ءتىلشىمىز شيڭ شياۋيۇە حابارلايدى. 7-ايدىڭ 1-كۇنىنەن باستاپ ايماعىمىز شينجياڭ نوپوسىندەگىلەردىڭ ازاماتتىق كۋالىك ءراسمياتىن قازىرگى تۇرعان جەرلەرىندە ءبىتىرۋ قىزمەتىن جاپپاي باستاپ، «كوپ بولعاندا ءبىر رەت عانا بارۋدى» جۇزەگە اسىردى.
بۇرىن ايماعىمىزدا قونىستانعان، كاسىپتەنگەن، وقىپ جاتقان شينجياڭ نوپوسىندەگى تۇرعىندار ازاماتتىق كۋالىك ءراسمياتىن تۇرعان جەرلەرىندە بىتىرە الماي، اۋرە-سارساڭ بولىپ نوپوسى تۇرعان ورىنعا شاپقىلايتىن. قازىر ايماعىمىزدا زاڭدى، ورنىقتى كاسىپتەنگەن، وقىپ جاتقان، قونىستانعان شينجياڭ نوپوسىندەگى تۇرعىنداردىڭ نوپوس داپتەرىن، موتورلى كولىك شوفەرلىك كىنەشكاسىن، پاسپورتىن ( كۇشىنە يە ۋاقىت ىشىندەگى) الىپ جاقىن ماڭداعى ءراسميات وتەۋ تۇيىندەرىنەن ۋاقىتى تولعان ازاماتتىق كۋالىكتەرىن جاڭالاۋىنا جانە جوعالعان نەمەسە بۇلىنگەن ازاماتتىق كۋالىكتەرىن تولىقتاپ الۋىنا نەمەسە الماستىرۋىنا بولاتىن بولدى.
ءوتىنىش ەتۋشىلەر قاتىستى ءراسمياتتارى وتەلىپ بولعاننان كەيىن، «تۇرعىندار ازاماتتىق كۋالىگىن الۋ انىقتاما قاعازىن» الىپ، ءراسميات وتەۋ تۇيىندەرىنە ءوزى بارىپ الۋىنا نەمەسە پوچتا ارقىلى العىزۋىنا بولادى ەكەن. شينجياڭ نوپوسىندەگى تۇرعىنداردىڭ ازاماتتىق كۋالىك ءراسمياتىن تۇرعان جەرلەرىندە ءبىتىرۋ ساياساتىنىڭ اتقارىلۋى جۇرتشىلىقتىڭ ازاماتتىق كۋالىكتەرىن تۇرعان جەرلەرىندە الماستىرۋ، تولىقتاپ الۋ قاجەتىن قاناعاتتاندىرىپ، جۇرتشىلىقتىڭ كوپ شاپقىلاماۋىن جۇزەگە اسىردى.
شاۋەشەك قالاسىندا قىزمەت ىستەگەنىنە ۇزاق ۋاقىت بولعان سانجى قالاسىنىڭ تۇرعىنى شاۋ ۋيگاڭ بۇل ءتيىمدى ساياساتتى ەستىگەننەن كەيىن: «بۇل ءبىر قۋانىشتى حابار ەكەن، بۇرىن ازاماتتىق كۋالىگىمدى جوعالتىپ الىپ، نوپوسىم تۇرعان ورىنعا بارىپ بىتىرگەنمىن. وتە اۋرە ەدى» دەدى.
حالىق ساقشىلارى تومەندەگى 6 ءتۇرلى جاعدايى بارلاردىڭ ءراسميات وتەۋىنە بولمايتىندىعىن ەسكەرتەدى: ازاماتتىق كۋالىكتى ءبىتىرۋدى تۇڭعىش رەت ءوتىنىش ەتكەندەر؛ بەت الپەتىندە ۇلكەن وزگەرىس بولىپ، سالاۋاتىن تۇراقتاندىرۋ قيىن بولعاندار؛ ءوتىنىش ەتۋشىنىڭ نوپوس ينفورماتسياسىنىڭ باستى تۇرلەرى، تۇرعىندار ازاماتتىق كۋالىگىندە تىزىمگە الىنعان تۇرلەر (اتى-ءجونى، جىنىسى، ۇلتى، تۋىلعان ۋاقىتى، نوپوستەگى تۇراقتى مەكەن-جايى، ازاماتتىق سالاۋات ءنومىرى، سۋرەتى سياقتىلار قامتىلادى) شينجياڭ حالىق سانى ينفورماتسياسىن باسقارۋ جۇيەسىندەگى ساندى مالىمەتپەن ۇقساس بولماعاندار؛ مەملەكەت ورگاندارى تاراتاتىن تۇرعىندار نوپوسى، تۇرعىندار ازاماتتىق كۋالىگى، پاسپورت، شوفەرلىك كۋالىك سياقتى كۋالىكتەردى جالعاننان جاساتۋ، وزگەرتىپ جاساتۋ، ساتىپ الۋ، باسقانىڭ اتىن جامىلىپ الۋ، الداپ الۋ ارەكەتتەرىمەن شۇعىلدانعاندار؛ مەملەكەتتىڭ سەنىمدىلىك ينفورماتسياسىنان ورتاق پايدالانۋ تەكشەسى جولداعان ۇنامسىز سەنىمدىلىك ەستەلىگى بارلار؛ زاڭدار مەن ساياساتتا بەلگىلەنگەن ءراسميات وتەۋگە بولمايتىن باسقادا ادامدار.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى