ۇسىنىس ەتىلگەن ءتىلشى ساۋلە كەنجەبەك قىزى حابارلايدى. 5 - ايدىڭ 4 - كۇنى ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسى بەيجيڭدەگى حالىق سارايىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى. باس شۋجي شي جينپيڭنىڭ سويلەگەن ماڭىزدى ءسوزى اۋدانىمىزداعى ءار ۇلت كادر - جۇرتشىلىعى اراسىندا كۇشتى اڭىس قوزعادى.
ساۋان اۋدانى سانداۋحىزى قالاشىعى الاڭ جولى الەۋمەتتىك اۋماعىنىڭ تۇرعىندارى، الەۋمەتتىك اۋماق كادرلارى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا الەۋمەتتىك اۋماققا تۇسكەن قىزمەت اترەتىنىڭ مۇشەلەرى تەلەۆيزوردا ەسكە الۋ جينالىسىنىڭ ناقتىلى جاعدايىن كورىپ، تىڭداۋ ارقىلى باس شۋجي شي جينپيڭنىڭ سويلەگەن ماڭىزدى سوزىنەن ەرەكشە اسەرلەندى.
كوپشىلىك ءبىر اۋىزدان «ماركسيزم، لەنينيزمدى اناعۇرلىم سانالى، اناعۇرلىم قۇلشىنا ۇيرەنىپ، ماۋ زىدۇڭ يدەياسىن، دىڭ شياۋپيڭ نازارياسىن، ‹ۇشكە ۋاكىلدىك ەتۋ› ماڭىزدى يدەياسىن، عىلىمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ۇزبەي ۇيرەنىپ، قۇلشىنا ۇيرەنىپ، ماسەلەنى بويلاي ۇيرەنىپ، ماسەلەنى نىسانا ەتە ۇيرەنىپ، ءىس جۇزىندىكپەن بىرلەستىرە ۇيرەنىپ، عىلىمي يدەيا مەن نازاريانى دۇنيەنى تانۋدىڭ، دۇنيەنى وزگەرتۋدىڭ كۇشتى ماتەريالدىق قۋاتىنا اناعۇرلىم جاقسى اينالدىرۋىمىز كەرەك؛ كوممۋنيستەر ماركسيزم كلاسسيك شىعارمالارىن وقۋدى، ماركسيزم قاعيدالارىن ءتۇسىنۋدى تۇرمىس ادەتىنە، رۋحاني تالپىنىسىنا اينالدىرىپ، كلاسسيك شىعارمالار ارقىلى دۇرىس سالتتى جەتىلدىرىپ، يدەيامىزدى نارلەندىرىپ، وي ءورىسىمىزدى كەڭەيتىپ، امالياتقا جەتەكشىلىك ەتۋىمىز كەرەك» دەدى.
ساۋان اۋدانى سانداۋحىزى قالاشىعى الاڭ جولى الەۋمەتتىك اۋماعى بىرلەسكەن پارتكومنىڭ شۋجيى جيان لي: «ماركسيزم نازارياسىن ۇيرەنۋ بەلسەندىلىگىن ىشكەرىلەي ارتتىرىپ، ءوز قالپىندا ۇيرەنەمىز، ماركسيزم نازارياسى مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، پارتيا 19 - قۇرىلتايى رۋحىن ۇيرەنۋدى بىرلەستىرىپ، قوعام ورنىقتىلىعى مەن باياندى تىنىشتىعى ءۇشىن ءبىر كىسىلىك ۇلەسىمىزدى قوسامىز» دەدى.
اۋداندىق پارتكوم ۇيىمداستىرۋ بولىمىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا، الاڭ جولى الەۋمەتتىك اۋماعىنا تۇسكەن قىزمەت اتىرەتىنىڭ باستىعى جاۋ جۇن: «بۇدان كەيىنگى قىزمەت بارىسىندا، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ‹ۇعىسۋ، تيىمدىلىك جاساۋ، توعىستىرۋ› قيمىلى بويىنشا قىزمەتتىڭ سەگىز ءتۇرلى مىندەتىن مىقتى ۇستاپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش سالامىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»