قىزمەت اترەتىنىڭ رولىن شىنايى ساۋلەلەندىردى

   ۇسىنىس ەتىلگەن ءتىلشى جانار بولسىن قىزى حابارلايدى. جۋىقتا ساۋان اۋداندىق بازاردى باقىلاپ-باسقارۋ مەكەمەسى مەن جەكەلەر باسقارۋىنداعى كاسىپورىندار قوعامى تۇتاس اۋدانداعى 34 جارناما كاسىبىمەن شۇعىلداناتىن ورىندى ۇيىمداستىرىپ، ساۋان اۋدانى ليۋماۋۋان قالاشىعى حۇيمينچۇي جاڭا قىستاعىنا بارىپ مەيىر باعىشتاپ، حال سۇراۋ قيمىلىن ورىستەتتى.

  قيمىلدىڭ الدىندا ساۋان اۋداندىق بازاردى باقىلاپ-باسقارۋ مەكەمەسىنەن «ۇعىسۋ، تيىمدىلىك جەتكىزۋ، توعىستىرۋ» قيمىلى بويىنشا ليۋماۋۋان قالاشىعى حۇيمينچۇي جاڭا قىستاعىنا تۇسكەن قىزمەت اترەتىنىڭ باستىعى، قىستاق پارتيا ياچەيكاسىنىڭ بىرىنشى شۋجيى جانە جارناما كاسىبىمەن شۇعىلدانۋشىلار ۋاكىلى ايىرىم-ايىرىم ۇگىت-لەكسيا جاساپ، وتانعا دەگەن سۇيىسپەنشىلىگىن ايگىلەپ، جاڭا قىستاق قۇرىلىسىنداعى زور جاڭالىقتاردى تانىستىردى. كوپشىلىك ءبىر اۋىزدان قازىرگى تاماشا جاعدايدى قاستەرلەپ، باقىتتى تۇرمىستى قورعاپ، قوعام ورنىقتىلىعى مەن باياندى تىنىشتىقتىڭ بەرىك قورعانىن قۇراتىندىقتارىن ءبىلدىردى.

  سوڭىندا ساۋان اۋداندىق بازاردى باقىلاپ-باسقارۋ مەكەمەسىنەن «ۇعىسۋ، تيىمدىلىك جەتكىزۋ، توعىستىرۋ» قيمىلى بويىنشا ليۋماۋۋان قالاشىعى حۇيمينچۇي جاڭا قىستاعىنا تۇسكەن قىزمەت اترەتى، قىستاق كادرلارى مەن جارناما كاسىبىمەن شۇعىلدانۋشىلار ۋاكىلىنەن ۇيىمداسقان مەيىر باعىشتاۋ توبىنداعىلار حال سۇراۋ بۇيىمدارىن الىپ، حۇيمينچۇي جاڭا قىستاعىنداعى ءبىر ءبولىم قىستاق تۇرعىندارىنان حال سۇرادى.

  ساۋان اۋدانى ليۋماۋۋان قالاشىعى حۇيمينچۇي جاڭا قىستاعىنىڭ تۇرعىنى جاڭ شياڭليان: «بۇگىن حال سۇراۋ گرۋپپاسىنداعىلار بىزگە پارتيانىڭ حالىققا ءتيىمدى ساياساتتارىن، پارتيا 19-قۇرىلتايى رۋحىن ۇگىتتەدى، قازىر قىستاعىمىزدا زور دامۋشىلىقتار جارىققا شىقتى، بۇل پارتيانىڭ ءتيىمدى ساياساتى مەن قىزمەت  اترەتى جانە باسقا دا قوعامدىق ۇيىمداردىڭ كومەگىنىڭ ناتيجەسى، قىزمەت اترەتى بىزدەن ۇنەمى حال سۇراپ تۇرادى، پارتيانىڭ قامقورلىعىنا ماڭگى العىس ايتامىز» دەدى.

  ساۋان اۋدانى ليۋماۋۋان قالاشىعى حۇيمينچۇي جاڭا قىستاعىنان شىققان جارناما كاسىپكەرى ليۋ جۇيتاۋ: «قىستاعىمىزدا قازىر تاڭعالارلىقتاي دامۋشىلىقتار جارىققا شىقتى، مەن مۇنى ماقتانىش سانايمىن. بۇل رەتكى قيمىل اۋدانداعى جارناما كاسىپكەرلەرىنە ءوزارا پىكىر الماستىرىپ، ۇيرەنەتىن جاقسى وراي جاراتتى» دەدى.

  ساۋان اۋداندىق بازاردى باقىلاپ-باسقارۋ مەكەمەسىنەن «ۇعىسۋ، تيىمدىلىك جەتكىزۋ، توعىستىرۋ» قيمىلى بويىنشا ليۋماۋۋان قالاشىعى حۇيمينچۇي جاڭا قىستاعىنا تۇسكەن قىزمەت اترەتى قىستاققا تۇسكەننەن بەرى، حالىق بۇقاراسى ەڭ كوڭىل بولەتىن ماسەلەلەردەن باستاپ ىسكە كىرىسىپ، قىستاق كەڭسەسىنىڭ ماڭىنداعى جولدى جاڭالاپ، تۇرعىنداردىڭ ءۇي جانە قورا-جايىن جاڭالاۋعا كومەكتەسىپ، قىستاقتا 64 مۋ جەرگە اعاش ەگىپ    جاسىلداندىرىپ، ءوز رولدارىن تولىق ساۋلەلەندىرىپ، حالىققا ناقتىلى ىستەر ىستەپ بەرىپ، حالىق كوڭىلىنەن ورىن الدى، سونداي-اق قاتىستى جاقتاردى  سايكەستىرۋ ارقىلى حۇيمينچۇي جاڭا قىستاعىنا قۇنى 30 مىڭ يۋاندىق دىبىس ۇلعايتقىش جابدىقتارىن ۇسىنىپ، قىزمەت اترەتىنىڭ رولىن شىنايى ساۋلەلەندىردى.
  سۋرەتتە: قيمىلدان ءبىر كورىنىس.

  رەداكتورى : جىگەر ومىربەك ۇلى                                           


 تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 مىسالى: «تارباعاتاي اقپارات تورابىنان» الىندى