ءتىلشىمىز ۋىن بو حابارلايدى. 6-ايدىڭ 13-كۇنى ايماقتىق پارتكومنىڭ شۋجيى شۋە بين ايماقتىق پارتكومنىڭ مۇشەلەر (كەڭەيتىلگەن) ءماجىلىسىن باسقارىپ اشىپ، باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ماڭىزدى نۇسقاۋى رۋحىن، اۆتونوميالى رايوندىق پارتكومنىڭ شۋجيى چىن چۋانگونىڭ باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ماڭىزدى نۇسقاۋىن مۇقيات ۇيرەنۋ، دايەكتىلەندىرۋ تالاپتارىن، اۆتونوميالى رايوندىق پارتكوم تۇراقتى كوميتەتى ءماجىلىسى رۋحىن، كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ىنتالاندىرۋ جانە مەكتەپ بىتىرەتىن ۇزدىك ستۋدەنتتەردى تاڭداپ ىستەتۋ قىزمەتىن كۇشەيتۋ-جاقسارتۋ جونىندەگى اۆتونوميالى رايوندىق ءماجىلىستىڭ رۋحىن جەتكىزىپ، ۇيرەنىپ، ايماعىمىزدىڭ دايەكتىلەندىرۋ، تياناقتاندىرۋ پىكىرىن تالقىلادى.
ماجىلىستە مىنالار اتاپ كورسەتىلدى: ءار دارەجەلى پارتيا، ۇكىمەت جانە قالىڭ پارتيالى كادر «4 تانىمدى» شىن مانىندە كۇشەيتىپ، «4 سەنىمدى» بەكەمدەپ، كەدەيلىكتەن قۇتىلدىرۋدان قامال الۋ قىزمەتىن تىڭعىلىقتى ىلگەرىلەتىپ، پارتيا ورتالىق كوميتەتىنىڭ شەشىمدەرىنىڭ، اۆتونوميالى رايوندىق پارتكومنىڭ ورنالاستىرۋلارىنىڭ ايماعىمىزدا تولىق تياناقتانۋىنا كەپىلدىك ەتۋى كەرەك. ۇيىمدىق باسشىلىقتى اناعۇرلىم كۇشەيتىپ، پارتكوم مەن ۇكىمەتتىڭ ءبىرىنشى باسشىلارى جالپى جاۋاپكەرلىك ارقالاۋ جاۋاپكەرلىك ءتۇزىمىن كۇشەيتۋ؛ كەدەيلەردى دالمە-ءدال سۇيەمەلدەۋ، كەدەيلىكتەن دالمە-ءدال قۇتىلدىرۋ نەگىزگى جوباسىن اۋىتقىماستان باتىل دايەكتىلەندىرىپ، كەدەيلىكتەن قۇتىلدىرۋدان قامال الۋ قىزمەتىن تىڭعىلىقتى ىلگەرىلەتۋ؛ اقىل-وي جاقتان سۇيەمەلدەۋدى مىقتى يگەرىپ، كەدەيلىكتەن باياندى، ورنىقتى قۇتىلۋدى جۇزەگە اسىرۋ؛ اۆتونوميالى رايوننىڭ كەدەيلىكتەن قۇتىلدىرۋدان قامال الۋ قىزمەتىن ىلگەرىلەتۋ ماجىلىسىندەگى ورنالاستىرۋلاردى قاتاڭ تياناقتاندىرىپ، كەدەيلەردى سۇيەمەلدەۋ سالاسىنداعى ءىرىپ-ءشىرۋ جانە ستيل ماسەلەسىن ارناۋلى وڭاۋ قيمىلىن تياناقتى ورىستەتۋ كەرەك.
ماجىلىستە مىنالار باسا دارىپتەلدى: ساياسي تۇرعىنى شىن مانىندە بيىكتەتىپ، رەفورما، دامۋ، ورنىقتىلىقتىڭ قاتىناسىن جاپپاي جاقسى يگەرىپ، پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن بۇلجىتپاي باتىل تياناقتاندىرۋ كەرەك. دايەكتىلەندىرۋدى تاباندىلىقپەن مىقتى يگەرىپ، پارتيا، ۇكىمەت قۇرىلىمدارى رەفورماسىن تەرەڭدەتۋدىڭ كەلەلى ءمانىن جەتە تانىپ، ايماعىمىزدىڭ پارتيا، ۇكىمەت قۇرىلىمدارى رەفورماسىنىڭ ءساتتى، ورنىقتى ىلگەرىلەۋىنە كەپىلدىك ەتۋ؛ ءتارتىپتى تىنباي قاتاڭداستىرىپ، قاتاڭ تارتىپپەن قۇرىلىم رەفورماسىن مىقتى ۇستاپ، ايماعىمىزدىڭ قۇرىلىم رەفورماسى مىندەتتەرىنىڭ تولىق ورىندالۋىنا كەپىلدىك ەتۋ كەرەك.
ماجىلىستە مىنالار تالاپ ەتىلدى: يدەيا مەن ارەكەتتى ورتالىق كوميتەتتىڭ، اۆتونوميالى رايوندىق پارتكومنىڭ كادرلاردى جاڭا جاۋاپكەرلىك ارقالاپ، تىڭ ىسكەرلىك كورسەتۋگە ىنتالاندىرۋ جانە مەكتەپ بىتىرەتىن ۇزدىك ستۋدەنتتەردى تاڭداپ ىستەتۋ قىزمەتىنە قاتىستى ءتۇرلى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، تۋرا جاقتان ىنتالاندىرۋ نەگىزگى اۋەنىنە، ادامدى دۇرىس تاڭداپ ىستەتۋ باعىتىنا تاباندى بولىپ، مەكتەپ بىتىرەتىن ۇزدىك ستۋدەنتتەردى تاڭداپ ىستەتۋ قىزمەتىنىڭ ماڭىزدىلىعى مەن كوكەي تەستىلىگىن جەتە تانىپ، جالپى جاعدايمەن ساناساتىن، مۇقيات جاۋاپتى بولاتىن، جاۋاپكەرلىگىن ادالدىقپەن ادا ەتەتىن، ىسكەر كادرلار قوسىنىن شىنايى باۋلۋ كەرەك.
كوز الداعى قىزمەتتەر جونىندە ماجىلىستە مىنالار باسا دارىپتەلدى: جالعاستى شايقاس جاساۋ تاباندىلىعىن جانە جەڭىستەن جەڭىسكە جەتۋ سەنىمىن ساقتاپ، ورنىقتىلىقتى قورعاۋدىڭ ارقاۋىن شيراتىپ ۇستاپ، كوزسىزدىكپەن بويدى كەڭگە سالۋ يدەياسىن، سالعىرتتىققا سالىنۋ، اسىرەسە، بىردە بوس، بىردە قاتاڭ بولۋ سىڭايىن باتىل تۇزەتىپ، يدەيا، زەيىن-زەردە، قىزمەت جاعىندا نازاردى باس نىساناعا شوعىرلاندىرۋعا تاباندى بولىپ، كەشەندى شارالاردى جاپپاي تياناقتاندىرىپ، ايماعىمىزدىڭ ءۇرتىس ورنىقتىلىعىنا، ۇزاق ۋاقىت ورنىقتىلىعىنا، جاپپاي ورنىقتىلىعىنا كەپىلدىك ەتۋ كەرەك. حاۋىپسىز ءوندىرىس جاۋاپكەرلىك ءتۇزىمىن ىشكەرىلەي تياناقتاندىرىپ، اۋىر حاۋىپسىز ءوندىرىس شىرعالاڭىنىڭ تۋىلۋىنان قاتاڭ ساقتانۋ جانە تىزگىندەۋ كەرەك. مەرەكە كەزىندەگى قامداۋ قىزمەتىن جاقسى ىستەپ، ءار ۇلت جۇرتشىلىعىنىڭ مەرەكەنى شات-شادىمان وتكىزۋىنە كەپىلدىك ەتۋ كەرەك.
ماجىلىستە ايماقتىق پارتكومنىڭ رەفورمانى تەرەڭدەتۋگە قاتىستى ىستەرى جانە باسقا دا ىستەر تالقىلاندى.
ءماجىلىس بەينە ەكران ءماجىلىسى فورماسىندا اشىلدى. ايماقتاعى 4 باسشىلىق القانىڭ باسشىلارى، ايماقتىق ورتا دارەجەلى حالىق سوتى مەن بولىمشە پروكۋراتۋرانىڭ باسشىلارى، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى