ۇسىنىس ەتىلگەن ءتىلشى ماقسات نۇرمۇقاش ۇلى حابارلايدى. تولى اۋداندىق پارتكوم «ءتورت ءتۇرلى ءادىس» قولدانىپ، نەگىزگى ساتى ۇيىمدىق قۇرىلىستى مال شارۋاشىلىق وڭىرلەرىندە قۇرىپ، كادرلار كيىز ۇيدە جاتىپ، حالىقپەن شىنايى سۇيىسپەنشىلىك ورناتىپ، پارتيا تۋىن مال شارۋاشىلىق رايوندارىندا جەلبىرەتتى.
«شوعىرلى ۇلاستىرۋ، كورشىلەس قونىستانۋ، قيمىلعا قولايلى بولۋ» پرينسيبى بويىنشا، مال شارۋاشىلىعىنداعى پارتيا مۇشەلەرى شوعىرلى قونىستانعان وڭىرلەردى نەگىز ەتىپ، پارتيا شاعىن گرۋپپاسىن عىلىمي بەلگىلەپ، كوشپەلى پارتيا مەكتەبىن قۇرىپ، ورتاق تىلگە جەتىك، قابىلەتتى پارتيا مۇشەلەرىن مەكتەپ مەڭگەرۋشىلىگىنە قويىپ، جوعارىدا پارتيا ياچەيكاسى باسقارىپ، تومەندە پارتيا مۇشەلەرى مەن بۇقاراعا قىزمەت وتەۋ ورنى جۇمىس ىستەدى. سونىمەن بىرگە، كوشپەلى پارتيا مەكتەبىندە ەگىنشى-مالشىلاردىڭ كەشكى ۇيرەنۋ كۋرسىن اشىپ، ماڭىنداعى وقىتۋ تۇيىندەرىنىڭ مۇعالىمدەرى اۋقاتتانۋدىڭ كوشباسشىلارى مەن تومەنگە تۇسكەن كادرلاردان قۇرام تاپقان كەشكى مەكتەپ مۇعالىمدەر قوسىنى قۇرىلىپ، پارتيا 19-قۇرىلتايىنىڭ رۋحى، مەملەكەت بويىنشا ءبىرتۇتاس قولدانىلاتىن ءتىل، كاسىپتىك تەحنيكالىق ونەرگە تاربيەلەۋ مازمۇندارىندا ساباق ءوتىپ، مالشىلاردىڭ يدەيالىق كوزقاراسىنا بۇرىلىس جاساپ، مال شارۋاشىلىق رايوندارىنىڭ ءوندىرىس، تۇرمىس ورەسىن جوعارىلاتۋعا قوزعاۋشى بولدى.
قىستاق كادرلارىن، مال شارۋاشىلىق وڭىردەگى پارتيا مۇشەلەرىن، قىستاق دارەجەلى زاپاس جاس كادرلاردى، پارتياعا كىرەتىن بەلسەندىلەر مەن يدەيالىق ساناسى اشىق جاس كادرلاردى ۇيىمداستىرىپ، ات ۇستىندە قىزمەت وتەۋ اترەتى قۇرىلىپ، مال شارۋاشىلىق وڭىرلەرىنە ىشكەرىلەي ۇگىت-لەكسيا جاساپ، بۇقارانىڭ قيىنشىلىعىن شەشىپ، قىزمەت وتەۋدى ۇدايىلاندىرۋدى جۇزەگە اسىردى.
تولى اۋدانى كۇپ اۋىلىنىڭ اۋىل باستىعى جەڭىس قابىلقاي ۇلى: «مالشىلىق وڭىردەگى كوپ جەرلەرگە اۆتوكولىك بارا المايدى، اتپەن وتباسىلارىن ارالاۋ ءۇشىن، ساعاتتاپ جۇرۋگە تۋرا كەلەدى، الايدا پارتيالى كادرلارىمىز جول قانشاما ۇزاق بولسا دا الىسسىنباي تاباندىلىقپەن بۇقاراعا قىزمەت وتەۋ مىندەتىن تولىق ورىندادى» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى