گۇلبانيا باعىدات قىزى
تىلەكتىڭ دوسى قاتىناس شىرعالاڭىن تۋدىرۋ قىلمىس كۇمانىمەن قوعام حاۋىپسىزدىگى ورگانى تەكسەرىپ ءبىر جاقتى ەتكەنشە ۇيىنە كەپىلگە بەرمەكشى بولادى. دوسى تىلەكتەن وزىنە كەپىل بولۋىن وتىنەدى. ەندەشە، قىلمىس كۇماندىسىن كەپىلگە الۋشىنىڭ قانداي بورىشتارى بولادى؟
« جۇڭحۋا حالىق رەسپۋبليكاسىنىڭ قىلمىستىق ىستەر ارىز - شاعىم زاڭىنىڭ» 66- تارماعىندا: « حالىق سوتى مەكەمەسى، حالىق پروكۋراتۋراسى جانە قوعام حاۋىپسىزدىگى ورگانى قىلمىس كۇماندىسىن، ايىپكەردى كەپىلگە بەرۋدى ۇيعارعاندا، قىلمىس كۇماندىسىن، ايىپكەردى كەپىلگە الۋشى كورسەتۋگە نەمەسە كەپىل اقشا تاپسىرۋعا بۇيىرادى» دەپ بەلگىلەنگەن.
« قوعام حاۋىپسىزدىگى ورگانىنىڭ قىلمىستىق ىستەر دەلولارىن ءبىر جاقتى ەتۋ ءتارتىپ بەلگىلەمەسىنىڭ» 82 -، 97 - تارماعىندا: « كەپىلگە الۋشىنىڭ تومەندەگىدەي بورىشتارى بولادى: كەپىلگە الىنۋشىنىڭ كەپىلگە بەرىلگەن مەزگىلدەگى زاڭدا بەلگىلەنگەن بورىشىن وتەۋ احۋالىن باقىلاۋ؛ كەپىلگە الۋشى كەپىلدىك حاتىن جازىپ، قول قويىپ، بارماعىن باسۋى كەرەك؛ كەپىلگە الىنۋشىنىڭ زاڭعا قايشىلىق جاساۋ ارەكەتىنىڭ تۋىلۋ مۇمكىندىگىن نەمەسە تۋىلعاندىعىن بايقاعاندا اتقارۋشى ورگانعا دەر كەزىندە مالىمدەۋ؛ كەپىلگە الىنۋشى بويسىنۋعا ءتيىستى بەلگىلەمەگە قايشىلىق جاساپ، كەپىلگە الۋشى كەپىل بولۋ بورىشىن وتەمەي، تەكسەرىپ انىقتالسا، اۋدان دارەجەلىدەن جوعارى قوعام حاۋىپسىزدىگى ورگانىنىڭ جاۋاپتىسىنىڭ بەكىتۋىمەن كەپىلگە الۋشىعا مىڭ يۋاننان جوعارى، 20 مىڭ يۋاننان تومەن ايىپ سالىنادى، قىلمىس قالىپتاستىرعاندارىنىڭ زاڭ بويىنشا قىلمىستىق ىستەر جاۋاپكەرلىگى قۋزاستىرىلادى» دەپ بەلگىلەنگەن.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»