ەەڭ جاڭا مازمۇندار
2018-جىلى 8-ايدىڭ 15-كۇنى 181-سان
شينجياڭعا دەگەن سۇيىسپەنشىلىكتەرى تەرەڭدەي ءتۇستى
بۇرحان تاۋىنا كەلگەن ساياحاتشىلار مولايدى
ايماقتىق پارتكوم 8-رەتكى ارالاپ تەكسەرۋ قىزمەتىنە جۇمىلدىرۋ، ورنالاستىرۋ جاساۋ ءماجىلىسىن اشتى
كوكونىس ەگىپ، كىرىستەرىن ارتتى
شاپپالىقتىڭ ءشوبىن شابۋ جۇمىسى باستالدى
بۇقارانىڭ دەنە شىنىقتىرۋ بەلسەندىلىگىن جوعارىلاتتى
مول ءونىم شاتتىعى مەرەكەسى تويلاندى
جۇرت كوڭىلىنەن ورىن الىپ، بۇقارعا تاماشا اسەر قالدىردى
جارقىرايدى التىن كۇن اسپانىڭنان
جاڭا ءداۋىر جاڭا نۇر
شۋاق بولعان مەيىرى
شۋە بين شاۋەشەك قالاسىندا تەكسەرۋ-زەرتتەۋ جۇرگىزدى
مەملەكەتتىك كەڭەستىڭ زور كولەمدە باقىلاۋ-تەكسەرۋىنىڭ اۆتونوميالى رايوندىق باقىلاۋ-تەكسەرۋ گرۋپپاسى ايماعىمىزدا ناقتىلى ورىندارعا بارىپ باقىلاۋ-تەكسەرۋ جۇرگىزدى
2018-جىلى 8-ايدىڭ 14-كۇنى 180-سان
شينجياڭعا باعىتتامالى كومەكتەسۋ حالىقتى يگىلىككە كەنەلدىردى
2018-جىلى 8-ايدىڭ 13-كۇنى 179-سان
تابىسكەر ازامات تاسقىن
2018-جىلى 8-ايدىڭ 11-كۇنى 178-سان
كوپتىڭ القاۋىنا بولەنگەن قىزمەت اترەتىنىڭ باستىعى
قارامايلى-شاۋەشەك تەمىر جولى بويىنداعى توك جولدارىن كوشىرۋ-وزگەرتۋ ينجەنەرياسى 8-ايدا تولىق اياقتايدى
شارتاراپ مول ءونىم شاتتىعىنا شومدى
بولاشاققا جول اشقان اقكوڭىلدىلىك
قىزمەت اترەتىندەگىلەر اسكەريلەر وتباسىنان حال سۇرادى
قىزمەت اترەتى قىستاق تۇرعىندارىن اۋقاتتانۋعا باستادى
«اتتى ەمدەۋ اترەتى» تاۋلى رايونداعى مالشىلارعا قىزمەت وتەدى
ءۇش كەزەك ايتىس مۇراگەرلەرىن تاربيەلەدى
ستۋدەنتتەردىڭ جازدىق كانيكۋل تۇرمىسىن بايىتتى
حاۋىپسىز قاتىناس ورتاسىن جاراتۋعا كۇش سالدى
شەكارا وڭىرگە تەرەڭ سۇيىسپەنشىلىك ورناتىپ، سەلبەسە ىستەپ، ۇلگى تىكتەدى

گازەت-جۋرنال، كىتاپ وقۋمەن جان سارايىم اشىلعان

جولدانعان ۋاقىتى : 2018/5/3 18:11:14

كامالبەك بوقان ۇلى

  مەن بالا كەزىمنەن كوزىمە كورىنگەن كىتاپ، گازەت-جۋرنالداردى قالايدا قولىما تيگىزىپ وقۋدى باستاۋىشتىڭ جوعارى جىلدىعىندا وقىپ جۇرگەندە-اق ادەتىمە اينالدىرعان ەدىم. ونداعى وقيتىن گازەت-جۋرنال،كىتاپتار «شينجياڭ گازەتى»، «تارباعاتاي گازەتى»، «شينجياڭ ادەبيەت-كوركەمونەرى»، «مىڭ ءبىر ءتۇن»، «سۋ بويىندا»، «قالىڭ ورمان قارلى دالا»،«قىزىل ساراي ءتۇسى»، «جاستىق جىرى»، «ارايلى اسپان» قاتارلى كىتاپتاردى ساپىرىلىستىرىپ وقي بەرەتىنمىن. ال، قىزمەتكە شىققاننان كەيىن ءار كۇنى شينجياڭ ۋاقىتى ساعات 10 نان كەيىن گازەت وقيتىن ادەتتى قالىپتاستىردىم. تىلشىلىكپەن اۋىل-قىستاقتاردا اسا قاربالاس جۇرگەن كۇندەرىمدە گازەت كورۋگە مۇمكىندىك بولماي، جاعداي جار بەرمەي كەتەتىن كۇندەر دە كوپ كەزىگەتىن. قىسقاسى، ءبىر كۇن گازەت كورمەسەم ءبىر قىمباتتى نارسەم ۇمىتىلىپ قالعانداي، تابەتىم تاماققا دا تارتپايتىن، قاباعىم انشا اشىلىپ كەتپەيتىن، ءبىر كۇنىم بەكەر وتكەندەي كۇي كەشەتىنمىن. مىنە، مەنىڭ گازەت-جۋرنال، كىتاپ وقۋعا كەلگەندە ەرەكشە وتتاي ىستىق ماحابباتىمنىڭ، سۇيىسپەنشىلىگىمنىڭ سونشالىقتى تەرەڭدە جاتقاندىعىن ايعاقتايدى. اباي  اتامىز «ارتىق عىلىم كىتاپتا، ەرىنبەي وقىپ كورۋگە» دەسە، «بىلىمگە قۇمارتىپ، كىتاپتى بۇكىل جان دۇنيەڭمەن ءسۇي، ول سەنىڭ ەڭ جاقسى دوسىڭ عانا ەمەس، ءومىرىڭنىڭ اقىرىنا دەيىنگى سەنىمدى سەرىگىڭ دە» دەيدى م. شولوحوۆ.
 
  ءيا، كىتاپ وقۋدى ادەتىنە اينالدىرعان ادامنىڭ جان دۇنيەسى جاڭارىپ، جاساڭعىراۋدان ءبىر جالىقپايدى. قىزىقتى دا مازمۇنى باي، كوركەمدىك ورەسى جوعارى، ەستەن قالعىسىز ەستەتيكالىق ءلاززات باعىشتايتىن كىتاپ وقىعان ادامنىڭ جۇرەگى جىلىنىپ، كوڭىل كۇيى شالقىپ، كوز اياسى كەڭەيىپ، شۇڭەتتى ويلارى شەكسىز الەم اياسىندا اسپانداي بەرەدى.
 
  كىتاپ وقۋ جىگەرىڭدى جانىپ، مىناۋ زىمىران زامانعا دەگەن تۇسىنىگىڭدى  تەرەڭدەتەدى. كىتاپ وقۋ وقىعاندا دا تاڭداپ، تالعامپازدىقپەن كىتاپ وقۋ، وسىناۋ تورتكۇل دۇنيەگە بولعان تانىمىڭىزدى تارازىدان وتكىزىپ، دۇنيەگە تۋرا كوزقاراس قالىپتاستىرا الاسىز. وسىلايشا، ءبىلىمدى ادام رەتىندە ءوز كاسىبىڭىزدەن جاڭالىق اشۋعا، تابىس كوزىنەن كورىنۋگە جەبەي تۇسەدى.
 
  كىتاپ وقۋ قاشاندا ادامدى ىزگىلىككە، سۇيىسپەنشىلىككە، ءمورالدىلىققا، قايسارلىلىققا، تاباندىلىققا، مۇراتتى دا ارمانى اسقاق ادام بولۋعا ىنتالاندىرىپ، جاراسىمدى قوعامىمىزعا جات اشكوزدىك پەن سۇرقيالىقتان، توعىشارلىق پەن توپاستىقتان، ادىلەتسىزدىك پەن جاۋىزدىقتان جيرەندىرىپ، شىنايى، كىرشىكسىز ادام بولۋعا باۋلىپ وتىرادى.
 
