ايماقتىق 2-ورتا مەكتەپ ەجەلدەن ۇلتتار ارا بەرەكە- بىرلىكتىڭ تۋىن جەلبىرەتىپ، بەرەكەنىڭ قايماعىن بۇزباي، «ۇلتتار ىنتىماعىنىڭ بەرەكەلى شاڭىراعىنا» اينالدى. جۋىقتا «ۇلتتار ىنتىماعى» ايى كەلۋ بايلانىسىمەن مەكتەپ وقىتۋشى-وقۋشىلاردىڭ ساۋ دەنەلى، اقاۋسىز جەتىلىپ، دەنە ساپاسىن ساقتاۋ جانە دەنە تاربيەگە بولعان اۋەسىن قوزعاۋ، وتاندى جىرلاۋ، ۇلتتار ىنتىماعىن دارىپتەۋ، ءار ۇلت حالقىنىڭ ەتەنە دوستىعىن ايگىلەۋدى كوزدە ۇستاپ، مەكتەپتەگى وقىتۋشىلار مەن وقۋشىلاردى ۇيىمداستىرىپ، « ىنتىماق كۇشىن ۇيىستىرىپ، ۇلتتار ىنتىماعى گۇلىن شەشەك اتتىرايىق» تاقىرىبىندا 35- كەزەكتى جەڭىل اتلەتيكا جارىسىن وزدىردى.
جارىستىڭ كۇن ءتارتىبى بويىنشا 38 كلاس پاراتتان ءوتىپ، مەملەكەت تۋىن شىعارىپ، مەملەكەت تۋى استىندا مەكتەپ باسشىلارى ءسوز سويلەپ، تورەشىلەر ۋاكىلى سەرت بەردى.
ەكى جارىم كۇنگە جالعاسقان جارىستا 38 كلاس ارا گيمناستيكا جارىسى وزدىرىلۋمەن بىرگە، جاقىن ارالىققا جۇگىرۋ، الىسقا جۇگىرۋ، كۇش جالعاپ جۇگىرۋ، شويىن دوپ لاقتىرۋ، ۇزاققا سەكىرۋ جانە بيىككە سەكىرۋ سياقتى جارىس تۇرلەرى وزدىرىلىپ، وقىتۋشى-وقۋشىلاردان 559 سپورتشى جارىسقا قاتىناستى. جارىس سوڭىندا اعالاپ العا شىققان سپورتشىلار سيلاندى.
سۋرەتتە: پاراتتان وتكەن كلاستار
سۋرەتىن تارتىپ، حابارلاعان ءتىلشىمىز جۇماجان بەگزاتقان ۇلى
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى