ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

سەپ

جولدانعان ۋاقىتى : 2018/5/22 11:05:18

جەڭىسبەك شۇكەن ۇلى   (شالقىما)

   «جىلى-جىلى سويلەسەڭ،جىلان ىنىنەن شىعادى» دەيمىز. سوندا ماڭىنا بارساڭ باسىن كوتەرىپ،بار قايراتىمەن ىسىلداپ،جايى كەلسە ۋىتتى تىسىمەن تۇبىڭە جەتەتىن جىلاندى ءبىر اۋىز ەمەس،مىڭ اۋىز جىلى ءسوز بولسا دا ءوز اياعىمەن ىنىنەن شىعارا قوياتىن قۇدىرەت قايدان بار دەيسىڭ. جەل سوقپاسا ءشوپتىڭ باسى قيمىلدار ما؟بۇل ءسوز تەكتەن-تەككە ايتىلماسا كەرەك. جىلاندى ىنىنەن شىعارۋعا دەيىن بارعان ءسوز قۇدىرەتى قانداي دا ءبىر شەشىلمەيتىن ءىستى وڭىنا كەلتىرىپ،قايعى-مۇڭ دەرتىنەن كۇن كوزى شىققانداي شيراتىپ،مەڭ-زەڭ بولىپ،توسەك تارتىپ جاتقانداردى جايراڭداتىپ سالا بەرەتىنىن قۇلاق ەستىپ،كوز كورىپ،ءتىل قۇدىرەتىنە ءتانتى بولماي تۇرا المايسىڭ. مىنە وسىنداي جىلاندى ىنىنەن شىعاراتىن سان-ساناقسىز،نە ءبىر جىلى سوزدەر ىشىنەن «سەپ» دەگەن جالعىز اۋىز ءسوز شارشاعانىمدى باسىپ،جاڭاعى اۋىر ويدان ايىقتىرا جونەلدى. باس امان،دەن ساۋ كۇندەرىمىزدە كومەيگە جاسىرىپ،قاجەتى تۇسە قالعاندا الدىمەن قامتۋعا ۇمتىلىپ،اۋىز قۇرعاتپاي ايتا جونەلەر،الىس-جۋىقتان ىزدەستىرە قالاتىن بۇل ءسوزدى تەكتەن-تەككە مەن دە تۇلپار باعالاپ وتىرعان جوقپىن. وسى شىعارمانى جازۋعا سەپ كورسەتكەنى سونداي،الدىمداعى جازىپ جاتقان شىعارمامدى جول ورتادا قالدىرۋعا ءماجبۇر ەتىپ،ىنتامدى بىردەن وزىنە باۋراي قويدى. بالا-شاعانىڭ رىزدىعىنا سەپ بولسىن دەپ بەس سادىرا مالىمدى جايا ءجۇرىپ،سەپتىڭ سەركەلىك رولىن ودان ارى ويلاي باستادىم.

  جاسىرارى جوق،وشارلى وت باسىندا تۋىپ-وسكەنىم وزىمە ايان. قالاي ەكەن «سەپ» اتاۋىنىڭ ماعان كوپ قول ءۇشىن كورسەتكەنىنەن بولار،«سەپ» ءسوزى ويىمدى كەڭەيتىپ،قيالىمدى تالاي جەرگە اپارىپ ۇلگىرتەدى. ءدال وسى ساتتە ءبىلىمنىڭ بيىك ورەسىنە شىعا الماسام دا،قالام ۇستاۋىما جول اشىپ وتىرعان دا ازىن-اۋلاق توقىعانىمنىڭ سەبى.

  مەنىڭ سوناۋ بالا كەزىم. اياعىمنان جاز بويى تاستامايتىن،قوڭىلتاياق كيە سالىپ،تاۋ-تاس كەزىپ،قاراعان-بۇتا ارالاپ،سۋ كەشسەم دە شىدايتىن،جۇلىعى شىققان سارى شاقايىمنىڭ قالاي كەلىپ اياعىما ىلىنگەنىن ويىما العاندى قويىپ،كۇنىنە قانشا جەرگە بارسام دا تابانىما  شوگىر كىرگىزبەيتىن قاسيەتىن ەلەپ-ەسكەرمەي،ەل ورىنعا وتىرار-وتىرماستان اياعىمنان سۋىرىپ،كەلسىن-كەلمەس جەرگە لاقتىرا سالاتىنىمدى ابدەن بىلەتىن شەشەم جۋىپ-شايىپ،جۇبىن جازباي قۇرعاتىپ قوياتىنىن ەرتەسى ويانعانىمدا بىلسەم دە،شەشەمنىڭ سول ەڭبەكتەرىن ءدال مەزەتىندە ەسكەرە المايتىنمىن. اۋەلى،كەيدە تاڭەرتەڭ كەشەگى  سوگىلگەن جەرى بۇتىندەلە قالاتىنى دا بار. سارى پەرەزەنتتەن جاسالعان وسى شاقايدى قانشا جاز كيگەنىمدى بىلمەيمىن،كۇن شىعا ۇيدەن اتتانىپ،اۋىلدىڭ اياعىنداعى شوقات سازدى باسىمىزعا كوشىرىپ،تايىنشا-تورپاق ءمىنىپ، قاز-ۇيرەكتىڭ بالاپانىنداي توبىمىزدى جازباي ويىن سوڭىنان كەتەتىنبىز.

  مەنىمەن ءتوس سوعىستىرىپ،قاتارىمدى مولايتىپ جۇرگەندەردىڭ كوبىنىڭ اياعىنا مەنىڭ اياعىمداعى سارى شاقاي دا وڭايشىلىقتا تابىلا كەتپەيتىن. بۇل شاقايدىڭ كەلۋ قاينارىن ۇعىسا كەلە،ماعان اتاپ سوعىلعان شاقاي ەمەستىگىن بەرتىن كەلە ءبىلدىم،وسىدان بىرنەشە جىل ىلگەرى ەڭ ۇلكەن اعاما ناعاشى اعامىز اكەلىپ بەرگەنى ءمالىم بولدى،سيماي قالعان جەرىنەن مەنىمەن جولىعىسىپتى. ءوڭى سۇرعىلتتانىپ، جۇلىمى كورىنىپ تۇرعانىمەن،اياققا جايلى، كۇندەلىك جۋىلىپ-شايىلىپ،جىرتىلعان جەرى بۇتىندەلىپ تۇرۋىنان بولار،بوگدە ءيىسى دە اڭدالمايدى،ات-اتاعى دا الىس-جاقىنعا جايىلىپ كەتكەن. اسىرا ايتقانىم ەمەس،شىندىققا كوز جۇمۋعا بولمايدى،ايتىپ-ايتپاي سولاي ەدى:

  شۋاعىن توككەن جاز كۇندەرىنىڭ ءبىرى ەدى. توسەكتەن ەندى باسىمدى كوتەرىپ،ۇيقىلى-وياۋ وتىرعانىمدا،كورشى اپامىز كۇلىمدەي ۇيگە كىرىپ: « ‹ايران سۇراي كەلىپ، شەلەگىڭدى جاسىرما› دەگەن،ۇلداردىڭ ءبىرىن ەرتىپ توركىنىمە بارايىن دەپ ەدىم،بىرەۋىندە دە ءىلىپ الار شاقاي جوق،قايسىسىنا ءدال كەلسە،سونى ەرتىپ بارايىن،مىنا ۇلىڭنىڭ شاقايىن بەرە تۇراسىڭ با؟» دەپ شەشەمە قادالعاندا،شەشەم ماعان بۇرىلىپ: «شاقايىڭدى بەرە تۇر،قايسىسىنىڭ باعى جانىپ ناعاشىسىنا بارار ەكەن» دەپ جىميىپ قانا قويعان. ات مىنگىزگەندەي ايال تاپپاعان كورشى اپامىز مەنىڭ جۇلىعى شىعىپ ەسكىرگەن شاقايىمدى كيگىزىپ،ماڭدايى جارقىراعان ءبىر ۇلىن ەرتىپ،توركىنشىلەپ كەلگەنى بار. ءارقانداي ءىستىڭ قادىرى قولدا جوقتا بىلىنەدى ەكەن،جامان سارى شاقايىمنىڭ اياعىما تيگىزگەن كوپ سەبىن سوندا بىلگەم.

