ەەڭ جاڭا مازمۇندار
قۇلىستاي قويناۋى بەزگەلدەكتىڭ قۇت مەكەنىنە اينالدى
2018-جىلى 10-ايدىڭ 17-كۇنى 227-سان
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق كەدەيلەردى سۇيەمەلدەۋ- وركەندەتۋگە باسشىلىق ەتۋ گرۋپپاسى ءماجىلىسىن اشتى
حاۋىپسىز ءوندىرىس قىزمەتىن جاقسى ىستەدى
قالا تۇرعىندارىنا تازا دا جانعا جايلى ورتا جاراتتى
قاتىناس كولىكتەرىنىڭ قاتىستى كۋالىكتەرىنە تەكسەرۋ جۇرگىزدى
جاسىل، ورگانيكالى ونىمدەر شارۋالاردىڭ اۋقاتتانۋىنا جارقىن جول اشتى
كۇزگى جيىن-تەرىن مەزگىلىندەگى قاتىناس حاۋىپسىزدىگىنە كەپىلدىك ەتتى
ايماق كەدەيلەردى سۇيەمەلدەۋ سالاسىنا باقىلاۋ جۇرگىزۋ، ءتارتىپ اتقارۋ، جاۋاپكەرلىكتى قۋزاستىرۋ قىزمەتى جونىندەگى ءۇشىنشى رەتكى تاراۋلار بىرلەسكەن ءماجىلىسىن اشتى
ءدوربىلجىن اۋدانى باعىمشىلىق كاسىبىن زەردەلى باسقارۋدى الدىمەن اتقاردى
2018-جىلى 10-ايدىڭ 16-كۇنى 226-سان
2018-جىلى 10-ايدىڭ 15-كۇنى 225-سان
2018-جىلى 10-ايدىڭ 13-كۇنى 224-سان
2018-جىلى 10-ايدىڭ 12-كۇنى 223-سان
ساحارانىڭ كوز تارتقان كۇزگى كورىنىسى
جەمىس-جيدەك تەرۋدىڭ قىزىعىنا باتتى
شارۋالاردىڭ جيىن-تەرىن جۇمىسىنا كومەكتەستى
ىلۋدە ءبىر كەزدەسەتىن قىزعىلت بۇلت ءدام وزەنى ءوڭىرىن وزگەشە تۇسكە بولەدى
اۋىل ساياحاتى بۇقارانى اۋقاتتانۋعا باستادى
حاۋىپسىز ءوندىرىس جۇرگىزۋ جونىندە ۇگىت جۇرگىزدى
اۋىل شارۋاشىلىق ماشينالارىنىڭ وسىزاماندانۋى اۋىل شارۋاشىلىعىنىڭ دامۋىن ىلگەرىلەتتى
قىستاق تۇرعىندارى تازا قۇبىر سۋىنان پايدالانا الاتىن بولدى
اۆتونوميالى رايوننىڭ تەكسەرۋ گرۋپپاسى ايماعىمىزدا جەرگىلىكتى ۇكىمەت سيپاتىندىق قارىز حاۋىپ-قاتەرىنەن ساقتانۋ جانە ونى ىدىراتۋ قىزمەتىنە قۋزاۋ-تەكسەرۋ جۇرگىزدى
بۇقارانىڭ قىستىق جەم-ءشوپ تاسۋىنا كومەكتەستى
جۇرتشىلىققا تەلەگراف الدامشىلىعىنان ساقتانۋ ۇگىت قيمىلىن ورىستەتتى
بۇقاراعا ۇگىت قيمىلىن جۇرگىزدى
ماشينامەن ماقتا جيناۋدىڭ جاڭا داۋىرىنە قادام تاستادى
ءبىرىنشى شەپتەگى قۇرىلىس جۇرگىزۋشىلەر قىزمەت ورنىندا تاباندى بولدى
ديقانداردىڭ كىرىسىن ارتتىرۋىنا كومەكتەستى

باقىتتى جاندار كىمدەر

جولدانعان ۋاقىتى : 2018/5/10 18:28:32

(اڭگىمە)
سامار شامەي قىزى
 
_ اپەكە، سۇلۋ ەكەنسىز.

  بۇل ءسوزدى ەستىگەندە ەتى ويازدانعان ەكى جاقتان بولىمسىز تولقىندانعان جىميىس مەنمۇندالادى. ايتسەدە، بۇل جىميىس ءوپ-وتىرىك ەدى.

  اققۋبا، ۇلبىرەگەن بەتى مەن كۇلىمدەپ تۇراتىن قوي كوزىنە، سۇڭعاق بويىنا ىشتەي ءتانتى بولعاننان تۋعان ونىڭ جۇرەك جاردى ءسوزى-تىن.

  اققۋبا قىزدىڭ كوڭىل كوگىنەن «مەنى كەلەكەلەپ وتىر ما؟» دەگەن كۇدىك شاۋىپ ءوتتى دە:

  _ اقشانىڭ قۇدىرەتى عوي بۇل،- دەپ قارسىسىنداعى بوبەگىن ايمالاپ وتىرعان ەكەۋگە كوز قادادى.

  _ اپەكە، شىنىمەن دە سۇلۋسىز،- دەگەن ول مانادان بەرى ارقاۋى ۇزىلمەي كەلە جاتقان اڭگىمەنىڭ «سۇلۋسىزبەن» دوعارىلۋىنان حاۋىپتەنىپ، ينەنىڭ كوزىن تاپپاعان جىپتەي قىپ و جاق، بۇ جاعىنان اسپەتتى سوزدەردى جۇگىرتە بەردى.

  _ بۇل ءوڭ قازىر قۇنسىز، ءبارى مەنىڭ قىرىقتى ورتالاتىپ بارا جاتسام دا جيىرما بەستەگىدەي وڭىمە قىزىعا قارايدى. سەن دە ماعان قىزىعا قاراپ، الجاسقاننىڭ بىرەۋىسىڭ. مەن اناۋ بوبەگىن ايمالاپ وتىرعان ەكەۋگە قىزىعىپ وتىرمىن، تاعى مىنا جاقتاعى اجەي مەن اتاي دا سۇلۋ جاندار ەكەن.

  _ نەلىكتەن؟-دەگەن قارسى جاقتىڭ سۇراۋلى جانارى اققۋبا قىزدىڭ بەتىن ءتىنتتى.

  _ انا ەكى جۇباي بوبەگىن ايمالاپ، ءسابيدىڭ يىسىنە قانىپ، باقىتتىڭ شۋاعىنا شومىلىپ وتىر. مىنا اتاي اربادا وتىرسا دا سۋىن دايىنداپ، كىتابىن وقىپ، اڭگىمەنىڭ قىزىعىنا باتىراتىن جان سەرىگى بار، مىنەكي بۇل كىسىلەر دە سۇلۋ جاندار عوي... ادامدار سۇلۋ دەپ وڭىنە قاراپ باعا بەرىپ اداسادى. كۇنى بۇگىنگە دەيىن ناعىز سۇلۋلىقتى بىلسە دە بىلمەسكە سالىنىپ، ءداپ باسىپ ايتپاي كەلەدى...

  _ مەن ءسىزدى دە سول سۇلۋلار قاتارىنا جاتقىزار ەم، ءتورت تۇلىگىڭىز ساي عوي،- دەپ قالدى انشەيىندە اڭگىمەگە شورقاق ول اققۋبا قىز الدىڭعى اڭگىمەسىندە بايلىقتىڭ قۇيىندا جۇرگەنىن ەمەكسىتكەن تۇسىن ەسىنە الىپ، اڭگىمە كوزىن ارشي تۇسكەن بوپ.

  _ ە، ءسىڭلىم-اۋ، ءوزىمدى سوڭعى كەزدەرى ەڭ سيىقسىز، ەڭ باقىتسىز ادام دەپ تۇجىرىمدايتىن بولدىم. اجال قۇرىعىنىڭ ۇشى كورىنگەنىن وتكەندە دە شولاق قايىرعان ەدىم... مەنىڭ قورىم مەن وڭىمە قاراپ باعا بەرگەندەگىڭ عوي، اداسپا، قارعام. ءيا، ءتايىر-اي، شەتەل اسىپ وقىدىم. وتانعا ورالدىم، اتى ءماشھۇر سەرىكتىكتە جۇمىستا بولدىم، فينانس سالاسىنىڭ قىرى مەن سىرى مەن ءۇشىن الاقانىمداعىداي عانا ەلەستەۋشى ەدى، تاپقان تاپاۋاتىم مەن جيعان قورىم بىرەر ۇرپاقتى قامدايتىنداي ەدى عوي...

  _ باي بولساڭ، قول جەتپەس نارسە جوق دەپ، جاستىعىم  وسى بايلىققا شالما تاستاۋمەن وتكەن. قارجىڭنىڭ باسى قارايا بەرگەندە ءبىر ءبولىم ادامداردى وزىمشىلدىك وڭگەرىپ اكەتەتىنى بار ەمەس پە، مەن دە سول وڭگەرىلىپ كەتكەننىڭ بىرەۋىمىن. قارجىنىڭ قارا تەڭىزىندە مالتاپ جۇرگەنىمدە كەلگەن حانزادالاردىڭ ءبارى «قولىما سۋ  قۇيىپ بەرۋگە جارامايدى» دەپ تويتارىلعان ەدى. قيالىمدا جاساپ العان حانزادام جولىقپاي كەلە جاتقاندا، ەم قونباس دەرتتى سيلادى...- دەپ اققۋبا قىز ءمولت ەتكەن تامشى جاسىن ايالاي قاعازبەن ءىلىپ الدى.

