ەەڭ جاڭا مازمۇندار
​مۇقيات جارمۇحامبەت شاۋەشەك قالاسىندا ءىشىنارا مەكتەپتەردىڭ وقۋ باستاۋ،ساباقتى قالپىنا كەلتىرۋ جانە مەكتەپ اۋلاسىنىڭ ىندەتتەن ساقتانۋ-تىزگىندەۋ قىزمەتىنە تەكسەرۋ-زەرتتەۋ جۇرگىزدى
ۇيىمدىق باسشىلىقتى كۇشەيتىپ،ءار جاقتاعى كۇشتەردى تۇتاس جوسپارلايىق
ءوز جاۋاپكەرشىلىگىن ءبىلۋ، ءوز جاۋاپكەرشىلىگىن شەبەرلىكپەن اتقارۋ كەرەك
جىلۋمەن قامداۋ نىسانىنىڭ جۇمىسى قالپىنا كەلدى
ايماعىمىزداعى اس-سۋ قىزمەت وتەۋ سالاسىنىڭ جۇمىستى قالپىنا كەلتىرۋ مولشەرى %90 تەن استى
ەگىس ۋاقىتىن مىقتى ۇستاپ،قاربالاس تۇقىم ءسىڭىردى
​اۋىل شارۋاشىلىق جابدىقتارىن قۇراستىرىپ،كوكتەمگى وندىرىسكە دايىندالدى
كوكتەمگى ءوندىرىس ۋاقىتىن كەشەۋىلدەتپەۋگە نەگىز قالادى
كىرىستى ارتتىرۋدىڭ جولىن اشىپ،اۋقاتتانۋ ارناسىن كەڭەيتتى
شاعانتوعاي اۋدانى جۇمىستانۋ تۇعىرىن قۇرىپ،كەدەيلىكتەن ارىلتۋعا دەم بەردى
90-جىلداردىڭ تۇلەگى زىڭ سۋفاڭ سەسترانىڭ ارمانى
قىستىق دوڭگەلەكتەرىن الماستىردى
كىتاپ دۇكەنى قاريدارلاردى قارسى الدى
چۋانشۇي قىستاعى ورتا تازالىعىن ىستەدى
2020-جىلى 3-ايدىڭ 26-كۇنى 57-سان
وقۋ باستاۋ،ساباقتى قالپىنا كەلتىرۋ قىزمەتىن قاتاڭ،ەگجەي-تەگجەيلى،ناقتى ويداعىداي ىستەپ،وقىتۋ ءتارتىبىنىڭ قالىپتى جۇرگىزىلۋىنە،وقىتۋشى-وقۋشىلاردىڭ دەنساۋلىعىنا شىنايى كەپىلدىك ەتۋ كەرەك
ايماق ءوندىرىس حاۋىپسىزدىگى جانە اپاتتان ساقتانۋ،اپات زيانىن ازايتۋ،اپاتتان قۇتقارۋ قىزمەتى تەلەۆيزور-تەلەفون ءماجىلىسىن اشتى
حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزەيىك
شيحۋ بيىل كوكتەمدە 100 مىڭ ءتول الدى
شاعانتوعايدا مال قىستاۋلىقتان كوكتەۋلىككە كوشتى
تىڭلۇڭ ساۋدا بازارى جۇمىستى قالپىنا كەلتىرىپ،ساۋداگەرلەردىڭ ءبىر ايلىق ماياقىسىن كەشىرىم ەتتى
ءدوربىلجىن: «جاقسى ءۇي يەلەرى» ءۇيدىڭ ماياقىسىن ارزانداتىپ،مەيىر جەتكىزدى
ايماعىمىزدا 120 مىڭ وقۋشى وقۋ باستادى
ماڭگى اتويلاپ الدا جۇرەتىن جاقسى ساقشى بۇلۇك
جاۋ باۋتۇڭ: ماڭگى وشپەيتىن «اۋە شايقاسىنىڭ ەرجۇرەگى»
جاڭ يەلياڭ: ايباتى اسقاق قاھارماندىق رۋحقا كۋا بولعان 65 باسپالداق
2020 – جىلى 3-ايدىڭ 25-كۇنى 56-سان
جاڭا دامۋ ۇستانىمىن دايەكتىلەندىرىپ،ءتۇيىندى نىساندار قۇرىلىسىن جەدەلدەتىپ،بۇكىل رايون ەكونوميكاسىنىڭ جوعارى ساپالى دامۋىنا قوزعاۋشى كۇش ۇستەپ،سەرپىن بەرەيىك
اكىمشىلىك مەكەمەسى 2020-جىلعى 7-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى 2020-جىلعى 2-رەتكى ۋاليلەر قىزمەت ءماجىلىسىن اشتى

