ۇسىنىس ەتىلگەن ءتىلشى جانار بولسىن قىزى حابارلايدى. پارتيا 19-قۇرىلتايىندا حالىقتىڭ دەنساۋلىعى _ ۇلتتىڭ گۇلدەنىپ - كوركەيۋى مەن مەملەكەتتىڭ بايىپ قۇدىرەتتەنۋىنىڭ ماڭىزدى بەلگىسى. حالىقتىڭ دەنساۋلىعى جونىندەگى ساياساتتى كەمەلدەندىرىپ، حالىق بۇقاراسىنا دەنساۋلىق جاعىندا جان-جاقتى، تولىق دۇركىندى قىزمەت وتەۋ كەرەك. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، جۇڭگوشا نەگىزگى ەمدەۋ - دەنساۋلىق ساقتاۋ ءتۇزىمىن، ەمدەلۋدى قامتاماسىز ەتۋ ءتۇزىمىن جانە ەمدەۋ-دەنساۋلىق ساقتاۋ جونىنەن ساپالى، ءونىمدى قىزمەت وتەۋ جۇيەسىن جاپپاي ورناتىپ، وسى زامانعى شيپاحانا باسقارۋ ءتۇزىمىن اقاۋسىزداندىرۋ. نەگىزگى ساتىنىڭ ەمدەۋ-دەنساۋلىق ساقتاۋعا قىزمەت وتەۋ جۇيەسى مەن تولىق ءپاندى شيپاگەرلەر قوسىنى قۇرىلىسىن كۇشەيتۋ كەرەكتىگى ورتاعا قويىلدى.
ساۋان اۋداندىق حالىق شيپاحاناسى ناۋقاستاردى وزەك ەتۋگە تاباندى بولىپ، بۇقارانىڭ ناۋقاس كورسەتۋى قيىن بولۋ ماسەلەسىن شەشىمدەۋدى قىزمەتتىڭ ءتۇيىنى ەتىپ، دارىندىلار قوسىنىن بەكەمدەۋگە كۇش سالۋمەن بىرگە، ەمدەۋ جابدىقتارىن جاڭالاپ، شيپاحانانىڭ ەمدەۋ ورەسىن تىڭ ورەگە كوتەرۋگە كۇش سالدى.
جۋىقتا ساۋان اۋداندىق حالىق شيپاحاناسىندا، گەرمانيادان ەنگىزىلگەن لازەر نۇرلى جابدىقپەن نەسەپ جولىنداعى تاستى ءتۇسىرۋ وپەراتسياسىن جاسادى. بۇل اۋداندىق حالىق شيپاحاناسىنىڭ ەڭ الدىمەن ەنگىزگەن گەرمانيانىڭ سيفر ارقىلى تەڭشەۋگە بولاتىن لازەر نۇرلى جابدىعى، بۇل جابدىقپەن جاسالعان وپەراتسيانىڭ جاراقات اۋزى كىشكەنە، قالپىنا كەلۋى تەز بولادى.
ناۋقاس شوكرات يۇنۇس: «وپەراتسيادان كەيىن، وپەراتسيا جاسالعان جاراقات ورنىنىڭ كىشكەنە عانا ەكەندىگىن بايقادىم، شيپاگەر ءۇش-اق كۇندە شيپاحانادان شىعاسىڭ دەيدى. پارتيانىڭ ءتيىمدى ساياساتىنا العىس ايتامىن، ءوز جەرىمىزدە ءتۇرلى كۇردەلى وپەراتسيالاردى جاساتا الاتىن بولدىق، ەمدەلۋ اقىسىنىڭ كوپ ءبولىمىن ەسەپتەن كوتەرەدى، تۇرمىسىمىز كۇننەن-كۇنگە جاقسارىپ كەلەدى، پارتيانىڭ قامقورلىعىنا راقىمەت» دەدى.
قاتىستى مامانداردان ۇعىسۋعا قاراعاندا، تاس بايلانۋدىڭ ادام دەنەسىنە بولعان زيانى وتە اۋىر، نەسەپ جولىنا تاس بايلانۋ ەلىمىزدە ءجيى كەزدەسەتىن اۋرۋ ءتۇرى بولىپ، ول بۇيرەكتىڭ شانشىپ اۋرۋىن جانە بۇيرەك قىزمەتىنىڭ السىرەۋىن كەلتىرىپ شىعارادى ەكەن، تاس بايلانۋ نەگىزىنەن ءوت، قۋىق جانە بۇيرەك قۋىسىندا بولادى ەكەن.
گۋاڭجوۋ مەديتسينا ۋنيۆەرسيتەتىنە قاراستى 1-شيپاحاناسىنىڭ ورىنباسار باستىعى، نەسەپ جولىنا تاس بايلانۋ اۋرۋىن زەرتتەۋ ورتالىعىنىڭ مەڭگەرۋشىسى زىڭ گوحۋا: «بۇرىن تاس بايلانۋ وپەراتسياسىنىڭ جاراقات اۋزى 15 تە 20 سانتيمەتر بولىپ، ناۋقاس ادام 3 تە 4 اپتاعا دەيىن ورنىنان تۇرا المايتىن، سونداي-اق ناۋقاستىڭ ەڭبەك ىستەۋ قابىلەتىنە زيان جەتكىزەدى. قازىر وزىق تەحنيكالى جابدىق ارقىلى بايلانعان تاستى الۋ وپەراتسياسىنىڭ ورنى 3 ميلليمەتر اينالاسىندا بولىپ، لازەر نۇرلى اسپاپپەن تاستى ۇنتاقتاپ، ونان سوڭ اسپيراتور (سورعىش جابدىق) ارقىلى تاستى سورعىزىپ الىپ تاستايدى، كەيبىر ناۋقاستار وپەراتسيا جاساعان كۇنى شيپاحانادان شىعۋىنا بولادى» دەدى.
ساۋان اۋداندىق حالىق شيپاحاناسى نەسەپ جولى سىرتقى اۋرۋلار ءبولىمىنىڭ مەڭگەرۋشىسى فىڭ ليميڭ: «گەرمانيادان ەنگىزگەن لازەر نۇرلى جابدىق دۇنيەدەگى ەڭ وزىق ەمدەۋ جابدىعى سانالادى، بۇل ەمدەۋ جابدىعى نەگىزىنەن نەسەپ جولىنا تاس بايلانۋ، نەسەپ جولى وسپەسى، وتكە تاس بايلانۋ، ءوت جولىنا تۇيمەشىك ەت ءوسۋ، قۇلاق، مۇرىن، كەڭىردەك ءبولىمى جانە اۋىز قۋىسى، بۋىن قۋىسىنداعى وپەراتسيالاردى جاساۋعا پايدالانىلادى» دەدى.
لازەر نۇرلى جابدىقپەن وپەراتسيا جاساۋ تەحنيكاسىنىڭ ەنگىزىلۋى تۇتاس ساۋان اۋدانىنداعى ءار ۇلت بۇقاراسىنىڭ دەنساۋلىق اقاۋسىزدىعىنا ءتىپتى دە ساپالى قىزمەت وتەۋگە نەگىز قالادى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى