ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

بالا ءۇشىن

جولدانعان ۋاقىتى : 2018/6/25 18:14:45

ــ جين گۇي جەڭگەي، سىزدەردىڭ چيۋ شىڭ ءبىزدىڭ دا پاڭنىڭ شاناسىن شاعىپ تاستاپتى، ونىمەن قويماي مۇرنىن قاناتىپتى، كوپ قان اقتى، تيداۋ سالىپ قويساڭىزدارشى،ــ ليان يە داۋالدىڭ ار جاعىندا تۇرىپ، تۇلان تۇتا شاپتىقتى، جين گۇي اۋلادا تاۋىققا جەم شاشىپ جۇرگەن، ليان يەنىڭ ءسوزىن ەستي سالا قولىنداعى كاۋلەندى شاشا سالىپ، شاپتىعىپ شىعا كەلدى:
ــ سىڭلىمدەي كورىپ، كورشىمىز عوي دەپ ىزدەپ بارۋدان ۇيالىپ جۇرسەم، شاپتىعىپ شىعا كەلىپسىڭ عوي. جۋاس تۇيە جۇندەۋگە جاقسى دەگەن وسى ەكەن عوي.
ــ بالاڭ بالامدى ساباسا دا ىزدەمەۋشى مە ەدىم؟ ءجون بىلەسىڭ بە، ءوزى؟
_ كىمدى كىم ساباپتى؟ انا دا پاڭدارىڭ ءبىزدىڭ چيۋ شىڭنىڭ بەتىن قان جوسا قىپ تىرناپ، كيمىنىڭ دال-دۇلىن شىعارسا، قالايشا ۇيالماي پالە جاۋىپ وتىرسىڭ؟
_ سەندەردىڭ چيۋ شىڭ كورىنگەنگە سوقتىعاتىن سوتقار ەكەنىن كىم بىلمەيدى.
_ دا پاڭدارىڭ كورىنگەندى ۇرىپ-ياناتتايتىن سودىر ەكەنىن ەل ايتىپ ءجۇر عوي!
ەكى ايەل داۋالدىڭ ەكى جاعىنان ءبىر-بىرىنە شۇيلىگىپ، ەزۋلەرىنەن اق كوبىكتەرىن شاشا سالعىلاسقانى ەكى اتەشتىڭ تالاسقانىنان اۋمايتىن ەدى.
ۇرىستىڭ وتىن تۇتاندىرۋشى چيۋ شىڭ مەن دا پاڭ ءۇيدى-ۇيىنەن جۇگىرىسىپ شىعىپ، ءبىر-بىرىنە تاس جاۋدىردى.

  چيۋ شىڭنىڭ جىبەرگەن تاسى ليان يەنىڭ شەكەسىنە ءتيىپ، قان ءدىر ەتە ءتۇستى. ليان يە باج ەتە ءتۇستى دە، بەتىن باسىپ وتىرا كەتىپ، جەر-كوكتى باسىنا كوتەرىپ ويبايعا باستى. شەشەسىنىڭ وڭباي جارالانعانىن كورگەن دا پاڭ راگەتكاسىن الىپ شىعىپ تاس اتتى، ابىروي بولعاندا جين گۇيدىڭ باسىنا دارىماي كەتتى.

  ليان يەنىڭ كۇيەۋى ىر ماۋ ايەلىنىڭ جىلاعان داۋىسىن ەستىپ، جۇگىرىپ ۇيدەن شىقتى، قۇراقتى كول بويىنداعىلاردا ايەلدەر ۇرىسسا ەرلەر ارالاسپايتىن داعدى بار ەدى. ءبىراق  ۇرىستىڭ قاندى توبەلەسكە اينالعانىن كورىپ، بايىرعى داعدىعا بايىرقالاي الماي قالدى. ىر ماۋ جۇگىرىپ كەلىپ ليان يەنى سۇيەپ تۇرعىزعان ەدى، اپپاق بەتىن قىزىل قان جاۋىپ كەتكەن ەكەن، جۇرەگىنە قانجار قادالعانداي بولدى. ليان يە ەكەۋى ءسۇيىسىپ قوسىلعان، بال جالاسقان جۇبايلار ەدى. سونىمەن، اشۋعا بۋلىققان ول جەڭىن ءتۇرىنىپ،جۇدىرىعىن بىلەپ، مايدانعا اتىلىپ شىقتى.
ــ ءويتىپ پالە جاپپا،ءوز بەتىڭدى ءوزىڭ تىرناپ قان جوسا ەتىپ، جالاسىن ماعان ارتپاقسىڭ عوي... ــ جين گۇيدىڭ اشۋدان قايتىپ، ەش بوساڭسىر ءتۇرى جوق.
ــ جارايدى، ادام ۇرعانىڭنان تانىپ الماقسىڭ عوي! ــ ىر ماۋ ءاي-شايگە قارماي سەكىرىپ بارىپ، داۋالدان  اسىرا جين گۇيدىڭ اۋزىنا شاپالاقپەن تارتىپ كەتتى.
شالقاسىنان تۇسكەن جين گۇي ءوز شاشىن ءوزى جۇلىپ، داۋىسى اسپانعا جەتە وزاندادى:
ــ ويباي، ىر ماۋ  ولتىرەتىن بولدى... قاتىن -بالاسىن اركىم ءوزى ءتيىپ ۇستاۋ دا قۇراقتى كول بويىنداعىلاردىڭ كونەدەن كەلە جاتقان داعدىسى بولاتىن. جين گۇيدىڭ ۇلپا بەتىن وسقان ىر ماۋدىڭ شاپالاق داۋىسى ۇيدە وتىرعان ونىڭ كۇيەۋى حي تۋدى ەرىكسىز سىرتقا شىعاردى. حي تۋ الپامساداي كەسەك دەنەلى، ادامگەرشىلىگى كۇشتى جىگىت ەدى، ىر ماۋمەن بالا كۇننەن بىرگە ءوسىپ، بىتە قايناعان، كۇنى بۇگىنگە دەيىن شاي دەسىپ كورمەگەن تاتۋ ەدى. بۇگىنگى مىنا قىلىعىنا توزە المادى.
_ ءاي، ىر ماۋ سۇمەلەك، قاتىنىم ەدى دەپ مەن قول كوتەرمەگەندە، سەنىڭ قول جۇمسايتىن نە ءجونىڭ بار؟ جارايدى، بۇگىن سەنىڭ     اۋسەلەڭدى كورەيىن!

  حي تۋ ايىردى الا سالىپ، داۋالدان سەكىرىپ ءتۇسىپ تۇرا ۇمتىلدى، ىرماۋ دا قولىنا ىلىنگەن كۇرەكتى الىپ قارسى ۇمتىلدى.

  قاتىن ــ قالاشتىڭ جاڭجالى ەكى وتباسىنىڭ قىزىل قىرعىن توبەلەسىنە اينالۋعا بەت الدى. ءدال وسى ساتتە، ءبىر توپ ايەل ىر ماۋدىڭ اۋلاسىنا توپىرلاي كىرىپ، اراشاعا ءتۇسىپ، توبەلەستى تىنىشتاندىردى.
ــ ويبوي، ىرگەلەس كورشى وتىرسىڭدار، ەسىكتەن شىقساڭدار جۇزدەسەسىڭدەر، بۇلارىڭ نە سۇمدىق؟
_ بالا دەگەن ءيت ەمەس پە، قازىر تاتۋ ءجۇرىپ، قازىر توبەلەسەدى، ۇلكەندەردىڭ ارالاساتىن ءجونى جوق.
_ سونى ايتپايسىڭ با، ەرتەڭ كۇنى بەت كورىسپەيتىن ەمەس،ــ دەدى حي تۋ.
_ ەجەلدەن تاتۋ ءوتىپ كەلە جاتقان كورشى ەدىك،ءبۇيتۋدىڭ نە قاجەتى بار،ــ دەپ الگىندەگى ءوز قىلىعىنا وكىندى ىر ماۋ.
وسى كۇنى كەشتە ەكى وتباسىندا عىلار دا جايلاپ ۇيىقتاي المادى. ەكى ايەل دە كۇيەۋلەرىنە شامدانىپ، بۇرتيىسىپ قالدى. سەبەپ ايقىن: ليان يەگە راگەتكا وعى ءتيىپ كەتە جازدادى، جين گۇي شاپالاق جەدى.
ەرتەسى تاڭەرتەڭگى استا ليان يە  دا پاڭعا:
ــ بۇگىن كولگە شانا تەبۋگە بارمايسىڭ، ۇيدە تاپجىلماي وتىرىپ تاپسىرماڭدى ورىندايسىڭ،ەندىگارى انا جۋان جۇدىرىقپەن بىرگە وينايتىن بولساڭ،اياعىڭدى شاعامىن،ــ دەدى.
باتىس جاقتاعى كورشىلەرىندە دە وتباسى تاربيەسى ءجۇرىلىپ جاتتى، جين گۇي دە چيۋ شىڭعا:
ــ ۇقتىڭ با؟! انا سودىر نەمەمەن بىرگە شانا تەپكەنىڭدى ەندى كورسەم، مۇزدىڭ جارىعىنا تاستاپ، تاسباقاعا جەم قىلامىن،ــ دەپ شۇيلىكتى.
تۇسكە دەيىن چيۋ شىڭ مەن دا پاڭ ەسىكتەن اتتاپ شىعا الماي، قاپاسقا قامالعان بالاپانداي تىپىرشىدى.
قۇراقتى كول بويىنىڭ جۇرتى شەتىنەن جالعىز بالالى بولعاندىقتان، جالعىزدارىن جاندارىنداي ايالايتىن. تۇستەن كەيىن دا پاڭ كولگە بارىپ شانا تەبەمىن دەپ قيعىلىق سالدى، جىبەرمەپ ەدى، جىلاپ قويا بەردى. امالسىز قالعان ليان يە:
ــ بارساڭ بار، ءبىراق الگى جۋان جۇدىرىقپەن بىرگە ويناما، ۇقتىڭ با؟! ـ دەپ تاپسىردى. دا پاڭ:
_ ۇقتىم،- دەپ ايعايلادى دا، شاناسىن كوتەرىپ تۇرا جونەلدى.

  دا پاڭنىڭ داۋىسىن ەستىگەن چيۋ شىڭ دا شانا تەبۋگە بارامىن دەپ تۇرىپ الدى. شەشەسى كونبەگەن ەدى، جەرگە جاتا كەتىپ الەك سالدى. امالسىز قالعان جين گۇي دە وعان قاداعالاي تاپسىرىق بەرىپ جولعا سالدى.

  قىستى كۇنى قۇراقتى كول الىپ جەردىڭ توسىنە ورناتقان ايناداي جالتىراپ جاتاتىن. كول بويىنىڭ بالالارى شەتىنەن مۇز ۇستىندە ويناۋدىڭ شەبەرلەرى ەدى. ەرەسەكتەۋ بالالار شاڭعىمەن سىرعانايتىن، ونىسى تابانىنا بولات سىم ورناتىلعان ەكى تال جىڭىشكە تاقتاي ەدى، قولدارىنا  باسى ۇشكىل تاياق الىپ، مۇزعا قاداپ تۇرىپ قۇلاشتاي سەرمەگەندە جۇلدىزداي اعاتىن، چيۋ شىڭ مەن دا پاڭ سياقتى كىشىرەكتەۋلەرى شانامەن سىرعانايتىن. شانا دەگەنى  بولات تاقتا ورناتىلعان ەكى تال كەسپەلتەك اعاش شەگەلەنگەن ءتورتبۇرىش تاقتاي ەدى. ولار دا قولدارىنا شاڭعىنىكىنەن قىسقالاۋ، ۇشىنا تەمىر ۇشتالعان تاياق ۇستايتىن.
چيۋ شىڭ مەن دا پاڭ كولگە باردى، كول بەتىندە ەشكىم جوق ەكەن. ەكەۋى ءبىر اۋىق ءوز الدارىنا ويناعان ەدى، ەش قىزىعى بولمادى. بۇرىندارى بولسا ەكەۋى ەگىز قوزىداي جۇپتارى جازىلماي بىرگە سىرعاناپ، قارقىندارى مەن سىرعاناۋ شەبەرلىگىن سالىستىرىپ جىرعاپ قالاتىن. بۇگىن ويتۋگە بولمايدى، كەشە عانا قاندى توبەلەس تۋىپ وتىر عوي.

   قىستىڭ قىسقا كۇنى انە-مىنە دەگەنشە اعاشتىڭ قالقاسىنا ءوتتى. ءبىر توپ قوڭىرالا قاز سۇڭقىلداي ۇشىپ توبەلەرىنەن بىرنەشە ايلاندى دا، سونادايدان كول بەتىنە بارىپ قوندى. ەكەۋى قىزىقتاي قاراپ ءبىراز تۇردى دا، بەينە ۋاعدالاسىپ العانداي قوڭىرالا قازدار توبىنا قاراي  سىرعاناي جونەلدى. تاياپ كەلىپ، ەكەۋى دە قولدارىنداعى تاياقتارىن نايزاشا اتتى، قازدار ۇشىپ جايىنا كەتتى.
ــ ياپىر-اي، ءسال بولسا تۇيرەپ تۇسەتىن ەدى،- دەدى دا پاڭ.
ــ مەنىكى دە ءسال جەتپەي قالدى،-دەدى چيۋ شىڭ.
ــ چيۋ شىڭ، سەندەردىكىندە اڭ مىلتىعى بار ما؟
ــ بار، اكەم قابىرعاعا ءىلىپ قويادى، مەنى جۋىتپايدى.
ــ بىزدىكىندە دە بار.
ــ چيۋ شىڭ، ەرتەڭ قوڭىرالا قازداردى مىلتىق اكەپ اتىپ الايىق، قالاي دەيسىڭ؟
ــ مىلتىق اتا الاسىڭ با؟
ــ ارينە، اتا الامىن.
ــ اكەم كىشكەنە بالا مىلتىق اتسا قۇلاعىنىڭ پەردەسىن جارىپ، ساڭىراۋ بولىپ قالادى دەگەن.
ــ اكەڭنىڭ سەنى الداعانى عوي.
ــ چيۋ شىڭ، كەل جارىسايىق، كولدىڭ شەتىنە كىم بۇرىن جەتەر   ەكەن؟
ــ جارايدى، جارىسساق جارىسايىق.

  وسىلايشا ەكەۋى كىشكەنە قولدارىن ەربەڭدەتىپ، شاڭعىمەن مۇزدىڭ ۇستىندە العا قاراي سىرعاناي جونەلدى. مۇيىستەن بۇرىلا بەرگەندە ءبىر-بىرىنە سوعىلىپ، شانالارى توڭكەرىلىپ، قۇيرىقتارى كوكتەن كەلىپ  تۇسكەن ەكەۋى ءبىرىن-ءبىرى قۇشاقتاي كۇلىسىپ جىرعاپ قالدى.
ــ بۇل جولعىمىز ەسەپ ەمەس، قايتادان جارىسايىق،ـ دەدى چيۋ شىڭ.
ــ جارىسساق جارىسايىق،ـ دەدى دا پاڭ.

  ەكەۋى تاعى دا العا قاراي سىرعاناي جونەلدى. كول بەتىندە بەتى قاتىپ جاتقان، مۇزدى ويىپ بالىق اۋلاعاننان قالعان جارىقتار بار ەدى. چيۋ شىڭ  ابايسىزدا سول جارىققا گۇپ ەتىپ ءتۇستى دە كەتتى.

  شوشىعانىنان ۇرەيى ۇشىپ كەتكەن دا پاڭ وزانداپ جىلاي جونەلدى.
كەشكى استى دايىنداپ قويىپ، قاراڭعى ءتۇسىپ بارا جاتقان سوڭ كول بويىنا ۇلىن ىزدەپ كەلگەن ليان يە سونادايدان دا پاڭنىڭ وزانداپ جىلاعان داۋىسىن ەستىدى دە، ۇلىن بالاعاتتاي تۇرا ۇشتى:
ــ اڭگۇدىك نەمە،وسى وڭباعىرمەن ويناما دەگەن ەدىم، ال ەندى، تاعى تاياق جەگەن ەكەن عوي...

  شەشەسىنىڭ كەلگەنىن كورگەن دا پاڭنىڭ داۋىسى ونان ارى كۇشەيدى.
ــ نەمەنەگە ۇليسىڭ؟!
ــ چيۋ شىڭ مۇزدىڭ جارىعىنا    ءتۇسىپ كەتتى...
ــ قۇر بوزداعانىڭنان نە ونەدى؟ اكەڭدى شاقىرماي نەعىپ تۇرسىڭ؟
كەشەگى كەگى ەسىنەن كوتەرىلىپ كەتكەن ليان يە جۇگىرىپ مۇز جارىعىنا جەتتى، چيۋ شىڭنىڭ قاراسى كورىنبەگەن سوڭ باجىلداپ ايعايعا باستى:
ــ ويباي، جۇگىرىڭدەر... مۇزدىڭ جارىعىنا بالا ءتۇسىپ كەتتى...

  ىر ماۋ ۇلىنان حاباردى ەستىسىمەن ۇڭگىگىشتى الا سالىپ كولگە قاراي جۇگىردى. ىر ماۋ ۇڭگىگىشتى قۇلاشتاي سەرمەپ، ساتىر-كۇتىر مۇزدى ويا باستادى. سۋ تۇنىق ەدى، چيۋ شىڭنىڭ دا قاراسى كورىنە كەتتى. ىر ماۋ ءارى-ءسارى بولماستان سۋعا سەكىرىپ ءتۇستى دە، چيۋ شىڭدى قۇشاقتاپ الىپ شىقتى.
جين گۇي مەن حي تۋ ۇلدارىنىڭ مۇز جارىعىنا ءتۇسىپ كەتكەنىن ەستىپ تۇرا جۇگىردى، ەسىكتەن ەندى شىعا بەرىسىمەن، چيۋ شىڭدى قۇشاقتاپ كوتەرىپ كەلە جاتقان ىر ماۋعا جولىعا كەتتى. سىپىعا ءتۇسىرىپ قاراعاندا بارىپ بايقادى، چيۋ شىڭنىڭ تىنىسى توقتاپ، سۇلق قالعان ەكەن. جين گۇي ەگىلە ەڭىرەي جونەلدى.
ــ جەڭگەي، جىلاماڭىز، شۇعىل قۇتقارۋ ادىسىنەن حابارىم بار ەدى، سىناپ كورەيىن،ــ دەگەن ىر ماۋ ەلپەك قيمىلداپ، چيۋ شىڭنىڭ كيىمىن شەشىپ جىبەرىپ، ەكپەتتەپ جاتا قالىپ تاناۋىنان ۇرلەدى، سوسىن كەۋدەسىنەن باسىپ، جاساندى جولمەن تىنىس الدىردى. ءبىر زاماندا كوكىرەگىنە قىبىر كىرىپ، بەتىنە قان جۇگىردى، چيۋ شىڭعا جان كىردى.
دا پاڭ قۋانعانىنان سەكىرىپ ءجۇر:
ــ چيۋ شىڭ، ەسىڭدى جيدىڭ عوي، ايتەۋ، ەرتەڭ كولگە بىرگە بارىپ قوڭىرالا قاز اتاتىنىمىزدى ۇمىتىپ قالىپ جۇرمە.
جين گۇي دا پاڭدى قۇشاقتاي الىپ بوزداپ قويا بەردى.

  ليان يە دە بىرگە جىلاپ ءجۇر.
ــ بولدى، جەتەر ەندى، ايەلدەردىڭ-اق كوز جاسى تۇگەمەيدى ەكەن، سىقسىڭداعانشا ىر ماۋعا كيىم تاۋىپ جاپساڭشى،- دەدى حي تۋ. ولار سوندا بارىپ ىر ماۋدىڭ ءوڭى كوك تارعىلدانىپ، يەگى يەگىنە تيمەي قالشىلداپ  توڭىپ وتىرعانىن بايقادى.
  اۋدارعان- ءابدىعازى زاقان ۇلى

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى 

 
powered by IlgharCMS 3.2 www.ilghar.cn