ەرىكتى ءتىلشى جاڭ چينياۋ حابارلايدى. جاقىنعى كۇندەردەن بەرى ايماق تاقىرىپتىق پارتيا كۇنى قيمىلى، پارتيالى كادرلارعا قاراتىلعان ساقتىق تاربيە جينالىسى،«ءبىرىنشى باسشى» باقىلاۋ-پاكتىك قىزمەتىنەن سۇحبات بەرۋ سياقتى قيمىلداردى ورىستەتۋ ارقىلى 20-رەتكى پارتيا ستيلى، پاكتىك قۇرىلىسى تاربيە ايىنا قاتىستى ءتۇرلى قيمىلداردى ءتارتىپتى ورىستەتۋدە.
قيمىلدا ايماق «ساياسيدى دارىپتەپ، تارتىپكە بويسۇنىپ، باتىلدىقپەن جاۋاپكەرلىك ارقالاپ، باس نىسانانى باتىل، تاباندىلىقپەن تياناقتاندىرۋ» تاقىرىبىن تىعىز توڭىرەكتەي وتىرىپ، ارناۋلى جۇمىلدىرۋ ءماجىلىسىن اشىپ، «تارباعاتاي ايماعىنىڭ 20-رەتكى پارتيا ستيلى، پاكتىك قۇرىلىسى تاربيە ايى قيمىلىن اتقارۋ جوباسىن» شىعارىپ، ءار دارەجەلى پارتيا ۇيىمدارىنان تۇلعالىق جاۋاپكەرلىكتى شىن مانىندە ادا ەتىپ، پارتيا ستيلى، پاكتىك قۇرىلىسى تاربيە ايى تاقىرىبىنا نازاردى شوعىرلاندىرا وتىرىپ، تىعىز ورنالاستىرۋ جاساپ، مۇقيات ۇيىمداستىرىپ، تياناقتاندىرىپ، قيمىلدى شىنايى مىقتى يگەرىپ، ناقتى ونىمدىلىك جاراتۋدى تالاپ ەتتى. سونىمەن بىرگە، الۋان فورمالى، باي مازمۇندى ۇيرەنۋ، تاربيە قيمىلىن ورىستەتىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن جەبەپ، ءىرىپ-شىرۋگە قارسى تۇرۋ كۇرەسىنىڭ تەگەۋرىندى كۇيىن بەكەمدەۋگە تاماشا اۋقىم قالىپتاستىرۋدى تالاپ ەتتى.
كەزەكتە، اۋدان-قالالار مەن ورىندار (تاراۋ) 20-رەتكى پارتيا ستيلى، پاكتىك قۇرىلىسى تاربيە ايى قيمىلىنا جاپپاي ورنالاستىرۋ جاسادى ءارى پارتكوم نازاريا ۇيرەنۋ وزەكتى گرۋپپاسىنىڭ پارتيانى جاپپاي قاتاڭ جونگە سالۋ جونىندەگى ارناۋلى ۇيرەنۋى، باسشى كادرلار پارتيا ساباعىن سويلەۋ، «نازاردى باس نىساناعا شوعىرلاندىرىپ، ستيلدى دۇرىستاپ، ءىرىپ-شىرۋگە قارسى تۇرۋ جاعىنداعى حيكاياتتاردى بايانداۋ» تاقىرىبىنداعى دەكلاماتسيا جارىسى، « پارتيا ستيلى، پاكتىك قۇرىلىسى تاربيە ايى قيمىلىنا قاتىستى ءتارتىپ-زاڭ بىلىمدەرىنەن ەمتيحان الۋ»، پاكتىك تاقىرىبىندا ماقالا قابىلداۋ جارىسى سياقتى قيمىلداردى ورىستەتتى.
اسىرەسە، «تارباعاتاي گازەتى» مەن تارباعاتاي تەلەۆيزياسىندا «ءبىرىنشى باسشىلارىمەن» باقىلاۋ-پاكتىك قىزمەتى جونىندە ارناۋلى سۇحبات ايدارى اشىلىپ، ءارقايسى اۋدان ـ قالالىق پارتكومنىڭ جانە ايماقتاعى قاتىستى ورىندار (تاراۋ) پارتكومىنىڭ (پارتگرۋپپا) شۋجيلارى پارتيا ستيلى، پاكتىك قۇرىلىسى جاۋاپكەرلىك ءتۇزىمىن، ورتالىقتىڭ «8 ءتۇرلى بەلگىلەمەسى» رۋحىن جانە اۆتونوميالى رايوندىق پارتكوم مەن ايماقتىق پارتكومنىڭ قاتىستى بەلگىلەمەلەرىن دايەكتىلەندىرۋ، تياناقتاندىرۋدى قالاي مىقتى ۇستاۋعا بولاتىندىعى جونىندە سۇحبات جاساپ، ماقالا جازىپ جانە اشىق ۋادە بەرىپ، كورنەكتى ونىمدىلىككە قول جەتتى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى