جالپى حالىقتىق دەنساۋلىق تەكسەرۋ قىزمەتىن ورىستەتتى

       ۇسىنىس ەتىلگەن ءتىلشى ساۋلە كەنجەبەك قىزى حابارلايدى. پارتيا 19-قۇرىلتايى بايانداماسىندا: «حالىقتىڭ دەنساۋلىعى _ ۇلتتىڭ گۇلدەنىپ - كوركەيۋى مەن مەملەكەتتىڭ بايىپ قۇدىرەتتەنۋىنىڭ ماڭىزدى بەلگىسى.  اقاۋسىز جۇڭگو ستراتەگياسىن اتقارىپ،حالىقتىڭ دەنساۋلىعى جونىندەگى ساياساتتى كەمەلدەندىرىپ،حالىق بۇقاراسىنا دەنساۋلىق جاعىندا جان-جاقتى، تولىق دۇركىندى قىزمەت وتەۋ كەرەك. ەمدەۋ،ءدارى - دارمەك،دەنساۋلىق ساقتاۋ ءتۇزىلىسى رەفورماسىن تەرەڭدەتىپ،جۇڭگوشا نەگىزگى ەمدەۋ - دەنساۋلىق ساقتاۋ ءتۇزىمىن،ەمدەلۋدى قامتاماسىز ەتۋ ءتۇزىمىن جانە ەمدەۋ - دەنساۋلىق ساقتاۋ جونىنەن ساپالى،ءونىمدى قىزمەت وتەۋ جۇيەسىن جاپپاي ورناتىپ،وسى زامانعى شيپاحانا باسقارۋ ءتۇزىمىن اقاۋسىزداندىرۋ كەرەكتىگى» ورتاعا قويىلعان. 5-ايدىڭ 17-كۇنى ساۋان اۋدانى 2018-جىلعى جالپى حالىقتىق دەنساۋلىق تەكسەرۋ قىزمەتىن جاپپاي اتتانىسقا كەلتىرىپ، تۇتاس اۋدانداعى ءارقايسى اۋىل، قالاشىق (فەرمانىڭ) ەمدەۋ   ورىندارى جالپى حالىقتىق دەنساۋلىق تەكسەرۋ قىزمەتىن ءتارتىپتى ورىستەتتى.
 
    سانداۋحىزى قالاشىعىنىڭ ەمدەۋ ورنىندا ءار ۇلت جۇرتشىلىعى ءنومىر الىپ، قان تەكسەرتىپ، رەنتگەنگە ءتۇسىپ،تەگىن دەنساۋلىق تەكسەرتىپ،پارتيا مەن ۇكىمەتتىڭ شىنايى مەيىرىن سەزىندى.

     جالپى حالىقتىق دەنساۋلىق تەكسەرۋ ينجەنەرياسى اتقارىلعاننان بەرى ساۋان اۋدانىنداعى ءار ۇلت جۇرتشىلىعى ءار جىلى تەگىن دەنساۋلىق تەكسەرۋدەن يگىلىكتەنىپ،ەمدەۋ ارقىلى حالىققا تيىمدىلىك جەتكىزۋ ساياساتىنىڭ يگىلىگىن كوردى.
     سانداۋحىزى قالاشىعى قۇلجا جولى الەۋمەتتىك اۋماعىنىڭ تۇرعىنى ديڭ چىڭپيڭ: «بۇرىن دەنساۋلىعىمىزدى ەكى دە ءۇش جىلدا ارەڭ ءبىر رەت ءوز قاراجاتىمىزبەن تەكسەرتەتىنبىز. ال قازىر پارتيانىڭ ءتيىمدى ساياساتىنىڭ ارقاسىندا دەنساۋلىعىمىزدى ءار جىلى تەگىن تەكسەرتەمىز، پارتيا مەن ۇكىمەتكە راقىمەت» دەدى.

     ۇعىسۋعا قاراعاندا،5-ايدىڭ 17-كۇنى تۇستەن بۇرىن سانداۋحىزى قالاشىعى كۇيتۇن جولى،قۇلجا جولى،كونە ساۋان جولى،ورمان الاڭى،ءۇرىمجى باتىس جولى سياقتى 5 الەۋمەتتىك اۋماقتاعى 120 دان ارتىق تۇرعىن سانداۋحىزى قالاشىعىنىڭ ەمدەۋ ورنىندا دەنساۋلىقتارىن تەگىن تەكسەرتتى. جالپى حالىقتىق دەنساۋلىق تەكسەرۋ ءار ۇلت جۇرتشىلىعىنىڭ ءتۇرلى اۋرۋلادان ساقتانىپ،ەرتە بايقاپ،ەرتە ەمدەلۋىنە كومەگىن تيگىزەدى. بۇل رەتكى ساۋان اۋدانىنداعى جالپى حالىقتىق دەنساۋلىق تەكسەرۋ قىزمەتى 9-ايدىڭ 30-كۇنى اياقتايدى ەكەن.

     سانداۋحىزى قالاشىعى ەمدەۋ ورنىنىڭ الەۋمەتتىك دەنساۋلىق ساقتاۋعا جاۋاپتى كادرى ۋ يۇن: «بۇگىن سانداۋحىزى قالاشىعى ەمدەۋ  ورنى جالپى حالىقتىق دەنساۋلىق تەكسەرۋ قىزمەتىن جاپپاي اتتانىسقا كەلتىردى، بيىل بۇرىنعى دەنساۋلىق تەكسەرۋ نەگىزىندە،15جاستان 64 جاس ارالىعىنداعى وكپە تۋبەركۋلەز اۋرۋىنا شالدىققانداردى سارالاپ تەكسەرۋ   ءتۇرى قوسىلدى،مەجەمەن 9-ايدىڭ 30-كۇنىنەن بۇرىن ساپا مەن سانعا  كەپىلدىك ەتۋ شارتى استىندا جالپى حالىقتىق دەنساۋلىق تەكسەرۋ قىزمەتىن تولىق ورىنداۋعا كۇش سالامىز» دەدى.

     سۋرەتتە: الەۋمەتتىك اۋماق تۇرعىندارى تەگىن دەنساۋلىق تەكسەرتۋدە.

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان»الىندى