بەيسەنباي ساۋىت ۇلى
كوردىڭ مىنە ەلىڭنىڭ،
قىزىققا تولى مەكەنىن.
قول ۇستاسىپ، قولداسىپ،
ءبىلدىڭ تۋىس ەكەنىن.
قىستاقتا بولدىڭ قىسىلماي،
ءبىلدىڭ ەلدىڭ تۇراعىن.
ىجداعاتپەن حاتتادىڭ
ەلىڭنىڭ قويعان سۇراعىن.
بەردىڭ اقىل -كەڭەسىن،
قۇپ العان سوڭ نە دەرسىڭ.
تاۋ اسىپ،تاس باسىپ،
جىگەرىڭ العا دەمەسىن.
سەن حالىقتىڭ سەركەسى،
جۇك كوتەرگەن وركەشى.
ءبىلىم بەرىپ حالىققا،
جەتىلدى ەلدىڭ جەتەسى.
قىزىققا تولدى كۇندەرى،
قاۋاشاق جاردى گۇلدەرى.
نارت قىزىل تۋ جەلبىرەپ،
جۇلدىزعا تولدى تۇندەرى.
وتار وتىن لاۋلاتتىڭ،
وركەندەتتىڭ، قاۋلاتتىڭ.
لاستىقتى ايداپ ساپ،
ساحارانى جايناتتىڭ.
ءوزىڭدى دە ۇمىتتىڭ،
قامىن جەدىڭ جۇمىستىڭ.
بويلاتىپ ويدى تەرەڭگە،
ۇيتقىسى بولدىڭ ىرىستىڭ.
ناۋمەزدىكتى تاستادىڭ،
اۋىر سىننان قاشپادىڭ.
قيىندىققا جەگىلىپ،
ارشىندى قادام باسقانىڭ.
سىڭعىرلادى بۇلاقتار،
باس يزەدى قۇراقتار.
توعىستىردىڭ بىلەكتى،
جان جىلىتتى شۋاقتار.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى