ەەڭ جاڭا مازمۇندار
2018-جىلى 11 -ايدىڭ 16-كۇنى 253-سان
2018-جىلى 11-ايدىڭ 15-كۇنى 252-سان
كاسىپ جاعىنان شينجياڭعا باعىتتامالى كومەكتەسۋ جەرلىك ورىننىڭ ەكونوميكالىق دامۋىن جەبەدى
قىستاقتا تۇرۋ قىزمەتىن تىڭعىلىقتى ىستەدى
وتباسى كىرىسىن ارتتىرۋىنا جەبەۋشى بولدى
پارتيانىڭ قامقورلىعىنا العىس ايتىپ، پارتياعا ىلەسۋگە ۇندەدى
وتباسى كىرىسىن ارتتىردى
پارتيانىڭ مەيىر-شاپاعاتىن ەستە بەرىك ساقتاپ، كورىكتى اتا مەكەنىمىزدى باتىل قورعايىق
جۇدىرىقتاي جۇمىلىپ، «ءۇش ءتۇرلى كۇشتىڭ» تامىرىنا بالتا شابايىق
ايماقتىق پارتكوم كەدەيلىكتەن قۇتىلدىرۋدان قامال الۋدى ارالاپ تەكسەرۋ قىزمەتىنە جۇمىلدىرۋ ءماجىلىسىن اشتى
ءدوربىلجىن اۋدانىنداعى قارتتاردىڭ باقىتتى تۇرمىسى
19-رەتكى جۇڭگو تىلشىلەر مەرەكەسىن قىزۋ قۇتتىقتايمىز
«قينالساق قىزمەت اترەتىن ىزدەيتىن بولدىق»
2018-جىلى 11-ايدىڭ 14-كۇنى 251-سان
ىنتىماعى جاراسقان اعا-ءىنى
قىستاق تۇرعىندارىنىڭ القاۋىنا بولەندى
قارتتاردىڭ تۇرمىس ورتاسىنىڭ حاۋىپسىز بولۋىنا كەپىلدىك ەتتى
2018-جىلى 11-ايدىڭ 13-كۇنى 250-سان
2018-جىلى 11-ايدىڭ 12-كۇنى 249-سان
2018-جىلى 11-ايدىڭ 10-كۇنى 248-سان
«ءبىز قىزمەت اترەتىنە العىس ايتامىز»
مۇقيات حالىق تۇرمىسى قۇرىلىسى نىساندارىنا تەكسەرۋ-زەرتتەۋ جۇرگىزدى
ءدوربىلجىن اۋدانىندا اۋلاعا ەگىلگەن ساپالى جەمىس-جيدەك، كوكونىستەردى سارالاۋ جارىسى ءوتتى
مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ارناۋلى ايدارى
2018-جىلى 11-ايدىڭ 9-كۇنى 247-سان
2018-جىلى 11-ايدىڭ 8-كۇنى 246-سان
2018-جىلى 11-ايدىڭ 7-كۇنى 245-سان
ماقتا تەرۋ قىزمەتى ءساتتى اياقتالدى
حالىق بۇقاراسىنا پارتيا مەن ۇكىمەتتىڭ قامقورلىعىن سەزىندىردى
قىستاق تۇرعىندارىنىڭ قيىنشىلىقتارىن شەشىم ەتىپ كەلەدى

ءار ۇلت كورشىلەرىممەن ماقتانامىن

جولدانعان ۋاقىتى : 2018/5/30 18:13:20

كامالبەك بوقان ۇلى

  «الىستاعى تۋىسىڭنان جاقىنداعى كورشى ارتىق» دەگەن شىنايى ءومىر امالياتىنان قورىتىندىلانعان وسى ءبىر ماقال - ماتەلدەن-اق كورشىنىڭ ەرەكشە ورىندا تۇراتىندىعىن ايعاقتاپ تۇر.

  مەن ىزگى نيەتتى، ءبىر-بىرىنە دەگەن ىستىق ىقىلاسى بولەك، قايىرىمدى دا مەيىربان كورشىلەرىممەن ماقتانامىن. ادامگەرشىلىكتىڭ اسقاق شىڭىنان قاراپ، كورشىلەر قاتىناسىنا زارەدەي دە قىلاۋ تۇسىرمەگەن اسىل قاسيەت يەلەرىنىڭ تاماشا داستۇرلەرى كۇنى بۇگىنگە دەيىن كوزىمە شوقتاي باسىلىپ، كوڭىلىم كولدەي شالقىپ، ورتام تولعانداي بولامىن. ارەدىك كەزدەردە كورشىلەرىمنىڭ ءبىر-ەكەۋىنىڭ تابالدىرىعىمنان اتتاپ كەلە جاتقانىن  كورگەنىمدە، ءار ۋاقىت ولاردى سۇيەنەر اسقار تاۋىمداي كورىپ، كوكىرەگىمە مەدەۋ تۇتاتىنمىن. ولاردىڭ ءار كۇنى مىناۋ بەيبىت ومىرگە دەگەن شىنايى سۇيىسپەنشىلىكتەرىنەن تۋعان، جاراسىمدى قوعامىمىز ءۇشىن ىستەگەن ىزگى ىستەرى، جاقۇتتاي نۇر شاشقان كوتەرىڭكى رۋحتارى بارعان سايىن بيىكتەپ، مەنمۇندالاپ تۇرادى. ءار كۇنى تاڭ شۇعىلاسىنا شومىلىپ، اق ماڭدايلارى جارقىراعان اقشا جۇزدەرىن كورىپ، اسا ىقىلاستى جىلى لەبىزدەرىن ەستىگەنىمدە، توبەم كوككە جەتكەندەي  يىعىم ءبىر كوتەرىلىپ  قالادى.

  بۇگىن ويلاسام شەرىك عاسىردان استام ۋاقىتتان بەرى ءبىر عيماراتتاعى، ءتىپتى، قاناتتاس عيماراتتاعى كورشى وتىرعان حانزۋ، ورىس، موڭعۇل، داعۇر، سىبە، تاتار، ۇيعۇر، حۇيزۋ، قازاق سياقتى ءار ۇلت كورشىلەرىممەن ءدام-تۇزىمىز ارالاسىپ، ارمان-تىلەگىمىز ءبىر ارنادا توعىسىپ، ءبىر تۋعانداي بولىپ كەتكەن ەكەن-اۋ!

  بۇل جاعىنا كەلگەندە اقجارما جۇرەكتەرىنىڭ تۇپ-تۇنىق تەرەڭىنەن ورىن بەرىپ، ىستىق قۇشاقتارى مەن دەگەندە ايقارا اشىلاتىن كورشىلەردەن مەنىڭ   سالىمىم جاقسى بولدى. قۋانىشىما شاتتانىپ، قايعىما ورتاقتاسىپ، باسىم اۋىرىپ، بالتىرىم سىزداعاندا، موينىما اۋىر ءىس تۇسكەندە اۋىرتپاشىلىعىمدى بىرگە كوتەرىسەتىن اشىق-جارقىن، جانى جايساڭ ادامدار جۇرەگىمنىڭ تۇپكىرىنەن ورىن العالى قاشان؟ مىنە، بۇلاردىڭ ءبىر شوعىرى وسى ىرگەسى قۇت، جانى ىزگى ءار ۇلت كورشىلەرىم.

  باۋىرىما قازان اسىپ، باسىما شاڭىراق كوتەرگەن كۇندەردەن كەيىن 10 نەشە جىل كوشە-كوشەدەن پاتەر جالداپ، قالانى شىر اينالا كوشىپ ءجۇرىپ، اقىرى تالەيىمە جاراي 1994-جىلدىڭ سوڭىندا شاۋەشەك قالاسى قىزىل ءۇي كوشەسى 72-عيماراتتىڭ ءبىرىنشى قاباتىنان ەكى اۋىزدى ءۇي ءتيىپ، كوشىپ كەلگەن سول كۇنى مۇنداعى ءار ۇلت ەر-ايەلدەرى جاڭا كورشىلەرىن قىزۋ قارسى الىپ، دۇنيە-مۇلىكتەرىمدى ۇيگە كىرگىزىسىپ قولعابىس كورسەتتى. ءوزارا تانىستىق ءبىلدىرىسىپ، قوناعۋارلىق جىلى شىراي تانىتتى. ولاردىڭ وسى ءبىر كۇنگى جاڭادان كوشىپ كەلگەن بەيتانىس كورشىسىنە كورسەتكەن ىستىق ءىلتيپاتتارى، سي-قۇرمەتتەرى، ىزگى نيەتتەرى حالقىمىزدىڭ كوشىپ كەلگەن كورشىسىنە ەرۋلىك اكەلگەنىندەي ماعان تەرەڭ اسەر ەتىپ، ۇلتتار ىنتىماعى تاقىرىبى اياسىندا تالاي رەت تەرەڭنەن تولعاندىرىپ، بۇدان كەيىنگى تارتىمدى كوركەم شىعارما جازۋىما ارقاۋ بولعانى بار. وسىدان باستاپ ءبىز توسىرقاماي، كورشىلەرىمىزبەن بولعان بايلانىسىمىز قويۋلاسىپ، توننىڭ ىشكى باۋىنداي ارالاسىپ كەتتىك.

  جىلدار جىلجي بەردى. وسى كورشىلەرىمىزدىڭ ىشىندە قازاق ءتىلىن جاتتىق سويلەيتىن حانزۋ كورشى زوۋ دىشي،  داعۇر كورشى، اۋدارماشى پۋمىڭ ،موڭعۇل كورشى ۇتىناسىن جانە قازاق كورشىلەرىمىز مەرحاميت، مەللات،قۇماربەك، قابيموللا قاتارلى اعالاردىڭ شاۋەشەكتىڭ بايىرعى كوپ ۇلت مادەنيەتى توعىسقان وقۋ-اعارتۋى مەن كوركەمونەر تاريحى؛ ءبىر وتباسىندا ەكى دە ءۇش ۇلتتان قۇرالعان ۇلتتاردىڭ تاتۋلىعى؛ قانداي ءبىر جىلداردا دا بوساعاسى بەرىك بولىپ، شاڭىراعى شايقالماعان ۇلتتاردىڭ ەتەنە دوستىعى مەن ىنتىماعى تۋراسىنداعى ايتقان قىزىقتى حيكايالارى جانىمدى جەلپىندىرىپ، جازارىمدى ءتىپتى دە مولايتىپ جىبەرگەندەي سۇيىندىرەتىن، ءبىزدىڭ كوكتەمنىڭ بال ۋىزىنداي ۇيىعان ءبىر شاڭىراقتىڭ ادامىنداي بولىپ كەتكەن بەرەكە-بىرلىگىمىزدى مارقا كوڭىلمەن ماقتانىش ەتىپ، ماعان وسى تۋراسىندا ءبىر ماقالا جازۋدى ءار ۋاقىت قۇلاق  قاعىس ەتەتىن ەدى. اقىرى «ۇلتتار ىنتىماعىن وزىمىزدەن باستايىق» دەگەندى نەگىزگى تاقىرىپ ەتكەن ۇردىستە، «ۇلتتار ىنتىماعىنىڭ بەرەكەلى شاڭىراعى» قيمىلى قىزۋ ورلەۋگە كوتەرىلگەن ءدال وسى تۇستا «ەشتەن كەش جاقسى» دەگەندەي، بۇگىن سول ءبىر جىلدارداعى اياۋلى ءار ۇلت كورشىلەرىمنىڭ بۇكىل قالا حالقىنا ۇلگى بولارلىقتاي ۇلتتار دوستىعىن ماڭگى ۇلىقتايتىن اسىل قاسيەتتەرىن، جانىڭدى جادىراتاتىن جازيرالى جازداي كەڭ پەيىلدەرىن، ءمورالدى دا اسقان ادامگەرشىلىكتەرىن، ءوز وتباسىلارىنا ءتان ادامي ەرەكشەلىكتەرىن جىرلاپ، تىلىمە تيەك ەتىپ، تەبىرەنە قولىما قالام الىپ وتىرعان جايىم بار، وتە-موتە، زوۋ دىشي مەن مەللات اعانىڭ باستاماشىلىعىندا ءار جىلعى مەرەكە-مەيرامداردا كوبىندە توپ جازباي ءبىر-ءبىرىمىزدىڭ ۇيىمىزگە كىرىپ، مەرەكەلىك تاعامداردان ءدام تاتا وتىرىپ، سىر شەرتىسەتىنبىز، ەندى ءبىر ارەدىكتە مارقۇم مەرحاميت اعامىز اككوردەونىن قولعا العانىندا مەن دە دومبىرامدى قولعا الا وتىرىپ، ءانشى ءاليقان ادىلبەك ۇلى باستاتقان انشىلەرىمىز ءار ۇلتتىڭ ۇلاسپالى ءانىن ايتىپ، ءبيىن بيلەيتىنبىز. بىردە ءار ۇلت قىز-كەلىنشەكتەرى مەن جىگىت-جەلەڭدەرى اتنوشكاعا تۇسەتىن. وسىلايشا ءار شاڭىراقتا ۇلان-اسىر توي بولىپ جاتقانداي ءان اۋەلەپ، كۇي كۇمبىرلەپ، ارۋ قالا شاۋەشەكتى شاتتىقا بولەپ جاتاتىن. ال، سوعىم باسىنا دا وسى كورشىلەرىمىزدىڭ بىرەۋى دە قالماي، جۇبىن جازباي شاقىرىپ، ءوزىمىزدىڭ وسى ءبىر بەرەكەلى ءداستۇرىمىزدى بىرگە وتكىزۋدى سالتقا اينالدىرىپ، ءبارى دە ءوز  سانىمەن، ءوز سالتاناتىمەن ءوتىپ جاتاتىن. وسىلايشا ءوزارا ارالاسۋ، ىشتەسۋ جانە توعىسۋ بارىسىندا ءبىر-ءبىرىمىزدىڭ ءداستۇرلى سالت-سانامىزعا قانىعىپ، جورا-جوسىنىمىزعا قۇرمەت ەتىپ، ونەردى اسپەتتەيتىن، ءبىر-بىرىمىزگە جول بەرىپ، ءبىر-ءبىرىمىزدى ايالايتىن، ءبىر-ءبىرىمىزدىڭ پسيحولوگيالىق ەرەكشەلىگىمىزدى تەرەڭنەن تۇسىنەتىن، مىنەز-قۇلىقتارىمىزدا دا ءبىر-بىرىنە  ۇقساپ كەتەتىن ورتاقتىق قالىپتاسىپ، يدەيالىق جاقتان العا باسىپ، رۋحاني ءومىرىمىز  ءتىپتى دە جاندانا تۇسكەن  ەدى.

  وسى ۇردىستە اۋلامىزداعى حانزۋ، ورىس، تاتار، داعۇر، موڭعۇل، ۇيعۇر، قازاق سياقتى ۇلتتان قۇرالعان، ون ساۋساعىنان بال تامعان ايەلدەردىڭ ءدامى ءتىل ۇيرەتىن تاعام جاساۋ مادەنيەتىمەن داستارقانىمىز مەرەكە-مەيرامداردا ءتىپتى دە تۇرلەنىپ كەتەتىن، وزىندىك ەرەكشەلىككە يە كوپ ۇلتتى داستارقان مادەنيەتىنىڭ قالىپتاسۋى سىرتتان كەلگەن قوناقتاردى ءتىپتى دە وزىنە باۋراپ، تاتقان تاعامدارى ولاردىڭ تاڭدايىندا  قالاتىن ەدى-اۋ!

  اۋىز تولتىرىپ ايتا كەتەتىن تاعى ءبىر ءجايت، اۋلاداعى كورشىلەرىمىزدىڭ ۇيىمدىق كوزقاراسى كۇشتى بولىپ، الەۋمەتتىك ىستەرگە ات سالىسۋ جاقتارىندا وتە بەلسەندى ەدى. اتاپ ايتقاندا، قىس كۇندەرى قار جاۋعاندا اۋلاداعى قالىڭ قاردى كۇرەپ، ونى تاسۋدا بارلىق كورشىلەردەن ءبىر دە ادام قالماي، كۇرەگىمىزدى الىپ ىسكە كىرىسەتىنبىز، ال كوكتەم، جاز ماۋسىمدارىندا وتانشىلدىق تازالىق قيمىلىن ورىستەتۋدە بارلىق كورشىلەردەن قولى بوس بىردە-ءبىر ادام قالماي اتتانىسقا كەلىپ، اسا مۇقياتتىلىقپەن قوقىر-قوقسىقتاردى تازالايتىنبىز، وسىلايشا كولدەنەڭ ءشوپ جاتپايتىن ءبىزدىڭ اۋلانىڭ الدى-ارتى مونتازداي تاپ-تازا، جارقىراپ تۇراتىن دا، ءار رەت تازالىق تەكسەرۋشىلەردىڭ جاقسى باعاسىن الاتىن. وسىلاردىڭ بارلىعى ءبىر قاراپايىم ىستەي كورىنگەنىمەن، ءار ۇلت كورشىلەرىمىزدىڭ ۇيىمدىق كوزقاراستارىنىڭ جوعارى، جاۋاپكەرشىلىگى كۇشتى، سانالى ءتارتىپ-ءتۇزىم قالىپتاستىرعان، ىنتىماق پەن بەرەكە-بىرلىگىنىڭ ناتيجەسىنەن كەلدى دەۋگە بولادى.

  «ۇلى جاقسىنىڭ ۇلىمەن، قىزى جاقسىنىڭ قىزىمەن كورشى بول» دەگەن اتالى ءسوز بار. مادەنيەتتى، تاربيەلى، نەگىزىنەن زيالىلار توپتاسقان وتباسىندا وسكەن ءبىزدىڭ ۇرپاقتارىمىز تۋرالى ايتار بولساق، «ۇيادا نەنى كورسەڭ، ۇشقاندا سونى الاسىڭ» دەگەندەي، قارشادايىنان ۇنەمى كوزدەرىن اشىپ كورگەندەرى ونەگەلى دە ۇلگىلى، ىزگىلىككە تولى ءىس بولعاندىقتان، وسى ءار ۇلت بالالارى تاتۋ-ءتاتتى، ىنتىماقتى، ءمورالدى، قوعامعا ۇلەس قوساتىن جارامدى ادام  بولىپ ەسەيىپ-ەرجەتتى. كوپ ساندىسى جوعارى مەكتەپتەردى ءبىتىرىپ، بۇل كۇندەردە مەملەكەت، اۆتونوميالى رايون، ايماق دارەجەلى ورىنداردا، وتانىمىزدىڭ تۇكپىر-تۇكپىرىندە قىزمەت اتقارۋدا. وسى ۇرپاقتارىمىز مەرەكە-مەيرامدا ۇلكەندەرگە امانداسا كەلىپ تۇراتىنى ءبىزدى ەرەكشە قۋانتادى. ولاردىڭ بويىنداعى اتادان بالاعا جالعاسقان ۇلى دوستىق، ۇلى ىنتىماق، وسكەلەڭ سۇيىسپەنشىلىك كۇنى بۇگىنگە دەيىن جاراسىمىن تاۋىپ، ۇلتتار ىنتىماعىنىڭ التىن ارقاۋىن ادىپتەدى.

  2016-جىلى قىزىل ءۇي ماڭىنداعى عيماراتتار قالانىڭ بۇزىلاتىن عيماراتتار جوسپارىنا ەنگىزىلىپ، ءبىز ءبىر-ءبىرىمىزدى قيماي، تۇس-تۇسقا قونىس    اۋداردىق. بۇل كۇندەرى سول كونە كوز كورشىلەرىممەن كەزىگۋىم تىم سيرەپ كەتتى. ولارعا دەگەن ساعىنىشتىڭ پەرنەسىن دامىلسىز ءجيى قاعىپ، بەينە جۇرەك دىرىلىندەي ەلجىرەي بەرەدى. كونە كوز ءار ۇلت كورشىلەرىممەن ناعىز بەرەكەلى ءبىر شاڭىراقتىڭ ادامدارىنداي سونشالىق ىستىق بولىپ كەتكەنىمىزدى ەندى سەزىنىپ وتىرعاندايمىن. ولاردىڭ ىلۋدە ءبىر  كەزىگەتىن قادىر-قىمباتىن بۇگىن تەرەڭنەن ءتۇيسىنىپ، ويىم ءتۇپسىز تۇڭعيىققا تارتىپ، قيال قۇسىم تاعى دا قيانعا قانات قاعا بەرەدى.

  كوپ ۇلتتان قۇرام تاپقان شاۋەشەك قالاسىنداي ۇلى وتباسىنداعى وسى ءبىر ورنى بولەك كورشىلەرىم مەنىڭ جۇرەگىمدە ماڭگىلىك ۇمتىلماستاي قالىپ   قالدى. ولاردىڭ ىزگى نيەتتەرى، جارقىن جۇزدەرى بەينە قىسى-جازى كوگەرىپ تۇراتىن قايسار قاراعايداي ماڭگى جاپ-جاسىل بولىپ، تامىرىن تەرەڭگە تارتىپ، اسقاقتاپ تۇرا بەرمەك.

  قىزىل ءۇي عيماراتىنداعى 30 دان  استام وتباسىنداعى ءار ۇلت كورشىلەرىمنىڭ ۇلتتار ىنتىماعى دوستىعىنىڭ تامىرى تەرەڭدە جاتىر، «تورتەۋ تۇگەل بولسا، توبەدەگى كەلەدى، التاۋ الا بولسا، اۋىزداعى كەتەدى» دەگەندەي، بەرەكە- بىرلىكتىڭ ناعىز قۇدىرەت كۇشىنىڭ سيمۆولىنداي تارلان تارباعاتايداعى 29 ۇلت توننىڭ ىشكى باۋىنداي، بەرەكە-بىرلىكتىڭ ۇيتقىسىنداي ۇلى ىنتىماقتىڭ نە قيلى مۇعجيزاسىن جاراتىپ، تاريح بەتىنە التىن ارىپپەن تاڭبالاپ كەلەدى. مەنىڭ كورشىلەرىمنىڭ ۇلتتار دوستىعى مەن بەرەكە-بىرلىگىندەگى اسەرلى اڭگىمەلەرى دە انە سول تاتۋ-ءتاتتى تارباعاتاي ايماعىنداعى ۇلتتار ىنتىماعىنىڭ ۇلگىلى ءبىر شاعىن كورىنىسى عانا.

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان»الىندى