ءتىلشىمىز ياۋ ميڭ حابارلايدى. 4 - ايدىڭ 23 - كۇنىنەن 24 - كۇنىنە دەيىن ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات جارمۇحامبەت ۇلى شيحۋ قالاسىنىڭ كەزەكتەگى ءتۇيىندى قىزمەتتەرىنە تەكسەرۋ-زەرتتەۋ جۇرگىزدى.
مۇقيات جارمۇحامبەت ۇلى ىلگەرىندى - كەيىندى شيحۋ حيميا ونەركاسىپ باقشا رايونىنىڭ باتىس رايونى، پاۋتايلياڭ ەكولوگيالىق ورمان باقشاسى، الەۋمەتتىك يگىلىك ورنى، 7 - ورتا مەكتەپ، حۋاڭگۇڭ قالاشىعى، دۋتاي اۋىلى، تاس وتكەل اۋىلى قاتارلى جەرلەردە تەكسەرۋ - زەرتتەۋ جۇرگىزدى.
شيحۋ حيميا ونەركاسىپ باقشا رايونىنىڭ باتىس رايونى - ماجىك لاس سۋدى ءبىر جايلى ەتۋ زاۆودىنىڭ قۇرىلىس جاعدايىن، شيحۋ قالاسىنىڭ پاۋتايلياڭ ەكولوگيالىق ورمان باقشاسىنىڭ قۇرىلىس جاعدايىن ۇعىسقاننان كەيىن مۇقيات جارمۇحامبەت ۇلى مىنالاردى اتاپ كورسەتتى: قوعام ورنىقتىلىعى مەن «3 ۇلكەن قامال الۋ شايقاسىن» دايەكتىلەندىرۋ، تياناقتاندىرۋدى تىعىز توڭىرەكتەي وتىرىپ، 2017 - جىلعى ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ تارباعاتايدىڭ قورشاعان ورتانى قورعاۋدى باقىلاۋ - تەكسەرۋىن وراي ەتىپ، ەكولوگيالىق ورتانى وڭاۋدى مىقتى يگەرىپ، قورشاعان ورتانى قورعاۋ قىزمەتىن جاقسى ىستەپ، «جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىكتەنەتىن دامۋ» سىندى دامۋ تانىمىن، ءسوزسىز، بەرىك ورناتىپ جانە شىنايى دايەكتىلەندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ، سوڭعى ۇرپاقتارعا ءمولدىر سۋ، جاسىل ورتا قالدىرۋىمىز كەرەك.
مۇقيات جارمۇحامبەت ۇلى ءالسىز توپتاردىڭ تۇرمىس جاعدايىنا ايرىقشا كوڭىل ءبولدى. الەۋمەتتىك يگىلىك ورنى مەن 7 - ورتا مەكتەپتە مۇقيات جارمۇحامبەت ۇلى يگىلىك ورنىنداعى قارتتار مەن جەتىم بالالاردىڭ تۇرمىس جاعدايىن ۇعىستى ءارى 7 - ورتا مەكتەپتە وقىپ جاتقان 3 جەتىم بالاعا حال سۇراۋ قاراجاتىن بەردى.
وسى كەز ءدال كوكتەمگى جەر جىرتۋ، اعاش ەگۋ، ءتول الۋدىڭ شەشۋشى كەزەڭى، حۋاڭگۇڭ قالاشىعىندا، دۋتاي اۋىلىندا، تاس وتكەل اۋىلىندا مۇقيات جارمۇحامبەت ۇلى كەزەكتەگى كوكتەمگى ەگىس ءوندىرىسى، جەر ۇقىعىن تۇراقتاندىرىپ كۋالىگىن تاراتۋ، اعاش ەگىپ، ورمان وتىرعىزۋ سياقتى جاعدايلاردى ۇعىستى.
تەكسەرۋ - زەرتتەۋ كەزىندە مۇقيات جارمۇحامبەت ۇلى شيحۋ قالاسىنىڭ قىزمەت دوكلاتىن تىڭدادى. مۇقيات جارمۇحامبەت ۇلى مىنالاردى اتاپ كورسەتتى: شيحۋ قالاسى ايماعىمىز ەكونوميكاسى مەن قوعام دامۋىنىڭ كوشباسشىسى رەتىندە اۆتونوميالى رايوندىق پارتكومنىڭ، ايماقتىق پارتكومنىڭ «باس نىسانانى تياناقتاندىرۋ، كەشەندى شارالاردى جاقسى جۇرگىزۋ» جونىندەگى جەلىلەس ءتۇيىندى قىزمەت تالاپتارى بويىنشا، كوز الداعى جانە مۇنان بىلايعى ءتۇرلى قىزمەتتى ناقتى تياناقتاندىرىپ، «3 ۇلكەن قامال الۋ شايقاسىنىڭ» جەڭىسىنە باتىل قول جەتكىزۋى كەرەك.
اكىمشىلىك مەكەمەسى ءىس كەڭسەسىنىڭ، شيحۋ قالاسىنىڭ نەگىزگى باسشىلارى تەكسەرۋ - زەرتتەۋدە بىرگە بولدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»