ونەردەن ومىرگە جالعاسقان دوستىق

جولدانعان ۋاقىتى : 2018/6/14 17:32:11

ءتۇسىرۋ
ونەردەن ومىرگە جالعاسقان دوستىق

  ءتىلشىمىز ەرمەك سارسەنباي ۇلى حابارلايدى. بۇرىن كەڭ تاراعان، بۇل كۇندەرى ازايىپ بارا جاتقان سيرەك ونەردىڭ ءبىر ءتۇرى _ ورىمشىلىك.   ورىمشىلىك ونەرىن ورىمشىلەر ونەر، كاسىپ رەتىندە جالعاستىرىپ، يگىلىگىنە جاراتىپ كەلەدى. دەسەدە، قازىرگى زىمىران زاماندا سۇرانىستىڭ ازايۋىنا بايلانىستى ورىمشىلىكپەن شۇعىلداناتىن ورىمشىلەرىمىزدىڭ دە سيرەگەنى بارىمىزگە ايان.

  ەندىگى اڭگىمەمىزگە ارقاۋ، تىلىمىزگە تيەك بولعالى وتىرعان شەبەرىمىز ورىمشىلىك ونەرىن اتادان بالاعا جالعاستىرىپ، ءبىر جاعى كىرىس كوزىنە اينالدىرىپ كەلە جاتقان حۇيزۋ ۇلتىنان شىققان تۇڭ يۇيتاڭ (قازاقشا اتى پىشاي) اعامىز شاۋەشەك قالاسى ارگۇڭ قالاشىعى تۋگۇڭ قىستاعىنىڭ تۇرعىنى، ەگىمشىلىكپەن شۇعىلداناتىن 65 جاستاعى ديقاننىڭ شيراقى قيمىلداپ، سەرپىلە جۇمىس ىستەپ وتىرعان بەينەسىنەن ىسپورلىعىن، كاسىبىنە شىنايى بەرىلگەن، ءوز ىسىنە جاۋاپتى ادام ەكەنىن ابدەن اڭعارۋعا بولادى.

  تۇڭ يۇيتاڭنىڭ اتاسى ەرتەدە شانشي ولكەسىنەن شاۋەشەك قالاسى ەكىسۋ مال فەرماسىنا كەلىپ قونىستانىپ، جەرگىلىكتى ءار ۇلت اۋىلداستارىنىڭ تۇرمىستىق جاقتان كومەكتەسىپ، قولداپ-قۋاتتاپ، دەم بەرۋىمەن قاتارداعى وتباسىلارىنا قوسىلىپ، ءار ۇلت اۋىلداستارىمەن بىتە قايناسىپ، اعا-باۋىرداي بولىپ كەتەدى ءارى ءوسىپ-ءونىپ، ىرىستى مەكەندە قوردالى شاڭىراققا اينالىپ، ۇرپاقتارىنا ۇلگى، ونەگە كورسەتىپ، ءوزىنىڭ ۇيرەنگەن ورىمشىلىك ونەرىن ۇلىنا اماناتتاپ كەتەدى.

  «اتامىز قازىرگى ەكىسۋ مال فەرماسىنا قونىس تەپكەن سوڭ جەرگىلىكتى قازاق، موڭعۇل، قىرعىز دوستارىمەن دامدەس-تۇزداس بولا ءجۇرىپ، ورىمشىلىك   ونەرىن ۇيرەنەدى. ورىمشىلىك ونەرىن يگەرگەن اتامىز اكەمدى وسى ونەرگە باۋليدى. اتادان بالاعا جالعاسقان بۇل ونەردى ‹كونەنىڭ كوزىندەي› كورىپ جالعاستىرىپ كەلەمىن. ‹شەبەردى ساۋساعى اسىرايدى› دەگەندەي، ونەرىممەن ازداپ كىرىس كىرگىزەم ءارى وسى  كاسىبىمنەن ءلاززات الامىن» دەيدى  قازاقشا ماقالداپ-ماتەلدەپ ەركىن سويلەيتىن تۇڭ يۇيتاڭ اعامىز.

 نوقتا، جۇگەن، قامشى، بيشىك، شىدەر، ەر-توقىم سىندى ات ابزەلدارىن ونەر كوزىمەن، شەبەر قولىمەن، تالاپ-تالعاممەن قىرلاپ، جۇمىرلاپ، بەدەرلەپ، ۇزبەلەپ، تەرمەلەپ، ەسپەلەپ ءار ءتۇرلى ورە بىلەتىن تۇڭ يۇيتاڭ: «اكەمنەن ۇيرەنىپ، ءار ۇلت ءورىمشى اعالارىمنان، دوستارىمنان تاجىريبە توپتاپ، ءوزارا  تولىقتاپ، ورىمشىلىك ونەردە ءتىپتى دە جەتىلە ءتۇستىم. مەنىڭ وسى ونەردى  تولىق يگەرۋىمە ءار ۇلت دوستارىم جەبەۋشى، دەمەۋشى بولدى. اۋەلى، مەنىڭ شىن اتىمدى قازاق، قىرعىز اعايىندار بىلە بەرمەيدى، مەنىڭ قازاقشا اتىم ‹پىشاي›، بالا كەزدەن بىرگە وسكەن دوستارىمنىڭ قويىپ بەرگەن اتى، ەس بىلگەلى اۋىلداستارىم وسى اتىممەن اتاپ كەلەدى، قازاقشا اتىم قۇلاعىما جىلى ەستىلەدى. دوستارىم قاشاندا ‹كاسىبىڭدى دامىتا ءتۇس، ونەرىڭدى وركەندەت› دەپ تىلەكتەستىك ءبىلدىرىپ، قولداپ جاتادى. قولىمداعى مىنا ىسقىشتى ءورىمشى قازاق اعام بادىق ‹كوزىمدەي كورىپ ءجۇر› دەپ ءوز قولىمەن جاساپ ۇسىنعان، مىنا ىسقىشتى داعۇر دوسىم سولتان (بۇل دوسىمدى بالا كەزىنەن وسىلاي اتايتىنبىز) ەستەلىككە بەرگەن، مىنا قۇرالدى ات تاعالايتىن حانزۋ دوسىم سۇي يۋجۇن ءوز قولىمەن سوعىپ بەرگەن. مەنىڭ ورىمشىلىككە ىستەتىلەتىن قۇرال-سايماندارىمدا ءار ۇلت اعالارىمنىڭ، دوستارىمنىڭ قول تابى بار، دوستارىمنىڭ ماعان دەگەن سەنىمى، اق تىلەگى، ونەرگە دەگەن قۇرمەتى ايشىقتالعان بۇل قۇرال-سايماندار دوستىعىمىزدىڭ كۋاسى ىسپەتتى، جاسىم    ۇلعايسا دا وسى سايمانداردى قولىما الىپ، ءارقاشان جۇمىسقا كىرىسكەندە شارشاعانىمدى ۇمىتىپ، دوستارىمدى ەسكە الىپ سەرپىلە تۇسەمىن» دەپ     ورىمشىلىككە ىستەتىلەتىن قۇرال-سايماندارىن ماقتانىشپەن ءبىر-بىرلەپ كورسەتىپ، دوستارىن ەسكە الىپ جاتتى اعامىز. شەبەردىڭ قولىنداعى ورىمدەي بىتە قايناسىپ، اجىراماستاي، بەرىك ءورىلىپ، ماڭگى تارقاماستاي بەكەم تۇيىلگەن، ارىدان باستاۋ العان شىنايى دوستىق اركىمگە تەرەڭ اسەر بەرەدى.
مىنە، بۇل امالياتتان _ تارباعاتايداعى ءار ۇلت حالقىنىڭ مادەنيەتى توعىسقان؛ ەجەلدەن ەتەنە، بىرگە تۋعان اعا-باۋىرداي بىتە قايناسقان، ءبىرىن-ءبىرى   تولىقتاپ، قاراپايىم ومىردە بولسىن، وركەنيەت، ونەردە بولسىن بىرگە قۇلشىنعان تىلەكتەستىگىن، جۇرەكتەستىگىن؛ ىرگەسىن دوستىقپەن بەكەمدەپ، تۇلعاسىن بەرەكەمەن تۇرعىزعان «ۇلتتار ىنتىماعىنىڭ بەرەكەلى شاڭىراعىنداعى» ءبىر ءۇيلى جانداردىڭ جارقىن بەينەسىن كورۋگە بولادى.
مەن تۇڭ يۇيتاڭنىڭ دۇكەنىنە بارعانىمدا،ۇيىندەگى شاعىن دۇكەندە ءار ۇلت الارماندارى،دوستارى كەرەكتى ات    ابزەلدەرىن العالى كەلىپ وتىر ەكەن.   وزىنە كومەكتەسىپ وتىرعان حانزۋ دوسىن  «كورشىم شۋە حۇڭشاۋ» دەپ تانىستىردى ءورىمشى اعامىز.

  دوسى شۋە حۇڭشاۋ: «مەنىڭ دوسىم تۇڭ يۇيتاڭ وتە اق جارقىن، ەشكىمنەن كومەگىن ايامايتىن، كوپشىل ادام. ءار ۇلت دوستارى ۇيىنە ءجيى كەلىپ، جاتا-جاستانا اڭگىمەلەسىپ، وزدەرىنە قاجەتتى ات ابزەلدەرىن الىپ قايتسا، كەيبىر دوستارىنا ءار ءتۇرلى ات ابزەلدەرىن ەستەلىككە ۇسىنىپ كوڭىلىن ءبىلدىرىپ، كوپتىڭ القاۋىنا يە بولىپ جاتاتىن اق كوڭىل ادام.

   دوسىم قاربالاس كەزدە مەن دە كەلىپ كومەكتەسىپ تۇرام. ءوزىم بايگە ات ۇستاپ وتىرعان ادام بولعان سوڭ كەرەكتى نوقتا، جۇگەن، قامشى جاساتىپ الىپ تۇرامىن، ءبىر جاعىنان، كومەكتەسىپ ورىمشىلىك ۇيرەنەمىن. وسى كۇندە كەيبىر ۇزىلگەن، بۇلىنگەن ات ابزەلدەرىن ءوزىم سەپتەي الاتىن بولدىم، مەن دە وسى ونەرگە قىزىعىپ قالدىم. دوسىمنىڭ شەبەرلىگىنە سۇيىنەمىن، كوبىندە ‹التىن ساۋساق› دەپ ازىلدەيمىن، ءبىر جاعىنان، بۇلاي اتاۋىم ونەرىنە دەگەن ريزاشىلىعىم» دەپ دوسىنا دەگەن ىقىلاسىن، ءسۇيىنىشىن ءبىلدىرىپ جاتتى.

  تۇڭ يۇيتاڭ اعامىزدىڭ شاعىن دۇكەنىنەن اتادان بالاعا مۇراعاتتالعان ورىمشىلىك ونەرىنىڭ جالعاسىن كورۋمەن بىرگە، اياداي كۇركەشەدەن رياسىز دوستىقتىڭ لەبى ەسىپ تۇرعانداي سەزىلدى. اعامىزدىڭ ەڭبەگى ەل كوزىندە بولىپ، ءار ۇلت باۋىرلاستارىنا دەگەن تامىرى تەرەڭ دوستىعى سۇيىسپەنشىلىكتەن قۋات الىپ، اتادان بالاعا، ونەردەن ومىرگە جالعاسقان ۇلى دوستىق اركىمگە ونەگە، ىنتىماققا ۇلگى بولىپ، جالعاسىن تابا بەرسىن.

  رەداكتورى : جىگەر ومىربەك ۇلى                                           

 
 تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 مىسالى: «تارباعاتاي اقپارات تورابىنان» الىندى 

 
powered by IlgharCMS 3.2 www.ilghar.cn