ەەڭ جاڭا مازمۇندار
2018-جىلى 11 -ايدىڭ 16-كۇنى 253-سان
2018-جىلى 11-ايدىڭ 15-كۇنى 252-سان
كاسىپ جاعىنان شينجياڭعا باعىتتامالى كومەكتەسۋ جەرلىك ورىننىڭ ەكونوميكالىق دامۋىن جەبەدى
قىستاقتا تۇرۋ قىزمەتىن تىڭعىلىقتى ىستەدى
وتباسى كىرىسىن ارتتىرۋىنا جەبەۋشى بولدى
پارتيانىڭ قامقورلىعىنا العىس ايتىپ، پارتياعا ىلەسۋگە ۇندەدى
وتباسى كىرىسىن ارتتىردى
پارتيانىڭ مەيىر-شاپاعاتىن ەستە بەرىك ساقتاپ، كورىكتى اتا مەكەنىمىزدى باتىل قورعايىق
جۇدىرىقتاي جۇمىلىپ، «ءۇش ءتۇرلى كۇشتىڭ» تامىرىنا بالتا شابايىق
ايماقتىق پارتكوم كەدەيلىكتەن قۇتىلدىرۋدان قامال الۋدى ارالاپ تەكسەرۋ قىزمەتىنە جۇمىلدىرۋ ءماجىلىسىن اشتى
ءدوربىلجىن اۋدانىنداعى قارتتاردىڭ باقىتتى تۇرمىسى
19-رەتكى جۇڭگو تىلشىلەر مەرەكەسىن قىزۋ قۇتتىقتايمىز
«قينالساق قىزمەت اترەتىن ىزدەيتىن بولدىق»
2018-جىلى 11-ايدىڭ 14-كۇنى 251-سان
ىنتىماعى جاراسقان اعا-ءىنى
قىستاق تۇرعىندارىنىڭ القاۋىنا بولەندى
قارتتاردىڭ تۇرمىس ورتاسىنىڭ حاۋىپسىز بولۋىنا كەپىلدىك ەتتى
2018-جىلى 11-ايدىڭ 13-كۇنى 250-سان
2018-جىلى 11-ايدىڭ 12-كۇنى 249-سان
2018-جىلى 11-ايدىڭ 10-كۇنى 248-سان
«ءبىز قىزمەت اترەتىنە العىس ايتامىز»
مۇقيات حالىق تۇرمىسى قۇرىلىسى نىساندارىنا تەكسەرۋ-زەرتتەۋ جۇرگىزدى
ءدوربىلجىن اۋدانىندا اۋلاعا ەگىلگەن ساپالى جەمىس-جيدەك، كوكونىستەردى سارالاۋ جارىسى ءوتتى
مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ارناۋلى ايدارى
2018-جىلى 11-ايدىڭ 9-كۇنى 247-سان
2018-جىلى 11-ايدىڭ 8-كۇنى 246-سان
2018-جىلى 11-ايدىڭ 7-كۇنى 245-سان
ماقتا تەرۋ قىزمەتى ءساتتى اياقتالدى
حالىق بۇقاراسىنا پارتيا مەن ۇكىمەتتىڭ قامقورلىعىن سەزىندىردى
قىستاق تۇرعىندارىنىڭ قيىنشىلىقتارىن شەشىم ەتىپ كەلەدى

« اعا-باۋىرلىق قاتىناسىمىزدى ماڭگى ساقتايمىز»

جولدانعان ۋاقىتى : 2018/7/20 18:21:58

تىلشىلەرىمىز ۋي لينا، فان يانچين

  شاعانتوعاي اۋدانى جانكىسى اۋىلى جانكىسى مالشىلار جاڭا قىستاعىندا ءبىر ات قويىلماعان مالشىلار ساياجايى بار. بۇل قىستاق بويىنشا ەڭ ۇلكەن ساياجاي  بولعاندىقتان، مالشىلار توي-تومالاق ىستەرىن نەگىزىنەن وسى ارادا وتكىزەدى.

