ەەڭ جاڭا مازمۇندار
ەكونوميكالىق جاعدايعا جان - جاقتى، ديالەكتيكالىق، ۇزاق بولاشاقتىق تۇرعىدان تالداۋ جاساۋعا تاباندى بولىپ، داعدارىس بارىسىندا جاڭا وراي جەتىلدىرۋگە، وزگەرگەن جاعداي بارىسىندا جاڭا جاعداي اشۋعا قۇلشىنۋ كەرەك
ءتۇزىم ابزالدىلىعىن قاۋلاتىپ، كۇرەس جۇرگىزۋ ۇلى كۇشىن ۇيىستىرايىق
لي كىچياڭ جاساعان ۇكىمەت قىزمەتىنەن بايانداما (ءۇزىندى)
پارتيا ءتارتىبىن،پارتيا قاعيداسىن ۇيرەنۋدى كۇشەيتىپ،ءتارتىپ تانىمىن ۇزدىكسىز كۇشەيتىپ،دەڭگەيدى جوعارىلاتىپ،ءتۇرلى قىزمەتتى تاباندىلىقپەن ناقتى تياناقتاندىرۋ كەرەك
شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى ۇزدىكسىز قارادى، جوسپار بايانداماسىن جانە مەجە ەسەپ بايانداماسىن قاراپ تەكسەردى
2020-جىلى 5-ايدىڭ 26-كۇنى 106-سان
قىستاقتى كوركەيتىپ،باسقا پارتيا مۇشەلەرىنە باستاماشى بولدى
كوپ مەيىرى مۇقامەت وتباسىنا سۇيەنىش بولدى
شۇعىنىق گۇلى ساياحاتشىلاردى باۋرادى
جايما بازارى قاريدارلاردى قارسى الدى
كيىم-كەشەك اتاپ، مەيىر جەتكىزدى
13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە اشىلدى
شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى باسا دارىپتەدى
شينجياڭ ۋاكىلدەر ۇيىرمەسى جالپى جيىن وتكىزىپ، ۇكىمەت قىزمەتىنەن باياندامانى قارادى
قىستاقتى كوركەيتىپ،باسقا پارتيا مۇشەلەرىنە باستاماشى بولدى
كوپ مەيىرى مۇقامەت وتباسىنا سۇيەنىش بولدى
2020-جىلى 5-ايدىڭ 25-كۇنى 105-سان
2020-جىلى 5-ايدىڭ 23-كۇنى 104 -سان
مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى بەيجيڭدە اشىلدى
ورتاق تانىمدى كەڭ كولەمدە ۇيىستىرىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزەيىك
ىندەتتەن ساقتانۋ-تىزگىندەۋدى ۇدايىلاندىرۋدى استە بوساڭسىتپاي جاقسى يگەرىپ،ەكونوميكانىڭ جوعارى ساپالى دامۋىن بار كۇشپەن ىلگەرىلەتۋ كەرەك
شيە قىزاردى
مايلى شاپتول پىستى
اقتوبە قىستاعى: قىزمەت اترەتى تەگىن شوجە تاراتىپ،قىستاق تۇرعىندارىنىڭ باعىمشىلىقپەن شۇعىلدانۋ بەلسەندىلىگى ارتا ءتۇستى
ەرەكشەلىككە يە ەگىمشىلىك شارۋالاردىڭ كىرىسىن ارتتىردى
كاسىپورىن تەكشە ازىرلەپ،قىستاق تۇرعىندارى اۋقاتتانۋ جولىنا ءتۇستى
لەي يان: شاعىن اۋلادان مول بايلىق جاراتتى
قوڭىر قاز بالاپانىن جەتىلدىردى
تۇيە باعىپ،دوڭگەلەك داۋلەتكە قادام باستى
2020-جىلى 5-ايدىڭ 22-كۇنى 103-سان

بۇگىن تىڭ باستاما

جولدانعان ۋاقىتى : 2018/6/8 16:47:54

جاننا قوزىباي

   وتكەندە تولىق ورتا 3-جىلدىق وقۋشىسىمىن دەپ بىرەۋ حابارلاستى. «ەمتيحان تاياعان سايىن دايىندالعاننىڭ ورنىنا جوقتى قيالداپ، ۋاقىتىم ءوتىپ جاتىر. سوندا كوپ ويلايتىنىم وتپەي قالسام قايتەمىن دەگەن سۇراق. ويلاعان سايىن كوڭىلسىزدەنىپ، ويلاعان سايىن ساباققا زاۋقىم سوقپايدى» دەدى. «وندا وتە الماي قالساڭ قايتەسىڭ؟ قايتالاپ وقيسىڭ با؟» دەدىم قايتارا سۇراپ.
_ قايتالامايمىن. ساباقتاستارىم ۋنيۆرسيتەتكە كەتكەندە مەن وزىمنەن كىشىلەرمەن قالاي بىرگە وقيمىن؟_ دەپ ويلانباستان جاۋاپ بەردى.
_ وندا نە ىستەيسىڭ؟
_ بىلمەيمىن. سوسىن دا الاڭدايمىن،_ دەپ ۇندەمەي قالدى.

   قاتاردان قالۋ، وقۋسىز قالۋدان دا قورقىنشتى ما؟ قاتاردان قالۋ باقىتسىز بولۋدان دا قورقىنشتى ما؟ 
سەزىمگە باعىنۋدان گورى، پاراسات پەن تاجىريبەگە باعىنعان ابزال. ادام عۇمىرىندا تەك راقاتتان تۇراتىن التىن  عاسىر بولعان ەمەس، قايتا ءبارىنىڭ وزىنە لايىقتى قيىندىقتارى بار. ال قيىندىقتاردان ادام تۇيسىگى ارقىلى ەمەس، دۇرىس تاڭداۋى مەن پاراساتى ارقىلى جول تابادى. كەز كەلگەن جەكە ءوزى ءۇشىن  ءومىر سۇرەتىنىن، وزگەنىڭ وعان نەندەي پىكىردە بولۋىنىڭ ماڭىزى شامالى ەكەنىن قانشا تەرەڭ تۇسىنسە، تاڭداۋ جاساۋدا سونشالىق مۇقيات بولادى.
بىزدە قالىپتاسقان مىناداي فورمالا بار. ون سەگىز جاسىڭدا ۋنيۆەرسيتەتكە وتەسىڭ، جيىرما ءۇش جاسىڭدا بىتىرەسىڭ. ارى قاراي وقيسىڭ نە قىزمەتكە تۇراسىڭ. جيىرمانىڭ التى-جەتەۋىندە، كەشىكسە وتىزعا تارتا ۇيلەنۋىڭ كەرەك. وعان ىلەسە باسپانا، كولىك سىندى كەزەك كۇتتىرمەس ماسەلەلەردى شەشەسىڭ. ون جىلدا تۇرمىسىڭ ورنىعىپ ۇلگىرەدى. ودان ارى قاراي بالالاردىڭ وقۋى، نەكەسى، تاعى باسقا تۇرمىستىڭ جاڭا تاراۋلارى جالعاسادى. وسىنداي جازىلماعان زاڭدىلىقتان تانباي، سولاي بولا قويماعاندا ءوزىن ءومىردى قۇر وتكىزگەندەردىڭ قاتارىنا شىعاراتىندار ءجيى كەزىگەدى. سولاردان بىرنەشە مىسال كەلتىرە كەتەيىك.

  A بويجەكتەن ءوزىنىڭ ۋاعىندا تۇرمسىقا شىعا الماعاندىعىنا ناليدى. ەندى قاتاردان قالسام قادىرىم قاشادى دەپ الاڭداعان ول ۋيچاتتا كوپ جىگىتتەرمەن تانىسىپ، تالعامسىز كەزدەسۋگە بارادى. مۇمكىن ءوستىپ ءجۇرىپ اقبوز اتتى  حانزاداما كەزدەسەرمىن دەپ دامەلەنەدى. الايدا ينتەرنەتتىڭ ارعى بەتىندە كىمدەردىڭ وتىرعانىن ءبىلۋ قيىن. جاقسى سوزدەرىمەن كوڭىل ءۇيىرىپ، سەنىمدىلىك بايقاتقانىمەن، ارام نيەتىن جۇزەگە اسىرۋدىڭ قامىنداعى بىرەۋلەر ءۇشىن ادامدىقتىڭ، سەنىمدىلىكتىڭ قۇنى كوك تيىن. Aبويجەتكەن دە انە سونداي بىرەۋگە جولىعىپ، اياق استى بولۋعا شاق قالادى.

  ەكىنشى اڭگىمەمىزدەگى كەيىپكەرىمىز قارىزدانىپ كولىك الادى. ەل قاتارلى جۇرگىسى كەلگەنى ەدى. الايدا كولىك جۇرگىزۋ بارىسىندا شىرعالاڭ تۋدىرىپ، قارىزعا قارىز جاماپ، شاقشا باسى شاراداي بولادى. الگى ارمان-مۇراتى ادىرا قالىپ، قاتىن-بالاسىن باعۋدىڭ ءوزى قيىن ماسەلەگە اينالادى.

  ءۇشىنشى اڭگىمەمىز باسەكەمەن توي وتكىزۋشىلەر جايلى. كەيىپىكەرلەرى بارلىق جەردەن تابىلادى. «بالەنشەدەن كەممىن بە؟» دەپ جوقتى جونعىسى  كەلىپ ىشقىنعان تالايلار قىزىقتى تويدان كەيىن كورگەنى جوق پا؟ توي تۇرلەرىنە قىزمەت وتەۋ، اسىرەسە ءبىزدىڭ ۇلتتا كوپ، ال ۇعىسا كەتسەڭىز ەلدە جوق باعا ايتادى. ءبارىنىڭ اۋزىندا «ومىرىڭىزدەگى ءبىر رەتكى تويىڭىز ەمەس پە؟» دەگەن ەلىكتىرگىش قۋاتقا باي، جاتتاندى ءسوز. ءبىلىم ارقىلى، تەحنيكا مەن ونەر ارقىلى ەمەس، تويداعى ابىرويى ارقىلى وزگەنى باسىپ وزعىسى كەلەتىندەر ءۇشىن «قاتاردان قالۋ» ولىمنەن دە اۋىر. ءسويتىپ قاسىقتاپ تاپقانىن كۇرەكتەپ شاشىپ ەسى كەتەدى. باقىتتى وتكەن ءاربىر كۇن تويعا بەرگىسىز. قاتاردان قالعىڭ كەلمەسە، شاشىلىپ توي وتكىزگەنشە، جانتالاسىپ ەڭبەكتەن!
شىنتۋايتىندا اركىمنىڭ ءومىر جولى ءار باسقا، ولشەمى دە وزگەشە. بىرەۋلەر جيىرما ءبىر جاسىندا مەكتەپ تاۋىسىپ، وتىز جاسىندا قىزمەتكە ورنالاسادى.  ال، جيىرما بەس جاسىندا وقۋى بىتكەن بىرەۋلەر دەرەۋ قىزمەتكە ورنالاسادى. ۋنيۆەرسيتەت وقىماستان ون سەگىز جاسىنان باستاپ-اق ءوزى سۇيگەن  كاسىپپەن شۇعىلدانعاندار جوق ەمەس.  وقۋىن تابىستى تامامداپ، ويداعىداي قىزمەتكە شىعىپ، مول اقشا تاپقانىمەن دە كوڭىلدىلىك تاپپاعاندار بار. ءار جىل سايىن وزىنە ەسەپ بەرىپ، ءوزىنىڭ كىم ەكەنىنە جاۋاپ ىزدەپ وتىراتىندار دا بار. ون التى جاسىندا نە ىستەيتىنىن تۇراقتاندىرىپ، جيىرما التى جاسىندا ويىن وزگەرتكەندەر دە بار. قىرىققا كەلسە دە باس قۇراماعاندار، باس قۇراعان سوڭ بالالى بولۋدى ون جىل بويى كوكسەگەندەر دە بار. سۇيگەنىنە قوسىلا الماي، بارىنەن باز كەشكەندەر دە بار.

  ءسىزدىڭ ماڭايىڭىزدا ءسىزدى باسىپ وزعاندار دا، سىزدەن كەنجە قالعاندار دا بار. سەبەبى بارلىق ادامنىڭ وزىنە تيەسەلى تاعدىرى، نەسىبەسى بولادى. ولاردىڭ ءوز قارقىنى، ءسىزدىڭ ءوز باعىتىڭىز بار. تورتكۇل دۇنيەگە كەڭ تارالعان كينتاكيدىڭ قۇرۋشىسى حەللەن كۇتكەن تابىسىنا سەكسەن سەگىز جاسىندا جەتسە؛ لولين 12 رەت ساتسىزدىككە ۇشىراپ، وتىز ەكى جاسىندا ايگىلى «حارري پۋتەردى»  باسپادان شىعارعان. 2017-جىلى دۇنيە  بايلارىنىڭ 3-قاتارىنان بوي كورسەتكەن  ءزارا ماركاسىنىڭ جوبالاۋشىسى امانكو ۆارتەج كەدەي وتباسىندا تۋىلعان. ون ءۇش  جاسىنان باستاپ تىگىمحاناعا شاكىرت بولعان، وتىز توعىز جاسىندا ءزارانى قۇرعان. ءبىراق ونىڭ ۇشان-تەڭىز تابىسىنىڭ وڭايعا كەلمەگەنى بىلايعى جۇرتقا بەلگىلى. «الي بابا» سەرىكتىگىن  ما يۇن وتىز بەس جاسىندا قۇرسا، تانىمال كينو جۇلدىزى مورگەن فەرماننىڭ اتاعى ەلۋ ەكى جاسىنان باستاپ شىققان.

  وتىز جاسىندا نەمەسە ودان دا كەشىگىپ باس قۇراعانداردى ەشكىم باقىتسىز دەي المايدى. كوزدەگەن ماقساتىنا ەلۋ جاسىندا جەتىپ، تابىس تورىنەن كورىنگەندەردى دە جۇرت ارداقتاپ، قادىر تۇتادى. قىرىق جاسىندا باسپانا الىپ، كولىك مىنسە دە ونىڭ ابىروي توگەتىندەي ەشتەڭەسى جوق. ەندەشە ءسىزدىڭ ۋاقىت كەستەڭىز ءوز جاعدايىڭىزعا سايكەستى بولۋى كەرەك. ايگىلى عالىم ەنشتەين: «ەسەپپەن بىتكەن ءىستىڭ بارلىعى ماعىنالى بولا بەرمەيدى نەمەسە ماعىنالى ءىستىڭ ءبارى ەسەپپەن بىتپەيدى» دەگەن ەكەن. سوندىقتان ءسىز باسقالارعا كوز-قىر قىلۋ ءۇشىن ەمەس، باسقالاردىڭ جەل سوزگە قۇرىلعان باعاسىن الۋ ءۇشىن ەمەس، قايتا ءوزىڭىز رازى بولاتىن، ماعىنالى ءومىردىڭ جوسپارىن جاساۋعا ءتيىستىسىز. سول تابىستارىڭىز ارقىلى باسقالارعا اسەر ەتىڭىز، باسقالاردىڭ ءومىر ساپارىنا ساۋلە ءتۇسىرىڭىز! توقسان جاسىڭىزدا وسىلاردى ورىنداساڭىز دا ەشكىم ءسىزدى قاتاردان قالدىڭ دەمەيدى.

  مەيلى وتكەن كۇن قالاي بولماسىن، بۇگىن ءبىز ءۇشىن تىڭ باستاما. بۇدان كەيىنگى ءومىرىمىزدىڭ باستاماسى. ءسىز بۇگىنگى كۇنىڭىزدى قالاي باستادىڭىز؟..

    رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى 

 
powered by IlgharCMS 3.2 www.ilghar.cn