ەەڭ جاڭا مازمۇندار
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ قاز-قالپىندا تياناق
سۋرەتتەر اۋىل-قىستاقتاعى وراسان زور وزگەرىستەرگە كۋا بولدى
كەدەيلىك قالپاعىن الىپ تاستاپ،تاماشا تۇرمىسقا كەنەلدى
تۇتىنۋ ارقىلى كەدەيلەردى سۇيەمەلدەۋدى جاقسى ىستەدى
اۋلا شارۋاشىلىعىن دامىتىپ،كەدەيلىكتەن ارىلۋىنا كومەكتەستى
قىستاقتا كوتەرمە جۇمىس ىستەپ كىرىستى ارتتىردى
2020-جىلى 6-ايدىڭ 4-كۇنى 114-سان
قاز باعىمشىلىعىمەن شۇعىلداندى
قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق
جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
تارباعاتاي ايماقتىق اكىمشىلىك مەكەمەسى مەن جۇڭگو ونەركاسىپ-ساۋدا بانكەسىنىڭ شينجياڭ بولىمشە بانكەسى سەلبەستىك ورناتۋ جۇلگەلىك كەلىسىمىنە قول قويىستى
قالا كوركىنىڭ تولىمدى اجارلاندىرۋشىسى بولايىق
2020-جىلى 6-ايدىڭ 3-كۇنى 113-سان
ەكى ءماجىلىس رۋحىن ۇيرەنىپ،تاس جول ىستەرىنە ۇلەس قوسامىز
2020-جىلى 6-ايدىڭ 2-كۇنى 112-سان
ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
ۇكىمەت قىزمەتىنەن بايانداما
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتۋ كەرەك
2020-جىلى 6-ايدىڭ 1-كۇنى 111-سان
2020-جىلى 5-ايدىڭ 30-كۇنى 110-سان
13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە جابىلدى
لي كىچياڭ زۇڭلي تىلشىلەر جيىنىنا قاتىناستى ءارى جۇڭگولىق، شەتەلدىك تىلشىلەردىڭ سۇراۋلارىنا جاۋاپ بەردى
مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى جابىلدى
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، گۇلدەنۋ ۇلى ءىسىن بىرگە ىسكە اسىرايىق
شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ باياندامالارىن جانە قاتىستى قاۋلى جوبالاردى قارادى
قۇبا تۇزدەگى قۇت مەكەن
شىڭ باسىنا ءساتتى شىقتى! جۇڭگونىڭ ولشەۋشى شىڭشىلدار اترەتى چومولاڭما شىڭىنىڭ ”بيىكتىگىن“ تاعى دا ولشەدى

قايتالاي قاتەلىك وتكىزۋدەن ساقتانايىق

جولدانعان ۋاقىتى : 2018/5/18 17:30:00

جاننا قوزىباي
«ءومىر جولى تار سوقپاق،ءبىر يەن جاق،
ءيىلتىپ ەكى باسىن ۇستاعان حاق.
يمەك جولدا دۇرىستىق،تياناق جوق،
تايىپ كەتپە،تۋرا شىق،كوزىڭە باق»دەيدى حاكىم اباي. قۋ دۇنيەنىڭ باقىتى مەن سورى الما-كەزەك. ال،از-كوپتىگى بىزدەردىڭ نيەتىمىزگە،ارەكەتىمىزگە،پاراساتىمىزعا بايلانىستى بولىپ  كەلەدى. ءومىر قاتەلىكسىز بولمايدى، ءبىراق،ناعىز باقىتسىزدىق _ ۇقساس قاتەلىكتى قايتالاۋ بولسا كەرەك. قايتادان باستايتىن ورايدى قايتا قاتەلەسۋگە  جۇمساپ،ونى وزىنەن ەمەس،تاعدىر-   تالەيىنەن كورەتىن كىسىلەردى مەن ءجيى كەزىكتىردىم.
اقىلدى ادامنىڭ قاسيەتى وزىنە   كەرەكتىنى ءداپ باسىپ تانۋى جانە سوعان ۇمتىلۋى. پايدالى-زياندىنى وي تارازىسىنان وتكىزىپ،زالال كەلگەن ىستەن تاجىربيە الىپ،ونى ەندىگى ءومىر جولىندا بولدىرماۋعا قۇلشىنۋ،قورعانۋ. قىسقاسى،وتكەنى مەن بولاشاعى جايلى قايتا-قايتا ويلانا ءبىلۋ. ءبىراق،بۇل قاسيەت اقىل يەسىنىڭ بارىنەن تابىلا بەرمەيدى.

  باسىنداعى وقيعاسىن ايتۋ ءۇشىن،ءبىر كىسىمەن حابارلاستى. ايتۋىنا   قاراعاندا،بىرەر رەت كەزىككەن،اياعىن اقساپ باساتىن جىگىت زورلاپ   الىپ قاشقان ەكەن. بارعاندا كەتەمىن دەپ جالىنىپ،رەنجىپ ايتقانىمەن، جىگىتتىڭ شەشەسى بالاسىنىڭ مۇگەدەكتىگىن،ونى قورلاماۋىن ءوتىنىپ،بار تاپقانىمىز سەنىكى،باسىڭنان قۇس ۇشىرمايمىز دەپ ۋادە ەتىپ الىپ   قالىپتى. باسىندا ءبارى جاقسى. ەنەسى مەن اتاسى ءسوزىن سويلەپ،كۇيەۋى قاباعىنا  قاراپ،باقىتتى كۇن كەشىرىپتى. ءبىراق،ول باقىتتىڭ عۇمىرى كەلتە بولىپ،كوپ  وتپەي ءبارى وزگەرىپ،شىن كەيىپ-كەسپىرلەرى اشىققا شىققان،ءتىپتى،اتاسى قىرىنداپ،مازاسىن العان كەزدەرى كوپ ەكەن. اقىرى بولماي اجىراسىپ تىنىش بولعان. ءبىراق،ماسەلە ونىمەن بىتپەگەن سىڭايلى.  كەلىنشەك كوپ وتپەي تاعى بىرەۋمەن تانىسقان. سوزگە سالماقتى،سۇيەمىن-كۇيەمىن دەپ ايلانىپ ءۇيىرىلىپ   تۇرادى،ءوزى ۇيلەنبەگەن. «بۇرىن ۇيلەنبەگەن جىگىتكە تۇرمىسقا شىعىپ، الدىڭعى كۇيەۋىمنەن ءوش العىم كەلدى،ءبىراق،باقىتسىز تۇرمىس تاعى جالعاستى. ونىڭ سەنى سۇيەمىن،   بالاڭدى وگەي سانامايمىن دەگەننىڭ ءبارى وتىرىك بولدى. مەنىڭ جاعدايىممەن ساناسپايدى،ادام بولىپ سىرلاسىپ،اڭگىمە ايتقاندى بىلمەيدى. بىردەڭە دەسەم جۇدىرىعى    دايىن تۇرادى. اجىراسىپ كەتكەنگە بالاما جانىم اشيدى. جۇرە بەرگەنگە جۇيكەم جۇقارىپ ءبىتتى» دەيدى. شىنىمەن دە ادەمى سوزدەن ەشتەڭە ونبەيدى،ءبىراق،بىزدەر سوعان ءجيى الدانىپ قالامىز.

  ءبىرىنشى نەكەسى ءتۇرلى سەبەپپەن باياندى بولا المادى دەپ كەشىرىممەن قارايىق. سولاي بولعاسىن دا ەكىنشى رەتكى نەكەنىڭ باياندى بولۋى ءۇشىن قۇلشىنۋ كەرەك ەدى. بۇرىنعى كۇيەۋىنەن ءوش الۋ ءۇشىن ءومىرىن بوداۋعا بەرەتىندەي قاتەلىككە بارۋ اقىماقتىقتان باسقا ەشتەڭە ەمەس. بىرەۋدەن ءوش الۋ،  ءوزىن كورسەتىپ قويۋ،وكىندىرۋ    دەگەندەردىڭ بىزگە بەرەر ەشقانداي  پايداسى جوق.
ادام ءبىر سۇرىنسە داعدىلانىپ الادى دا،كەيدە تەگىس جەردە دە سۇرىنۋگە بەيىم  تۇرادى. سوندىقتان اقىرىن ءجۇرىپ انىق باسىپ،وكىنبەستەي ءومىر سۇرگەنگە جەتەرى جوق. تاجىربيە مەكتەبى قاشاندا قىمباتقا تۇرادى،ءبىراق  اقىماقتار ءۇشىن ودان باسقا امال جوق،-دەيدى بۇرىنعىلار. تالاي نارسەنى    جوعالتىپ،وكىنىشتىڭ ۋىن وزەككە   قۇيىپ تۇرىپ تا ەشتەڭەنى تۇسىنبەيتىندەر،ەندى دە بولسا قاتەلەسپەۋگە بەل شەشىم بەكىم جاسامايتىندار بار. ونداي ومىردەن نە قايران؟

  جولدان تايىپ،نەكە سىرتىندا الدەكىممەن كوڭىل قوساتىندار بولادى. كەيبىرەۋلەر بۇنداي قاتەلىككە ويلاماي بارىپ قالادى. وتباسى بەرەكەسى،  تىنىشتىق بار ادامعا كەرەك. قاتەلەسكەنىن بىلگەننەن كەيىن تىزگىنىن   تارتىپ،سونى قايتالاماۋعا قۇلشىنسا ءبارى ارناسىن تاۋىپ،ارى قاراي  جالعاسار ەدى. ءبىراق كەي ادام قاتەلىك ەكەنىن ءبىلىپ تۇرىپ،ءوزىن مەڭگەرە الماي تاعى جالعاستىرادى.
قالايشا بىزدە وسىنداي قاتەلىك جولىعادى؟تابىسقا جەتكەندەردەن گورى، كۇندەستىكتىڭ نە جەلىكپە سەزىمنىڭ قۇربانى بولىپ جاتقاندار جايلى اڭگىمەنى نەگە ءجيى ەستيمىز؟وتباسىن قۇرىپ، باقىتقا قول سوزعانداردىڭ سۇيىكتىسىمەن شىعسا الماي جاتاتىندارى نە سەبەپتى كوپ؟
ماسەلەنىڭ تامىرى ارىدا جاتىر.    بۇلاردى تاعدىرعا جاۋىپ،ءوزىمىز   تۋرالى ويلانباساق الدەدە قۇتىلۋىمىز قيىن. ومىرگە،تۇرمىسقا،وزىمىزگە ۇستاعان پوزيتسيامىزدا قاتەلىك بار. ءبىز قيىندىقتاردان ءوزىمىز جول تاۋىپ قۇتىلعاننىڭ ورنىنا الدەكىم الىپ شىقسا،عاجايىپ حيكمەتتى وقيعا تۋىلسا دەپ تاڭعاجايىپ ءىستى كۇتەمىز جانە باسقانىڭ ايتقان جىلى سوزدەرىنە دە سەنە كەتەمىز. باقىت اركىمگە تاپشى،ءوزىن-ءوزى جارىلقاي الماي جۇرگەن بىرەۋ ءسىزدى قايدان  باقىتتى ەتە السىن؟ەندەشە،ەڭ باستىسى،ءوزىڭىز قۇلشىنىڭىز! ءاپ-ساتتە  ءبارىن وزگەرتىپ،جاقسىلىققا  وزگەرتەتىن عالامات بار شىعار،ءبىراق ونىڭ بىزگە بۇيىرا بەرۋى ناعايبىل. ەڭ سەنىمدى شارا ءوز ەڭبەگىمىز.

  وتكەندە ءبىر كىسى اڭگىمەسىندە: «جاننا مۇعالىم،ءسىزدىڭ ساباعىڭىزدى تىڭداۋدان بۇرىن مەن بالا تاربيەسىنىڭ ۇلى مىندەت ەكەنىن ويلاپ كورمەپپىن. اتا-انامىزدان ۇيرەنگەنىمىز بالانىڭ  اماندىعى مەن وقۋى جاقسى بولسا بولدى دەگەن جالاڭ وي ەكەن» دەپ قالدى. بۇل راس،ءبىزدى تاربيەلەگەن ورتا ءبارىن ۇيرەتە العان جوق. دەگەنمەن قازىر تولىقتاۋعا ۇلگىرەمىز. ءومىر ءسۇرۋدى،وزىمىزگە دۇرىس مامىلەدە بولۋدى،ماحابباتتى تۋرا  ءتۇسىنۋدى ۇيرەنبەي،باقىتتى بولۋ جۇزەگەاسپايدى.

  قاتەلىك ەشكىمگە كەرەك بولماعانىمەن،ونسىز باعدار دۇرىستالمايدى.   جىبەرگەن اعاتتىقتاردان مىقتاپ ساباق   الىپ،قايتالاماۋ؛ونى جاقسى ءومىر    ءسۇرۋدىڭ ساباعى ەتۋ ومىرگە بولعان جاۋاپكەرشىلىك. ءسىز بىرەۋدىڭ ءومىرىنىڭ تىزگىنىن ۇستاپ جۇرگەن جوقسىز،نەم كەتتى دەپ ات ءۇستى قارايتىن. جاقسى ات ءبىر سۇرىنگەن  جەرىندە ەكى سۇرىنبەيدى،-دەيدى دانا حالقىمىز. شەشىمدى سەزىممەن ەمەس،اقىلمەن  قابىلداي بىلسەك ەكەن.

  رەداكتورى : جىگەر ومىربەك ۇلى                                           

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى؛ « تارباعاتاي اقپارات تورابىنان »الىندى 

 
powered by IlgharCMS 3.2 www.ilghar.cn