ءتىلشىمىز ۋىن بو حابارلايدى. 6-ايدىڭ 22-كۇنى ىلە وبلىستىق 14-كەزەكتى حالىق قۇرىلتايى تۇراقتى كوميتەتىنىڭ ون ءۇشىنشى رەتكى ءماجىلىسى شاۋەشەكتە اشىلدى.
ءماجىلىستىڭ ءبىرىنشى كەزەڭىندە ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات قۇتتىقتاۋ ءسوزىن سويلەدى. ول بىلاي دەدى: «تارباعاتاي ايماعى حالىق قۇرىلتايى قىزمەتىنە ەجەلدەن وسكەلەڭ ءمان بەرىپ، ورتالىقتىڭ حالىق قۇرىلتايى قىزمەتىنە قاتىستى باعىت-ساياساتتارى مەن اۆتونوميالى رايوندىق پارتكومنىڭ ورنالاستىرۋ، تالاپتارىن مۇقيات دايەكتىلەندىرىپ، حالىق قۇرىلتايىنىڭ ءتۇرلى قىزمەتىنەن ۇزدىكسىز تىڭ ىلگەرىلەۋشىلىككە قول جەتكىزدى. ىلە وبلىستىق حالىق قۇرىلتايىنىڭ بار كۇشپەن قولداۋىندا ايماقتىق حالىق قۇرىلتايى قىزمەت كوميتەتى باس نىسانانى تىعىز توڭىرەكتەپ، فۋنكتسيالىق رولىن تولىق ساۋلەلەندىرىپ، بەلسەنە اقىل-كەڭەس بەرىپ، ايماقتىڭ قوعام ورنىقتىلىعى مەن باياندى تىنىشتىعى ءۇشىن كوپتەگەن قىزمەتتەردى ىستەدى».
مۇقيات بىلاي دەدى: « ايماعىمىز وسى رەتكى ءماجىلىستى وراي ەتە وتىرىپ، ورتالىقتىڭ، اۆتونوميالى رايوندىق پارتكومنىڭ حالىق قۇرىلتايى ىستەرىنىڭ دامۋىن جەدەلدەتۋگە قاتىستى شەشىم-ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، زاڭ بويىنشا بيلىك جۇرگىزۋگە تاباندى بولىپ، حالىق قۇرىلتايى قىزمەتىنە بار كۇشپەن قولداۋ كورسەتىپ، حالىق قۇرىلتايىنىڭ باقىلاۋىن جاپپاي قابىلداپ، حالىق قۇرىلتايىنىڭ زاڭ بويىنشا بورىشىن ادا ەتۋىنە تاماشا شارت-جاعداي ازىرلەۋگە قۇلشىنادى».
ايماقتىق پارتكومنىڭ مۇشەسى، شاۋەشەك قالالىق پارتكومنىڭ شۋجيى جاڭ ياۋحۋا شاۋەشەك قالاسىنىڭ نەگىزگى جاعدايىن تانىستىردى.
ءماجىلىس وبلىستىق حالىق ۇكىمەتىنىڭ 2017-جىلعى ورتا جاعدايى مەن ورتانى قورعاۋداعى نىسانا-مىندەتتەردىڭ ورىندالۋ جاعدايى جونىندەگى دوكلاتىن؛ وبلىستىق حالىق قۇرىلتايى تۇراقتى كوميتەتىنىڭ 2018-جىلعى ىلە وبلىسىنىڭ ورتانى قورعاۋ زاڭ اتقارۋى تەكسەرۋى جاعدايى جونىندەگى دوكلاتىن؛ وبلىستىق حالىق ۇكىمەتىنىڭ «جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىن»، «اۆتونوميالى رايوننىڭ حالىق سانى جانە جوسپارلى تۋىت ەرەجەسىن» اتقارۋ جاعدايى جونىندەگى دوكلاتىن؛ وبلىستىق حالىق ۇكىمەتىنىڭ اۆتونوميالى وبلىستىڭ 2017-جىلعى قازىنالىق جالپى سوڭعى ەسەبى جانە قازىنالىق سوڭعى ەسەبى جونىندەگى دوكلاتىن جانە 2017-جىلعى اۆتونوميالى وبلىستىڭ قازىنا مەجە ەسەبىنىڭ اتقارىلۋى مەن باسقادا قازىنالىق كىرىس-شىعىس جاعدايىنا قازىنالىق باقىلاۋ جۇرگىزۋ قىزمەتى جونىندەگى دوكلاتىن تىڭدادى،قارادى.
لي جيانگو، ابدىسالام قاتارلى ىلە وبلىستىق حالىق قۇرىلتايى تۇراقتى كوميتەتىنىڭ 29 مۇشەسى ماجىلىسكە قاتىناستى. وبلىستىق حالىق ۇكىمەتىنىڭ، باقىلاۋ-تەكسەرۋ كوميتەتىنىڭ، حالىق سوتى مەن حالىق پروكۋراتۋرانىڭ باسشىلارى، وبلىسقا توتە قاراستى قاتىستى تاراۋلاردىڭ جاۋاپتى جولداستارى، وبلىسقا توتە قاراستى ورىنداردىڭ، تارباعاتاي ايماعىنىڭ، التاي ايماعىنىڭ ءبىر ءبولىم اۋدان، قالالىق حالىق قۇرىلتايى تۇراقتى كوميتەتىنىڭ وبلىستىق حالىق قۇرىلتايى تۇراقتى كوميتەتىنە مۇشە ەمەس مەڭگەرۋشىلەرى نەمەسە ورىنباسار مەڭگەرۋشىلەرى ماجىلىسكە سىرتتاي قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى