ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

گريشا

جولدانعان ۋاقىتى : 2018/5/28 16:34:52

چەحوۆ  (رەسەي)
 
   بۇدان ەكى جىل سەگىز اي بۇرىن تۋعان گريشا دەيتىن مونداناقتاي كىشكەنە بالا كۇتۋشى ايەلمەن بىرگە سايالى جولدا سەرۋەندەپ ءجۇر. ونىڭ ۇستىندە ماقتا تارتقان ۇزىن قاپتال شاپانى، موينىندا ءشارپى، باسىندا شاشاقتى تۇيمە باستىرعان ۇلكەن بوركى، اياعىندا جىلى كالوشى بار. ءوزى پىسىناپ، ىستىقتاپ ءجۇر، ونىڭ ۇستىنە اپرەلدىڭ شۋاق كۇنى كوزىنە تۋرا شاعىلىسىپ، قاباعىن جازدىرمايدى.

  اياعىن جاسقانا، انتەك-انتەك باسقان يكەمسىز سىرت كورىنىسىنەن ونىڭ، ءتىپتى، تاڭ-تاماشا بوپ جۇرگەنى بايقالىپ تۇر.

  بۇعان دەيىن گريشا ءبىر بۇرىشىندا ءوز توسەگى، ءبىر بۇرىشىندا كۇتۋشى ايەلدىڭ ساندىعى، ەندى ءبىر بۇرىشىندا ستول، تاعى ءبىر بۇرىشىندا شىراق جانىپ تۇراتىن ءتورت بۇرىشتى ءبىر عانا الەمدى بىلەتىن ەدى. توسەكتىڭ استىنا قاراساڭ، قولى سىنعان قۋىرشاق پەن بارابان كورەسىڭ، ال ەندى كۇتۋشى ايەلدىڭ ساندىعىنىڭ استىندا ماشينانىڭ ءجىپ وراۋىشتارى، قاعاز، قاقپاقسىز ساۋىت، ادام كۇلەرلىكتەي بوپ قيراپ قالعان ءار ءتۇرلى نارسەلەر وتە كوپ، بۇل الەمدە كۇتۋشى ايەل جانە گريشادان باسقا شەشەسى مەن مىسىق تا ءجيى-ءجيى بولىپ تۇرادى. شەشەسى قۋىرشاققا ۇقساس تا، مىسىق پاپاسىنىڭ ىشىگىنە ۇقساس، ىشىكتىڭ تەك قۇيرىعى مەن كوزى عانا جوق. بالالار بولمەسى دەپ اتالاتىن الەمنىڭ تۇستىك اس جەلىنىپ، شاي ىشىلەتىن كەڭەستىككە اپاراتىن ەسىگى بار. وندا گريشانىڭ ۇزىن سيراق ورىندىعى، ماياتنيگىن بۇلعاقتاتىپ، دىڭعىرلاۋ ءۇشىن عانا تۇرعان ءىلۋلى ساعات بار. اس ىشەتىن بولمەدەن قىزىل بىلقىلداق ورىندىقتار تۇرعان بولمەگە وتۋگە بولادى. سول بولمەدەگى كىلەم بەتىندە قاراۋىتقان داق بار. سول ءۇشىن گريشا وسى كۇنگە دەيىن ءارقايسى ساۋساقتارىن بەزەپ، قورقىتىپ قويادى. ول بولمەنىڭ ار جاعىندا جانە ءبىر بولمە بار، وعان جىبەرمەيدى، وندا پاپاسى كورىنىپ قالىپ جۇرەدى _ ونىڭ ءوزى ءبىر بارىپ تۇرعان جۇمباق جان! كۇتۋشى ايەل مەن شەشەسىنىڭ جايى بەلگىلى: ولار گريشانى كيىندىرەدى، تاماقتاندىرادى، توسەگىن سالىپ جاتقىزادى، ءبىراق پاپاسىنىڭ نە كەرەگى بارى بەلگىسىز، باسقا تاعى ءبىر جۇمباق جان بار _ ول الگى گريشاعا سيلىققا بارابان بەرگەن اپاي. بىردە كورىنىپ، بىردە جوعالىپ كەتەدى. قايدا جوعالىپ كەتەدى ەكەن ءوزى؟ گريشا توسەكتىڭ استىن، ديۋاننىڭ استىن سان رەت قاراعان، ءبىراق اپاي وندا بولمايتىن…

  شاقىرايعان كۇن كوزدى اشتىرمايتىن مىنا جاڭا الەمدە اكە، شەشە، اپاي دەگەندەر سونشا كوپ، قايسىسىنا جۇگىرىپ بارارىڭدى بىلمەيسىڭ. ءبىراق بارىنەن دە تاڭعاجايىپ ءارى قيسىنسىزىراعى _ اتتار. گريشا ولاردىڭ قيمىلداپ بارا جاتقان اياقتارىنا قارايدى دا، ەشتەمەنىڭ بايىبىنا بار المايدى. ءوزىنىڭ بۇل جۇمباعىن كۇتۋشى ايەل شەشىپ بەرسە دەگەندەي وعان قارايدى، ءبىراق ول ۇندەمەيدى.

  ءبىر كەزدە ونىڭ قۇلاعىنا ءبىر سۇمدىق ءدۇرسىل ەستىلە قالدى… سايالى جولدىڭ ىشىمەن اياقتارىن بىردەي باسىپ، بەتتەرى قىزارا بورتكەن، قولتىقتارىنا مونشا سپىرتقى قىسىپ العان ءبىر توپ اسكەر تۋرا وعان قاراي كەلە جاتىر ەكەن. گريشانىڭ زارەسى ۇشىپ، تۇلا بويى مۇزداپ قويا بەردى، حاۋىپتى ەمەس پە دەپ سۇراعانداي، كۇتۋشى ايەلگە قارايدى. ءبىراق كۇتۋشى ايەل قاشپايدى، جىلامايدى دا، دەمەك حاۋىپسىز بولعانى. گريشا اسكەرلەردى كوزبەن ۇزاتىپ سالىپ، ءوزى دە سولاردىڭ ىرعاعىنا سالىپ ادىمداي باستادى.

  قۇيرىقتارى قايقيعان، تىلدەرى سالاقتاعان، ۇزىن تۇمسىق ەكى ۇلكەن مىسىق سايالى جولدى كەسە جۇگىرىپ ءوتتى. گريشا مەنىڭ دە جۇگىرۋىم كەرەك شىعار دەپ،مىسىقتاردىڭ سوڭىنان جۇگىرە جونەلدى.

  كۇتۋشى ايەل وعان:
_ توقتا! قايدا باراسىڭ؟ساعان تەنتەك بولسىن دەپ پە ەدى؟_ دەپ اقىرادى يىعىنان جۇلقي ۇستاي الىپ.

  مىنە ءبىر كۇتۋشى ايەل اپەلسين سالعان كىشكەنتاي استاۋ ۇستاپ وتىر. گريشا ونىڭ جانىنان ءوتىپ بارا جاتىپ، ۇندەمەستەن ءبىر اپەلسيندى الدى.
ەرتىپ جۇرگەن ايەل قولىنان قاعىپ، اپەلسيندى جۇلىپ الىپ جاتىپ:
_ مۇنىڭ نە؟اقىماق! _ دەپ زەكىدى ونى.

  گريشا ەندى اياق استىندا شامداي جارقىراپ جاتقان ءبىر شىنىنى قۋانا-قۋانا الا قويار ەدى. ءبىراق تاعى دا قولىمنان قاعاما دەپ قورىقتى.
_ سالەم بىزدەن! _ دەگەن بىرەۋدىڭ قاتتى، جۋان داۋىسى گريشانىڭ ءدال قۇلاعىنىڭ تۇبىنەن ەستىلە قالدى، قاراسا، ول ءبىر ۇزىن بويلى، جىلتىراۋىق تۇيمەلى ادام ەكەن.
گريشانىڭ راقاتتانعانى سونشا، الگى كىسى كۇتۋشى ايەلگە قولىن بەرىپ، ونىمەن بىرگە توقتاي قالىپ، سويلەسە باستادى. جارقىراعان كۇن، اربالاردىڭ، اتتاردىڭ ۋ-شۋى، جىلتىراۋىق تۇيمەلەر _ وسىنىڭ  ءبارى ءبىر تاڭ-تاماشا جاڭالىق جانە قۇبىجىق تا  ەمەس، سوندىقتان گريشانىڭ جانى ءسۇيسىنىپ، ساق-ساق كۇلە باستادى.
_ءجۇر_ ءجۇر! _ دەپ ايعايلادى ول،جىلتىراۋىق تۇيمەلى كىسىنىڭ ەتەگىنەن تارتقىلاپ.
_ قايدا بارامىز؟_ دەدى ول كىسى.
 _ءجۇر! _ دەپ قويار دا قويمادى گريشا.

  اكەمدى، شەشەمدى، مىسىقتى بىرگە الا جۇرسە تەرىس بولماس ەدى دەگىسى كەلەدى ونىڭ،ءبىراق، ءتىلى وعان ورالماي، مۇلدە، باسقانى ايتادى.
ءبىرازدان سوڭ كۇتۋشى ايەل سايالى جولدان بۇرىلىپ شىقتى دا، گريشانى ءالى قارى بار ۇلكەن قوراعا ەرتىپ كىردى. الگى جىلتىراق تۇيمەلى دە بۇلاردىڭ سوڭىنان ەرىپ كەلەدى. بۇلار ءۇيۋلى قار مەن شالشىق سۋدان ەپپەن اينالىپ ءوتىپ،سونان كەيىن، بىلعانىش قاراڭعى ساتىمەن ءبىر بولمەگە كەلىپ كىردى. بولمە ءىشى كوك ءتۇتىن، قۋىرعان ەتتىڭ ءيىسى شىعادى، مەش جانىندا ءبىر ايەل كاتلەت① قۋىرىپ تۇر. اسشى  ايەل مەن كۇتۋشى ايەل ءسۇيىستى دە، الگى كىسى ءبارى وتىرعىشقا وتىرىسىپ، اقىرىن كۇبىر-كۇبىر سويلەسە باستادى. وراۋلى-شىمقاۋلى گريشانىڭ قاتتى ىستىقتاپ، پىسىناپ، تىنىشى كەتە باستادى.

  «بۇل نەدەن ەكەن؟» دەپ ويلادى ول،جان-جاعىنا قاراپ قويىپ.
ونىڭ كوزىنە ءۇيدىڭ قاپ-قارا توبەسى،قوس ءمۇيىزدى تۇتقىش كوسەۋ، اۋزى اعاشتىڭ ۇلكەن ۇڭگىرىندەي قاپ-قارا بوپ ۇڭىرەيگەن مەش كورىنەدى...
_ اپا _ ا _! _ دەپ قىڭقىلدادى ول.
_ قوي،قوي،قوي ! تۇرا تۇرارسىڭ! _ دەپ زەكىدى كۇتۋشى ايەل.

  اسشى ايەل ستول ۇستىنە بوتەلكە مەن ەكى رومكا، ءبالىش اكەلىپ قويدى. ەكى ايەل مەن جىلتىراۋىق تۇيمەلى كىسى سوعىستىرىپ قالىپ، قايتا-قايتا ىشەدى، ءسويتىپ، الگى كىسى بىرەسە كۇتۋسى ايەلدى، بىرەسە اسشى ايەلدى قۇشاقتايدى. سونان كەيىن ۇشەۋى قوسىلىپ، باياۋلاتا ءان سالا باستادى.
گريشا بالىشكە ۇمتىلىپ ەدى، وعان ءبىر ءۇزىم بەردى. گريشا ونى جەپ، كۇتۋشى ايەلدىڭ قالاي ىشكەنىنە قاراپ وتىر... ونىڭ دا ىشكىسى كەلەدى.
_ بەر! ءنانا، بەر!_ دەدى ول.

  اسشى ايەل وعان ءوز رومكاسىنان جۇتقىزىپ قويدى. ونىڭ ەكى كوزى باعجيىپ، بەتى تىرجيىپ، جوتەلدى دە، سودان سوڭ كوپكە دەيىن قولىن سەرمەي بەردى، ال اسشى ايەل وعان قاراپ كۇلىپ وتىر.

  ۇيگە قايتىپ كەلگەن سوڭ گريشا شەشەسىنە، ءۇيدىڭ قابىرعالارى مەن توسەككە ءوزىنىڭ قايدا بولعانىن، نە كورگەنىن ايتا باستادى. تىلىمەن ايتىپ جەتكىزگەننەن گورى ول بەت-اۋزىمەن، قولدارىمەن ايتادى. كۇننىڭ قالاي جارقىراپ تۇرعانىن، اتتاردىڭ قالاي جورتىپ جۇرگەنىن، قۇبىجىق مەشتىڭ قانداي بولىپ قاراپ تۇرعانىن، اسشى ايەلدىڭ قالاي ىشەتىنىن كورسەتەدى...

  كەشىندە ول، ءتىپتى، ۇيىقتاي المادى. سپىرتقىلى اسكەرلەر، ۇلكەن مىسىقتار، اتتار، شىنى، اپەلسيندى استاۋ، جىلتىراۋىق تۇيمەلەر _ وسىنىڭ ءبارى ۇيىلە-توگىلە ونىڭ باسىن اڭكى-تاڭكى قىلدى. ول ءبىر ولاي، ءبىر بىلاي اۋناپ ءتۇسىپ، شاتپاقتاپ سويلەپ، اقىر اياعىندا، كوڭىلى الىپ ۇشقاندىقتان جىلاپ قويا بەردى.
_ ە ىستىعىڭ بار ەكەن؟_ دەدى شەشەسى، ونىڭ ماڭدايىن الاقانىمەن باسىپ كورىپ،_ بۇل نەدەن بولدى ەكەن ؟_ دەدى ونان سوڭ.
_ مەش! كەت ءارى،مەش!_ دەپ جىلادى گريشا.
_ كۇپتى بولىپ قالعان ەكەن عوي... _ دەپ ويلادى شەشەسى.

  ءسويتىپ، جاڭا عانا ءدامىن تاتقان جاڭا ءومىردىڭ اسەرى بويىن بيلەگەن گريشاعا شەشەسى ءبىر قاسىق ءىش ايدايتىن ماي بەردى.

① كاتلەت _ ەتتەن شاناپ جاسالعان تاعام.

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان»الىندى 

 
powered by IlgharCMS 3.2 www.ilghar.cn