكەرەتىن تۇيىندەر
زاڭ بىلىمدەرىنەن ۇگىت جۇرگىزدى
قىستاق تۇرعىندارىنا تاماشا ورتا جاراتتى
جايىلىم ەكولوگياسىن قورعاۋ سيلىق قوسىمشا قاراجاتى مالشىلاردىڭ شارۋاشىلىعىن شالقىتتى
لياۋنيڭ ولكەسىنەن كومەككە كەلگەن شيپاگەرلەر ايماعىمىزداعى ءار ۇلت جۇرتشىلىعىنىڭ اقاۋسىزدىق كورسەتكىشىن جوعارىلاتتى
كادرلار تۋىستارىمەن بىرگە اتا مەكەندى كورىكتەندىردى
2018-جىلى 5-ايدىڭ 24-كۇنى
ەگىمشىلىك پەن باعىمشىلىقتى ءوزارا ۇشتاستىرىپ، ەكونوميكالىق ونىمدىلىكتى ارتتىردى
قىزمەت وتەۋدەگى اۋەلگى ماقساتتى ۇمىتپاي، پارتيانىڭ قامقورلىعىن ەستە بەرىك ساقتايىق
«ءۇش ءتۇرلى كۇشپەن» باتىل كۇرەس جۇرگىزىپ، شينجياڭنىڭ جاراسىمدىلىعى مەن ورنىقتىلىعىن قورعايىق
كورىكتى اۋىل-قىستاق قۇرۋ قۇرىلىسىن جەبەدى
پارتيا 19- قۇرىلتايى رۋحىن دايەكتىلەندىردى
شينجياڭعا باعىتتامالى كومەكتەسۋ قاراجاتى بۇقارانىڭ باقىت كورسەتكىشىن جوعارىلاتتى

«قىزمەت اترەتى كوڭىلىمنىڭ كوكجيەگىن نۇرلاندىردى»

جولدانعان ۋاقىتى : 2018/4/20 11:30:31

بيىل جىگەرلەندىرۋ مەن اقىل-قابىلەت جاعىنان سۇيەمەلدەۋدى ءوزارا ۇشتاستىرۋ ارقىلى ءدوربىلجىن اۋدانى جاڭادان ارتقان 79 وتباسىنداعى 202 كەدەي حالىق سانىن جىل سوڭىنا دەيىن كەدەيلىكتەن ارىلتۋعا كەپىلدىك ەتپەكشى
  
    تىلشىلەرىمىز احات سانياز ۇلى، ليۋ پىڭ حابارلايدى. 4-ايدىڭ 18-كۇنى تۇرسىنبەك: « بۇرىن باعىمشىلىقپەن شۇعىلدانعاندا ىندەتتىڭ الدىن الۋ بىلىمدەرىن بىلمەگەندىكتەن، ءتولدىڭ قاتارعا قوسىلۋ سالىستىرماسى تومەن بولدى، قازىر قىزمەت اترەتىندەگىلەردىڭ كومەگىندە سۇرلەم باسۋ تەحنيكاسىن دا ۇيرەنىپ الدىم، بيىل ءتولدىڭ قاتارعا قوسىلۋ سالىستىرماسى بۇرىنعىدان ەسەلەپ ارتتى، قىزمەت اترەتى كوڭىلىمنىڭ كوكجيەگىن نۇرلاندىردى » دەدى قۋانىشىن باسا الماي.
64 جاستاعى تۇرسىنبەك ءدوربىلجىن اۋدانى ەمىل مال فەرماسى نۇرشاشتى باتىس قىستاعىنىڭ تۇرعىنى. بىلتىر قاتىناس شىرعالاڭىنان اياعىن مەرتىكتىرىپ العان، جۇبايى نۇرلاشتىڭ دا رەۆماتيزمدىك بۋىن قابىنۋى بار بولعاندىقتان، ەرلى-زايىپتى ەكەۋى بىردەي اۋىر جۇمىسقا شاماسى كەلمەي، ەرىكسىزدەن جەرىن ەلگە كوتەرتىپ، قولدا بار 50 تۇياق قويىن باعۋمەن كۇنەلتىپ كەلگەن ەدى.

