ءتىلشىمىز داي جياۋمەي حابارلايدى. 5-ايدىڭ 11-كۇنى كەشتە شاۋەشەك قالاسى ارگۇڭ قالاشىعى ساز قىستاعى تۇرعىنىنىڭ كوكونىس قالتقىسىندا ەگىنشى ـ مالشىلاردىڭ كەشكى مەكتەبى اشىلدى، لەكسيا سويلەۋشى وسى كوكونىس قالتقىسىنىڭ قوجايىنى ليۋ ۋانبيڭ ەدى. ول: «اۋىلداستار، كوپشىلىكتىڭ اۋلامداعى كوكونىس قالتقىسىنا كەلىپ ەكسكۋرسيالاۋىن، ۇيرەنۋىن قارسى الامىن، سويلەگەن لەكسيامنىڭ كوپشىلىككە كومەگى ءتيۋىن ءۇمىت ەتەمىن، ءوزارا ۇيرەنىپ، ورتاق اۋقاتتانۋعا قۇلشىنايىق...» دەدى.
ليۋ ۋانبيڭنىڭ اۋلاسىنا كىرە بەرە اۋلاداعى شاعىن «توبەشىك» كوپشىلىكتىڭ كوزىنە ءتۇستى. ليۋ ۋانبيڭ : «مىنە بۇل ساڭىراۋقۇلاق وسىرەتىن ماتەريال ـ ماقتا ءشيتى» دەدى. اۋلانىڭ ورتاسىنداعى ەكى مەتر بيىك پار قازان تۇرعىنداردىڭ نازارىن اۋداردى. ليۋ ۋانبيڭ پار قازاندى نۇسقاپ تۇرىپ: «بۇل پار قازان ساڭىراۋقۇلاق وسىرەتىن ماتەريالدى جوعارى تەمپەراتۋرامەن دەزينفەكسيالاۋعا پايدالانىلادى، وسىلاي دەزينفەكسيالاۋ ازىقتىق ساڭىراۋقۇلاق جىپشەسىنىڭ وسۋىنە ءتيىمدى» دەدى.
«ازىقتىق ساڭىراۋقۇلاق قالاي ەگىلەدى؟»
«قانشا ۋاقىتتا ءبىر رەت سۋارىلادى؟»
«ازىقتىق ساڭىراۋقۇلاق قانشالىقتى تەمپەراتۋرادا وسەدى؟»
كەشكى مەكتەپتە تۇرعىندار ءبىرىنىڭ ارتىنان ءبىرى سۇراق جاۋدىرىپ، كىشى پەيىلدىلىكپەن كەڭەس الدى، ليۋ ۋانبيڭ كوپشىلىكتىڭ سۇراعىنا سابىرلىلىقپەن جاۋاپ قايتارىپ، كەشكى مەكتەپ اسا قىزعىندى بولدى.
تارباعاتاي گازەتى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتى قىستاققا تۇسكەننەن بەرى تۇرعىندار وتباسىمەن ىشكەرىلەي ارالاسىپ، ولاردىڭ ءوندىرىس ـ تۇرمىس جاعدايىن، قاجەتىن ۇعىستى ءارى تۇرعىنداردىڭ ءىس جۇزىندىك جاعدايىنا نەگىزدەلىپ، اپتا سايىن ەگىنشى ـ مالشىلار كەشكى مەكتەبىن ۋاعىندا اشىپ، تۇرعىندارعا زاڭ ـ ەرەجە، ەگىمشىلىك ـ باعىمشىلىق بىلىمدەرىنەن ساۋات بەردى. بۇل رەتكى كەشكى مەكتەپ ەگىمشىلىك قالتقىسىندا وتكىزىلدى، ەگىمشىلىكپەن شۇعىلداناتىن وتباسى تۇرعىندارعا جۇمىس باسىندا ەگىمشىلىك تەحنيكاسىنان ساباق بەردى. قىزمەت اترەتىنىڭ بۇل جاڭالىعى قىستاق تۇرعىندارىنىڭ جاقسى باعاسىن الدى.
تۇرعىن نيۋ حۇڭتاۋ : «ليۋ ۋانبيڭ قىستاعىمىزداعى ساڭىراۋقۇلاق ەگۋ شەبەرى، ول ساڭىراۋقۇلاق ەگۋ جالپى بارىسىن وتە انىق ءتۇسىندىردى، وسى ەگۋ تەحنيكاسىن ۇيرەنگەنىمە اسا قۋانىشتىمىن، مۇنان بىلاي ساڭىراۋقۇلاق جەگىم كەلسە، بىرنەشە ساڭىراۋقۇلاق كوشەتىن ساتىپ اكەلىپ ، ەگىپ الاتىن بولدىم، باعاسى ارزان بولۋمەن بىرگە، وتە قولايلى ەكەن. ءتىپتى دە كوپ ەگىمشىلىك شەبەرلەرىنىڭ ۇستىندە تاجىريبە تانىستىرىپ، ساۋات بەرۋى وتە ءتيىمدى بولادى ەكەن. قىزمەت اترەتىندەگىلەردىڭ وسىنداي قيمىلدى كوبىرەك ۇيىمداستىرۋىن ءۇمىت ەتەمىن» دەدى.
قىزمەت اترەتىنىڭ مۇشەسى لي شين: «تۇرعىنداردىڭ ساڭىراۋقۇلاق ەگۋ تەحنيكاسىن يگەرۋىنە جاعداي جاراتۋ ءۇشىن، قىستاقتاعى ەگىمشىلىك وتباسىمەن اقىلداسۋ ارقىلى وسى رەتكى كەشكى مەكتەپتى ارنايى قالتقىدا اشتىق. ەگىمشىلىك شەبەرى تۇرعىندارعا جۇمىس باسىندا ەگىمشىلىك تەحنيكاسى مەن تاجىريبەسىن تانىستىرىپ، ءونىمى وتە جاقسى بولدى» دەدى.
رەداكتورى: اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»