ۇسىنىس ەتىلگەن تىلشىلەرىمىز ءماريا نۇرزادا قىزى، ەرسىنگۇل تىلەۋحان قىزى حابارلايدى. جۋىقتان بەرى شيحۋ قالاسىندا جازدىق استىق ساتىپ الۋ قىزمەتى جاپپاي ورىستەتىلىپ، ءارقايسى استىق ساتىپ الۋ توراپتارى ساپالى قىزمەت ەتۋ فورماسىن قولدانىپ، ساتىپ الۋ راسمياتتارىن ازايتىپ، شارۋالارعا ساپالى قىزمەت وتەدى.
بىرنەشە كۇننەن بەرى شيحۋ قالاسىنداعى ءارقايسى اۋىل (قالاشىق) فەرمالاردىڭ ءبيداي ورۋ قىزمەتى ءۇرتىس قانات جايدىرىلىپ، شارۋالاردىڭ جازدىق استىقتارىن دەر كەزىندە ساتۋىنا قولايلىلىق جاراتۋ ءۇشىن، شيحۋ قالالىق استىق مەكەمەسى مەملەكەت مەنشىگىندەگى استىق ساتىپ الۋ كاسىپورىندارىنىڭ ەرەكشەلىكتەرىن تولىق ساۋلەلەندىرىپ، الدىن الا ساتىپ الۋ قىزمەتىن باستاپ، استىق ساتىپ الۋ قاينارىن مەڭگەرىپ، جازدىق استىق ساتىپ الۋ قىزمەتىنىڭ ءساتتى جۇرىلۋىنە كەپىلدىك ەتتى. تالدى قالاشىعىنداعى اۋىل شارۋاشىلىعىن دامىتۋ شەكتى جاۋاپكەرلىك سەرىكتىگى بيىل 10 نەشە مىڭ مۋ جەرگە ساپالى دۇمبە ءبيداي ەككەن بولاتىن، ەكى كۇننەن بەرى سەرىكتىك اۋىل شارۋاشىلىق ماشينالارىن ىسكە قوسىپ، ءبيداي ورۋ قىزمەتىنە كىرىستى.
شيحۋ قالاسى تالدى قالاشىعىنداعى اۋىل شارۋاشىلىعىن دامىتۋ شەكتى جاۋاپكەرلىك سەرىكتىگى مەڭگەرۋشىسىنىڭ كومەكشىسى يۇي چاۋ: «استىق پۋنكتىنە استىق ساتقانىمىزعا ءۇش كۇن بولدى، ءار كۇنى 30 اۆتوكولىك استىق ساتىلادى، استىق پۋنكتىندەگىلەر ساپالى قىزمەت وتەپ، بىزگە كوپتەگەن كومەك كورسەتتى، راسىندا رازىمىز، قازىرگى باستى مىندەتىمىز ۋاقىتتى مىقتى ۇستاپ ءبيداي ورىپ، تەزىرەك ساتىپ، جوعارى ەكونوميكالىق ونىمدىلىك جاراتۋعا كۇش سالۋ» دەدى.
جازدىق استىق ساتىپ الۋ قىزمەتىندە شيحۋ قالاسىنىڭ ءارقايسى استىق پۋنكتتەرى استىق ساتىپ الۋ ساياساتى، ساپا ولشەمى، ساتىپ الۋ باعاسى سياقتىلاردى اشىق جاريالاۋمەن بىرگە، شارۋالارعا استىق جاياتىن قىرمان مەن استىق تازالاۋ ماشينالارىن ازىرلەپ بەرىپ، قولايلىلىق جاراتتى.
شيحۋ قالالىق حۇيرىن استىق- ماي ساتۋ شەكتى سەرىكتىگىنىڭ مەڭگەرۋشىسى جاۋ حۇڭچىڭ: «استىق ساتىپ الۋ بارىسىندا ءبىز جوعارى باعا، قوسىمشا قاراجات بەرۋ ساياساتتاردى اتقارۋمەن بىرگە، شارۋالاردى تەگىن استىق جايۋ قىرمانى جانە ماشينا جابدىقتارىمەن قامداپ، ساتىپ الۋ ۋاقىتىن ۇزارتىپ، ولارعا ساپالى قىزمەت وتەدىك» دەدى.
ۇعىسۋعا قاراعاندا، بيىل شيحۋ قالاسى جالپى 97 مىڭ مۋ جەرگە ءبيداي ەگىپ،ءارقايسى ساتىپ الۋ كاسىپورىندارى جازدىق استىق ساتىپ الۋ قىزمەتىن بەلسەنە قانات جايدىرىپ،جوعارى تەمپەراتۋراعا ءدوپ كەلۋدەي قيىنشىلىقتاردى جەڭە وتىرىپ، ءبيداي ورۋ قىزمەتىن جۇرگىزۋدە. قازىرگە دەيىن تۇتاس شيحۋ قالاسىنداعى جالپى ساتىپ الىنعان ءبيدايدىڭ مولشەرى 4000 توننادان اسقان.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى