بىرلەسقان ءابىلعازى قىزى
جۋسان ءيىسى بۇرقىراپ اۋىلداعى،
مالعا تولىپ مىڭعىرىپ اۋىل ماڭى.
ەلىتىپ ءبارى-ءبارى مەنى وزىنە،
ەركە بۇلاق سىبىرلادى جانىمداعى.
جۋسان ءيىسى اڭقىسا بوكتەردەگى،
كوك پۇلىسقا ورانىپ كوك بەلدەرى.
مۇنارلانىپ كوكشىل ساعىم كوز الدىمدا،
اتا-انامدى ەلەستەتەر وپكەن لەبى.
جۋسان ءيىسى بۇرقىراپ قىرلارىنان،
قاسيەتىن بايقاتار جىرلارىمنان.
و، عاجاپ، اۋىل ماڭى ىقىلاستى،
مەيىر توگىپ تۇراتىن شىڭدارىنان.
جۋسان ءيىسى تارالىپ اۋاسىنان،
قۇلاپ اققان قوس بۇلاق ساعاسىنان.
تاڭمەن بىرگە سايراسا تاۋ بۇلبۇلى،
تابيعاتىنا كەتەتىن جاراسىپ ءان.
جۋسان ءيىسى كەلەتىن جەل وتىنەن،
قۇشىرلانا، قۇمارتىپ وبەتىن ەم.
سايىن دالا، تىنىستى مەكەنىمە،
ءجيى-ءجيى ساعىنىپ كەلەتىن ەم.
جۋسان ءيىسى شىعاتىن مالشىلاردان،
قويعا ءمىنىپ تورىسىن قامشىلاعان.
جۇپار اڭقىر ساعىندىم قىراتتاردى،
بابامنىڭ ماڭداي تەرى تامشىلاعان.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان»الىندى