ءتىلشىمىز چىن لۋمان حابارلايدى. جاقىنعى كۇندەردەن بەرى تولى اۋداندىق انا-بالالاردىڭ دەنساۋلىعىن قورعاۋ شيپاحاناسىندا لياۋنيڭ ولكەسى بىنشي قالاسىنان شينجياڭعا كومەككە كەلگەن ەمدەۋ مامانى لي حۇڭ ناۋقاس ەمدەۋمەن بىرگە، شيپاگەرلەرگە كاسىپتىك جاقتان ساباق سويلەپ قاربالاس بولدى.
بىنشي قالالىق انا-بالالاردىڭ دەنساۋلىعىن قورعاۋ بولىمشەسىنىڭ ورىنباسار مەڭگەرۋشىسى لي حۇڭ 24 جىلدىق ەمدەۋ تاجىريبەسىنە يە شيپاگەر، ىلگەرىندى-كەيىندى ايەلدەر اۋرۋلارىن جاپپاي تەكسەرۋ-ەمدەۋ، جوسپارلى تۋىت وپەراتسياسىن جاساۋ، ايەلدەر اۋرۋى، تۋىت ءبولىمى كلينيكالىق ەمدەۋى جانە شۇعىل قۇتقارۋ، نەگىزگى ساتىداعى ايەلدەرگە دەنساۋلىقتى كۇتىمدەۋ تاربيەسىن جۇرگىزۋ جانە انا- بالالاردىڭ دەنساۋلىعىن قورعاۋ ىستەرىن باسقارۋ سياقتى قىزمەتتەرمەن شۇعىلدانعان.
5-ايدىڭ باس شەنىندە لي حۇڭ تولى اۋدانىنا كەلگەننەن كەيىن قىزمەتكە دەرەۋ كىرىسىپ، 400 دەن استام ءار ۇلت جۇرتشىلىعىنا ەمدەۋ جۇرگىزگەن. مۇنان سىرت، جەرلىك ورىنداعى جۇكتى ايەلدەر ورتاسىندا قان ازدىق اۋرۋىنا شالدىققاندار ءبىرشاما كوپ ەكەنىن كوزدە ۇستاي وتىرىپ، ازىقتانۋ جانە ءدارى-دارمەك تۇتىنۋ جاقتارىنان جەتەكشىلىك ەتتى.
ۇعىسۋعا قاراعاندا، لي حۇڭ تولى اۋدانى تۇڭعىش توپتا ۇسىنىس ەتكەن انا-بالالاردىڭ دەنساۋلىعىن قورعاۋ مامانى ەكەن. ەمدەۋ ورەسىن جوعارىلاتۋ ءۇشىن، تولى اۋداندىق انا-بالالاردىڭ دەنساۋلىعىن قورعاۋ شيپاحاناسى الداعى ءۇش جىل ىشىندە ءار توقساندا ءبىر ماماندى جەتەكشىلىككە ۇسىنىس ەتۋدى ۇيعارعان.
لي حۇڭ بوس ۋاقىتىنان جانە ءار اپتاداعى كاسىپتىك ۇيرەنۋدەن پايدالانىپ، ءوزىنىڭ ەمدەۋ جاعىنداعى قىزمەت تاجىريبەلەرىن جەرلىك ورىنداعى شيپاگەرلەرگە ۇيرەتىپ، ولاردىڭ ەمدەۋ ورەسىن جوعارىلاتتى.
اۋداندىق انا-بالالاردىڭ دەنساۋلىعىن قورعاۋ شيپاحاناسىنىڭ باستىعى، تەتە اعا شيپاگەر ءديدار تالعات قىزى: «لي حۇڭ شيپاگەردىڭ كومەگىندە شيپاحانامىزدىڭ جۇكتى ايەلدەردىڭ دەنساۋلىعىن قورعاۋ، ورتا جاستاعى جۇكتى ايەلدەردى كۇتىمدەۋ، تۋىتتان كەيىنگى جاعدايىن يەلەۋ، جۇقپالى اۋرۋدىڭ الدىن الۋ جانە ەمدەۋ سياقتى جاقتارداعى ورەسى ۇزدىكسىز جوعارىلادى» دەدى.
قىسقا عانا 20 كۇندە لي حۇڭ كاسىپتەستەرىمەن تاتۋ-ءتاتتى ءوتىپ، شيپاگەرلەرمەن «ۇيرەتۋ، كومەكتەسۋ، جەتەلەۋ» قاتىناسىن ورناتتى. ول شينجياڭعا كومەككە كەلگەن وسى ءبىر توقسانداعى ۋاقىتتان پايدالانىپ، تولى اۋدانىنا ساپالى ەمدەۋ قىزمەتكەرلەرىن تاربيەلەپ بەرۋدى جوسپارلاپ وتىر ەكەن.
لي حۇڭ: «وسى ءۇش ايدا شيپاگەرلەرگە بىلگەندەرىمدى ۇيرەتىپ، تۇتاس اۋدانداعى قالىڭ جۇكتى ايەلدەرگە جاقسى قىزمەت وتەپ، جاۋاپكەرلىگىمدى ادا ەتەمىن» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: « تارباعاتاي اقپارات تورابىنان »الىندى