ەەڭ جاڭا مازمۇندار
قۇلىستاي قويناۋى بەزگەلدەكتىڭ قۇت مەكەنىنە اينالدى
2018-جىلى 10-ايدىڭ 17-كۇنى 227-سان
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق كەدەيلەردى سۇيەمەلدەۋ- وركەندەتۋگە باسشىلىق ەتۋ گرۋپپاسى ءماجىلىسىن اشتى
حاۋىپسىز ءوندىرىس قىزمەتىن جاقسى ىستەدى
قالا تۇرعىندارىنا تازا دا جانعا جايلى ورتا جاراتتى
قاتىناس كولىكتەرىنىڭ قاتىستى كۋالىكتەرىنە تەكسەرۋ جۇرگىزدى
جاسىل، ورگانيكالى ونىمدەر شارۋالاردىڭ اۋقاتتانۋىنا جارقىن جول اشتى
كۇزگى جيىن-تەرىن مەزگىلىندەگى قاتىناس حاۋىپسىزدىگىنە كەپىلدىك ەتتى
ايماق كەدەيلەردى سۇيەمەلدەۋ سالاسىنا باقىلاۋ جۇرگىزۋ، ءتارتىپ اتقارۋ، جاۋاپكەرلىكتى قۋزاستىرۋ قىزمەتى جونىندەگى ءۇشىنشى رەتكى تاراۋلار بىرلەسكەن ءماجىلىسىن اشتى
ءدوربىلجىن اۋدانى باعىمشىلىق كاسىبىن زەردەلى باسقارۋدى الدىمەن اتقاردى
2018-جىلى 10-ايدىڭ 16-كۇنى 226-سان
2018-جىلى 10-ايدىڭ 15-كۇنى 225-سان
2018-جىلى 10-ايدىڭ 13-كۇنى 224-سان
2018-جىلى 10-ايدىڭ 12-كۇنى 223-سان
ساحارانىڭ كوز تارتقان كۇزگى كورىنىسى
جەمىس-جيدەك تەرۋدىڭ قىزىعىنا باتتى
شارۋالاردىڭ جيىن-تەرىن جۇمىسىنا كومەكتەستى
ىلۋدە ءبىر كەزدەسەتىن قىزعىلت بۇلت ءدام وزەنى ءوڭىرىن وزگەشە تۇسكە بولەدى
اۋىل ساياحاتى بۇقارانى اۋقاتتانۋعا باستادى
حاۋىپسىز ءوندىرىس جۇرگىزۋ جونىندە ۇگىت جۇرگىزدى
اۋىل شارۋاشىلىق ماشينالارىنىڭ وسىزاماندانۋى اۋىل شارۋاشىلىعىنىڭ دامۋىن ىلگەرىلەتتى
قىستاق تۇرعىندارى تازا قۇبىر سۋىنان پايدالانا الاتىن بولدى
اۆتونوميالى رايوننىڭ تەكسەرۋ گرۋپپاسى ايماعىمىزدا جەرگىلىكتى ۇكىمەت سيپاتىندىق قارىز حاۋىپ-قاتەرىنەن ساقتانۋ جانە ونى ىدىراتۋ قىزمەتىنە قۋزاۋ-تەكسەرۋ جۇرگىزدى
بۇقارانىڭ قىستىق جەم-ءشوپ تاسۋىنا كومەكتەستى
جۇرتشىلىققا تەلەگراف الدامشىلىعىنان ساقتانۋ ۇگىت قيمىلىن ورىستەتتى
بۇقاراعا ۇگىت قيمىلىن جۇرگىزدى
ماشينامەن ماقتا جيناۋدىڭ جاڭا داۋىرىنە قادام تاستادى
ءبىرىنشى شەپتەگى قۇرىلىس جۇرگىزۋشىلەر قىزمەت ورنىندا تاباندى بولدى
ديقانداردىڭ كىرىسىن ارتتىرۋىنا كومەكتەستى

سەنىڭ كۇلكىڭ

جولدانعان ۋاقىتى : 2018/5/15 12:17:04

ەرسىنالى سۇلتان ۇلى

  جۇرەكتىڭ ءلۇپىلى، سەزىمنىڭ سەكەمى، كوڭىلدىڭ اسەرى سىرشىل دا جىرشىل، سىڭعىردا سىڭعىر كۇلكىدە جاتاتىن قۇدىرەت سەكىلدى. سەنىڭ نازىك جانىڭدى تەربەگەن مەندەگى قانداي قۇدىرەت دەپ تاڭعالامىن دا، ناز ەركەلى قىلىعىڭدى بويىڭنان سەزىپ قۋانامىن. ال مەنى اسەرگە بولەگەن دە سەنىڭ مىنەزدەمەڭمەن ۇندەسىپ، مەنىڭ كوڭىلىممەن تىلدەسىپ جاتقان سەنىڭ ادەمى، ءتىل جەتپەس، جىميىسقا تولى كۇلكىڭ... سول جىميىسىڭ العاش باۋراعان ساتتەن-اق سەنىڭ  بويىڭدا، تۇتاس تۇلعاڭدا مەن ىزدەپ جۇرگەن قىز بالاعا عانا ءتان جاراسىمدىلىق ەرىكسىزدەن - ەرىكسىز ءوزىڭ تۋرالى ويلانۋعا قاراي باستاپ كەتكەن. سىلدىر-سىلدىر سىرعاڭنىڭ ۇنىنەن تاۋ بۇلاعىنىڭ تابيعاتقا ءتان كۇيى شەرتىلىپ، تۋعان جەردىڭ سال سامالى بولىپ ءۇن قاتقانداي كۇي كەشەتىنىمدى جاسىرا المايمىن. ەندى بىردە كولدە جۇزگەن اق ايدىن ۇستىندەگى اققۋ بەينەڭدى قىزىقتاپ تۇرعاندايمىن. بۇل كەيدە ءتۇسىم، كەيدە ءوڭىم بولىپ، سەنىڭ الگى سىرلى جىميىسىڭمەن قوسىلىپ، كوز الدىم الدەبىر ءومىردىڭ قول جەتپەس گارمونياسىنا اينالىپ بارا جاتقانداي سەزىلەدى. سوسىن ءتۇس كورەمىن. ۇزاق ءتۇس،تىم ۇزاق... سول تۇسىمدە ساعان قىردىڭ قىزعالداعىنان مونشاق، سارى گۇلدەردىڭ ساباعىنان القا جاساپ بەرەمىن. راس-اۋ، ۇمىتىپ بارادى ەكەنمىن، ەسىمىڭ دە گۇلدەن باستالادى. سول دارقان دالانىڭ گۇلى سەكىلدى سەن قىز بەينەگە ەنىپ العانداي، ماعان نازدانا الگى سىرلى جىميىسىڭمەن جاز ديدارىڭ جانىما شوق تاستاپ، مەنى الدەبىر سەزىمنىڭ قۇشاعىنا بولەي وتىرىپ، ماعان  قاراپ، اعا:

  _ قىزىل گۇل نەنىڭ سيمۆولى دەيتىنسىڭ.

  _ ما... ما... ماحابباتتىڭ،- دەپ ءسوزدىڭ ارتىن جۇتىپ الاتىنمىن (سەنى قورقىتىپ المايىن دەپ).

  _ ال، سارى گۇلشى دەيتىنسىڭ... -  سۇراۋلى جانارىڭدى تاعى دا ماعان قاداپ.

  _ سارى گۇل ساعىنىشتىڭ دەيتىنمىن.
 
  اڭگىمەمىز گۇل تۋرالى بولاتىن. سەن ءار الۋان تاۋ گۇلىنىڭ نەنىڭ سيمۆولى ەكەنىن سۇرايتىنسىڭ. مەن سەنىڭ بويىڭا، بويىڭا ەمەس-اۋ، سەزىمىڭدى تولقىتىپ، سەنى كوڭىلدىڭ كوكجيەگىندە عانا تەربەتىپ، ساعان تابيعاتتىڭ كوركەمدىگىندەي اسەمدىك پەن اسەرلىلىك سيلايتىن تەڭەۋ تابۋعا اسىعامىن. دالانىڭ گۇلى، دالا گۇلى مەنىڭ وزىڭە دەگەن ادال دا اقجارما اعالىق سۇيىسپەنشىلىگىمنىڭ كۋاسى سىندى ءتىل قاتادى. ونى ەكەۋىمىز، تەك ەكەۋىمىز عانا سەزىنەتىنبىز. تەك ەكەۋىمىزگە عانا ورتاق، تاۋسىلماس اڭىز، قىزىقتى حيكايا سىقىلدى سەزىلەتىن. سەن بارىنە قىزىعاتىنسىڭ، سول قىزىعۋىڭنان مەنىڭ كوڭىل تۇكپىرىمدە الدەبىر تاۋ بۇلاعىنىڭ بۇلقىنىسىنداي بۇلقىنىس تۋىلىپ، سول بۇلقىنىس ۇلعايا كەلىپ، اق تۇما سەزىمنىڭ اق ءمارمار ولەڭ شۋماقتارى بولىپ ويىما ورالىپ، ساعان ارنالاتىن:

  «دالا گۇلى ءوزىڭ بوپ ءتىل قاتقانداي،
  سول گۇلدەردە نازىك سىرلار جاتقانداي.
  ساعىنىشىم ساعىنىشقا ۇلاسىپ،
  مەندىك ارمان قوس قاناتىن قاققانداي.

  قىزعالداقتاي قىرىمدا اسەم جايقالعان،
  سامالى سەن سىبىرلاپ سىر ايتا العان.
  شۋاق بولىپ، قۋات بولىپ الديلەپ،

  وياتاسىڭ قۋاندىرىپ ءار تاڭنان...» دەپ ساعان ايتا باستايمىن. سەن مەنىڭ وسىناۋ جىر جولدارىمنان وزىڭە عانا ءتان سۇلۋلىق پەن وزىڭە عانا ءتان سۇيكىمدىلىكتى اڭعارعانداي، ماعان قاراپ جىميىپ قوياسىڭ. سوسىن سەنى الدەبىر حالىق ءانىنىڭ اۋەنى الديلەي جونەلىپ، الدەبىر تاماشا ارماندار كوكىرەگىڭنەن ويانىپ جاتقانداي كۇيگە اكەلەتىن. اسپاندا اي قالىقتاپ،جۇلدىزدار ۇندەسەتىن. ەكەۋىمىزدى سول قىزىل قىردىڭ گۇلدەرى تابىستىرىپ، بوز تورعايىنىڭ شىرىلى سەرگىتەتىن. مەن ءار الۋان دالا گۇلدەرىن سەنىڭ كوكىرەگىڭە قاداپ، اق نيەتىمنىڭ ايعاعىنداي، سەزىمنىڭ ءمولدىر تامشىسىنداي جىر جولدارىمدى ارناپ، سەنى قانشالىق قۇرمەتتەيتىنىمدى، سەنى قانشالىق ايالايتىندىعىمدى بىلدىرۋگە اسىعاتىنمىن... وسىنىڭ بارىنە سەن الگى نازىك تە جاراسىمدى كۇلكىڭنىڭ الدىنداعى ءتىل جەتپەس ءايبات جىميىسىڭ ارقىلى عانا جاۋاپ بەرە سالاتىنسىڭ ماعان. ءبىز قايتايىقشى دەيتىنسىڭ. قيىلا قاراعان قىلىعىڭنان ءبىر ءتۇرلى قىزىعۋدىڭ لەبىن اڭعارىپ، تاعى دا جاقىن ۋاقىتتاردا كەزدەسۋدىڭ ورايى جاقىنداپ كەلە جاتقانىن بىردەن سەزە قوياتىنمىن. سوسىن مەن دە اسىعاتىنمىن. اڭساعان وزەنگە باراتىنبىز. وزەن شىعىستان باتىسقا قاراي جىلجىپ اعىپ جاتاتىن. ەرىنە جىلجىعان اعىسى مەن جاعاعا ۇمتىلعان تولقىنى ءالسىن-ءالى ەكەۋىمىزدىڭ تابانىمىزدىڭ استىنا دەيىن كەلىپ قايتىپ جاتاتىن. سەن ماعان تاعى دا سۇراۋلى جانارىڭدى قاداۋشى ەدىڭ.

_ اعا وزەن نەگە ۇقسايدى؟-دەيتىنسىڭ.

  سوسىن مەن ۇزاق ويلارعا باتاتىنمىن. ساعان جاۋاپ بەرۋ ءۇشىن كوپ ىزدەنۋىم كەرەك ەكەنىن تۇسىنەتىنمىن... قياندارعا قانات قاققان قيالىمدى تەز جيناپ، ساعان:

  _ مەنىڭشە، وزەن ومىرگە ۇقسايدى. اعىسى بولەك بولعانىمەن ونىڭ ارناسى ءبىر بولادى. ارناسى ءبىر بولعانىمەن كەيدە اعىسى ءار الۋان بولادى. ءبىزدىڭ دە ءومىر دەگەن ورتاق ارنادا بىرگە قانات قاققانىمىزبەن تاعدىر دەيتىن اعىسىمىز سول ارنادان ءبىزدى بولەكتەيدى دە تۇرادى. تاعدىر قوسقانداردىڭ  ءومىرى ءبىر ارنادا بولادى دا قوسپاعانداردىڭ ءومىرى ءار اعىسپەن ءوز ارناسىن تابادى. وزەندى ءار اعىسقا بولگەن جەردى «ارال» دەپ اتايمىز. ال، ءبىزدى دوستىق، ادالدىق، سۇيىسپەنشىلىك دەيتىن ۇلى ۇعىمدار عانا باسقالاردان ءبولىپ تۇرادى. تاعدىرىمىز وسىدان قالىپتاسادى،- دەيتىنمىن كىتاپتاعى وقىعاندارىممەن بىرلەستىرىپ، سوسىن اڭگىمەمىز اياقتالمايتىن... سەن دە تالاي - تالاي وي قوزعايتىن اڭگىمەلەردى ايتىپ، مەنى ءبىر سەرگىتىپ تاستايتىنسىڭ. وزەننىڭ ءاربىر اعىسىنىڭ اۋەنى قۇلاعىمىزدا قالىپ قويىپ، وزەننىڭ ءاربىر تولقىنى ەكەۋىمىزگە تولعانىس سالىپ ۇزاتىپ سالاتىن. سول ءومىر تۋرالى، سەنى تولقىتىپ جۇرگەن كىتاپتاعى تاماشا اڭگىمەلەردىڭ مازمۇنى تۋرالى ويلارىمىز وزەننىڭ گۇرىلى، قىردىڭ سىرلى سامالى بولىپ، وزەندى دە، قىردى دا ءوز ساعىنىشتارىمەن ايمالاپ، كوك زەڭگىردەگى قۇس قاناتىنا ءان جالعاپ كەتە باراتىن... ول ءان سەنىڭ كۇلكىڭ، ول ءان سەنىڭ ءارى تەرەڭ، ءارى تەبىرەنىستى جىميىسىڭ بولىپ ماعان ءتىل  قاتىپ، «اعا، ومىرگە ادامدار ءبىر -ءبىرىن ساعىنۋ ءۇشىن، ومىرگە ادامدار ءبىر -ءبىرىن قۋاندىرۋ  ءۇشىن، ءبىر - ءبىرىن باقىتتى قىلۋ ءۇشىن كەلەدى» دەپ ماڭگىلىك ءتىل قاتىپ تۇرعانداي سەزىلە بەرەتىن... سەنىڭ ەلەسىڭ الديلەگەن سول ءتۇن ۇزاي بەرە تاڭعى شۋاق مەنى سەن بوپ كەلىپ وياتىپ... سەن بولىپ  كەلىپ قۋاندىرىپ جاتادى...

 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مىسالى: «تارباعاتاي اقپارات تورابىنان الىندى»