  _ باقىتقا، سۇلۋلىققا قولىم جەتتى دەۋشى ەدىم، مۇنىم، مۇلدە، جالعان ەكەن، وتا جاساتىپ، شيپاحانادا جاتقانىمدا، جاقىندارىم بولمەمدى گۇلمەن كومكەرىپ تاستاسا دا يەن دالادا قالعانداي جالعىزسىراۋشى ەدىم. سوندا پەندەنىڭ جۇرەگى نەنى قالايتىنىن ءبىلدىم، بالاڭنىڭ شەشە دەپ شاقىرۋىنان، جولداسىڭنىڭ باسىڭدى سۇيەۋىنەن، اتا - اناڭنىڭ سەنى كۇزەتىپ وتىرۋىنان اسقان باقىت جوق ەكەن، شىرعالاڭنان  دۇنيەدەن اتتانعان اتا - انامدى شىنىمەن ساعىندىم عوي سوندا. سۇيەۋ بولار جولداس كەرەك-اق ەكەن ءار ادامعا. اقشا بولسا ءبارى بولادى دەۋشى ەدىم، اقشاعا دەنساۋلىق ساتىپ الۋعا كەلمەيتىنىنە، شىنايى باقىتتى ساتىپ الۋعا كەلمەيتىنىنە كوزىم جەتتى،- دەپ تەرەڭ كۇرسىنگەن اققۋبا قىزدىڭ جۇزىندە ءومىر مەن ءولىم سوڭعى جەكپە - جەككە شىققانداي سەزىلدى.

  - اپەكە، سۋىڭىزدى ءىشىڭىز،- دەپ اۋدەمنەن بەرى اڭگىمەگە يەك قاعىپ وتىرعان قاسىنداعى بويجەتكەن ول ءدام - تۇزى سارقىلۋعا اينالعانىن سيتاتتاعان سايىن، قالاي ايارلىق تانىتارىن بىلمەي قيپىجىقتاي قالىپ، تاپتىم-اۋ دەگەندەي شاپشاڭ قيمىلداپ سۋ قۇيعان قۇمىراسىن ۇسىندى. اققۋبا قىز تاڭدايىن ءسال ءجىبىتىپ الدى دا، اڭگىمە تانابىن ارى قاراي پىسىقتاۋعا كىرىستى:

  - باقىت تۋرالى، سۇلۋلىق تۋرالى تىڭنان تولعاندىم، تىڭنان ىزدەندىم، باقىتتى سەزىنگىم كەلىپ، اتام تۇرعان اۋىلعا باردىم. شىركىن-اۋ، باقىتتىڭ قاينار بۇلاعى سوندا ەكەن. ۋايىم - قايعىمەن قوڭسى قونبايتىن اۋىل ادامدارى بىرەۋى شەكىلدەۋىگىن، بىرەۋى جەمىس - جيدەگىن الا ۇشىپ بايەك بولىستى. وزىمشىلدىك پەن باس پايدادان ادا عوي شىركىندەر. سالعان جەرلەرى جاقسى ءونىم بەرسە، ءبىر جىلعى تۇرمىسىن قامداسا، سونى باقىت سەزىنەدى دە، ءبىر تالەنكە قۋىرماشىمەن ءۇش - ءتورت تال بۋنانمەن وتىرىپ - اق سامايلارى ءجىپسىپ، قالجىڭعا قارىق بوپ، ەرلى - زايىپتى ەكەۋى اياداي ءۇيىن شەكسىز باقىتپەن تىستاپ كومكەرىپ وتىرادى... انە سۇلۋ جاندار دەپ سولاردى ايتامىز. سۇلۋ جاندار، باقىتتى جاندار اينالامىزدا تولىپ ءجۇر. ءبىز بايقامايدى ەكەنبىز... ۇلگىلى ۇرپاق تاربيەلەگەن اتا-انا سۇلۋ، اتا-اناسىن قۇرمەتتەگەن ۇرپاعى سۇلۋ، جوق-جىتىككە كومەك بەرگەن جاندار سۇلۋ، اتا - ەنەسىن كۇتكەن كەلىن سۇلۋ. ءسابي ءسۇيىپ، بال جالاسقان جۇبايلار سۇلۋ، دەنى ساۋ، باسى امان ادامنىڭ ءبارى سۇلۋ، سۇلۋلىقتى مىنە مەن وسىلاي باعامداپ بەرەر ەدىم بىلەم دەسەڭ، ءسىڭلىم،- دەپ اققۋبا قىز ءوز ءومىرىنىڭ ەنشىسىنە بۇيىرماعان تۇرمىستىڭ قاعىس قالعان تۇستارىن ەمىرەنە باياندادى.

  - ۋايىمداماڭىز، اپەكە، ءالى - اق ساۋىعىپ كەتەسىز،- دەدى قاسىنداعى قىز ونىڭ بۇل ومىردەن ءۇمىت وتىن ءوشىرىپ كەتكەن قايعى بورانىنا قالتقى بولا سويلەپ.

  - ە، ءسىڭلىم، مىڭ، ميلليون رەت ەستىگەن ءسوزىم عوي بۇل، بەيتانىس جاندارمەن، قاراپايىم جاندارمەن قاراپايىم ورتادا سىرلاسىپ كەلەم، سۇلۋلىق، باقىت دەگەن تىم قاراپايىم ەكەن، تەك سەزىنە الماي جۇرگەنىمىز بولماسا. ەگەر ومىرگە قايتا كەلسەم، باقىتتىڭ ءدامىن تاتىپ وتىرىپ تۇرمىس كەشەر ەدىم... - دەدى داۋىسىنىڭ سوڭى قارلىعا، سۇيەمدەي قالعان ءومىرىنىڭ تاعى ءبىر سوتكەسىن قولتىعىنا قىسىپ، دومالاپ بارا جاتقان كۇنگە سىعىرايا قارادى. كۇتۋشى كەلىنشەك كەلدى.

  - اپەكە، اڭگىمەڭىزدىڭ سونارى تىم الىسقا كەتتى-اۋ، كوپ سويلەپ، شارشاپ قالدىڭىز، كۇن ۇياسىنا قايتتى، ءبىز دە قايتايىق، كوزىلدىرىگىڭىزدى تاعىپ الىڭىز،- دەپ ۇسىنا بەرگەندە كوزىلدىرىك جەرگە توپ ەتتى.

  - كەشىرىڭىز، اپەكە، كەشىرىڭىز، وقىس بولدى، وقىس بولدى،- دەپ كوزىلدىرىكتى العان كۇتۋشى كەلىنشەك قولى وتالعان تراكتوردىڭ رولىن ۇستاعانداي دىرىلدەي، كوزىلدىرىكتى شارپىسىمەن سۇرتە بەردى. قولى ەمەس، تۇتاس دەنەسىنە ءدىرىل ءجۇردى. «قىمبات بۇيىم عوي، سىزات السا تولەمىنە ەكى دە ءۇش جىل جۇمىس ىستەسەم دە جەتپەس» دەگەندى ويلاعاندا، كۇتۋشى كەلىنشەكتىڭ كوز شاراسىنا تولعان جاس ساۋ ەتىپ توگىلۋگە دايار تۇردى.

  - ءسىڭلىم-اۋ، قولىڭ قالتىراپ كەتتى عوي، نەسىن سونشا ۇرەيلەندىڭ؟- دەدى اققۋبا قىز وعان سۇرانا قاراپ.

  - قۇندى نارسە عوي، اپەكە، سىزات الدى ما دەپ قورىقتىم،- دەدى ءۇنىن ىشىنە تارتا قىستىعىڭقى داۋىستا.

  - قازىر بۇل نارسە مەن ءۇشىن قۇنسىز، تاقپاي دا قويدىم، مىناۋ سومكەگە تاستاي سال، پارە - پارەسى شىققاندا عوي سەرگىپ قالار ەدىم،- دەگەن ونىڭ وڭىنە باتقان كۇننىڭ الاۋىمەن بىرگە مۇڭ دا قوناقتاي باستادى. عۇمىرىنىڭ ساناۋلى ۋاقىتتارىنىڭ توقتاۋسىز لىپىپ تۇرعانىنا كەكتەنۋى مە بەلگىسىز... ءوڭى الابۇرتا بۇل ءومىردىڭ قاتىگەزدىگىنە مويىن ۇسىنعانداي، كۇننىڭ قىزىل شاپاعىنا بەتىن توسا، كوزىن باياۋ جۇمدى. كىرپىگىنىڭ اراسىنان دومالاعان جاس تامشىلارى قۇلديلاي جارىستى. بۇل تامشىلار ومىرمەن وسىلاي كۇن ساناپ قوشتاسىپ جاتقانىنىڭ كۋاسى ەدى. جاس جۋعان ءجۇزى «ەي، ادامدار، ءومىردى قادىرلەڭدەر! ءبىر كۇنگى باتار كۇننىڭ باقىتىن سەزىنىڭدەر! ءومىردى سۇيىڭدەر! ءبىر -ءبىرىڭدى قادىرلەڭدەر! جاھاندا ەش نارسەگە ايىرباستاپ الۋعا كەلمەيتىن جالعىز نارسە دەنساۋلىقتى كۇتىڭدەر!» دەپ جاتقانداي ەدى.


 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مىسالى: «تارباعاتاي اقپارات تورابىنان الىندى»