  اۋداندىق مادەنيەت - دەنە تاربيە، راديو-كينو-تەلەۆيزيا مەكەمەسىنەن وسى قىستاققا تۇسكەن قىزمەت اترەتىنىڭ ءبىرىنشى شۋجيى، اترەت باستىعى دۇڭ حۇڭ: « مۇنداي حالدەن قۇتىلدىرۋ ءۇشىن، تۇرمىسىندا قيىنشىلىعى بار وتباسىنىڭ   كەدەيلىكتەن قۇتىلۋ سەنىمىن ءسوزسىز جوعارىلاتۋىمىز كەرەك » دەدى.

  بىلتىر جىل باسىنان بەرى قىستاقتاعى قىزمەت اترەتىنىڭ مۇشەلەرى ءوز قىزمەتىن تياناق ەتىپ، كەدەيلەردى سۇيەمەلدەۋدە جىگەرلەندىرۋ مەن اقىل-قابىلەت جاعىنان سۇيەمەلدەۋدى ءوزارا ۇشتاستىرىپ، ۇيىمداستىرۋ ءبولىمى تاراتقان اقىل-كەڭەس بەرۋ  قالتاسىنان پايدالانىپ، اۆتونوميالى رايوننىڭ حالىققا تيىمدىلىك جاساۋ ساياساتتارىن ءتۇسىندىرۋ قولدانباسى، عىلىمي جولمەن مال باعۋ، ەگىمشىلىك جۇمىسىن جۇرگىزۋ  بىلىمدەرى سياقتى ماتەريالداردى قىستاق تۇرعىندارىنىڭ ۇيىنە دەيىن جەتكىزىپ، بەتپە-بەت ءتۇسىندىرىپ، قىستاق تۇرعىندارىنىڭ توسىپ وتىرۋ، يەك ارتۋ جانە الاقان جايۋ يدەيالارىن جويۋىنا كومەكتەستى.

  وسىنداي الدىمەن جىگەردى جانىپ، وي-سانانى وزگەرتۋ ءادىسىنىڭ ارقاسىندا  تۇرمىسىندا قيىنشىلىعى بار جۇرتشىلىقتىڭ وزدىگىنەن كەدەيلىكتەن قۇتىلۋ جىگەرى مەن بەكىمى ارتا ءتۇستى.

  بيىل 58 جاسقا كەلگەن جاڭ ييىن قانتتى نەسەپ اۋرۋى، بەل ومىرتقا ارالىق تاباقشاسى تومپايىپ شىعۋ سياقتى ناۋقاستارعا شالدىققاندىقتان، وتباسىنداعى 4 جان تەك 40 مۋ جەرگە ەگىلگەن استىقپەن كۇنەلتىپ، قىستاقتاعى تومەن كىرىستى وتباسىنىڭ تيپتىك ۋاكىلىنە اينالعان ەدى.

  باقىت تەك تالپىنۋ ارقىلى كەلەتىندىگىن تۇسىنگەن جاڭ ييىننىڭ جۇبايى پۋ ۋيپيڭ: «كەدەيلىكتەن قۇتىلۋدا استە ساياساتقا سۇيەنىپ، بارعا قاناعاتتانۋعا بولمايتىن بولدى. بىلتىر وتباسىمىز تۇرعىن ءۇي سالۋ، استىق قوسىمشا قاراجاتى سياقتى كوپتەگەن جاقتاردان ۇكىمەتتىڭ تيىمدىلىگىنەن يگىلىكتەندى، بيىل جولداسىمنىڭ شيپاحاناعا جاتىپ ەمدەلۋ قاراجاتىنىڭ دا باسىم كوپ ءبولىمىن ەسەپتەن كوتەرتىپ الدىم، كوكتەمگى ءوندىرىس اياقتالعاننان كەيىن كونە قورا-جايىمىزدا باعىمشىلىقپەن شۇعىلدانىپ، اۋلا ەكونوميكاسىن دامىتپاقشىمىز » دەدى. قوس قولىنا سۇيەنىپ، جاقسى تۇرمىس كەشىرۋگە بەكىنگەن ولار ەكى ۇلىن قوسىمشا كاسىپپەن شۇعىلدانۋعا جۇمساعان.

  قىستاق پارتيا ياچەيكاسىنىڭ شۋجيى، قىستاق كوميتەتىنىڭ مەڭگەرۋشىسى لي سۇنجياڭنىڭ تانىستىرۋىنا نەگىزدەلگەندە، نۇرشاشتى قىستاعىندا 381 وتباسى، 941 جان سانى بار بولىپ، بىلتىر ياڭ ييىن مەن تۇرسىنبەك سياقتى تومەن كىرىستى وتباسىنان 17 وتباسى 33 جان سانى بار ەكەن. بيىل قىزمەت اترەتى جالعاستى ءتۇرلى ءادىس-شارالار قولدانىپ، تومەن كىرىستى وتباسىنىڭ اۋقاتتانۋعا بولعان بەلسەندىلىگىن ارتتىرىپ، « مەنى كەدەيلىكتەن ارىلتادى » دەيتىن  يدەيادان « كەدەيلىكتەن ارىلامىن »، « كەدەيلىكتەن ارىلۋ مەن ءۇشىن داڭق » دەيتىن يدەيا قالىپتاستىرۋىنا تۇرتكى بولعان.

  ءدوربىلجىن اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى گىڭ چۋانيۇڭ: « بۇل ءادىس ءدوربىلجىن اۋدانىنىڭ كەدەيلەردى دالمە-ءدال سۇيەمەلدەۋىنىڭ ءبىر مىسالى ءارى توڭىرەگىمىزدەگى اۋدان، قالالار ۇلگى الىپ وتىرعان تابىستى تاجىريبەمىز سانالادى. كەدەيلىكتەن قۇتىلدىرۋدان قامال الۋ جولعا قويىلعاننان بەرى ءدوربىلجىن اۋدانى رۋحتى سەرپىلتۋ، جىگەرلەندىرۋ جانە اقىل-قابىلەت جاعىنان سۇيەمەلدەۋدى ءتۇيىن ەتكەن كەدەيلەردى سۇيەمەلدەۋ  قىزمەتىن مۇقيات ۇيىمداستىرىپ جانە ورىستەتىپ، مادەني قيمىل الاڭدارى قۇرىلىسى، كاسىپتىك تەحنيكاعا تاربيەلەۋ سياقتى قيمىلداردى پارمەندى جۇرگىزىپ، جىگەرلەندىرۋ جانە اقىل-قابىلەت جاعىنان سۇيەمەلدەۋ ارقىلى كەدەي جۇرتشىلىقتىڭ سەنىمى، قوزعاۋشى كۇشى، كىرىسىن ارتتىرۋ قابىلەتى تومەن بولۋى جانە ‹ يەك ارتۋ ، الاقان جايۋ › ادەتىن قالىپتاستىرۋ سىندى رەال ماسەلەلەرىن تۇبىرىنەن وڭادى. 2017-جىلى اۋدانىمىزداعى 2087 كەدەي وتباسىنداعى8156 ادام، 9 كەدەي قىستاق كەدەيلىك قالپاعىن الىپ تاستاپ، كورىكتى اۋىل-قىستاق قۇرۋعا رۋحاني كۇش-قۋات ۇستەدى. بيىل اۋدانىمىزداعى جاڭادان ارتقان 79 وتباسىنداعى 202 كەدەي حالىق سانىن جىل سوڭىنا دەيىن كەدەيلىكتەن ارىلتۋعا كەپىلدىك ەتپەكشىمىز » دەدى.


 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»