ەەڭ جاڭا مازمۇندار
​مۇقيات جارمۇحامبەت شاۋەشەك قالاسىندا ءىشىنارا مەكتەپتەردىڭ وقۋ باستاۋ،ساباقتى قالپىنا كەلتىرۋ جانە مەكتەپ اۋلاسىنىڭ ىندەتتەن ساقتانۋ-تىزگىندەۋ قىزمەتىنە تەكسەرۋ-زەرتتەۋ جۇرگىزدى
ۇيىمدىق باسشىلىقتى كۇشەيتىپ،ءار جاقتاعى كۇشتەردى تۇتاس جوسپارلايىق
ءوز جاۋاپكەرشىلىگىن ءبىلۋ، ءوز جاۋاپكەرشىلىگىن شەبەرلىكپەن اتقارۋ كەرەك
جىلۋمەن قامداۋ نىسانىنىڭ جۇمىسى قالپىنا كەلدى
ايماعىمىزداعى اس-سۋ قىزمەت وتەۋ سالاسىنىڭ جۇمىستى قالپىنا كەلتىرۋ مولشەرى %90 تەن استى
ەگىس ۋاقىتىن مىقتى ۇستاپ،قاربالاس تۇقىم ءسىڭىردى
​اۋىل شارۋاشىلىق جابدىقتارىن قۇراستىرىپ،كوكتەمگى وندىرىسكە دايىندالدى
كوكتەمگى ءوندىرىس ۋاقىتىن كەشەۋىلدەتپەۋگە نەگىز قالادى
كىرىستى ارتتىرۋدىڭ جولىن اشىپ،اۋقاتتانۋ ارناسىن كەڭەيتتى
شاعانتوعاي اۋدانى جۇمىستانۋ تۇعىرىن قۇرىپ،كەدەيلىكتەن ارىلتۋعا دەم بەردى
90-جىلداردىڭ تۇلەگى زىڭ سۋفاڭ سەسترانىڭ ارمانى
قىستىق دوڭگەلەكتەرىن الماستىردى
كىتاپ دۇكەنى قاريدارلاردى قارسى الدى
چۋانشۇي قىستاعى ورتا تازالىعىن ىستەدى
2020-جىلى 3-ايدىڭ 26-كۇنى 57-سان
وقۋ باستاۋ،ساباقتى قالپىنا كەلتىرۋ قىزمەتىن قاتاڭ،ەگجەي-تەگجەيلى،ناقتى ويداعىداي ىستەپ،وقىتۋ ءتارتىبىنىڭ قالىپتى جۇرگىزىلۋىنە،وقىتۋشى-وقۋشىلاردىڭ دەنساۋلىعىنا شىنايى كەپىلدىك ەتۋ كەرەك
ايماق ءوندىرىس حاۋىپسىزدىگى جانە اپاتتان ساقتانۋ،اپات زيانىن ازايتۋ،اپاتتان قۇتقارۋ قىزمەتى تەلەۆيزور-تەلەفون ءماجىلىسىن اشتى
حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزەيىك
شيحۋ بيىل كوكتەمدە 100 مىڭ ءتول الدى
شاعانتوعايدا مال قىستاۋلىقتان كوكتەۋلىككە كوشتى
تىڭلۇڭ ساۋدا بازارى جۇمىستى قالپىنا كەلتىرىپ،ساۋداگەرلەردىڭ ءبىر ايلىق ماياقىسىن كەشىرىم ەتتى
ءدوربىلجىن: «جاقسى ءۇي يەلەرى» ءۇيدىڭ ماياقىسىن ارزانداتىپ،مەيىر جەتكىزدى
ايماعىمىزدا 120 مىڭ وقۋشى وقۋ باستادى
ماڭگى اتويلاپ الدا جۇرەتىن جاقسى ساقشى بۇلۇك
جاۋ باۋتۇڭ: ماڭگى وشپەيتىن «اۋە شايقاسىنىڭ ەرجۇرەگى»
جاڭ يەلياڭ: ايباتى اسقاق قاھارماندىق رۋحقا كۋا بولعان 65 باسپالداق
2020 – جىلى 3-ايدىڭ 25-كۇنى 56-سان
جاڭا دامۋ ۇستانىمىن دايەكتىلەندىرىپ،ءتۇيىندى نىساندار قۇرىلىسىن جەدەلدەتىپ،بۇكىل رايون ەكونوميكاسىنىڭ جوعارى ساپالى دامۋىنا قوزعاۋشى كۇش ۇستەپ،سەرپىن بەرەيىك
اكىمشىلىك مەكەمەسى 2020-جىلعى 7-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى 2020-جىلعى 2-رەتكى ۋاليلەر قىزمەت ءماجىلىسىن اشتى

قارت كەۋدەنىڭ قايىرىمدى جۇرەگى

جولدانعان ۋاقىتى : 2018/5/23 11:36:00

ماقسات قيزات ۇلى

    «وتان وتباسىنان باستالادى» دەگەن ەمەس پە،ءوز وتباسىن دۇرىستاپ باسقارىپ،ءوز وتباسىنا جىلۋلىق الا كەلگەن ادام عانا وتانىنا ءوز ۇلەسىن قوسا الاتىنى ايدان انىق. دەگەنمەن دە قازىرگى كۇنى جاستار اراسىندا باس قۇراپ، بالا-شاعالى بولسا دا، تۇرمىستىڭ قيىنشىلىعىنا توزە الماي، ءبىر-ءبىرىن تۇسىنە الماي ەكى جاققا كەتىپ جاتقان وتباسىلار از ەمەس، ورتادا جىلاپ بالا،ويرانعا اينالىپ وتباسى قالادى. جىلاعان بالا ءتىرى جەتىم كۇي كەشىپ، قوعامنىڭ دەرتىنە اينالعانىن كوز كورگەنىن قايتەرسىڭ.

    ال، وسىنداي وتباسىلاردىڭ قاندايىنا بولسا دا ۇلگى بولارلىق تاعىلماتى مول، مەيىرىمى كول جاراسىمدى جۇبايلار ارامىزدا جوق ەمەس، جاراسىمدى قوعامنىڭ شاڭىراعىنا ۋىق بولىپ قادالىپ، مەملەكەتىمىزدىڭ گۇلدەنۋىنە ۇلەسىن قوسىپ، جۇڭحۋا ۇلتىنىڭ كوركەيۋىنە ونەگە بولعان ۇلكەندەردىڭ اڭگىمەسى اۋىل-اۋىلدى ارالاپ كەتسەڭىز، الدىڭىزدان اتتانداپ شىعادى. سول شاقتا «جاساي بەر جاراسىمدى جۇرت، كوركەيە بەر ىنتىماق پەن بەرەكە» دەپ توڭىرەككە جار سالعىڭ كەلەدى.

    سونداي جاراسىمدى جانداردىڭ ءبىرى، شاۋەشەك قالاسىنىڭ شاعجى مال فەرماسىندا تۇراتىن جەتپىس جاستاعى قارت ليۋ بيڭيان مەن 68 جاستاعى حۋاڭ يۇيلان. كونە كوز قارتتاردىڭ ءبىر-بىرىنە دەگەن ىستىق مەيىرىمى، اسىرەسە جەتپىسكە كەلسە دە اۋرۋ توسەگىندەگى جان جولداسىنا دەگەن سەنىمى مەن سۇيىسپەنشىلىگىن وشىرمەي، ايەلىن ايالاپ باققان ليۋ بيڭيان قاريانىڭ قاجىرى مەن قايراتى، سەنىمى مەن سۇيىسپەنشىلىگى ءبىزدى ەرىكسىز تاڭىرقاتتى.

      جاقسىلىق جەردە قالعان با،ءبىز ايتىپ جىرلاماساق تا،ليۋ بيڭيان قاريانىڭ ىزگى ءىسى «بىرەگەي جۇڭگولىقتار» دەيتىن باعالاۋدىڭ تىزىمدىگىنە ەنگىزىلىپ تە بولىپتى.

    تاعدىر-اي دەسەڭشى! وسىدان تۇپ-تۋرا 33 جىل بۇرىن ليۋ بيڭياننىڭ ايرانداي ۇيىعان وتباسىنا قاسىرەتتى كۇن تۋدى، جايراڭداپ جۇمىسىن ىستەپ، 4 قىزىن ماپەلەپ ءوسىرىپ وتىرعان حۋاڭ يۇيلان اياق استىنان ەسىنەن تانىپ قالدى دا، اياق-قولى دەمدە قۇرىسىپ، جازىلماي قالدى. ليۋ بيڭيان جولداسىن دەرەۋ  شيپاحاناعا اپاردى. شيپاگەر حۋاڭ يۇيلاننىڭ رەۆماتيزم دەرتىنە شالدىققانىن ايتىپ، وعان از بولماعان ەم-دوم ىستەتتى، حۋاڭ يۇيلاننىڭ اياق-قولىنىڭ قۇرىسقانى ازداپ جازىلعانىمەن، تولىق ساقايىپ كەتە المادى، ارى قاراي ەمدەتۋ ءۇشىن،ىشكى ولكەدەگى ءىرى قالانىڭ شيپاحاناسىنا اپارۋعا تۋرا كەلدى،

    ءبىراق وعان ليۋ بيڭياننىڭ قالتاسىنداعى قاراجات  قاراشا ءۇيدىڭ ىرىس قۇتىن ازەر ايىرۋعا جەتەتىن ەدى.
حۋاڭ يۇيلان تاياققا سۇيەنىپ قالدى.سودان بەرى ليۋ بيڭيان 4 بالاسى مەن اۋرۋ ايەلىن باعىپ،تاعدىردىڭ باسقا سالعان قيىندىعىنا مويىماي،وتباسىنىڭ قيىنشىلىعىن ءبىر ءوزى كوتەرىپ،قىلشا   مويىنى تالشا بولعانشا تىنباي تالاپتاندى.

    اۋىلداستارى بىردە ليۋ بيڭياننىڭ حۋاڭ يۇيلاندى ارقاسىنا كوتەرىپ شيپاحاناعا  اپارا جاتقانىن كورسە؛بىردە بالالارىن جەتەكتەپ مەكتەپكە اپارا جاتقانىن كورەدى،بىردە شاعىن ءۇيدىڭ جىلۋىن كەتىرمەي،وتىن جاعىپ وتىرعانىن كورسە؛بىردە ۇيدەگى اقارلى-شاقارلى بالا- شاعاعا تاماق ىستەپ جاتقانىن كورەدى.

  قىرات باسىنان تاۋداي وتىندى ارقالاپ كەلە جاتقان كىم دەسە، اۋىلدىڭ بالالارى بىردەن جازباي تانىپ، ول _ ليۋ بيڭيان دەر ەدى.
قاس قارايا جۇمىستان شارشاپ-  شالدىعىپ كەلە جاتسا دا ولەڭدەتىپ،  ومىرگە كۇلە قاراپ كەلە جاتقان كىم   دەسە،جۇرت ول _ ليۋ بيڭيان دەر ەدى.
جازدىڭ شۋاقتى كۇنىندە جان جولداسىن ەسىك الدىنا شىعارىپ،تاماق بەرىپ،اڭگىمە ايتىپ وتىرعان مىنا مەيىربان جان كىم دەسە، ەلدىڭ ءبارى ول _ ليۋ بيڭيان دەر ەدى.

  _ ءبىز بىرلىكتە عۇمىر كەشتىك، تىزە قوسا وتىرىپ ءتۇتىن تۇتەتتىك،ءتورت قىزىمىز دا قۇتتى ورنىنا قوندى، بارلىعى دا وپالى بالالار، ۇنەمى كەلىپ جاعدايىمىزدى ۇعىسىپ تۇرادى. جولداسىمنىڭ تاياققا سۇيەنىپ قالعانىنا مىنە تۇپ-تۋرا 33 جىل بولىپتى، وتىز جىل وتىز كۇندەي وتە شىقتى، بارلىعىنا شىداي ءبىلدىم. كۇندە بەتى-قولىن، اياعىن جۋىپ بەرەمىن، تىزەسىنە ماسساج جاساپ، ۋقالاپ بەرەمىن، كوڭىلى دە كوتەرىڭكى، مەن بولماسام الاڭداپ قالادى. بۇنىڭ ءبارى مەنىڭ ىستەۋگە ءتيىستى جۇمىسىم، جاقسى كۇندە بىرگە بولعان جارىڭدى باسىنا ءىس تۇسكەندە دالاعا تاستاپ كەتسەڭ، ادامگەرشىلىككە جات ەمەس پە، ماعان كورشىلەرىم: «ءسىز، راسىندا،قايسار دا مەيىرىمدى جان ەكەنسىز، 30 جىلعى قيىندىققا قىڭق دەمەدىڭىز، ال وتاسقانىنا 30 كۇن بولماي جاتىپ،وتاۋىن بۇزىپ جاتقاندار قانشاما؟» دەيدى تاڭ قالىپ، بۇنىڭ ەشقانداي تاڭعالارلىعى جوق،ادامنىڭ جۇرەگىندە سەنىم مەن سۇيىسپەنشىلىك وشپەسە، بارلىعى وڭىنا باسادى. 
    باقىت دەگەن وتباسىنىڭ جاراسىمدىلىعىندا،وتباسىن دۇرىستاپ قۇرا الماساق، جاراسىمدى قوعامدى قايتىپ قۇرا الامىز، جۇڭگو ارمانىن ىسكە اسىرۋ ءاربىر  جۇڭگولىق وتباسىنىڭ ارمانى بولۋ كەرەك، وتباسىنداعى ارمان، وتباسىنداعى جوسپار جۇزەگە اسسا، جۇڭگو ارمانى دا قاناتىن كەڭگە جايادى. ءبىز وتانىمىزدىڭ ءبىر مۇشەسىمىز،ءبىز وتانىمىزعا ۇلكەن ۇلەس قوسپاساق تا، وتباسىمىزدى ايالاي بىلسەك، ونىڭ ءوزى ۇلكەن ەڭبەك.

    بۇل جەتپىسكە كەلگەن ليۋ بيڭيان قارتتىڭ جاستارعا ايتقان اقىلى، ومىردەن قورىتقان تاتىمدى تاجىريبەسى. «قارتى بار ءۇيدىڭ قازىناسى بار» دەگەن ەمەس پە، ءبىر اۋىلعا ۇلگى بولىپ وتىرعان جەتپىستەگى اقساقالدىڭ قايسارلىعى مەن قامقورلىعى بىلايعى جۇرتقا جاقسى اسەرىن سيلايدى دەگەن ويدامىز.

    رەداكتورى : جىگەر ومىربەك ۇلى                                           


      تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
      مىسالى: «تارباعاتاي اقپارات تورابىنان»الىندى 

 
powered by IlgharCMS 3.2 www.ilghar.cn