  اكەمىز قالاعا كەتكەندە،ءبارىمىز جولىن قارايتىنبىز،ويتكەنى ول كىسى ءاردايىم ايتقانىن ورىندايتىن ادام،بۇل جولى كەتكەندە ماعان جاڭا شاقاي اكەلەم دەپ ۋادە بەرگەن. ايتقانداي-اق سۋ جاڭا شاقاي اكەلگەندە،كونەتوز شاقايىمدى ەسىك كوزىنەن ءبىر-اق لاقتىرىپپىن. جاڭا شاقايعا دەگەن باستاپقى جالىنىم سونە باستاعاندا،شەشەم كونەتوز شاقايىمدى قايتا قولىما بەرىپ جاتىپ:
-قارعام،مىنانى كيىپ ال،جاڭا شاقايىڭا سەپ بولادى،-دەپ ۇنەمشىلدىكتىڭ يگىلىگىن ۇيرەتكەنى بار.
وتكەن جاز تىرس ەتكەن جاڭبىر جاۋماي، قارا سۋىعى قاتتى قىس اياعى سوزىلىپ ارىق-تۇراق مال كوبەيىپ، مالشىلاردىڭ الاڭىن مولايتا باستاعاندا،اياق استىنان اۋىل ورتالىعىنا جەم-ءشوپ تيەگەن «ازات» ماركالى ءبىرقانشا اسكەري اۆتوكولىك پايدا بولىسىمەن،مالشىلار الاڭنان قۇتىلىپ،بايىرعىسىنشا ءماز بولا كەتكەنى بار. مىنە بۇل بيڭتۋاننىڭ جەرگىلىكتى بۇقاراعا كورسەتكەن زور كومەك سەبى ەدى. وسى ىستەن سوڭ «سەپ» اتاماسىنىڭ قوعامدىق ورتادان دا زور ۇلەس الاتىنىنا كوزىم جەتتى.

  ات جالىن تارتىپ مىنگەننەن باستاپ،وتىن-سۋ اكەلىسىپ،انامىزعا قولعابىس ەتىپ جانە مال قايىرىسىپ،ءشوپ شابىسىپ،اكەمىزگە سەبىمىزدى كورسەتكەنىمىز ءۇشىن،بىرەۋدەن « بالالارىڭ باعىڭدى اشىپ،سەپ بولا باستاپتى» دەگەندى ەستىپ،توبەمىز كوككە جەتكەندەي قۋاناتىنبىز،اكە-شەشەمىز دە شىرايلارىنا كۇلكى ءۇيىرىلىپ،كوپ-كورىم كوتەرىلىپ قالاتىن.
تابيعات جاۋىن-شاشىنسىز تۇرمايدى عوي. قارا كۇزدىڭ سوڭى بولاتىن. ازىناعان باتىس بورانىنا شەكەسىن توسەپ،اكەمىز ەكى وگىزگە ىڭىرشاق ارتىپ،كوشۋدىڭ قامىمەن،فەرما ورتالىعىنان قىستىق نورما الۋعا جولعا شىققان. اق تاياقتىڭ بيلىگىن قولىما الىپ مال شەتىنە شىعار جولىمدا شەشەم ەرىنبەي-جالىقپاي تەڭدى بۇزىپ،مەنىڭ قىس ورتاسىندا كيەتىن تەرى كۇردەگىمدى الىپ شىعىپ: «بالام بۇگىن قارا سۋىق قاتتى ۇقسايدى،مىنانى كيىپ ال،كەۋدەڭە سەپ بولادى» دەگەن مەيىر-شۋاقتى ءسوزى بۇل كۇنگە دەيىن جانىمنان وشپەيدى.

  كۇندەلىكتى ءومىر قۋانىش-شاتتىقتان كەندە ەمەس،بۇگىن قايسى بىرەۋگە كورسەتكەن قايىرىمدىلىعىمىز ەرتەڭگى ومىرىمىزگە سەپ بولىپ  جاتاتىن كەزدەرى دە كەزىگەدى. كەي كەزدەرى ورىنسىز اشۋىڭا «سابىر» دەگەن سارى التىنداي جالعىز اۋىز ءسوز دە سەبىن تيگىزىپ،سەلتەڭ مىنەزدەن ايىقتىرىپ،يگىلىگىن كورىپ جاتاسىڭ.

  بۇگىن ساۋ ءجۇرمىن،ەرتەڭ نە بولامىن دەۋگە ەشكىمنىڭ كوزى جەتپەيدى عوي. جيىرما نەشە جىل ءبىر اۋىلدا شاي دەسپەي وسكەن ءبىر دوسىم سالماقتى اۋرۋعا شالدىعىپ،كوپ ۋاقىت توسەككە تاڭىلىپ،جانىن ولجا ەتىپ،اۋىلىنا ورالعاندا،جان-جاقتان جامىراي شۋاعان كوڭىل سۇراۋشىلاردىڭ قاتارىندا قالقيىپ مەن دە ورنىمدى بوساتپاعام. دەن ساۋ كەزىندە پەندە بالاسى ساۋلىقتىڭ دا قادىرىن بىلە كەتپەيدى ەكەن-اۋ. ونىڭ جانىن الىپ قالۋىنا سەبەپشى بولا الماساق تا،كوز جاسىن اعىتىپ،مۇڭ-شەرىن توككەندە قاسىندا بولعانىمىز ءۇشىن ول قانشاما تەبىرەنىستە بولدى دەسەڭىزشى؟! ونىڭ ريزا بولعانداعى ايتقان: «دەن ساۋ كۇنىڭدەگى ويىن-كۇلكىڭ،قيال ارقالاپ شارشاعانىڭنىڭ ءبارى اۋرۋ اينالدىرسا،ءادىرا قالادى ەكەن،سونشا كوپ دوس-جارانىمنىڭ ىشىندە كوزىمە كورىنىپ وتىرعاندارىڭنىڭ ءوزى اۋرۋ زاردابىنان ايىققانىما ۇلكەن سەپ بولدى» دەگەن ءسوزى ءبىزدىڭ وعان دەگەن باۋىرمالدىعىمىزدى تىپتەن اسىرىپ،اينىماس دوس ەكەنىمىزدى مىنا جۇرتقا ءتىپتى دە ايگىلەي تۇسكەندەي ەدى.

  ءيا،سەپ تۋرالى شەرتەرىم ءالى كوپ ەدى مەنىڭ،ءبىراق سىلدىر ءسوزدى كوپ شۇبالتقىم كەلمەيدى. ومىرىمدەگى بولماشى وقيعالار وسى شىعارمانى تۋىنداتۋعا قانشالىق سەپ جاساعانىن بىرەۋلەر بىلمەسە دە كەرەك. ءبىراق،سەپ دەگەن سەلدەي بولىپ اعىلا كەتپەيتىندىگىن دە سەرگەكتىكپەن سەزىنۋىمىز كەرەك. تەك، ءوزىڭنىڭ اقىلىڭ،ادال ەڭبەگىڭ عانا جاڭا  ءداۋىر قاجەتىنە جاراۋعا جاردەمشى بولىپ، سەبىن تيگىزەتىنىن ەرتە باستان ەسكەرۋىمىز ەڭ ورىندى ما دەپ ويلايمىن.

  سەپ سەرگەلدەڭدىكتەن سەرگىتىپ،سىرقاتىڭنان ساۋىقتىرىپ،ءومىر جولىڭدى جارىقتاندىراتىن نۇر ساۋلە. سەپ باۋىرىڭا قان جەتكىزىپ،جۇرەگىڭدى جىبىتەتىن قوزعاۋشى كۇش. سەپ تۇرعان جەردە شەپ تۇرادى. سەپ تۇرعان جەردە بىرلىك ورنايدى. جانى قينالىپ،بالتىرى سىزداعاندارعا سەپ جەتكىزەتىن بىرەر ءىستى تىندىرۋعا تالماعانىڭ _ تىڭ تىرشىلىكتى ومىرشەڭدىككە جالعاعانىڭ. سونىڭ ءۇشىن سەپ دەگەن وسى ءبىر سوزگە ەشقانداي شەك كەلتىرمەي،ايتىلعان جەردە  ايىزىم قانعانداي بولادى.

  ءيا،وزىمىزدەگى بار مۇمكىندىكپەن ۇلتتار ارا دوستىققا،ادامدار ارا مەيىرىمگە،قوعام جاراسىمدىلىعىنا،ءار ادامنىڭ كوڭىلىنە كۇلكى، جۇرەگىنە قۋانىش ۇيالاتۋعا سەپ بولا جۇرەيىك!

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى؛ « تارباعاتاي اقپارات تورابىنان »الىندى 

 
powered by IlgharCMS 3.2 www.ilghar.cn