ۇسىنىس ەتىلگەن ءتىلشى ساۋلە كەنجەبەك قىزى حابارلايدى. پارتيا 19-قۇرىلتايى بايانداماسىندا باس شۋجي شي جينپيڭ كەدەيلەردى سۇيەمەلدەۋدى جىگەر-قايرات جاعىنان سۇيەمەلدەۋمەن، اقىل-قابىلەت جاعىنان سۇيەمەلدەۋمەن ۇشتاستىرۋعا باسا ءمان بەرىپ، 2020-جىلعا بارعاندا ەلىمىزدىڭ قازىرگى ولشەمى بويىنشا اۋىل-قىستاقتىڭ كەدەي حالقىن كەدەيلىكتەن قۇتىلدىرىپ، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋعا كەپىلدىك ەتىپ، وڭىرلىك ءبىرىڭعاي كەدەيلىك ماسەلەسىن شەشىپ، ناق كەدەيلىكتەن قۇتىلدىرۋدى، كەدەيلىكتەن شىنايى قۇتىلدىرۋدى جۇزەگە اسىرۋ كەرەكتىگىن اتاپ كورسەتتى. وسى ۇندەۋگە ءۇن قوسقان ساۋان اۋدانى كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋگە كۇش سالىپ، بۇقارانى جىگەرلەندىرىپ، ءار ۇلت جۇرتشىلىعىن دوڭگەلەك داۋلەتتى ورەگە جەتۋگە جەبەدى.
وزىق تەحنيكا كەدەيلەردىڭ كەدەيلىكتەن قۇتىلىپ، اۋقاتتانۋ جولىنا تۇسۋىندەگى ماڭىزدى فاكتور. ساۋان اۋدانى داچۋان اۋىلى داچۋان قىستاعىنىڭ تۇرعىنى فىڭ فۋگۇي ەگىستىك جەرىن لۇڭچۋان شارۋالار كاسىپتىك سەلبەستىك كووپەراتيۆىنە كوتەرمەگە بەرىپ، كووپەراتيۆتەن اۋىل شارۋاشىلىق ماشينالارى تەحنيكاسىن يگەرۋمەن بىرگە، ەڭبەككۇشتى ازات ەتىپ، تابىس بولىسىنە يە بولىپ، وتباسى كىرىسىن ارتتىردى.
فىڭ فۋگۇي: «تۇرمىسىمىز جاقسارا ءتۇستى، جاڭا ءۇي سالىپ الدىق، سەلبەستىك كووپەراتيۆكە كەلىپ، جۇمىس ىستەپ، كىرىسىم كورنەكتى ارتتى. قىستا اۋىل شارۋاشىلىق ماشينالارى تەحنيكاسىن ۇيرەنۋ كۋرسىنە قاتىناسىپ، اۋىل شارۋاشىلىق ماشينالارىن رەمونتتاۋ تەحنيكاسىن ۇيرەندىم، پارتيا مەن ۇكىمەتتىڭ ابزال ساياساتىنا العىس ايتامىن» دەدى.
داچۋان اۋىلى داچۋان قىستاعىنىڭ تۇرعىنى ۋاڭ حۇڭپىڭ: «بۇرىن شارۋالار كاسىپتىك سەلبەستىك كووپەراتيۆى قۇرىلماي تۇرعان كەزدە وتباسىمىزداعى ءۇش جان 20 مۋ جەرگە ەگىن ەگەتىنبىز، كىرىسىمىزدە ماردىمسىز بولاتىن، سەلبەستىك كووپەراتيۆى قۇرىلعاننان كەيىن 3 ادام 500 مۋدان استام ەگىستىك جەردى باپتاپ-باسقارۋ جۇمىسىن كوتەرمەگە الدىق، قازىر كىرىسى دە ايتارلىقتاي جاقسى، ءبىر جىلدا ءۇش ادام ءجۇز نەشە مىڭ يۋان كىرىس كىرگىزۋىمىزگە بولادى، بيىل ءبىر شاعىن اۆتوكولىك ساتىپ الدىم، كەلەر جىلى قابات ءۇي ساتىپ الۋدى جوسپارلاپ وتىرمىن» دەدى.
