شەكارانى بەكەمدەپ، ورنىقتىلىقتى قورعادى

  ۇسىنىس ەتىلگەن ءتىلشى تاۋلە قۇماش ۇلى حابارلايدى. شاعانتوعاي اۋداندىق شەكارا قورعانىس ۇلكەن اترەتىنىڭ ورنالاستىرۋى بويىنشا، اترەتكە قاراستى ءتورت اۋىل، ءبىر فەرما، ءبىر قالاشىقتا تۇراتىن شەكارا قورعانىس ساقشى بولىمشەسىنىڭ كادرلارى شەكارانى قورعاۋمەن بىرگە، وزدەرى تۇرعان وڭىردەگى حالىق بۇقاراسىمەن اناردىڭ دانىندەي تىعىز ۇيىسىپ، ورنىقتىلىقتى باستى ورىنعا قويىپ، قوعام ورنىقتىلىعىن قورعادى.

  شەكارا شارلاۋ جاۋىنگەرلەرى مەن ساقشى كادرلارىنا جەتەكشىلىك ەتىپ جۇرگەن شاعانتوعاي فەرماسىنىڭ شەكارا قورعانىس ساقشى بولىمشەسىنىڭ ورىنباسار باستىعى ەرعانعا كەزدەسىپ، اڭگىمەلەسكەنىمدە: «بۇگىنگى شارلاۋ كولەمىمىز جۇڭگو-قازاقستان شەكارا ءوڭىرى، بۇل وڭىرگە ازاتتىق ارميانىڭ بەلگىلى لياندەرىندەگى جاۋىنگەرلەر جاۋاپتى، ءبىز ءار اپتادا 2 رەت شەكارا قورعاۋشىلارىن باستاپ، ارميامەن سەلبەسىپ، شارلاۋ جۇرگىزەمىز. باسقا ۋاقىتتا فەرماعا قاراستى باسقارۋ وڭىرىمىزدەگى قىستاقتاردى ارالاپ، شەكارا زاڭ-ەرەجەلەرى، قوعامنىڭ ورنىقتىلىعى، ۇشقارىلىققا قارسى تۇرۋ جاقتاردى كولەمدى ۇگىتتەيمىز. قازىر شينجياڭدى زاڭمەن جونگە سالۋ ءجۇرىلىپ وتىر، شارشاپ-شالدىعۋدان تايىنبايمىز، ويتكەنى اتا مەكەندى قورعاۋ ءبىزدىڭ مىندەتىمىز، سوندىقتان بۇل قىزمەتتى داڭق سانايمىز» دەپ جاۋىنگەرلەرىن باستاپ، شارلاۋ جۇمىستارىن جالعاستى جۇرگىزدى.

  مەملەكەتتى زاڭ ارقىلى باسقارىپ، شينجياڭدى زاڭمەن جونگە سالۋ جۇزەگە اسىرىلعاننان كەيىن زاڭ ورىندارىنىڭ جاۋاپكەرشىلىگى كۇشەيىپ، مىندەتى     اۋىرلاي ءتۇستى.

   3-ايدىڭ 16-كۇنى ورتالىق اسكەري ىستەر كوميتەتىنىڭ بەكىتۋىمەن ورتالىق اسكەري ىستەر كوميتەتى كەڭسەسى ارميادا توڭكەرىستىك رۋحتى   جالعاستىرىپ، ارميانى قۇدىرەتتەندىرۋ اۋىر مىندەتىن ارقالاۋ نەگىزگى تاقىرىپتىق تاربيەسىن ورىستەتۋ جونىندەگى پىكىرى باسىپ تاراتىلعان، وسى ءبىر مىندەتتى ورىنداۋ ءۇشىن، اسكەري ورىندار ۇيرەنۋدى كۇشەيتىپ، جاتتىعۋدى قاتاڭداستىرىپ، سوعىسقا ات سالىساتىن، سوعىستا جەڭىسكە جەتە الاتىن قۇرىش قورعان بولۋعا قۇلشىنۋدا.
    سۋرەتتە: شاعانتوعاي فەرما شەكارا قورعانىس ساقشى بولىمشەسىنىڭ ساقشىلارى ساياسي ۇيرەنۋدە.

   رەداكتورى : جىگەر ومىربەك ۇلى                                           
 

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى