جايىلىمدى قورعاۋ قىزمەتىن مىقتى ۇستادى

  ۇسىنىس ەتىلگەن ءتىلشى جەڭىسحان اسقار ۇلى، ەرىكتى ءتىلشى قاميلا بايان قىزى حابارلايدى. باس شۋجي شي جينپيڭ پارتيا 19-قۇرىلتايى بايانداماسىندا ەكولوگيالىق وركەنيەتتى گۇلدەندىرۋ _ جۇڭحۋا ۇلتىنىڭ باياندى دامۋىنىڭ ۇزاق بولاشاقتىق ۇلى جوسپارى. تۇنىق سۋ مەن جاسىل تاۋدىڭ ءوزى باعا جەتپەس بايلىق دەيتىن ۇستانىمدى بەرىك ورناتىپ جانە امالياتتا ايگىلەپ، مەملەكەتتىڭ بايلىقتى ۇنەمدەۋ جانە قورشاعان ورتانى قورعاۋ نەگىزگى ساياساتىنا تاباندى بولىپ، ەكولوگيالىق ورتانى ءومىردى قاستەرلەگەندەي قاستەرلەپ، تاۋ، وزەن، ورمان- توعاي، ەگىنجاي، كول، جايىلىمدى جۇيەلى وڭاۋدى ءبىرتۇتاس جوسپارلاپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارىپ، جاسىل دامۋ ۇلگىسى مەن تۇرمىس ءتاسىلىن قالىپتاستىرۋ كەرەكتىگىن اتاپ كورسەتتى.
   قىستاقتاعى تۇرعىنداردىڭ باسىم كوپ بولىمى مال شارۋاشىلىعىمەن شۇعىلداناتىن ساۋان اۋدانى نيۋجۋانزى مال فەرماسىنىڭ سارتوعان قىستاعىندا 161 وتباسى، 456 جان سانى بار، ەگىستىك جەرى 2300 مۋ، جايىلىمدىق جەرى 82 مىڭ مۋ بولىپ، مۇنداعى ءتورت تۇلىك مالدىڭ جالپى سانى 10 مىڭ باستان اسادى. 2017-جىلعى قىستاق تۇرعىندارىنىڭ جان باسىندىق كىرىسى 5600 يۋان بولعان، قىستاقتاعى تۇرعىنداردىڭ باسىم كوپ ءبولىمى مال شارۋاشىلىعىمەن شۇعىلدانادى.

  ساۋان اۋداندىق تۇرعىن ءۇي جانە قالا-اۋىل قۇرىلىس مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا نيۋجۋانزى مال  فەرماسىنىڭ سارتوعان قىستاعىنا تۇسكەن قىزمەت اترەتىندەگى كادرلار  وتباسىلارىن ارالاپ احۋال ۇعىسۋ بارىسىندا، مالشىلاردىڭ جايىلىمدى قورعاۋ، جايىلىمنان ۇيلەسىمدى پايدالانۋ جانە عىلىمي جولمەن مال باعۋ جونىندەگى تانىمدارىنىڭ ءالى دە تومەن ەكەندىگىن بايقايدى. سونىمەن، قىزمەت اترەتىندەگى كادرلار قىستاق «ەكى كوميتەتىندەگى» كادرلارمەن ءوزارا سەلبەسىپ، مالشىلاردىڭ وتباسىلارىن ارالاپ، جايىلىم ەكولوگياسىن قورعاۋ، شۇرايلاندىرۋ، جايىلىم سيىمدىلىعىنا قاراي مال باعۋ، جايىلىم مەن مالدىڭ تەپە-تەڭدىگىن ساقتاۋ، مال ءناسىلىن ساپالىلاندىرۋ جونىندە ۇگىت جۇرگىزىپ، مالشىلاردى جايىلىم ەكولوگياسىن قورعاۋ سيلىق قوسىمشا قاراجاتىنان پايدالانىپ، ءوندىرىسىن وركەندەتىپ، كىرىستەرىن ارتتىرۋعا جەتەلەدى.

  بيىل كوكتەمدە جاۋىن-شاشىن مول بولعاندىقتان، مالشىلاردىڭ كوكتەۋلىك، قىستاۋلىق جەرلەرىنىڭ كوكتەۋى دە وتكەن جىلعىمەن سالىستىرعاندا ەرەكشە جاقسى بولدى، الايدا ءبىر ءبولىم مالشىلار دالا جايىلىسىنىڭ ۋاقىتتىق قولايلىلىعىن ويلاپ، مالدى كوكتەۋلىككە كوشىرىپ اپارماي، قىستاۋعا باعادى، وسىنداي احۋالدى بىلگەن قىزمەت اترەتىندەگى كادرلار ەرتە باستان قىستاۋلىق جەردىڭ ءشوبىن مال جەپ بولسا، ءبىر جاعىنان قىستا مال باعۋعا ءتيىمسىز ەكەندىگىن، ەندى ءبىر جاعىنان جايىلىمنىڭ تۇياق كەستى بولاتىندىعىن ءتۇسىندىرىپ، ءبىر ءبولىم مالشىلارعا كومەكتەسىپ، قىستاۋداعى مالدارىن كوشىرىپ، كوكتەۋلىككە جەتكىزەدى. سونىمەن بىرگە، مالشىلاردىڭ ءتۇرلى ءسۇت ونىمدەرىن ءوندىرىپ، بازارعا سالىپ، ساياحات كاسىبىن دامىتىپ، كىرستەرىن ارتتىرۋىنا جول كورسەتتى.

  سۋرەتتە: كادرلار مالشىلارعا ۇگىت جۇرگىزۋدە.

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى