كەدەي وتباسىلارى ءتيىمدى ساياساتتان يگىلىكتەندى

  ۇسىنىس ەتىلگەن ءتىلشى باقىتبەك شايحى ۇلى حابارلايدى. جاقىنعى ەكى جىلدان بەرى شاعانتوعاي اۋداندىق مادەنيەت-دەنە تاربيە، راديو-كينو-تەلەۆيزيا مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قارابۋرا اۋىلىنىڭ جالپاقتال مال شارۋاشىلىق جاڭا قىستاعىنا تۇسكەن قىزمەت اترەتى قىستاق «ەكى كوميتەتىمەن» تىعىز سەلبەسىپ، پارتيا مەن ۇكىمەتتىڭ كەدەيلەردى سۇيەمەلدەۋ ساياساتىن دايەكتى تياناقتاندىرىپ، وتباسىلارىن ارالاپ جاعداي ۇعىسىپ، قىستاق تۇرعىندارىنىڭ كەدەيلەسۋ سەبەبىنە تالداۋ جاساپ، قىستاقتىڭ ءىس جۇزىندىك جاعدايىنا قاراي وتىرىپ، كەدەيلىكتەن قۇتىلدىرۋ شارالارىن قاراستىرىپ، كوشپەندى مال شارۋاشىلىعىمەن شۇعىلدانىپ كەلە جاتقان مالشىلاردى وتىرىقتاندىرىپ، ەگىمشىلىك پەن باعىمشىلىقتى ءوزارا ۇشتاستىرىپ، ءداستۇرلى مال شارۋاشىلىعىنان وسىزاماندانعان اۋىل شارۋاشىلىعىنا قاراي ويىسۋىن جەبەپ، اۋقاتتانۋ جولىنا تۇسۋىنە جەتەكشىلىك ەتىپ، ءار ۇلت حالقىن بەيقۇت ءۇي سالىپ حالىقتى اۋقاتتاندىرۋ، كەدەيلەردى سۇيەمەلدەۋ سياقتى ءتيىمدى ساياساتتان شىنايى يگىلىكتەندىرىپ، جوعارىنىڭ كەدەيلەردى سۇيەمەلدەۋدەگى نىسان قۇرىلىستارىنا ءوتىنىش بەرۋ قىزمەتىن تىندىرىمدى ىستەپ، كەدەي وتباسىلارىن دالمە-ءدال سۇيەمەلدەۋگە كۇش سالدى.
 
  بۇل قىستاق جوعارىنىڭ تۇسىرگەن كەدەيلەردى سۇيەمەلدەۋ نىسانىن اتقارۋدا كەدەي وتباسىلارىنا 60 شارشى مەترلىك ءۇي، 80 شارشى مەترلىك قورا  سالىپ، مۇنىڭ ءار قايسىسىنا ۇكىمەت جاعىنان 70 مىڭ يۋان كومەك قاراجات بەردى، ال بەيقۇت ءۇي سالىپ حالىقتى اۋقاتتاندىرۋ نىسانى بويىنشا كەدەي وتباسىلارىنا 60 شارشى مەترلىك ۇيدەن 30 ىن سالىپ، مۇنىڭ ءارقايسىسىنا ۇكىمەت جاعىنان 43 مىڭ 500 يۋان كومەك قاراجات ۇلەستىردى.

  مۇنان تىس، قۇلىستاي ەكولوگياسىن قورعاپ اقسۋ (قۇلىستاي وڭىرىندەگى جەر اتى) وڭىرىنەن كوشىرىپ شىعاتىن 15 وتباسىنىڭ ءارقايسىسىنا 60 شارشى مەترلىك ءۇي، 80 شارشى مەترلىك قورا تەگىن سالىنىپ، 2 كيلومەترلىك ۇزىندىقتاعى تاس كەرپىشتى قورعان قالانىپ، 1.3 كيلومەتر ۇزىندىقتاعى تاسقىن سۋدان قورعانۋ سەمەنت توعانى سالىنىپ، بۇقارانى يگىلىككە كەنەلدىردى.

  قىستاق تۇرعىنى ماقسات زەينوللا ۇلى: «بيىل 57 جاسقا كەلدىم، جاستايىمنان قىسى- جازى ءتورت تۇلىك مالدىڭ سوڭىندا جۇرگەندىكتەن، بۋىن رەۆماتيزم اۋرۋىنا شالدىعىپ، 4- دارەجەلى مۇگەدەك بولىپ قالدىم. قاتتى-قايىرىم جۇمىسقا دەنساۋلىق جاعدايىم جار بەرمەگەندىكتەن، كۇن كورىسىمىز قيىنعا سوقتى، ونىڭ ۇستىنە، جۇبايىم ۋاليحان مي -قان تامىرى توسىلۋ اۋرۋىنا شالدىققاندىقتان، ناۋقاسىمىزدى ەمدەتۋ ءۇشىن قولىمىزداعى مالدى ساتىپ، ەمدەلۋ قاراجاتىنا جۇمساپ، قىسقا ءجىپ كۇرمەۋگە كەلمەي، جۇپىنى تىرلىك كەشىپ كەلەمىز، وسىدان بۇرىن تۋىس-تۋعاندارىمىزدىڭ ارتىق–اۋىس ۇيىندە ۋاقىتتىق وتىرىپ كەلگەن ەدىك. پارتيا مەن ۇكىمەت 60 شارشى مەترلىك ءۇي، 80 شارشى مەترلىك قورا سالىپ بەردى. پارتيا مەن ۇكىمەتكە  شەكسىز العىس ايتامىن» دەدى.
  سۋرەتتە: ماقسات زەينوللا ۇلى جاڭا سالىنعان باس پاناسىمەن ماقتانۋدا.

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى