ءتىلشىمىز لي چۇنلاي حابارلايدى. 6-ايدىڭ 20-كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى مانەن زەينەل ۇلى زاڭ اتقارۋدى تەكسەرۋ گرۋپپاسىن باستاپ ايماعىمىزعا كەلىپ، «جۇڭحۋا حالىق رەسپۋبليكاسىنىڭ كاسىپتىك ۋراچ زاڭىن» دايەكتى اتقارۋ جاعدايىنا تەكسەرۋ جۇرگىزدى. سول كۇنى ايماق قىزمەتتەن دوكلات بەرۋ ءماجىلىسىن اشتى، ايماقتىق حالىق قۇرىلتايى قىزمەت كوميتەتىنىڭ مەڭگەرۋشىسى سالتانات، اكىمشىلىك مەكەمەسىنىڭ ورىنباسار ۋاليى الي ماجىلىسكە قاتىناستى.
ماجىلىستە «كاسىپتىك ۋراچ زاڭىن» دايەكتى تياناقتاندىرۋ جاعدايىنان دوكلات جاسالدى.
ۇعىسۋعا قاراعاندا، بۇل زاڭ جاريالانعاننان بەرى تارباعاتاي ايماعى زاڭ بەلگىلەمەلەرىن اتقارىپ، كاسىپتىك ۋراچتاردى ىستەتۋ مەن باسقارۋدى كۇشەيتىپ، ۋراچتاردى تىزىمگە الۋ، بەكىتۋ مەحانيزمىن كەمەلدەندىرىپ، ۋراچتاردىڭ تولىمدىلىق الىپ كاسىپكە كىرىسۋىن زاڭ بويىنشا اتقارىپ، زاڭعا بويسۇناتىن تاماشا ورتا جاراتقان؛ ەمدەۋ-دەنساۋلىق ساقتاۋ كاسىپتىك-تەحنيكالىق قىزمەتكەرلەردى تاربيەلەۋ جوسپارىن جاساپ، ۋراچتار قوسىنىن زورايتقان؛ ۋراچتاردىڭ كاسىپپەن شۇعىلدانۋىن تىزىمگە الۋ، بەكىتۋ مەحانيزمىن قاتاڭ اتقارىپ، ۋراچتاردىڭ كاسىپپەن شۇعىلدانۋ وتكەلىن مىقتى يگەرگەن؛ سونىمەن بىرگە، تاۋلى رايونداعى ۋراچتاردىڭ ماملەسىن مۇمكىندىگىنشە قامتاماسىزداندىرىپ، كاسىپ ورتاسىن جاقسارتقان؛ كاسىپ سالاسى بويىنشا باقىلاۋ-باسقارۋدى كۇشەيتىپ، زاڭسىز ەمدەۋ جۇرگىزۋگە قاتاڭ سوققى بەرگەن.
مانەن زەينەل ۇلى ايماعىمىزدىڭ دايەكتى تياناقتاندىرۋ جاعدايىن تولىق تۇراقتاندىردى ءارى ەمدەۋ قۇرىلىمدارىنىڭ كادرلاردى باسقارۋ ءتۇزىمى رەفورماسىن بەلسەنە ىلگەرىلەتىپ، ۋراچتاردىڭ كوپ تۇيىندە كاسىپپەن شۇعىلدانۋىنا قاتىستى بەلگىلەمەلەردى اناعۇرلىم كەمەلدەندىرىپ، ۋراچتاردىڭ كوپ تۇيىندە كاسىپپەن شۇعىلدانۋىنىڭ دارىندىلاردىڭ جوعارى-تومەن اعىلۋىنداعى جەتەكشىلىك رولىن ءتىپتى دە جاقسى ساۋلەلەندىرىپ، جوعارى قاتتامداعى مامان ۋراچتاردىڭ ماملەسىن جوعارىلاتىپ، نەگىزگى ساتىداعى ەمدەۋ قۇرىلىمدارىنداعى ۋراچتاردى قامتاماسىزداندىرۋ تەبىنىن ارتتىرىپ، «دارىندىلاردى الىپ قالۋعا» كەپىلدىك ەتۋدى؛ شيپاحانادا تۇراتىن ۋراچتاردى ولشەممەن تاربيەلەۋدى كۇشەيتىپ، «دارىندىلاردى ويداعىداي ىستەتۋگە» كەپىلدىك ەتۋدى؛ زاڭمەن جونگە سالۋ تۇرعىسىنان كاسىپتىك ۋراچتاردىڭ زاڭدى ۇقىق-مۇددەسىن قامتاماسىزداندىرۋدى كۇشەيتىپ، قوعامدىق باقىلاۋدى كۇشەيتىپ، ۋراچتاردىڭ زاڭ-تۇزىمگە قايشى ارەكەتتەرىن جازالاۋ تەبىنىن ارتتىرۋدى تالاپ ەتتى.
ايماقتىق قازىنا مەكەمەسى، ايماقتىق دەنساۋلىق ساقتاۋ-جوسپارلى تۋىت كوميتەتى، ايماقتىق ەڭبەككۇش بايلىعى جانە قوعامدىق قامتاماسىزداندىرۋ مەكەمەسى، سونداي-اق ءارقايسى قاتىستى شيپاحانالاردىڭ جاۋاپتى جولداستارى ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى