ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

تۋعان جەردىڭ تۇماسى

جولدانعان ۋاقىتى : 2018/6/1 16:57:25

ەرسىنالى سۇلتان ۇلى

  ءتاپ – ءتاتتى بالا كۇندە بالاعىمىزدى ءتۇرىپ تاستاپ، تاس باستاۋدىڭ اعىنىن بويلاپ قانشا جۇگىردىك دەشى. كىشى قاراتوبەنىڭ قويناۋىنان باستالىپ، تەكەس پەن اعايازدىڭ تەنتەك اعىسىنا قوسىلۋعا اسىعا اعاتىن وسىناۋ تاس باستاۋ ءالى كۇنگە دەيىن ەسىمدە... بۇگىن بالا كۇندە بىرگە وسكەن ساباقتاسىم سول بۇلاقتىڭ بويىنىڭ كورىنىسىن قولفونىمەن تارتىپ جىبەرىپتى. كوڭىلىمدى تولقىتىپ كەتكەن تاماشا كورىنىسكە ءبىرتالاي قاراپ وتىرىپ، وتكەن كۇنىمدى ەسىمە ورالتتىم. عاجاپ، تاس باستاۋ ءباز – باياعىسىنداي، اۋەلى، توڭىرەگىندەگى قورىمنان اعىپ تۇسكەن تاستار دا ورنىندا جاتىر...

  _ و، تۋعان جەر سەنى ساعىنعانداردىڭ ءبىرى مەنمىن بە دەسەم، بارلىعى ساعىنادى ەكەن–اۋ!  تۇنىعىڭا ءشول قاندىرىپ، تۇماڭا كوز تالدىرا قاراپ، جادىراپ قايتاتىن كەزدەرىم ءالى ەسىمدە. جالعىز بارىپ بۇلاق بويىندا ۇزاق ويعا شومىپ وتىرۋدىڭ عانيبەتىن ايتىپ سۇراما؟ وتكەن كۇندەردىڭ البومىنا بالاڭ سەزىممەن جازىلعان ەلەستەر ماڭگى ۇمىتىلماق ەمەس. ول كەيدە بىرەر ساتتىك كورىنىستەرىمەن كوڭىل كوكجيەگىڭدە جاڭعىرىپ، ساعىنىشقا اينالعان سول قىمباتتى كەزدەردى قايتا ويىڭا سالادى. مەن دوستارىمدى، ساباقتاستارىمدى ساعىنام. مەن اۋىلداستارىمدى، باۋىرلاستارىمدى ساعىنام. ويتكەنى ولاردىڭ سوزىندە، سەزىمىندە، اڭقىلداق ادال كوڭىلىندە اۋىلدىڭ تۇپ – تۇنىق، ءموپ – ءمولدىر تابيعاتىنىڭ ءتىل جەتپەس كورىنىسى بار – اۋ! ولار ناعىز جاندى تابيعات، ولاردىڭ جانارىنان تابيعاتتىڭ سيلاعان سىرىن سەزىپ، تابيعاتتىڭ تاڭعاجايىپ، وزدەرى كۋا بولعان، اسەرلەرىن ەستيسىڭ! ولار تۇنىقتىقتى تۇمادان، دارقاندىقتى دالادان، جىگەر مەن قايراتتى وسى شەكسىز دە شەتسىز تابيعاتتان ۇيرەنگەن. اناۋ كوز ۇشىنداعى اسقارىن اق قار باسقان تاۋدىڭ قويناۋى قاراعايمەن كومكەرىلگەن،- دەدى قاسىمداعى جىگىت بالاسىنا.

  _ ە،اكە مەنى سول تاۋعا قاشان ەرتىپ باراسىڭ! مەنىڭ دە قاراعايلى قاپتالدا اسىر سالىپ ويناعىم كەلەدى. گۇلدەرىن تەرىپ، ءوزىڭ ايتقان تۇمالاردىڭ تۇنىعىنان قانىپ ىشكىم كەلەدى،- دەدى بالا كوڭىلىندەگىسىن جاسىرماي.
  _ ءيا،بالام،كوپ كەشىكپەي بارامىز،- دەدى اكەسى...

  تابيعاتقا ادامنىڭ ادامدىق تابيعاتىن جاقىنداستىرۋ ەڭ كەرەك دەپ ءتۇيدىم ىشىمنەن... ادام تابيعاتى تابيعاتپەن بىرگە تەل وسكەندە عانا ونىڭ ويى مەن سەزىمى تابيعاتتىڭ تاڭعاجايىپ بەينەلەرىنە قانىعىپ، پەيىلى دارقان، ويى ورامدى بولىپ وسەدى. ادام - جاراتىلىستىڭ تۋىندىسى. كوز الدىما كۇن – ءتۇن دەمەي ءبىر سەكۋند تا توقتاماي تەرەڭنەن دامىلسىز قايناپ شىعىپ، تىرلىككە ءنار سيلاعان تۋعان جەردىڭ تۇماسى تاعى ەلەستەدى. ءبىز دە وسىناۋ ومىرگە بەينە سول ەش بوداۋسىز ءنار سيلاعان، كوركەمدىك سيلاعان تۇمالار سەكىلدى «ءموپ – ءمولدىر» سۋسىن سيلار بولساق، ادامزات دۇنيەسى ءتىپتى دە كوركەم، ءتىپتى دە باقىتتى بولار ەدى. ءومىردىڭ ءوزى بوداۋ بەرۋ! نەگە؟ تىرشىلىككە، تابيعاتقا سۇيىسپەنشىلىك سيلاۋ...  وتكەن كۇننىڭ ەلەسى كوز الدىما تاعى كەلدى. بالالىق سەزىم... ول كەزدە كوڭىلدەگى سىردى تىلمەن جەتكىزۋگە باتا المايتىن داۋرەن ەدى...

  مىرس ەتە ءتۇستىڭ. ۇزاق ويلاردىڭ جەتەگىندە كەتىپ قالعانىمدى تەز اڭعارىپ، سەلت ەتىپ، ويىمدى جيىپ الدىم. سەنىڭ جانارىڭنان الدەبىر مەيىرىمدى دە تاڭعالىستى سۇراقتىڭ تۇنىپ تۇرعانىن سەزدىم. سول ءۇنسىز سۇراقتىڭ جاۋابىن ءوز بويىمنان ىزدەي باستادىم...
  _ وي قۇشاعىنا شومىپ كەتتىڭ عوي، كىمدى ويلاپ تۇرسىڭ؟- دەدىڭ سەن ءسوزىڭدى ازىلگە بۇرعىڭ كەپ.
  _ ءيا،- دەدىم نە ايتارىمدى بىلمەي، ءدال سول كەزدەگى شىرىن قيالىمدى ساعان سوزبەن ايتىپ بەرە الۋىم ەكىتالاي ەدى،- اۋ! ول كەزدە راسىن ايتسام تىم ۇياڭ ەدىم...  سەن دە ارى قاراي سۇراۋعا باتىنا المادىڭ با؟ جۇگىرە باسىپ ۇزاي بەردىڭ. سودان بەرى مىنە وتىزىنشى كوكتەم ءوتىپ، وتىزىنشى جاز كەلىپ، وتىزىنشى كۇز دە جاقىنداپ كەلەدى. بەيبىت زاماندا تۋىلىپ، دامىعان داۋىردە ەسەيگەن نەتكەن باقىتتى ەدىك. كوڭىل كوگىمىزدە ۇندەستىك تاۋىپ جاتاتىن تۋعان جەردىڭ كوركەم كورىنىسىن وزىڭمەن بىرگە جۇرگەندەي تاماشالاپ، بال بالالىق كەزدى ەسكە الىپ وتىرعانىم دا دامىعان ءداۋىردىڭ ارقاسى ەمەس پە! سول تۇمانىڭ باتىس جاعىندا ءبىزدىڭ سانامىزعا ءبىلىمنىڭ ءنارىن قۇيعان انا مەكتەپ _ التىن ۇيامىز بار. سول مەكتەپتە دە سامايىن قىراۋ شالعانشا بور توزاڭىن جۇتقان، قاراپايىم دا قالتقىسىز ەڭبەگىمەن ءبىزدى اياۋلى الاقاندارىنان اتتاندىرعان ۇستازدارىمىز بار ەدى – اۋ! ولاردىڭ وبرازى ءبىز ەسەيگەن سايىن بيىكتەپ بارادى...

  تۋعان جەردىڭ تۇماسى كوڭىلىمنىڭ تەرەڭىندەگى ساعىنىشىمدى وياتىپ، تۋعان جەرگە دەگەن تۇنىق سەزىمىمدى وزگەشە يىرىممەن وزىنە باۋراپ بارادى... باۋراپ بارادى...

  رەداكتورى : جىگەر ومىربەك ۇلى                                           



    تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى 

 
powered by IlgharCMS 3.2 www.ilghar.cn