  كۇنىنە كىتاپ وقۋعا از دا بولسا ۋاقىت شىعارۋدى ادەتىنە اينالدىرعان ادامنىڭ كىتاپ وقىعان سايىن كوڭىل اسپانى اشىلا، نۇرلانا تۇسەدى. كەيىن جۇڭگونىڭ ايگىلى جازۋشىسى جاڭ رۇڭنىڭ «كوكبورى» رومانىن وقىپ، ونداعى تابيعات پەن ادام اراسىنداعى، تابيعات پەن حايۋاناتتار اراسىنداعى قاتىناستى، جىرتقىش حايۋاناتتار مەن ادامدار اراسىنداعى بايلانىستى، ەكولوگيالىق ورتانىڭ ءوز تەپە-تەڭدىگىن ساقتاۋداي جاراتىلىستىق زاڭدىلىعىن ءتۇسىندىم. دۇڭ پونىڭ «بامبۋك تاياق، ءشوپ شاقاي، ارعىماق تا وعان جەتپەيدى، جامىلعانىم ءشوپ سۋلىق، جاۋىن-شاشىن وتپەيدى» دەيتىن سوزىنە تامسانىپ، دارقان ەركىندىكتى ءبىلدىم.
 
  كىتاپ وقۋ ارقىلى بايىرعى دانىشپاندارىمىز بەن عۇلامالاردان اقىل-كەڭەس العانداي، كوڭىلدەگى كۇرمەۋى كوپ  تۇيىنشەگىڭ شەشىلگەندەي، ساناڭدى سارساڭ ەتكەن بۇلىڭعىر تۇماننان ايىققانداي، تار ءورىستى سوقپاقتان داڭعىل جول تاپقانداي، تۇپ-تۇنىق،كەڭ الەمگە شەرۋ تارتاسىڭ.

  كىتاپ وقۋ تۋرالى ويلارىما، ماقالانىڭ مازمۇنىنا بايلانىستى مىناداي ءبىر ەرەكشە جايدى دا ايتا كەتەيىن.
 
  بيىل 3-ايدىڭ 21-كۇنى «حالىق گازەتىندە» «ءادىل تارباعاتايدىڭ ءتىرى ارحيۆىنە اينالعان ادام» دەگەن ماقالا جاريالانىپ، شاۋەشەك قالاسىندا، ءتىپتى، شينجياڭ بويىنشا ۇلكەن ءدۇمپۋ تۋدىردى. ىلە-شالا 4-ايدىڭ 14-كۇنى «شينجياڭ گازەتىندە» «ءورشىل رۋح، وشپەس مۇعجيزا» دەگەن ماقالام جاريالاندى. وسى ۇردىستە ءبىز 4-ايدىڭ 23-كۇنى الەمدىك كىتاپ وقۋ كۇنى بايلانىسىمەن ءادىلدىڭ «شاۋەشەك قالاسى جىبەك جولى شەكارا ساۋدا مۇراجايىنىڭ» جاڭادان اشىلعاندىعىنان حابار تاۋىپ، قالىڭ جۇرت سەڭدەي اعىلىپ، مۇراجايدى كوزدەن كەشىردىك. مىنە، بۇل - ءادىل ءابدىراحىمان ۇلىنىڭ قاجىماي-تالماي قۇلشىنۋىنىڭ ارقاسىندا بارلىققا كەلگەن مۇراجايى ەدى.
 
  ءادىلدىڭ مۇراجايىنىڭ اشىلۋى ايتۋعا وڭاي بولعانىمەن،ادىلدەي اق قاعازبەن قارا شاشىن مەزگىلسىز اعارتقان ماشاقاتتى ەڭبەكتى ۇزدىكسىز جالعاستىرۋ ونداي  وڭاي ءىس ەمەس ەدى، ونىڭ كۇمىستەي اعارعان شاشى سونىڭ كۋاسى، قىرىق جىلدان بەرى ايلىق ەڭبەكاقىسىنىڭ ٪10 تىن ىركىپ، ءار ءتۇرلى گازەت-جۋرنالعا جازىلعان اقشاسىنىڭ ءوزى 300 مىڭ يۋاننان اسقان. كىتاپ، گازەت-جۋرنالدارىنىڭ ءبىلىم مازمۇنى 100 تۇرگە، ءتىلى 10 تۇرگە بولىنەتىن بۇل مۇراجايدا 30 مىڭ پارشادان استام كىتاپ، گازەت-جۋرنال بار ەكەن. مۇنىڭ ىشىندە،گازەت ءتۇرى 300 دەن اسادى. مىنە، وسىنداي ۇيىنە باس ارتىق، دۇنيە، مال-مۇلىك جيناماي، تەك قانا كىتاپ جينايتىن اسىل جانداردىڭ اسىل قاسيەتتەرىنە تاڭداي  قاعىپ، تامسانباي، ءتانتى بولماي تۇرا المايسىز. ىلۋدە ءبىر كەزىگە بەرمەيتىن وسىنداي ارتىنا جاقۇتتاي جارقىراعان، وشپەس مۇرا قالدىرعان مۇعجيزالار ءبىز ءۇشىن ماقتانارلىق ءجايت. ال، مۇنىڭ كەرىسىنشە كىتاپحاناعا ءبىر رەت باسىن سۇعىپ كورمەگەن، ءبىر كىتاپتى دا، ءبىر جۋرنالدىڭ دا بەتىن اشىپ، ساتىپ الۋعا اقشاسىن شىعىنسىناتىن ادامدارعا نە دەيمىز؟ ولارعا وسى ءسوزىمىز قۇلاعىنىڭ تۇبىنەن شىققان تاۋ جاڭعىرىعىنداي ەستىلسە ەكەن.
 
  كىتاپ وقۋ تۋرالى ءبىر مۇعاليمامنىڭ جۇرەككە جىلى تيەتىن مىناداي ءبىر ايتقان ءسوزى ەسىمدە قالىپتى. كەيبىرەۋلەر ماعان: «قىزدار قانشا جىل وقىپ، قانشا كىتاپ وقىسا دا، تۇبىندە ەل قاتارلى عانا قىزمەت ىستەپ، وتباسىن قۇرىپ، انا اتانىپ، وت باسى، وشاق قاسىنان شىعا المايدى، بالالارىنا قامقور بولۋدان اسا المايدى ەمەس پە، ولار نەسىنە سونشا قينالىپ وقيدى ەكەن؟» دەپ قۇلاعىما تۇرپىدەي تيەتىن سۇراۋلى ءسوز تاستادى. مەنىڭشە، ءبىزدىڭ تاباندىلىقپەن وقۋدى جالعاستىرۋىمىز ۇقساس ورتادا ۇقساماعان رۋحاني الەمىمىزدى قالىپتاستىرۋ ءۇشىن ەكەنى انىق. اتاپ ايتقاندا، وتباسىمىز باسقالارمەن ۇقساس بولعانىمەن، ءبىراق ولارمەن جان دۇنيەمىز ۇقسامايدى، ۇرپاقتارىمىز باسقالارمەن ۇقساس بولعانىمەن،ءبىراق ولاردىڭ وتباسىلىق، اتا-انا تاربيەسى دە ۇقسامايدى.
 
  مىناۋ رەفورما داۋىرىندە، وسىناۋ ءومىر ساپارىندا ەڭ تاماشا قاسيەت كىتاپ وقۋ.
 
  دەيتۇرعانمەن، بۇگىنگى ەلەكترون زامانىندا راديو، تەلەۆيزيا، كومپيۋتەر، ءۇنحات، قولفون سياقتى وزىق اقپارات  مەديالارىندا الەمنىڭ ءار شالعايداعى سان الۋان جاڭالىقتارى، عىلىم-تەحنيكانىڭ وزىق تاپقىرلىقتارى، كوركەم ادەبيەتتىڭ ءار ءتۇرلى جانرلارى دا جاريالانىپ جاتقاندىعى دا شىندىق. نايزاعايداي ءبىر جارق ەتىپ وتە شىعاتىن مۇنداي جاڭالىقتار ايرىلماس دوس - كىتاپتىڭ ورنىن ماڭگى باسا المايدى. سوندىقتان جاستاردىڭ كىتاپ وقۋعا كوبىرەك ۋاقىت ءبولۋىن ءۇمىت ەتەمىن!


  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مىسالى: «تارباعاتاي اقپارات تورابىنان الىندى»