  مالشىلار ساياجايىنىڭ قوجايىنى مۇحتار جانكىسى مالشىلار جاڭا قىستاعى پارتيا ياچەيكاسىنىڭ شۋجيى. ونىڭ تاعامجايدىڭ اشىلۋىنا كوپ كومەگىن تيگىزگەن ءىنىسى فان بوچاڭعا العىسى بولەك.

  شاعانتوعاي اۋداندىق حالىق شيپاحاناسى جۇمىسشىلار ۇيىمىنىڭ ءتوراعاسى فان بوچاڭ (47 جاستا) 2016-جىلى 10-ايدان باستاپ مۇحتارمەن تۋىس بولعان. ايتسەدە، ول ەكەۋى ەرتەدەن تانىس بولاتىن. 2013-جىلى فان بوچاڭ جانكىسى مالشىلار جاڭا قىستاعىنا مىندەتكە تاعايىندالىپ شىنىعۋعا كەلگەندە مۇحتار قىستاق پارتيا ياچەيكاسىنىڭ ورىنباسار شۋجيى ەدى، سول كەزدەن باستاپ ەكەۋى قىزمەتتى بىرگە ىستەپ، ەتەنە قاتىناس ورناتقان ءارى وسى رەتكى تۋىستاسۋ قيمىلىندا ەكەۋى تاعى دا تۋىستىق قاتىناس ورناتادى.

  «مۇحتارمەن تۋىس بولاتىنىمدى ويلاماپپىن، ونىڭ سوزىمەن ايتقاندا ، ءۇي  ىشىنەن ءۇي تىكسە جىلى بولادى» دەدى فان بوچاڭ.

  ءبىر كۇنى فان بوچاڭ مەن مۇحتار قىستاقتاعى ءبىر تويعا قاتىناسادى. توي بولعان اسحانا بىرنەشە كيلومەتر الىسقا ورنالاسقان، ونىڭ ۇستىنە اسحانانىڭ كولەمى تار بولعاندىقتان، قوناقتارعا اجەپتاۋىر جايسىزدىقتار اكەلەدى. مۇنى بايقاعان فان بوچاڭ جاقىن جەردەن توي وتكىزۋگە قولايلى ۇلكەنىرەك مۋزيكالى تاعامجاي اشۋ كەرەكتىگىن ويلايدى.

  تويدان قايتقان جولدا فان بوچاڭ بۇل ويىن مۇحتارعا ايتقان ەدى، ول دەرەۋ قوسىلا كەتەدى.

  مۇحتاردىڭ اۋلاسىندا ۇلكەنىرەك اسحانا سالۋعا بولاتىن بوس جەر بار، ونىڭ ۇستىنە،ايەلىنىڭ كاسىبى جوق بولعاندىقتان، اسحانانىڭ جۇمىستارىن باسقارۋىنا ابدەن بولاتىن ەدى.

  قاجەتتى جەر، باسقاراتىن ادام تابىلدى، ەندى اقشانى قايتۋ كەرەك؟ ءبىر ۇلكەن تاعامجاي سالۋ وڭاي-وسپاق ءىس ەمەس، ۇستەل-ورىندىق، ىدىس-اياق، مۋزيكا اسپاپتارىن ساتىپ الۋعا از اقشا كەتپەيدى.

  مۇحتار 200 مىڭ يۋان قازىر الىپ اسحانا سالۋعا بەكيدى. ءبىراق كەپىل بولاتىن ادام تابا الماي قينالادى. مۇنى بىلگەن فان بوچاڭ وزدىگىنەن مۇحتاردىڭ قازىر الۋىنا كەپىل بولادى.

  «200 مىڭ يۋان از اقشا ەمەس، مۇحتاردىڭ بۇل قارىزدى قايتارا الماۋىنان الاڭدامايسىڭ با؟» دەگەن دوستارىنا فان بوچاڭ:«ول مەنىڭ تۋعان اعام تۇرسا، نەسىنە الاڭدايمىن، ەكەۋمىز بىرگە قۇلشىنساق، قايتارىپ كەتەمىز» دەيدى.

  بىرنەشە ايدىڭ ىشىندە مۇحتاردىڭ مۋزيكالى تاعامجايى تولىق سالىنىپ، اشەكەيلەنىپ ىسكە تۇسەدى. كەڭ دە ساۋلەتتى ورتاسى مەن ءدامدى تاعامدارى كوپتەگەن قىستاق تۇرعىندارىن توي وتكىزۋگە باۋرايدى. كەيىن كەلە، ءتىپتى، كورشى قىستاقتان دا وسى تاعامجايدا توي وتكىزەتىندەر كوبەيە تۇسەدى.

  مۇحتاردىڭ شەشەسى ءداريعا قارت اۋدان قالاشىعىنان 20 نەشە كيلومەتر الىستاعى قىستاقتا تۇرادى. جاسى 90 دى ەڭسەلەگەندىكتەن، كوپ اۋىرىپ-سىرقاپ قالاتىن ەدى. مۇحتاردىڭ وزىندە جەڭىل اۆتوموبيل بولماعاندىقتان، شەشەسى اۋىرىپ قالعان كەزدە ۇنەمى فان بوچاڭعا تەلەفون سوعىپ، اۆتوموبيلمەن شەشەسىن شيپاحاناعا  جەتكىزىپ بەرۋدى وتىنەتىن. فان بوچاڭ كۇنى بۇگىنگە دەيىن ونىڭ  ءسوزىن تويتارىپ كورمەپتى.

  مۇحتار:«اۆتوموبيل قاجەت بولسا، ىنىمە تەلەفون سوقسام بولدى جەتىپ كەلەدى. ول مەنىڭ شەشەمدى ءوز اناسىنداي كورەدى. 300 تۇياقتان ارتىق مالىم بار، جازدا جايلاۋعا بارماقشى بولسام، اۆتوموبيلمەن اپارىپ كەلەدى. ەشقاشان قاباق شىتىپ كورگەن ەمەس» دەدى.

  مۇحتاردىڭ ەكى بالاسى بار. لابوراتوريا كاسىبىن وقىعان ۇلكەن ۇلى ەرجانبەك مەكتەپ تاۋىسقان سوڭ، كاسىپتەنە الماي كوپ جۇرەدى. مۇنان حابار تاپقان فان بوچاڭ وعان ىلايىقتى قىزمەت ورىن قاراستىرادى. كوپ وتپەي ەرجانبەك ەمتيحان بەرىپ، اۋداندىق حالىق شيپاحاناسىنىڭ لابوراتوريا بولىمىنە ورنالاسادى.  بالاسىنىڭ قىزمەتكە ورنالاسقانىن كورىپ، مۇحتاردىڭ دا كوڭىلى ورنىعادى. ءۇيى  الىس بولعاندىقتان، ەرجانبەك كوبىندە فان بوچاڭنىڭ ۇيىنە بارىپ جاتادى. مۇحتار دا اۋدان قالاشىعىنا  جۇمىسپەن كەلگەندە ءىنىسى فان بوچاڭنىڭ ۇيىنە بارىپ جاتادى ەكەن.

  فان بوچاڭ:« اعامنىڭ بالاسى ءوز بالاممەن ۇقساس،جۇمىستان اعاتتىق وتكىزىپ السا، قاتاڭ تاربيە بەرەمىن» دەدى.

  مۇحتار ءار جىلعى سوعىم ەتىنىڭ تەڭ جارىمىن فان بوچاڭعا ارناپ قويۋدى ادەتىنە اينالدىرعان. ونىڭ ۇستىنە فان بوچاڭنىڭ ءۇيىن سۇتپەن قامداپ كەلىپتى.

  ۋاقىت- ەڭ جاقسى دانەكەرلەگىش ەكەن، تۇرمىستىڭ سان كۇيبەڭىندە فان بوچاڭ مەن مۇحتار اعا-باۋىرداي ەتەنە بولىپ، ەكى ءۇيدىڭ قاتىناسى دا قويۋلاي ءتۇستى.

  مۇحتار:«اعا-باۋىرلىق قاتىناسىمىزدى ماڭگى ساقتاۋعا ۋادەلەسىپ كەلەمىز»  دەدى.

  رەداكتورى : جىگەر ومىربەك ۇلى  


   تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى