شۋە بين ماڭدايشالىق اسۋ راسىمىنە قاتىناستى ءارى قۇتتىقتاۋ ءسوزىن سويلەدى
ءتىلشىمىز ۋىن بو حابارلايدى. 7-ايدىڭ 18-كۇنى ايماقتىق پارتكومنىڭ شۋجيى شۋە بين ايماقتىق پارتكوم ساقا كادرلار پارتيا مەكتەبىنىڭ ماڭدايشالىق اسۋ راسىمىنە قاتىناسىپ جانە قۇتتىقتاۋ ءسوزىن سويلەپ، ايماقتىق پارتكوم اتىنان ساقا كادرلاردىڭ ۇزاق ۋاقىتتان بەرى تارباعاتايدىڭ ورنىقتىلىق، دامۋ، رەفورما ىستەرىنە قوسقان ۇلەسىنە شىنايى راقىمەت ايتىپ، ساقا كادرلار پارتيا مەكتەبىنىڭ قۇرىلعاندىعىن قىزۋ قۇتتىقتادى.
ۇعىسۋعا قاراعاندا، ساقا كادرلار پارتيا مەكتەبىن قۇرۋ ايماقتىق پارتكومنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرۋىنىڭ، تياناقتاندىرۋىنىڭ ناقتى بەينەسى ءارى جاڭا ءداۋىردى تياناق ەتىپ، نازاردى باس نىساناعا شوعىرلاندىرىپ، ساقا كادرلاردىڭ يدەيا-ساياسي قۇرىلىسىن كۇشەيتۋدى كوزدە ۇستاعان ماڭىزدى ورنالاستىرۋى سانالىپ، ساقا كادرلاردى جاڭا داۋىردەگى پارتيا قۇرىلىسىنىڭ ۇلى ينجەنەرياسىنا قىزعىن ات سالىسۋعا باستاۋدا اسا ماڭىزدى رەال ءمان الادى ەكەن.
شۋە بين بىلاي دەدى: «ساقا كادرلار پارتيا مەكتەبى ساقا كادرلار قىزمەتىنىڭ ەرەكشەلىگىمەن ۇشتاستىرا وتىرىپ، مەكتەپ اشۋ زاڭدىلىعىن ۇزدىكسىز زەرتتەپ، تاربيەلەۋ مازمۇنىن جاڭالاپ، دارالىق ەرەكشەلىگىن ساۋلەلەندىرۋى؛ ‹پارتيا مەكتەبى پارتيانىڭ مەكتەبى بولۋ› ءتۇبىرلى پرينسيبىنە تاباندى بولىپ، قىزىل گەندى جالعاستىرىپ، تاربيەلەۋ ارناسىن ۇزدىكسىز كەڭەيتىپ، تاربيەلەۋ ساپاسىن جوعارىلاتۋى؛ دەمالىسقا-پەنسياعا شىققان قالىڭ ساقا باسشىلاردى، ساقا جولداستاردى شۇعىلالى تاريحتى قاستەرلەپ، توڭكەرىستىك اۋەلگى ماقساتتى ۇمىتپاي، ساياسي قاسيەتتى ماڭگى ساقتاۋعا تاربيەلەۋى جانە جەتەكتەۋى كەرەك. ايماقتىق پارتكوم پارتيا مەكتەبى، ايماقتىق پارتكوم قارت كادرلار مەكەمەسى ساقا كادرلار پارتيا مەكتەبىن جاقسى باسقارۋداي اۋىر مىندەتتى بەلسەنە ارقالاپ، ساقا كادرلار پارتيا مەكتەبىن بارلىق ساقا باسشىلاردىڭ، ساقا جولداستاردىڭ پارتيالىلىق شىنىعۋ شەبىنە، نازاريا ۇيرەنەتىن، ءبىلىم الاتىن ساباقحاناسىنا، رولىن ساۋلەلەندىرەتىن تەكشەسىنە اينالدىرۋى كەرەك.
شۋە بين دەمالىسقا-پەنسياعا شىققان قالىڭ پارتيالى كادرلاردان ۇيرەنۋ ونىمدىلىگىن كورنەكتىلەندىرىپ، ساياسي جاقتاعى ابزالدىلىقتارىن ساۋلەلەندىرىپ، سوڭعى بۋىندى تاربيەلەۋدىڭ «سەيىلكاسى»،تاجىريبە جاعىنداعى ابزالدىلىقتارىن ساۋلەلەندىرىپ، ءار سالا ىستەر دامۋىنىڭ «جەبەۋشىسى»، بەدەل جاعىنداعى ابزالدىلىقتارىن ساۋلەلەندىرىپ، پارتيانى قاتاڭ جونگە سالۋدىڭ «سىنتاسى» بولىپ، ايماقتىڭ ورنىقتىلىق، دامۋ، رەفورما جالپى جاعدايىنا قىزمەت وتەۋ بارىسىندا رولدارىن ساۋلەلەندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇلەس قوسۋلارىن ءۇمىت ەتتى.
ماڭدايشالىق اسۋ راسىمىنەن كەيىن شۋە بين دەمالىسقا-پەنسياعا شىققان ساقا كادر، ساقا پارتيا مۇشەلەرىنىڭ ۋاكىلدەرىمەن بىرگە پارتيالىلىق تاربيە قيمىلىنا قاتىناستى. ول ساقا كادرلاردىڭ دەنساۋلىعى مەن تۇرمىسىنا كوڭىل ءبولىپ، قامقورلىق جاساپ، ولاردىڭ ءتۇرلى قىزمەت بارىسىنداعى بەلسەندى، ەرەكشە رولدارىن تولىق ساۋلەلەندىرۋدى تالاپ ەتتى.
شۋە بين بىلاي دەدى:«كەزەكتە ايماعىمىز ورتالىق كوميتەتتىڭ شينجياڭدى جونگە سالۋ جالپى جوباسىن تاباندىلىقپەن باتىل دايەكتىلەندىرىپ، تياناقتاندىرىپ، نازاردى باس نىساناعا بارىنشا شوعىرلاندىرعاندىقتان، قوعامدىق جالپى جاعداي جاراسىمدى، ورنىقتى بولىپ، ەكونوميكا ءۇرتىس، اقاۋسىز دامىدى. كوپشىلىكتىڭ ساقا كادرلار پارتيا مەكتەبى سىندى ۇيرەنۋ ورنىنان جاقسى پايدالانىپ، ۇيرەنۋدى ۇزدىكسىز كۇشەيتىپ، نازاريالىق ورەنى جوعارىلاتۋىن؛ ۇيرەنگەندى كادەگە جاراتىپ، نەگىزگى ساتىنىڭءبىرىنشى شەبىنە بارىپ ۇگىت-لەكسيا جاساپ، ايماعىمىزدىڭ ورنىقتىلىق، دامۋ، رەفورما ىستەرىنىڭ دامۋىنا ۇلەس قوسۋىن ءۇمىت ەتەمىن».
ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى ليۋ لي، ايماقتىق پارتكوم پارتيا مەكتەبىنىڭ، ايماقتىق پارتكوم قارت كادرلار مەكەمەسىنىڭ جاۋاپتى جولداستارى، دەمالىسقا-پەنسياعا شىققان ساقا كادرلاردىڭ، ساقا پارتيا مۇشەلەرىنىڭ ۋاكىلدەرى، ايماقتىق پارتكوم پارتيا مەكتەبىندەگى وقىتۋشىلار مەن كۋرسانتتاردىڭ ءبىر ءبولىم ۋاكىلدەرى، ايماقتىق پارتكوم قارت كادرلار مەكەمەسىنىڭ بارلىق كادرى ماڭدايشالىق اسۋ راسىمىنە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى