ءتىلشىمىز ۋىن بو حابارلايدى. 5 -ايدىڭ 30-كۇنى ايماقتىق پارتكومنىڭ شۋجيى شۋە بين ايماقتىق پارتكوم مۇشەلەرى ( كەڭەيتىلگەن) ءماجىلىسىن باسقارىپ اشىپ، ج ك پ ورتالىق كوميتەتى كەڭسە مەڭگەرمەسىنىڭ «قالىڭ كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىرى» رۋحىن، اۆتونوميالى رايوندىق پارتكوم تۇراقتى كوميتەتىنىڭ ءماجىلىسى رۋحىن، اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى رۋحىن، ەكولوگيالىق ورتانى قورعاۋ جونىندەگى اۆتونوميالى رايوندىق ءماجىلىستىڭ رۋحىن جەتكىزىپ، ۇيرەنىپ، ايماعىمىزدىڭ دايەكتىلەندىرۋ، تياناقتاندىرۋ پىكىرىن تالقىلادى.
ماجىلىستە مىنالار تالاپ ەتىلدى: ءار دارەجەلى پارتكوم مەن ۇكىمەت شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ەكولوگيالىق ورتانى قورعاۋدى بارىنشا كۇشەيتىپ، ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، تارباعاتايدى شىن مانىندە جاقسى قورعاۋى، جاقسى دامىتۋى كەرەك. نىسانا -مىندەتتەردى اناعۇرلىم ايقىنداپ، ەكولوگيالىق وركەنيەت قۇرىلىسى مەن ورتانى قورعاۋدى كورنەكتى ورىنعا قويىپ، ەكولوگيالىق وركەنيەت جۇيەسىن جەدەل قۇرىپ، ءار ۇلت جۇرتشىلىعىنىڭ كۇن سايىن ارتىپ وتىرعان كوركەم ەكولوگياعا بولعان قاجەتىن ۇزدىكسىز قاناعاتتاندىرۋ كەرەك. جاڭا دامۋ ۇستانىمىن بەرىك ورناتىپ، جاسىل دامۋ مەن جوعارى ساپالى دامۋدى بار كۇشپەن ىلگەرىلەتىپ، كوك اسپان، ءمولدىر سۋ، تازا توپىراقتى قورعاۋ شايقاسىن باتىل جۇرگىزىپ، اۋىل-قىستاقتاردىڭ قونىس ورتاسىن وڭاۋ قيمىلىن ءۇرتىس ورىستەتىپ، ورتالىقتىڭ قورشاعان ورتانى قورعاۋدى باقىلاۋ-تەكسەرۋ گرۋپپاسى تابىستاعان ارىز-شاعىم دەلولارىن ءبىر جايلى ەتۋدى شىنايى مىقتى يگەرىپ، ورتانى قورعاۋ ورەسىن جوعارىلاتىپ، ايماعىمىزدىڭ ەكولوگيالىق وركەنيەت قۇرىلىسىن تىڭ ساتىعا كوتەرۋ كەرەك. جاۋاپكەرلىك ارقالاۋدى كۇشەيتىپ، پارتيا مەن ۇكىمەت تەڭ جاۋاپتى بولۋ، ءبىر قىزمەت ورنىندا قوس جاۋاپكەرلىك ارقالاۋ تۇزىمىنە تاباندى بولىپ، ولقىلىقتاردى تولىقتاپ، دايەكتىلەندىرۋدى، تياناقتاندىرۋدى مىقتى ۇستاۋ كەرەك.
ماجىلىستە مىنالار تالاپ ەتىلدى: قازىنالىق باقىلاۋ قىزمەتىنە وسكەلەڭ ءمان بەرىپ، پارتيانىڭ قازىنالىق باقىلاۋ قىزمەتىنە بولعان باسشىلىعىن كۇشەيتۋ؛ قازىنالىق باقىلاۋ ورگاندارىنىڭ قىزمەت جاۋاپكەرلىگىن جاپپاي تياناقتاندىرۋىنا قولداۋ كورسەتىپ، قازىنالىق باقىلاۋدىڭ كولەمىن كەڭەيتىپ، جەلىسىن ۇزارتۋ؛ قازىنالىق باقىلاۋ ءتۇزىمى رەفورماسىن بەلسەنە ىلگەرىلەتىپ، قازىنالىق باقىلاۋدىڭ ونىمدىلىگىن جوعارىلاتۋ؛ قازىنالىق باقىلاۋ قوسىنىنىڭ وزىندىك قۇرىلىسىن كۇشەيتىپ، كاسىپتىك ساپاسىن جوعارىلاتۋ؛ قازىنالىق باقىلاۋدى زاڭ بويىنشا سانالى قابىلداپ، ءتۇرلى قىزمەتتى تىڭ ورەگە كوتەرىپ، قازىنالىق باقىلاۋدىڭ پارتيا مەن ۇكىمەتتىڭ باقىلاۋ جۇيەسىندەگى ماڭىزدى رولىن تولىق ساۋلەلەندىرۋ كەرەك.
ماجىلىستە مىنالار باسا دارىپتەلدى: ورتالىق پەن اۆتونوميالى رايوندىق پارتكومنىڭ تالاپتارى بويىنشا ساياسي تۇرعىنى اناعۇرلىم جوعارىلاتىپ، قاتاڭ باسقارۋ مەن قامقورلىق جاساۋدى ۇشتاستىرۋعا، ىنتالاندىرۋ مەن تەجەۋدى تەڭ يگەرۋگە تاباندى بولىپ، ناقتى ىستەپ، ناقتى ناتيجە جاراتۋدى كوزدەۋ سىندى ادام ىستەتۋ باعىتىنا تاباندى بولىپ، كادرلاردى باعالاۋ ءتۇزىمىنىڭ ىنتالاندىرۋ رولىن تولىق ساۋلەلەندىرىپ، باتىل جاۋاپكەرلىك ارقالايتىن كادرلاردىڭ بەلىن بۋىپ، جىگەرىن شىڭاپ، كادرلاردىڭ جاڭا ءداۋىردىڭ دامۋ تالابىنا ۇيلەسۋ قۋاتى مەن كاسىپتىك ورەسىن پارمەندى جوعارىلاتىپ، «پىكىردى» ۇيرەنۋدى، دايەكتىلەندىرۋدى، تياناقتاندىرۋدى شىنايى مىقتى ۇستاۋ كەرەك.
ماجىلىستە باسقادا ىستەر تالقىلاندى.
ايماقتاعى 4 باسشىلىق القانىڭ شاۋەشەكتە بار باسشىلارى، ايماقتىق ورتا دارەجەلى حالىق سوتى مەن ايماقتىق بولىمشە پروكۋراتۋرا مەكەمەسىنىڭ باسشىلارى، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى