ەەڭ جاڭا مازمۇندار
قۇلىستاي قويناۋى بەزگەلدەكتىڭ قۇت مەكەنىنە اينالدى
2018-جىلى 10-ايدىڭ 17-كۇنى 227-سان
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق كەدەيلەردى سۇيەمەلدەۋ- وركەندەتۋگە باسشىلىق ەتۋ گرۋپپاسى ءماجىلىسىن اشتى
حاۋىپسىز ءوندىرىس قىزمەتىن جاقسى ىستەدى
قالا تۇرعىندارىنا تازا دا جانعا جايلى ورتا جاراتتى
قاتىناس كولىكتەرىنىڭ قاتىستى كۋالىكتەرىنە تەكسەرۋ جۇرگىزدى
جاسىل، ورگانيكالى ونىمدەر شارۋالاردىڭ اۋقاتتانۋىنا جارقىن جول اشتى
كۇزگى جيىن-تەرىن مەزگىلىندەگى قاتىناس حاۋىپسىزدىگىنە كەپىلدىك ەتتى
ايماق كەدەيلەردى سۇيەمەلدەۋ سالاسىنا باقىلاۋ جۇرگىزۋ، ءتارتىپ اتقارۋ، جاۋاپكەرلىكتى قۋزاستىرۋ قىزمەتى جونىندەگى ءۇشىنشى رەتكى تاراۋلار بىرلەسكەن ءماجىلىسىن اشتى
ءدوربىلجىن اۋدانى باعىمشىلىق كاسىبىن زەردەلى باسقارۋدى الدىمەن اتقاردى
2018-جىلى 10-ايدىڭ 16-كۇنى 226-سان
2018-جىلى 10-ايدىڭ 15-كۇنى 225-سان
2018-جىلى 10-ايدىڭ 13-كۇنى 224-سان
2018-جىلى 10-ايدىڭ 12-كۇنى 223-سان
ساحارانىڭ كوز تارتقان كۇزگى كورىنىسى
جەمىس-جيدەك تەرۋدىڭ قىزىعىنا باتتى
شارۋالاردىڭ جيىن-تەرىن جۇمىسىنا كومەكتەستى
ىلۋدە ءبىر كەزدەسەتىن قىزعىلت بۇلت ءدام وزەنى ءوڭىرىن وزگەشە تۇسكە بولەدى
اۋىل ساياحاتى بۇقارانى اۋقاتتانۋعا باستادى
حاۋىپسىز ءوندىرىس جۇرگىزۋ جونىندە ۇگىت جۇرگىزدى
اۋىل شارۋاشىلىق ماشينالارىنىڭ وسىزاماندانۋى اۋىل شارۋاشىلىعىنىڭ دامۋىن ىلگەرىلەتتى
قىستاق تۇرعىندارى تازا قۇبىر سۋىنان پايدالانا الاتىن بولدى
اۆتونوميالى رايوننىڭ تەكسەرۋ گرۋپپاسى ايماعىمىزدا جەرگىلىكتى ۇكىمەت سيپاتىندىق قارىز حاۋىپ-قاتەرىنەن ساقتانۋ جانە ونى ىدىراتۋ قىزمەتىنە قۋزاۋ-تەكسەرۋ جۇرگىزدى
بۇقارانىڭ قىستىق جەم-ءشوپ تاسۋىنا كومەكتەستى
جۇرتشىلىققا تەلەگراف الدامشىلىعىنان ساقتانۋ ۇگىت قيمىلىن ورىستەتتى
بۇقاراعا ۇگىت قيمىلىن جۇرگىزدى
ماشينامەن ماقتا جيناۋدىڭ جاڭا داۋىرىنە قادام تاستادى
ءبىرىنشى شەپتەگى قۇرىلىس جۇرگىزۋشىلەر قىزمەت ورنىندا تاباندى بولدى
ديقانداردىڭ كىرىسىن ارتتىرۋىنا كومەكتەستى

جول جوندەلىپ، جۇرت كوڭىلى ورنىقتى

جولدانعان ۋاقىتى : 2018/5/1 11:54:46

ەرىكتى ءتىلشى لي گوجيڭ، ءتىلشىمىز ۋاڭ حۇڭ
 
    4-ايدىڭ 24 - كۇنى  تاڭەرتەڭ ءدوربىلجىن اۋدانى ءۇشقاراسۋ قالاشىعىنداعى جاتاقتى مەكتەپكە كەتىپ بارا جاتقان قاراعاش قىستاعىنىڭ 3 - جىلدىق وقۋشىسى اڭسار: «جولدى تاسقىن جىرىپ كەتكەننەن كەيىن مەكتەپكە بارۋ ءۇشىن، الاڭ -ەلەڭنەن تۇرىپ، 20 نەشە كيلومەتر ايلانبا جول باساتىنبىز. جول جوندەلگەننەن كەيىن 5 تە 6 مينۋتتا جەتىپ الاتىن بولدىق، قىزمەت اترەتىندەگى اعايلارعا راقىمەت ايتامىز» دەدى.
 
  جول اۋىزعا الىنعاندا قىستاق تۇرعىنى مادەنگۇل: «بۇرىن تاسقىن جۇرگەندە 10 نەشە كۇن توك توقتايتىن. وسى رەتكى تاسقىن سۋ ءتىپتى كۇشتى بولىپ، جول بۇزىلىپ، قالاشىققا قاتىناۋىمىز قيىنعا سوقتى» دەدى.
4-ايدىڭ 10- كۇنى كەشتە قاراعاش قىستاعىنان قالاشىققا قاتىنايتىن جول اشىلدى.
 
  تاسقىن جۇرگەن كۇنى قىستاقتىڭ اماندىق قورعاۋ مەڭگەرۋشىسى عالىم قىستاق پارتيا ياچەيكاسىنىڭ شۋجيى سەرىككە كەلىپ: «تاسقىن وتە كۇشتى بولىپتى، قالاشىققا قاتىنايتىن جولدىڭ ءۇش جەرىن جىرىپ كەتىپتى» دەپ مالىمەت بەردى.
 قاراعاش قىستاعى ءۇشقاراسۋ قالاشىعىنىڭ ورتالىعىنان ەكى كيلومەتر قاشىقتىققا ورنالاسقان. جىلدا تاسقىن ءجۇرىپ، جول ازدى - كوپتى بۇزىلعانىمەن، تراكتورمەن قالاشىققا قاتىناي تۇرۋعا كەلە بەرەتىن.
 
  2017-جىلى تاسقىن نەداۋىر كۇشتى بولىپ، جولدىڭ ءبىر بولەگى جىرىلعانىمەن، جارىم ساعات ىشىندە جوندەلىپ بولعان. وسى جولى ءىرى تۇرپاتتى ماشينالار بولماسا، جولدى جوندەۋ قيىن ەكەنىن اڭعارعان سەرىك ابىرجىپ وتىرعاندا  ايماقتىق بولىمشە پروكۋراتۋرانىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن قىزمەت اترەتىنىڭ باستىعى مىڭ ليڭگاڭ جەتىپ كەلىپ: «تاسقىن ءجۇرىپ، جولدى جىرىپ كەتىپتى، بارىپ جاعدايدى بىلەيىك» دەدى.

  تاسقىن ءۇش توك باعاناسىن دا اعىزىپ كەتىپتى. قىستاق بويىنشا توك، سۋ، جىلۋ توقتاپ، تۇرعىنداردىڭ تۇرمىسىنا اۋىر قولايسىزدىق تۋىلعان.

   مىڭ ليڭگاڭ دەرەۋ ءۇشقاراسۋ قالاشىعىنىڭ توكپەن قامداۋ پۋنكتىنە تەلەفون جالعاپ، تەز ارادا توك جولىن جوندەۋدى تالاپ ەتتى.
 
  جولدى جوندەۋگە ءىرى تۇرپاتتى ماشينالار كەرەك ەكەنىن توپشىلاعان مىڭ ليڭگاڭنىڭ ەسىنە ءۇشقاراسۋ قالاشىعىنداعى حالىق باسقارۋىنداعى كاسىپورىننىڭ جاۋاپتىسى ساۋ چاڭجۇڭ تۇسە كەتتى. ىلگەرىدە وسى ساۋ چاڭجۇڭ قىستاقتاعى تۇرمىسىندا قيىنشىلىعى بار وتباسىلارىنىڭ زەينەتىن قامسىزداندىرۋ قاراجاتىن ءبىر جولدا تاپسىرىپ، قىستاقتىڭ زەينەتتى قامسىزداندىرۋدى تولىق كومكەرۋىنە كومەكتەسكەن ەدى.

  «ماسەلە جوق، بىرنەشە دوسىمدا ءىرى تۇرپاتتى ماشينالار بار، سولارمەن حابارلاسايىن، جولدارىڭىزدى اقىسىز جوندەپ بەرسىن» دەدى تەلەفون العان ساۋ چاڭجۇڭ.

   سول كۇنى ءۇشقاراسۋ قالاشىعىنىڭ توكپەن قامداۋ بولىمشەسى 50 نەشە ادام شىعارىپ، توك جولىن جوندەۋگە كىرىستى. قىستاق پەن قالاشىق ورتالىعىنىڭ توك جولىن قالپىنا كەلتىرۋ قيىنعا سوققاندىقتان، توكپەن قامداۋ بولىمشەسى 20 باعانا تۇرعىزىپ، 5 كيلومەتر توك جولىن تارتۋ ارقىلى كورشىلەس اۋىلدىڭ لەنياسىنان ۋاقىتشا توك جەتكىزىپ بەردى.

   وسىمەن ءبىر  ۋاقىتتا ءىرى تۇرپاتتى ماشينالارىن دا جول جوندەۋ جۇمىسىنا قوسادى.

   ءۇش كۇن ىشىندە جول قالپىنا كەلىپ، توك تە جەتكىزىلدى.

  قۋانىشىن باسا الماعان سەرىك مىڭ ليڭگاڭعا: «سىزدەرگە دەگەن راقىمەتىمدى تىلمەن جەتكىزە الماي تۇرمىن!» دەي بەردى.

 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»