شۋە بين تولى اۋدانىنا بارىپ، اپاتتان قۇتقارۋ قىزمەتىنە ناق مايداندا جەتەكشىلىك ەتتى

  
  ءتىلشىمىز ۋىن بو حابارلايدى. 7-ايدىڭ 3-كۇنى تاڭەرتەڭ ايماقتىق پارتكومنىڭ شۋجيى شۋە بين تولى اۋدانىنا ارنايى بارىپ، اپات جاعدايىن تەكسەرىپ، ناق مايداندا اپاتتان قۇتقارۋ قىزمەتىنە جەتەكشىلىك ەتتى ءارى حاۋىپتەن اراشالاپ، اپاتتان قۇتقارۋ  الدىڭعى شەپ قولباسشىلىق شتابىندا ارناۋلى ءماجىلىس اشىپ، اۆتونوميالى رايوندىق پارتكومنىڭ شۋجيى چىن چۋانگونىڭ ماڭىزدى بەكىتپەسىنىڭ رۋحىن جەتكىزىپ، دايەكتىلەندىرۋ، تياناقتاندىرۋ پىكىرىن اقىلداستى.
  
  تولى اۋدانىنداعى قوقشىن كوپىرى، قاپشىق وڭتۇستىك جولى كوپىرى جانە اۋدان قالاشىعىنىڭ وڭتۇستىگىندەگى تاسقىننان ساقتانۋ توسپاسى سياقتى جەرلەردە شۋە بين اپات جاعدايىن ەگجەي-تەگجەيلى تەكسەرىپ، قاتىستى قىزمەت دوكلاتتارىن تىڭدادى. اپاتقا ۇشىراعان ساۋدا دۇكەندەرىنە كىرىپ، ءبۇلىنۋ جاعدايىن ىشكەرىلەي ۇعىستى.

  شۋە بين اپاتقا ۇشىراعان بۇقارانىڭ تۇرمىسىنا توتەنشە كوڭىل ءبولدى. ول مىنالاردى اتاپ كورسەتتى: ءونىمدى شارالار قولدانىپ، اپاتقا ۇشىراعان بۇقارانى ورنالاستىرۋ قىزمەتىن ويداعىداي ىستەپ، ولاردىڭ ىشەر اس، كيەر-كيىم، جاتىن ورىن ماسەلەسىن جاقسى ورنالاستىرىپ، پارتيانىڭ قامقورلىعىن سەزىندىرۋ كەرەك.

  وسىدان كەيىن، شۋە بين حاۋىپتەن اراشالاپ، اپاتتان قۇتقارۋ الدىڭعى شەپ قولباسشىلىق شتابىندا ارناۋلى ءماجىلىس اشىپ، اۆتونوميالى رايوندىق پارتكومنىڭ شۋجيى چىن چۋانگونىڭ ماڭىزدى بەكىتپەسى رۋحىن جەتكىزىپ، حاۋىپتەن اراشالاپ، اپاتتان قۇتقارۋ قىزمەتىن اناعۇرلىم جاقسى جۇرگىزىپ، سوڭعى جۇمىستاردى ۇيلەسىمدى جۇرگىزۋ جونىنەن ورنالاستىرۋ جاسادى.

  شۋە بين مىنالاردى اتاپ كورسەتتى: چىن چۋانگو شۋجيدىڭ ماڭىزدى بەكىتپەسىنىڭ رۋحىن مۇقيات ۇيرەنىپ جانە دايەكتى تياناقتاندىرىپ، حاۋىپتەن اراشالاپ، اپاتتان قۇتقارۋ قىزمەتى مەن سوڭعى جۇمىستاردى ءبىر جايلى ەتۋ قىزمەتىن جاقسى ىستەپ، قوسالقى اپات تۋىلۋىنىڭ الدىن الىپ، حالىق بۇقاراسىنىڭ باس اماندىعىنا بار كۇشپەن كەپىلدىك ەتىپ، حالىق بۇقاراسىنىڭ مال-مۇلىك زيانىن بارىنشا تومەندەتۋ كەرەك.

  ايماقتىق پارتكومنىڭ ورىنباسار شۋجيى ۋاڭ گۋاڭچياڭ، ايماقتىق پارتكومنىڭ مۇشەسى، تولى اۋداندىق پارتكومنىڭ شۋجيى شۇي جاۋبيڭ، ايماقتاعى قاتىستى تاراۋلاردىڭ جاۋاپتى جولداستارى شۋە بينگە سەرىك بولدى.

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى