ەەڭ جاڭا مازمۇندار
2018-جىلى 11 -ايدىڭ 16-كۇنى 253-سان
2018-جىلى 11-ايدىڭ 15-كۇنى 252-سان
كاسىپ جاعىنان شينجياڭعا باعىتتامالى كومەكتەسۋ جەرلىك ورىننىڭ ەكونوميكالىق دامۋىن جەبەدى
قىستاقتا تۇرۋ قىزمەتىن تىڭعىلىقتى ىستەدى
وتباسى كىرىسىن ارتتىرۋىنا جەبەۋشى بولدى
پارتيانىڭ قامقورلىعىنا العىس ايتىپ، پارتياعا ىلەسۋگە ۇندەدى
وتباسى كىرىسىن ارتتىردى
پارتيانىڭ مەيىر-شاپاعاتىن ەستە بەرىك ساقتاپ، كورىكتى اتا مەكەنىمىزدى باتىل قورعايىق
جۇدىرىقتاي جۇمىلىپ، «ءۇش ءتۇرلى كۇشتىڭ» تامىرىنا بالتا شابايىق
ايماقتىق پارتكوم كەدەيلىكتەن قۇتىلدىرۋدان قامال الۋدى ارالاپ تەكسەرۋ قىزمەتىنە جۇمىلدىرۋ ءماجىلىسىن اشتى
ءدوربىلجىن اۋدانىنداعى قارتتاردىڭ باقىتتى تۇرمىسى
19-رەتكى جۇڭگو تىلشىلەر مەرەكەسىن قىزۋ قۇتتىقتايمىز
«قينالساق قىزمەت اترەتىن ىزدەيتىن بولدىق»
2018-جىلى 11-ايدىڭ 14-كۇنى 251-سان
ىنتىماعى جاراسقان اعا-ءىنى
قىستاق تۇرعىندارىنىڭ القاۋىنا بولەندى
قارتتاردىڭ تۇرمىس ورتاسىنىڭ حاۋىپسىز بولۋىنا كەپىلدىك ەتتى
2018-جىلى 11-ايدىڭ 13-كۇنى 250-سان
2018-جىلى 11-ايدىڭ 12-كۇنى 249-سان
2018-جىلى 11-ايدىڭ 10-كۇنى 248-سان
«ءبىز قىزمەت اترەتىنە العىس ايتامىز»
مۇقيات حالىق تۇرمىسى قۇرىلىسى نىساندارىنا تەكسەرۋ-زەرتتەۋ جۇرگىزدى
ءدوربىلجىن اۋدانىندا اۋلاعا ەگىلگەن ساپالى جەمىس-جيدەك، كوكونىستەردى سارالاۋ جارىسى ءوتتى
مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ارناۋلى ايدارى
2018-جىلى 11-ايدىڭ 9-كۇنى 247-سان
2018-جىلى 11-ايدىڭ 8-كۇنى 246-سان
2018-جىلى 11-ايدىڭ 7-كۇنى 245-سان
ماقتا تەرۋ قىزمەتى ءساتتى اياقتالدى
حالىق بۇقاراسىنا پارتيا مەن ۇكىمەتتىڭ قامقورلىعىن سەزىندىردى
قىستاق تۇرعىندارىنىڭ قيىنشىلىقتارىن شەشىم ەتىپ كەلەدى

بەستايىنشا قىستاعىنداعى «نان اعاي»

جولدانعان ۋاقىتى : 2018/5/30 17:17:41

«شينجياڭ گازەتىنىڭ» ءتىلشىسى ماقسات قيزات ۇلى

   ءار اپتانىڭ باستاپقى كۇندەرى تاڭ ەندى عانا بالىق باۋىرلانىپ اعارىپ اتىپ كەلە جاتقاندا، ورقاشار باۋرايىنداعى بەستايىنشا قىستاعىنىڭ ءبىر بۇرىلماسىنان «نان الامىز، نان، ناندارىڭىزدى دايىنداڭىزدار، نان» دەگەن تانىس داۋىس قىستاق بويىن كەزىپ، قاراتاۋ باۋرايىنداعى بەيجاي جاتقان تۇرعىنداردى تەزدەن تۇرىپ، تىڭ تىرشىلىكتىڭ بارابانىن سوعۋعا شاقىرار ەدى.

  مۇندايدا ۇيقىداعى سەرگەك وتاعاسى ورنىنان اسىعىس-ۇسىگىس تۇرىپ جاتىپ: «ءۇي، كەمپىر، تۇر تەزدەن، شۋجيدىڭ  داۋىسى شىعادى، كەشەگى جاپقان نانىڭدى دايىندا، بەر، وتكىز» دەپ قاسىندا جاتقان جارىن ءتاتتى ۇيقىسىنان ءتۇرتىپ وياتار ەدى. «ويباي-اۋ، ۇيىقتاپ قالىپپىن عوي، شۋجيدان ۇيات بولدى-اۋ» دەپ كەشە كۇنى بويى نان جاپقان تاتەمىز ورنىنان تۇرىپ، ناندارىن دورباشاعا سالىپ، قاقپاعا قاراي اياڭدار ەدى.

   «نان الۋشى» كىسى ءدوربىلجىن اۋدانىنىڭ مارالسۋ قالاشىعى بەستايىنشا قىستاعىنا قىزمەت اترەتىنىڭ باستىعى ءارى قىستاق پارتيا ياچەيكاسىنىڭ ءبىرىنشى شۋجيى بولىپ  تۇسكەن ءدوربىلجىن اۋداندىق ساياسي-زاڭ كوميتەتىنىڭ ورىنباسار شۋجيى مۇقيات تۇسەن ۇلى ەدى.

  قازىر قىستاقتاعى جاسى كىشى جاستار مۇقيات اعاسىن «نان ساتۋشى اعاي، باقىتقا باستاعان شۋجي» دەپ اتايدى، بۇل ەسىم قىستاق تۇرعىندارى ءۇشىن قاستەرلى ەسىم، ولار مۇقيات اعاسىنىڭ ارقاسىندا نان جاۋىپ، نان ساتىپ، سول نەگىزدە وتباسىنىڭ كىرىسىن ارتتىرىپ وتىرعانىن ماقتانىش سانايدى.

   2018-جىلدىڭ 2-ايىندا مۇقيات پارتيا مەن ۇكىمەتتىڭ اماناتىن ارقالاپ بەستايىنشا قىستاعىنا كەلەدى. مۇقياتتىڭ كوكەيىندە باس شۋجي شي جينپيڭنىڭ پارتيا 19 -قۇرىلتايى بايانداماسىندا ايتقان: «اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي-تالماي كۇرەس جۇرگىزەيىك» دەگەن جۇرەك ءسوزى تۇردى.

   ول وسى جۇرەك ءسوزدى ءاربىر قىستاق تۇرعىنىنا جەتكىزۋگە قۇلشىندى، سونىمەن بىرگە، قاراشا حالىقتى قايتكەندە دوڭگەلەك داۋلەتتى قوعامعا جەتكىزۋ كەرەك دەپ كوپ تولعاندى، ول ءۇشىن پارتيا مەن ۇكىمەتتىڭ قولداپ-قۋاتتاۋىمەن قوسا، تۇرعىنداردىڭ ءوز تالپىنىسى مەن جىگەرى دە قاعىس قالماۋى كەرەك ەكەنىن مۇقيات انىق ءبىلدى.

   مۇقياتتىڭ ءالى ەسىندە، 4-ايدىڭ 1-كۇنى ەدى، قىستاق تۇرعىندارىن ارالاپ احۋال ۇعىسىپ جۇرگەندە 45 جاسقا كەلگەن داريعا توقتارقان قىزىمەن جولىعا قالدى، ۇعىسىپ كورىپ ەدى، داريعانىڭ تۇرمىسى كوڭىل كونشىتەرلىكتەي ەمەس ەكەن، داريعا وعان كۇيەۋىنىڭ بىلتىر اۆتوموبيل شىرعالاڭىنان قايتىس بولىپ كەتكەنىن، قولىنداعى 3 سيىر، ازعانتاي ۇساقتىڭ  ارقاسىندا 3 بالانى  وقىتىپ، اۋرۋ ەنەسىن باعىپ وتىرعانىن ايتتى.

   مۇقيات قارسى الدىنداعى كەدەيلىكتىڭ قامىتى قاجىتقان قايسار اۋىل ايەلىنە كومەكتەسۋدى نيەت ەتتى. قولىنا قارجى ۇستاتسام قايتەر ەدى دەپ ءبىر ويلاپ قويدى. ءبىراق قالتاسىنان 10 مىڭ يۋان سۋىرىپ بەرسە دە، ونى كەدەيلىكتەن قۇتىلدىرىپ جىبەرە الماسى انىق ەدى. سودان: «قولىڭىزدان قانداي ونەر كەلەدى» دەپ سۇرادى اترەت باستىعى.

   –مەن اس پىسىرۋدى ۇناتامىن. اسىرەسە، قازاقى تابا نان مەن تونار ناندى جاقسى جابامىن. ءسۇت قوسقان، جۇمىرتقا قوسقان نانىمدى كورشى-قولاڭدار كوبىندە قالاپ اكەتىپ جاتادى. ءبىراق ونى بىرەۋگە ساتىپ كورگەن جان ەمەسپىن، قالا ورتالىعىنا اپارۋعا جاعدايىم جار بەرمەيدى، مىنە ءدام تاتىڭىز، مىناۋ كەشە پىسىرعان نانىم،- دەپ داريعا اۋداننان كەلگەن قاباعى اشىق كادردىڭ الدىنا بال تاتىعان ناندى قويدى. مۇقيات اق ءداننىڭ ءدامىن تاتىپ كوردى دە:

  _ مىنە، مىناۋىڭىز تاڭدايدا قالاتىن  اس ەكەن، قازىر ناندى ادەمىلەپ پىسىراتىن كىسىلەر نەكەن-ساياق، ءبىز بۇنىڭ بازارداعى باعىن اشا ءبىلۋىمىز كەرەك، ءسىز بازارعا اپارىپ ساتا الماساڭىز، مەن اپارىپ ساتىپ بەرەمىن، ءسىز ناندى ۋاعىندا پىسىرىپ، دايىنداپ تۇرساڭىز بولعانى،-دەپ  ۋادە ەتتى.

  –ءسىز، ءسىز ساتاسىز با، شۋجي، ۇيات قوي، شۋجيعا نان ساتقىزساق، ونىڭ ۇستىنە نان ساتۋ دەگەن ۇساق ساۋدا  عوي، - دەپ داريعا ۇيالا ءتىل قاتتى.

   –ولاي دەمەڭىز، ساۋدانىڭ ءساتى  كىشكەنەدەن باستالادى، ءبىز قىستاقتاعى ءاربىر ايەل جولداستاردى 3-كاسىپتىڭ اينالاسىنا شوعىرلاندىرا الساق، وندا سول وتباسىنىڭ كىرىسى ارتادى، بۇل تۇتاس قىستاقتىڭ اۋقاتتانۋىنا جول اشادى. جۇمىسسىز وتىرعاننان ۇساق ءىس بولسا دا ىستەي وتىرعان وڭتايلى، ءسىز الاڭداماڭىز، ماعان ەرتەڭگە دەيىن 10 تونار نان جاۋىپ قويىڭىز، مىنە اقشاڭىز، -دەپ  مۇقيات داريعانىڭ قولىنا 30 يۋان ۇستاتتى. داريعا قۋانىپ كەتتى، قىستاققا تۇسكەن كادردىڭ ۇيىنە باس سۇققان بەتى كاسىپتەنۋدىڭ جولىن اشىپ بەرگەنىنە تاڭ-تاماشا بولدى.

   مۇقيات قىستاق كوميتەتىنە كەلگەن سوڭ قىستاققا تۇسكەن كادرلار مەن قىستاق باسشىلارىن شاقىرىپ جيىن اشتى، قايتكەندە قىستاقتاعى داريعا باستاعان نان جابۋعا شەبەر جەلەكتىلەردى كاسىپتەندىرۋگە  بولاتىنىن تالقىلادى. كادرلار مۇقيات شۋجيدىڭ پىكىرىن ءبىر اۋىزدان قۇپتادى، اق ناندى تاتىپ كورىپ القادى، داريعا قىستاق كادرلارىنىڭ باعاسىن ەستىپ كوڭىلى توعايدى.

   ەرتەسى مۇقيات وسى قىستاقتاعى نان پىسىرۋعا ەبى بار اۋىل ايەلدەرىن جيناپ، ولارعا اۋقاتتانۋ، كاسىپتەنۋ جايىندا ساباق ءوتتى ءارى اۋىلداعى شەبەر اس پىسىرۋشى اينۇر حاميدوللا قىزىن ارنايى شاقىرىپ، كەشكى ۇيرەنۋ كۋرسىن ورنالاستىردى.

   اينۇر بار بىلگەن ونەرىن اۋىلداستارىنان ايامادى، اۋىلداعى اپەكە-سىڭلىلەرى دە نان پىسىرۋدى دەن قويا ۇيرەندى.

   « ءبىر ايەل كۇنىنە 130 دان ارتىق نان جابادى، ءبىر ناننان  كەمىندە 2 يۋان تازا كىرىس تۇسەدى، كۇنىنە 200 يۋان كىرىس تاپسا، ايىنا 6000 يۋان بولادى، قىستاق تۇرعىنى ءۇشىن بۇل مول پايدا، مۇقيات شۋجيدىڭ ارقاسىندا داريعا العاشقى جارىم ايدىڭ وزىندە 1500 يۋان كىرىس كىرگىزدى، نان ساتىپ بازارعا بەتتەگەن داريعادان اۋىلداعى كوپتەگەن جەلەكتىلەر ۇلگى الدى، ولار دا نان پىسىرىپ ساتۋعا ويىستى، قازىر قىستاقتا 30 دان استام ايەل وسى كاسىپپەن شۇعىلدانىپ جاتىر، بۇل ءبىر شاعىن قىستاق ءۇشىن ۇلكەن كىرىس، زور ەڭبەك، بۇل مۇقيات شۋجيدىڭ قاراپايىمدىلىعى مەن ەلىمجاندىلىعىنىڭ ارقاسى، ايتپەسە، شۋجي باسىمەن نان ساتىپ جۇرگەنىم ۇيات ەمەس پە دەسە، بۇل كاسىپتىڭ كوسەگەسى كوگەرمەس ەدى. ءبىراق جۇرت دەسە جۇمىلىپ ىستەيتىن  ازامات حالىقتى بايىتۋعا ءوزى  باستاماشى بولا ءبىلدى» دەيدى بەستايىنشا قىستاعىنداعى  ايتۋلى اس پىسىرۋشى اينۇر حاميدوللا قىزى. 

   «بەستايىنشا قىستاعى، ءتاتتى نان»، بۇل مۇقيات شۋجيدىڭ جەكە اۆتوكولىگىنىڭ بۇيىرىندەگى جازۋ، بۇل تەك مۇقيات شۋجيدىڭ اۆتو كولىگىنىڭ بۇيىرىنە ەمەس، جۇرەگىنە جازىلعان جازۋ، بۇل جازۋدا مۇقياتتىڭ نەگىزگى ساتىداعى حالىقتى تەزدەن اۋقاتتاندىرسام دەگەن زور تىلەك، ۇلكەن ارمانى جاتىر. مۇقيات وسى كۇنگە دەيىن ءدوربىلجىن اۋدانىنداعى ءارقايسى تيجارات ورىندارىنا 10 مىڭعا تاياۋ نان ساتتى، جەتى وتباسىنىڭ اربىرىنە 3000 يۋاننان استام كىرىس كىرگىزىپ بەردى. بۇل  كۇنى بەستايىنشاداعى اۋىلداستار مۇقياتتى «نان اعاي، نان اعاي» دەپ القايدى.

   «العاش مۇقيات دۇكەنىمە كەلىپ باس سۇعىپ: ‹ءبىزدىڭ قىستاقتىڭ نانى ءتىل ۇيىرەدى، بىزگە زاكاز بەرىڭىز› دەگەن كەزدە، ءتىل-جاعىنا سۇيەنگەن بۇل قانداي ساۋداگەر ءوزى دەپ ءمان بەرمەگەنمىن، سويتسەم، پارتيانىڭ ءوزى باۋلىعان قىستاققا تۇسىرگەن كادرى، بەستايىنشا قىستاعى پارتيا ياچەيكاسىنىڭ ءبىرىنشى شۋجيى ەكەن ەمەس پە، حالىقتى اۋقاتتاندىرۋ ءۇشىن ءوزى باس بولىپ تابان توزدىرىپ، باس اۋرتىپ جۇرگەن وسىنداي حالىقشىل كادرلار كوبەيە بەرسە نۇر ۇستىنە  نۇر  بولار ەدى» دەيدى  ءدوربىلجىن اۋدانى قۇيعانسۋ مال فەرماسىنىڭ تۇرعىنى، يڭشيا ەرەن بازارىنىڭ قوجايىنى ۋاڭ سايشيا.

   مۇقيات قىستاق تۇرعىندارى ءۇشىن نان ساتىپ، ولارعا تابىستىڭ تاۋىن كورسەتىپ بەرگەنىنە ءدان ريزا، بەستايىنشا قىستاعىندا 167 وتباسى، 456 تۇرعىن بار، تۇرعىنداردىڭ كوبىنىڭ ەكونوميكالىق شارت-جاعدايى ءالسىز، مۇقياتتىڭ بار ويى قازىر وسى كەدەي وتباسىلارىن كەدەيلىكتەن قۇتىلدىرىپ، ولاردى دوڭگەلەك داۋلەتتى قوعامعا جەتەكتەۋ. ول  قىستاق  تۇرعىندارىن بايۋدىڭ باسپالداعىنا شىعارۋدىڭ سان ءتۇرلى جولدارىن قاراستىرىپ جاتىر، ءىس  جۇزىندىكتى  شىعار  ءتۇيىن  ەتىپ، بازار  قاجەتىنە  قاراي ءىس كورۋ مۇقياتتىڭ باستى تالعامى، جاڭاشا اۋىل-قىستاق قۇرىپ، وركەنيەتتىڭ ورىنە شىعۋ ونىڭ نەگىزگى نىساناسى.   

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: « تارباعاتاي اقپارات تورابىنان »الىندى