لۇڭچۋان شارۋالار كاسىپتىك سەلبەستىك كووپەراتيۆى 2013-جىلى 3-ايدا قۇرىلعان، اتالعان سەلبەستىك كووپەراتيۆتىڭ القا باستىعى باي يۇيلۇڭ اۋقاتتانۋعا باستاماشىلىق ەتۋ رولىن تولىق ساۋلەلەندىرىپ، قىستاق تۇرعىندارىنىڭ يدەيالىق جاقتاعى ماسەلەلەرىن بەلسەندىلىكپەن شەشىمدەپ، قىستاق تۇرعىندارىن اۋقاتتانۋعا باستادى.
لۇڭچۋان شارۋالار كاسىپتىك سەلبەستىك كووپەراتيۆىنىڭ القا باستىعى باي يۇيلۇڭ: «بۇرىن قىستاقتاردا قارتتانۋ سالىستىرماسى ءبىرشاما جوعارى، ەڭبەككۇش تاپشى بولعاندىقتان، قارتتار ەگىن ەگۋگە امالسىز قالىپ، ەگىستىك جەرىنىڭ ءار مۋىن 300 دە 400 يۋاننان بىرنەشە جىلعا كوتەرمەگە بەرەتىن ەدى. كەيىن سەلبەستىك كووپەراتيۆىنىڭ وزىق تەحنيكادان پايدالانىپ، اۋىل شارۋاشىلىعىنىڭ ماشينالانۋ ورەسىن جوعارىلاتىپ، ءبىرتۇتاس تيجارات جۇرگىزىپ، ءونىم مولشەرىن جوعارىلاتقانىن كورگەن قىستاق تۇرعىندارى ەگىستىك جەرلەرىن كووپەراتيۆكە وتكىزىپ بەرىپ، ەڭبەككۇشتى ازات ەتىپ، وتباسى كىرىسىن ارتتىردى» دەدى.
بۇگىنگى كۇندە داچۋان اۋىلى داچۋان قىستاعىنىڭ شارۋالارى ەگىستىك جەردى تۇگەلدەي كووپەراتيۆكە قوستى، قازىر سەلبەستىك كووپەراتيۆتە 4080 مۋ ەگىستىك جەر بار، وتكەن جىلى اتالعان سەلبەستىك كووپەراتيۆ ءار مۋ جەردەن كووپەراتيۆ مۇشەلەرىنە 1300 يۋان تابىس ۇلەسىن بولگەن.
باي يۇيلۇڭ: «سەلبەستىك كووپەراتيۆىمىزدە العاشىندا 8 ادام بار بولاتىن، بىرنەشە جىلدا ەگىستىك جەرلەرىن كووپەراتيۆكە كوتەرمەگە بەرگەن قىستاق تۇرعىندارىنىڭ سانى ارتا ءتۇستى،ءبىز ەڭبەككۇشتى ازات ەتىپ، قىستاق تۇرعىندارىن اۋقاتتانۋعا باستادىق. قازىر ءبىر ءبولىم ادامدار قالادا جۇمىس ىستەيدى، تاعى ءبىر ءبولىمى سەلبەستىك كووپەراتيۆتە تۇتاس قىستاقتىڭ جەرىن بىرلىكتە باسقارۋعا كومەكتەسەدى. بۇرىن كوكتەمدە تۇقىم سىڭىرگەندە 20 كۇن ۋاقىت كەتەتىن، قازىر ءبىر اپتا ۋاقىت جۇمسايتىن بولدى. ۇيلەسىمدى ورنالاستىرۋ جاساۋ، عىلىمي باسقارۋ ارقىلى بيىل ماقتانىڭ ونىمدىلىگى جاقسى بولدى، 2018-جىلى ءبىز جاڭا سورتتى ەنگىزىپ، مۋ باسىنان بۇرىنعى العان كىرىستەن 50 يۋاننان ارتىق كىرىس كىرگىزۋگە قۇلشىنىپ،جەرلىك ورىننىڭ ەكونوميكالىق دامۋىنا ۇلەس قوسامىز» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى