ەەڭ جاڭا مازمۇندار
2019 ـ جىلى 3 ـ ايدىڭ 20 ـ كۇنى 68 ـ سان
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى
2019 ـ جىلى 3 ـ ايدىڭ 19 ـ كۇنى 67 ـ سان
2019 ـ جىلى 3 ـ ايدىڭ 18 ـ كۇنى 66 ـ سان
2019 ـ جىلى 3 ـ ايدىڭ 16 ـ كۇنى 65 ـ سان
2019 ـ جىلى 3 ـ ايدىڭ 15 ـ كۇنى 64 ـ سان
2019 ـ جىلى 3 ـ ايدىڭ 14 ـ كۇنى 63 ـ سان
شينجياڭ ۋاكىلدەر ۇيىرمەسى وتكىزگەن جالپى جيىن جۇڭگو - شەتەل اقپارات قۇرالدارىنا اشىق ۇستالدى
«ۇيرەنۋدە قۋاتتى ەل» ۇيرەنۋ تۇعىرىن جاپپاي جالپىلاستىرۋدى جەبەدى
«ۇيرەنۋدە قۋاتتى ەل»ۇيرەنۋ تۇعىرىن تياناق ەتىپ، ۇيرەنۋ قىزۋ ورلەۋگە كوتەرىلدى
شاۋەشەك قالالىق قۇبىر سۋى سەرىكتىگى «ۇيرەنۋدە قۋاتتى ەل» ۇيرەنۋ تۇعىرىنان پايدالانىپ، جۇمىسشى-قىزمەتكەرلەردىڭ ساپاسىن جوعارىلاتتى
اۋىرتپالىقتى جەڭىلدەتىپ، جاۋاپكەرشىلىكتى جەڭىلدەتپەي، ناقتى ىسكەرلىكپەن تاماشا ناتيجە جاراتايىق
ءبىر وتباسى ءبىر ورتاعا شۋاق بولدى
فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ كەرەك
شينجياڭ ۋاكىلدەر ۇيىرمەسى شەتەل ساۋداگەرلەرى قارجى قوسۋ زاڭى جوباسىن قارادى
ايماقتىق پارتكومنىڭ نازاريا ۇيرەنۋ وزەكتى گرۋپپاسى كەدەيلىكتەن ارىلتۋدان قامال الۋ جونىندە ارناۋلى تاقىرىپتىق ۇيرەنۋ وتكىزدى
كادرلاردى ءمان - ماعىناسىز ىستەردەن قۇتىلدىرايىق
«فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى باسىپ تاراتتى
الاقات ەگىپ، اۋقاتتانۋدىڭ جاڭا جولىنا ءتۇستى
لەي فىڭنان ۇيرەنىپ، مەيىر جەتكىزدى
لەي فىڭ رۋحىن ساۋلەلەندىرۋدى وزىمىزدەن باستايىق
اقىسىز ەمدەۋ تۇرعىنداردىڭ جۇرەگىنە جىلۋ سيلادى
شاعىن قيمىل شەكسىز مەيىر جەتكىزدى
حاۋىپسىزدىكتى دارىپتەپ، كوڭىلدى ەسەيۋ
شي جينپيڭ، لي كىچياڭ، ۋاڭ حۋنيڭ، حان جىڭ مەملەكەتتىك حالىق قۇرىلتايى ماجىلىسىندەگى ءىشىنارا ۋاكىلدەر  ۇيىرمەسىنىڭ باياندامانى قاراۋىنا جەكە - جەكە قاتىناستى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، شينجياڭداعى ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەيىك
شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي مەملەكەتتىك حالىق قۇرىلتايى ماجىلىسىندەگى ءبىر ءبولىم ۋاكىلدەر ۇيىرمەلەرىنىڭ باياندامانى قاراۋىنا جەكە-جەكە قاتىناستى
ايماقتىق پارتكومنىڭ نازاريا ۇيرەنۋ وزەكتى گرۋپپاسى ەكولوگيالىق وركەنيەت قۇرىلىسى جونىندە ارناۋلى تاقىرىپتىق ۇيرەنۋ وتكىزدى
جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ىنتالاندىراتىن قوعامدىق راي قالىپتاستىرايىق

جولدا جۇرگىنشىلەرگە جول بەرە ءبىلىڭىز

جولدانعان ۋاقىتى : 2018/5/21 16:42:00

سەرىك سابىر ۇلى
 

    بۇگىنگى كۇندەرى ەكونوميكا مەن قوعامنىڭ دامۋى، ادامداردىڭ تۇرمىس ورەسىنىڭ كۇن سايىن جوعارىلاۋى، رۋحاني سۇرانىستىڭ ارتۋى جانە تۇرمىس ساپاسىن جوعارىلاتۋعا بولعان ىزدەنىس پەن ۇمتىلىس سالدارىنان جاعدايى كەلىسكەندەر مەن جاعدايىن كەلتىرگەندەر تۇگەل اۆتوكولىك ساتىپ الۋدا. بۇرىن تەلەۆيزورداعى كورشى ەلدەردىڭ تەلەفيلمىنەن كورەتىن كوشە بويىنداعى تىزىلگەن، وتباسى سايىن اۋلادا تۇراتىن اۆتوكولىك بۇل كۇندەرى قالامىزداعى تۇرعىندار رايون اۋلاسى مەن كوشە بويىندا ىعى ـ جىعى ءتىزىلىپ كىدىرەتىن ورىن تابا الماي ساندالاتىن بولدى. بۇگىندەرى اۆتوكولىك جۇرگىزۋدى ۇيرەنۋ اۋقىمدىق جالپىلاسقان ۇردىسكە اينالىپ، كەزىگە قالعان ەكى جولاۋشىنىڭ اڭگىمەسىنىڭ قىزعىن تەمەسى ءبىرى شوفەرلىك كۋالىك الدىڭ با نەمەسە قانداي ماركاداعى اۆتوكولىكتى ساتىپ الدىڭ؟بولدى. دەسەدە، اۆتوكولىك ساتىپ الۋدىڭ العى شارتى، شوفەرلىك كۋالىگىن ازىرلەۋ كەرەكتىگى بارشاعا ءمالىم. مۇندا قالا تۇرعىندارىنىڭ دەنى وتباسىندا پايدالانۋ ءۇشىن C1 شوفەرلىك كۋالىگىن ۇيرەنۋدە (ءبىر ءبولىم جاستار قاۋىمى كاسىپتەنۋ، يگىلىك جاراتۋ، اۆتوكولىك ىستەتۋ قاجەتىنە قاراي A1 نەمەسە B1 شوفەرلىك كۋالىگىن ۇيرەنىپ جاتقاندار دا بار). دەسەدە، اۆتوكولىكتى سانگە ەمەس، دۇرىس جۇرگىزىپ، ورىندى پايدالانا بىلگەن يگى ەدى. ۇستەگى جىلى 1-ايدىڭ باس شەنى، قالىپتى قىزمەت كۇنىنىڭ بىرىندە جۇمىستان ءتۇسىپ، «جاياۋلار وتپەسىنەن» وتۋگە دايىندالىپ تۇرعامىز، جاسىل شىراق جانا بەرە «جاياۋلار وتپەسىن» باسىپ وتە بەرگەندە ءبىر اۆتوكولىك ءوتىپ بارا جاتقان جولاۋشىلارعا جول بەرگەنى بىلاي تۇرسىن، ارامىزداعى ەگدە قارتتى سوعىپ كەتە جازدادى، ەل شۋ ەتە ءتۇستى. الگى قارت، جولاۋشىلار جولدان حاۋىپسىز وتەتىن «جاياۋلار وتپەسىن» ەسكەرەدى، ال شوفەر مۇنى ەسكەرمەيدى، اۆتوكولىك جولاۋشىعا ەمەس، قايتا جولاۋشى كوبىندە اۆتوكولىككە جول بەرىپ وتىرامىز، - دەپ كەيىپ بارا جاتتى. وسىعان وراي، قالامىزداعى جۇرگىنشىلەر مەن اۆتوكولىك كوپ وتىسەتىن، قۇلجا قالاسى ستالين جولى، ازات داڭعىلى، احىمەتجان جولى، قۇلجا قالاسى باتىس شينحۋا داڭعىلى بويىنداعى ۇلكەن ساۋدا سارايى، شيپاحانا، مەكتەپ سياقتى ورىندارداعى كوشە بويىندا «جاياۋلار وتپەسىنەن» جۇرگىنشىلەردىڭ ءوتۋ بارىسى مەن جول العان اۆتوكولىكتىڭ «جاياۋلار وتپەسىنەن» ءوتىپ بارا جاتقان جۇرگىنشىگە جول بەرۋ جاعدايىن باقىلادىق. مۇندا جۇرگىنشىلەردىڭ دەنى جولدان وتكەندە، «جاياۋلار وتپەسىنەن» وتۋگە داعدىلانسا، ال ءبىر بولىمدەرىنىڭ جول بويىندا مىندەت اتقارىپ جاتقان قاتىناس ساقشىلارىنىڭ ەسكەرتۋىنە قۇلاق اسپاي ءوز بەتىمەن قيسىنى كەلگەن جەردەن وتكەنى، كەي ورىندا حاۋىپسىزدىكتى كوزدە ۇستاپ، اسپالى كوپىر سالىنعان جەرلەردەن، كوپىردەن ەمەس، كەپتەلىسكەن اۆتوكولىك اراسىنان ءوتىپ بارا جاتقاندار دا كوزگە ءتۇستى، ال، «جاياۋلار وتپەسىنەن» وتكەن جولاۋشىعا ءىشىنارا اۆتوكولىكتەر كىدىرىپ جول بەرگەنى بولماسا، كوبىنىڭ بارا جاتقان جولاۋشىمەن جول تالاسىپ، «جاياۋلار وتپەسىن» ەسكەرۋسىز قالدىرىپ كەسىپ ءوتىپ بارا جاتقانى كوپ بولىپ، الگى قارتتىڭ قاراداي كەيىگەنى كوز الدىمىزعا  كەلدى. ەندەشە، «جاياۋلار وتپەسى» نەگە ەسكەرۋسىز قالدى، كىم ەسكەرۋسىز قالدىردى، شىنىندا دا ادامدى ويعا سالادى. جايشىلىقتا بارشا جۇرت جولدان حاۋىپسىز وتەتىن «جاياۋلار وتپەسىن» جۇرگىنشىلەردىڭ باس اماندىعىن قامتاماسىزداندىراتىن وتپەسى، اۆتوكولىكتىڭ «جاياۋلار وتپەسىنەن» وتكەن جولاۋشىعا جول بەرۋى، جولاۋشىنىڭ اماندىعىنا قۇرمەت ەتكەندىك دەپ جاتادى.

    دەسەدە، بۇگىنگى ورتامىزدا،اۆتوكولىك جولاۋشىعا ەمەس، جولاۋشى اۆتوكولىككە جول بەرەتىن، ءىشىنارا اۆتوكولىك «جاياۋلار وتپەسىنەن» وتكەن جولاۋشىعا جول بەرگەن ەمەس، جول تالاساتىن، كىدىرمەيتىن، ءسۇزىپ وتەتىن، كەڭىردەك جىرتىساتىن سولەكەت حارەكەتتەر بوي كورسەتۋدە. اۆتوكولىكتىڭ جولاۋشىعا جول بەرۋى قاراماققا جاي شارۋا سەزىلگەنىمەن، بايىپتاپ كوز سالعان جانعا، بۇل ارەكەتتىڭ سول قالا تۇرعىندارىنىڭ مادەنيەت ورەسىن، شوفەردىڭ ساپاسىن، وبرازىن بەلگىلەيتىن مادەنيەت ولشەمى ەكەنىن اڭعارتادى.

    جولاۋشىلار جولدان وتەتىن «جاياۋلار وتپەسى» جولدان حاۋىپسىز وتۋگە جەتەكشىلىك ەتەتىن بەلگى بولىپ، 20 ـ عاسىردىڭ 50 ـ جىلدارىنىڭ باس شەنىندە بارلىققا كەلگەن. سەنىمدى اقپارات ماتەريالىندا كورسەتىلۋىنشە، جۋىقتاعى ءۇش جىلدان بەرى، ەلىمىز بويىنشا جول بويىنداعى «جاياۋلار وتپەسى» اۆتوكولىك پەن جۇرگىنشىلەر ورتاسىندا تۋىلعان شىرعالاڭ 14 مىڭ رەتكە جەتىپ، 3898 ادام قازا بولعان. شوفەرلەردىڭ بەلگىلەمەگە قيعاشتىق ىستەۋ سالدارىنان تۋىلعان شىرعالاڭ، مەملەكەت بويىنشا تۋىلعان اۆتوكولىك شىرعالاڭىنىڭ ٪90 ىن يەلەگەن. جول بويىنداعى جۇرگىنشىلەر وتەتىن «جاياۋلار وتپەسىن» ەسكەرۋ، جول بەرۋ، زاڭداعى بەلگىلەمەنىڭ تالابى بولىپ عانا قالماستان، بۇگىنگى بۇقارا تۇرمىسىنان ورىن العان اۆتوكولىك داۋىرىندەگى ءاربىر شوفەردىڭ قاشاندا بولسىن ويىندا جۇرەتىن مادەنيەت سانالىعى سانالادى.

    «جۇڭحۋا حالىق رەسپۋبليكاسىنىڭ مەملەكەت تاس جول قاتىناس حاۋىپسىزدىگى زاڭىنىڭ» 47 ـ تاراۋ بەلگىلەمەسىندە، موتورلى كولىك، جولاۋشىنىڭ جولدان ءوتىپ بارا جاتقانىن كورگەندە قارقىندى باياۋلاتۋى، جولاۋشىلار «جاياۋلار وتپەسىنەن» وتكەندە، كىدىرىپ جول بەرۋى، موتورلى كولىك قاتىناس سيگنالى جوق جولدان وتكەندە، جولدان ءوتىپ بارا جاتقان جولاۋشىنى كورسە، ءسوزسىز، جول بەرۋ كەرەك دەلىنگەن.

    ەندەشە، بىزدە جۇرگىنشىلەر وتەتىن «جاياۋلار وتپەسى» نەلىكتەن ەسكەرۋسىز قالعانىنا، جوعارىداعى باقىلاۋ مەن كۇزەتۋدەن كەيىن، ءبىر ءبولىم شوفەرلەردىڭ ساناسىزدىعى، اۆتوكولىكتى قاجەتىنە ەمەس، سانگە جۇرگىزىپ، بايلىعى مەن بارلىعىن كورسەتۋگە ۇرىنعان سولەكەتتىگى، اۆتوكولىك رولىنا مىقتى بولماي، الاڭعاسارلىققا باساتىنى، سانالى دا مادەنيەتتى اۆتوكولىك جۇرگىزبەيتىنى ىزدەگەن جاۋاپتى اڭعارتقانداي بولسادا، مادەنيەتتى اۆتوكولىك جۇرگىزبەۋ، اۆتوكولىك تەحينكاسى مەن ورەسى تومەن بولۋ، اراق ءىشىپ اۆتوكولىك جۇرگىزۋ، قالجىراپ اۆتوكولىك جۇرگىزۋ، قاتىناس كەپتەلىسى كەزىندە جولعا تالاسۋ، جول بەرمەۋ، ورىنسىز سيگنال بەرۋ، جۇرگىنشىلەرمەن جول تالاسۋداي سولەكەت ارەكەتتەردىڭ دە ورىن تەۋىپ وتىرعانى مۇرىندىق بولىپ جاتقانىن ەسكەرتكەندەي بولدى.

    قاتىناس ساقشى تاراۋىنىڭ قاتىستى قىزمەتكەرى قالا تۇرعىندارىنا مىنانى ەسكەرتەدى : جولدان وتكەندە، حاۋىپسىزدىكتى كەپىلدەندىرگەن جاعدايدا، جولدان جەدەل دە جىلدام ءوتۋ كەرەك، جۇرگىنشىلەر وتەتىن «جاياۋلار وتپەسى» بويىندا اياق الىستى باياۋلاتىپ، قىسىر كەڭەس قۇرۋعا  بولمايدى، ءوتۋ سيگنال بەلگىسى وشكەندە، جولاۋشى جولدان ءالى ءوتىپ بولماي، قالىپتى وتكەن موتورلى كولىكپەن قاقتىعىسىپ قالۋدان ساقتانۋ كەرەك، قىزىل شىراق جانعاندا جولاۋشى موتورلى كولىك وتەتىن جول بويىندا ايالداپ قالسا، استە ارتىنا قايىرىلماۋ كەرەك، ورنىندا تاپجىلماي ءتۇرىپ، كەلەسى جاسىل شىراق جانعاندا بارىپ جولدان جىلدام وتكەن ورىندى. ەندەشە، ءسىز اۆتوكولىكتى قالاي جۇرگىزىپ ءجۇرسىز نەمەسە «جاياۋلار وتپەسىنەن» قالاي ءوتىپ ءجۇرسىز. مىناعان قاراڭىز، تىڭشۇن سەرىكتىگىنىڭ حابار تەكشەسىندە كورسەتىلۋىنشە، ەلىمىزدىڭ ءمالىم ءبىر ولكەسىندە ورتا جاستاعى ءبىر ايەل شوفەرلىك كۋالىك الۋ ءۇشىن، ىلگەرىندى ـ كەيىندى بولىپ جالپى 6 رەت ەمتيحان تاپسىرعان، ەڭ سوڭىندا جولدان الىناتىن ەمتيحاننان ءساتتى وتكەنىن تاربيەشىنىڭ اۋزىنان ەستىگەندە كولىكتى قۇشاقتاپ قاتتى جىلاعان. ەندى ءبىر گەروي شوفەرلىك كۋالىك الۋ ءۇشىن ەكى جىل ۋاقىتىن جۇمساعان. سوڭىندا شوفەرلىك  كۋالىگىن السا دا، ۇزاماي جولعا شىعىپ اۋىر اۆتوكولىك شىرعالاڭىنىڭ تۋىلۋىنا سەبەپ بولعان.

    ال ءبىزدىڭ جاستارىمىز ءبىر كەزدەرى استىنداعى تۇلپارىن تاستاپ، موتوتسيكل ءمىنۋدى جالپىلاستىرىپ ەدى. ال بۇگىندەرى دەنى اۆتوكولىكتىڭ رولىن ۇستاۋعا ءوتتى. يا، شوفەرلىك ۇيرەنىڭىز، وعان قارسى ەمەسپىز، دەسەدە، قۇلجا قالاسىنداعى وتكەرمە كولىك ساتۋ ورىندارىنا شارۋا بايلانىسىمەن ات باسىن بۇرعاندا، مۇندا اۆتوكولىگىن ساتۋعا نەمەسە وسى ساۋدامەن اينالىسقانداردىڭ دەنى ءبىزدىڭ جاستار بولماسادا (قازىر كەيىنگى جىلدارى بۇل سالادا ساۋدامەن اينالىسقان جاستارىمىز قاتارى كوبەيۋدە)، ساتىپ الۋعا كەلگەندەردىڭ دەنى جاستارىمىز ەكەنىن بايقادىق. ۇعىسۋ بارىسىندا باسىم كوبىنىڭ جاعدايى جاراسىپ، ءال ـ اۋقاتى جار بەرىپ اۆتوكولىك الۋعا كەلسە، ءبىر بولىمدەرىنىڭ باسەكە مەن سانگە بولا جاعدايدى نەگىز ەتپەي، ماركالى اۆتوكولىك الىپ، قارىز ارقالاپ جۇرگەنىن ەستىدىك. قالاي بولسىن كولىككە جامباسىڭىز ءتيىپ، رولىن ۇستاعان ەكەنسىز، ءارقاشان ءوز باس اماندىعىڭىز بەن باسقانىڭ دا باس اماندىعىن ەسكەرىڭىز. «پۋ بالە قايدان دەمە، جار استىندا» دەمەكشى، ءارقاشان ساق بولىڭىز، ساقتانا ءجۇرىڭىز، وتە ـ موتە، قاتىناس ەرەجەسىنە سانالى بويسۇنىپ قالماستان، مادەنيەتتى اۆتوكولىك جۇرگىزۋگە، جوعارى شوفەرلىك تەحنيكاسى مەن ورەسىن ازىرلەۋگە دەن قويىڭىز، جولاۋشىلار وتەتىن «جاياۋلار وتپەسىن» ەسكەرىڭىز، جاياۋلار وتپەسىندە كىدىرىڭىز، قاشاندا مادەنيەتتى دە سانالى اۆتوكولىك جۇرگىزىپ، قالا وبرازىن قورعاپ، ورەلى ونەگەمەن ەلگە ۇلگى بولا ءبىلىڭىز اعايىن.


   رەداكتورى: اراي ەركىن قىزى


   تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مىسالى: «تارباعاتاي اقپارات تورابىنان الىندى»