ەرىكتى ءتىلشى سۇڭ شيا حابارلايدى. كەدەي وتباسىلارىنا ۇن، ازىقتىق ماي جەتكىزىپ بەردى، تەحنيك ۇسىنىس ەتىپ، قىستاق تۇرعىندارىنا باعىمشىلىق بىلىمدەرىن، كەستەشىلىك جانە اس-سۋ ونەرىن ۇيرەتتى، تومەنگى تۇرمىسى قامتاماسىزداندىرىلاتىن وتباسىلارىنىڭ مەيىر باعىشتاۋ ەرەن بازارىنان اي سايىن شۇعىل قاجەتتى ءبىر بۇيىمىن اقىسىز الۋىنا جاعداي جاسادى... قوبىقسارى موڭعۇل اۆتونوميالى اۋدانى ساعانكول اۋىلى دولانتى قىستاعىندا قىستاقتاعى جاڭالىق اۋىزعا الىنسا، تۇرعىندار اۋداندىق پارتكوم ۇگىت بولىمىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن قىزمەت اترەتى مەن قىستاق «ەكى كوميتەتىنىڭ» ىستەگەن ىستەرىن جىپكە تىزگەندەي ەتىپ، ءبىر-بىرلەپ بايانداپ بەرەدى.
«قىزمەت اترەتىندەگىلەر تۋىسىمداي قارايلاسىپ كەلەدى، ءوزىم دە قۇلشىنىپ، تۇرمىس ورەمدى جوعارىلاتىپ، ولاردى قۋانتسام دەيمىن» دەيدى شيەتتەي قىزى مەن ناۋقاس سىڭلىسىنە قارايلاسىپ، تۇرمىستىڭ ازابىنان قۇتىلا الماي كەلە جاتقان قىستاق تۇرعىنى مەيىرگۇل. قىزمەت اترەتى وتباسىلارىن ارالاۋ بارىسىندا ونىڭ جاعدايىنان حابار تاپقاننان كەيىن وعان ۇن، كۇرىش، ماي سياقتى تۇرمىستىق بۇيىمداردى ۋاعىندا جەتكىزىپ بەرۋدەن سىرت، 2000 يۋان قارجى شەشىم ەتكەن ەكەن.
قىزمەت اترەتىنىڭ باستىعى، قىستاق پارتيا ياچەيكاسىنىڭ ءبىرىنشى شۋجيى بايىنكشىكتىڭ تانىستىرۋىنا قاراعاندا، قىزمەت اترەتى قىستاققا ورنالاسقاننان كەيىن جەتەكتەۋ، كومەكتەسۋ رولدارىن ساۋلەلەندىرىپ، ەرەجە-تۇزىمدەردى كەمەلدەندىرۋ، دامۋ وي جەلىسىن ايقىنداۋ، ۇيرەنۋ-تاربيەگە ءمان بەرۋ، حالىققا ناقتىلى ىستەر ىستەۋ جاقتارىنا كۇش سالىپ، پارتيا مۇشەلەرى ۋادە بەرۋ، ۇلەسىن سالىستىرۋ قيمىلىن ورىستەتۋ ارقىلى پارتيا مۇشەلەرىنىڭ ماقسات تانىمىن كۇشەيتىپ، نەگىزگى ساتى پارتيا ۇيىمىنىڭ جاۋىنگەر قامالدىق رولى مەن پارتيا مۇشەلەرىنىڭ ۇلگى-ونەگەلىك رولىن ساۋلەلەندىرگەن.
4-ايدىڭ اياعىندا قىزمەت اترەتى مەن قىستاق «ەكى كوميتەتى» قىستاق تۇرعىندارىنىڭ ارىق-توعاندى تازالاۋ جۇمىسىنا قاتىناسىپ جاتقان ورايىنان پايدالانىپ، ارەدىكتە پارتيا مۇشەلەرى مەن قىستاق تۇرعىندارى ۋاكىلىنەن 30 نەشە ادامعا جيىن اشادى. قىستاق جوعارىعا مالىمدەمەكشى بولىپ وتىرعان جىلى قورا سالۋ، تۇرعىن ءۇي حاۋىپسىزدىگى قۇرىلىسى سياقتى 7 سۇيەمەلدەۋ-وركەندەتۋ نىسانىن ياچەيكا جيىنى مەن «ەكى كوميتەت» جيىنىندا قاراپ، پارتيا مۇشەلەرى جيىنى مەن قىستاق تۇرعىندارى ۋاكىلدەرى جيىنىنان وتكىزىپ، سوڭىندا قاۋلى شىعارادى. بۇل ءادىس پارتيا مۇشەلەرى مەن قىستاق تۇرعىندارىنىڭ القاۋىنا يە بولادى.
قىزمەت اترەتى جۇرتشىلىقتىڭ قاجەتىن دەر كەزىندە شەشىپ، جۇرتشىلىق ءۇشىن ناقتىلى ىستەر ىستەپ، پارتيا مەن حالىقتىڭ، كادرلار مەن حالىقتىڭ بايلانىسىن نىعايتا ءتۇستى. كوكتەمگى ەگىس ءوندىرسى قارساڭىندا قىزمەت اترەتى اۋىلداعى اۋىل شارۋاشىلىق تەحنيكتەرىمەن بايلانىس جاساپ، اۋىل شارۋاشىلىق ماشينالارىن رەمونتتاۋ، اۋىل شارۋاشىلىق ماشينالارىن ساتىپ العاندارعا قوسىمشا قاراجات بەرۋ ساياساتىن ءتۇسىندىرۋ، ەگىمشىلىك تەحنيكالارىن جالپىلاستىرۋ سياقتى جاقتاردان شارۋالارعا قىزمەت وتەسە؛ تۇرعىنداردىڭ حابارلاسۋىنا قولايلى بولۋ ءۇشىن، پارتيا 19-قۇرىلتايىنىڭ رۋحى، قىزمەت اترەتىندەگىلەر مەن قىستاق تۇرعىندارىنىڭ توپتىق سۋرەتى جانە قىزمەت اترەتىندەگىلەردىڭ سۋرەتى مەن تەلەفون ءنومىرى باسىلعان بايلانىس كارتۋچكاسىن تاراتىپ بەردى.
2-ايدان بەرى قىزمەت اترەتى قىستاق تۇرعىندارىنا 40 ناقتىلى ءىس ءبىتىرىپ بەرگەن.
«قىزمەت اترەتىنىڭ كومەكتەسۋى مەن جەتەكتەۋىندە قىستاقتاعى پارتيا مۇشەلەرى مەن كادرلاردىڭ ۇيىسۋ قۋاتى ۇزدىكسىز ارتىپ، قىستاق پارتيا ياچەيكاسىنىڭ جاۋىنگەر قامالدىق رولى كۇشەيە ءتۇستى. جۇرتشىلىق ءۇشىن ىستەگەن ىستەرىمىز دە جۇرتتىڭ قالاۋىنان شىقتى» دەدى بايىنكشىك.
قىستاق پارتيا ياچەيكاسىنىڭ ۇيىستىرۋ، باۋراۋ قۋاتىنىڭ ارتۋىنا ساي، قىستاقتا دا وزگەرىستەر تۋىلا باستادى.
جۋىقتا قىزمەت اترەتى مەن قىستاق «ەكى كوميتەتى» «ەكى ءماجىلىس رۋحىن ۇيرەنىپ، دامۋعا ۇمتىلىپ، جاڭا داۋىرگە بىرگە اياق باسايىق» تاقىرىپتىق قيمىلىن وتكىزگەندە قىستاقتان 70 نەشە ادام بەلسەنە قاتىناسقان. قىستاق تۇرعىنى گۇلاندا: «قازىر قىستاق پارتيا ياچەيكاسى نىعايدى، ءبىزدى العا باستايتىن جاقسى القاعا اينالدى» دەدى.
بايىنكىشىك: «قىستاق پارتيا ياچەيكاسى مەن پارتيالى كادرلار ءارى اۆانگارد قوسىن، ءارى قىزمەت وتەۋ قوسىنى، ناقتىلى ىستەردى، جاقسى ىستەردى كوپ ىستەۋ ارقىلى جۇرتتىڭ ىنتاسىن شوعىرلاندىرۋىمىز كەرەك» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان»الىندى