ءتىلشىمىز جۇماجان بەگزاتقان ۇلى، ۇسىنىس ەتىلگەن ءتىلشى سەرىك تولقىن ۇلى حابارلايدى. تاياۋدا ءدوربىلجىن اۋدانى شاڭحۋ قالاشىعى كوربۇلاق 3-قىستاعىنداعى 84 وتباسى حىشىڭ اۋىل شارۋاشىلىق كاسىپتىك سەلبەستىك كووپەراتيۆى تاراتقان ەگىستىك جەردى اينالىمعا سالۋ اقىسىن تاپسىرىپ الىپ، بيىلعى كىرىستەرىن ارتتىرۋعا نەگىز قالادى.
ەگىستىك جەردى اينالىمعا سالۋ اقىسىن تاراتادى دەگەن حاباردى ەستىگەن قىستاق تۇرعىندارى ەرتە مادەنيەت ۇيىنە جينالدى، ۇستەلدىڭ ۇستىنە قويىلعان ناق اقشانى كورگەندە قۋانىشتارى قويىنىنا سيمادى، بيىل 60 جاستاعى قىستاق تۇرعىنى ايىپقان سامات ۇلى جۇبايى ەكەۋى دە مۇگەدەك بولعاندىقتان، وتباسىندا ەڭبەك كۇش جوق، تەك قانا ەگىستىك جەرىن باسقالارعا كوتەرمەگە بەرۋ ارقىلى تۇرمىس كەشىرەتىن، ونىڭ ۇستىنە، ءار مۋ جەردىڭ كوتەرمەگە بەرۋ اقىسى 40 يۋاننان 15 مۋ جەردىڭ ءبىر جىلدىق كوتەرمەگە الۋ اقىسى 600 يۋان عانا بولاتىن، بيىل ەگىستىك جەرىن اۋىل شارۋاشىلىق كاسىپتىك سەلبەستىك كووپەراتيۆىنە وتكىزىپ بەرگەننەن كەيىن، باعاسى 4 ەسە جوعارىلاعاندىعىن ەستىگەندە ول ايرىقشا قۋاندى.
ايىپقان سامات ۇلى: «قازىر ەلىمىزدىڭ ساياساتى جاقسى، قىزمەت اترەتىندەگى كادرلار ەگىستىك جەرىمىزدىڭ ءار مۋىنىڭ كوتەرمە اقسىن 220 يۋانعا جوعارىلاتىپ، سەلبەستىك كووپەراتيۆىنىڭ ءبىرتۇتاس باسقارۋىنا وتكىزىپ بەردى، بۇگىن اقشامىزدى تاپسىرىپ الدىق» دەدى.
شاڭحۋ قالاشىعى كوربۇلاق 3-قىستاعىنداعى شارۋالاردىڭ كوپ ساندىسى ەگىستىك جەرىن باسقالارعا كوتەرمەگە بەرىپ، باعىمشىلىق پەن اينالىساتىن، جەردى اينالىمعا سالىپ، سەلبەستىك كووپەراتيۆكە وتكىزىپ بەرۋ فورماسى ارقىلى جەردى ولشەمدى باسقارىپ، جەردەن پايدالانۋ ونىمدىلىگىن جوعارىلاتىپ، كىرىستەرىن ارتتىردى. قازىرگە دەيىن وسى قىستاقتاعى 3215 مۋ ەگىستىك جەردىڭ ءار مۋى 220 يۋاننان سەلبەستىك كووپەراتيۆكە وتكەرمەلەنىپ بەرىلدى، بۇدان 84 وتباسىنداعى 438 ادام يگىلىكتەندى.
ءدوربىلجىن اۋدانىنداعى حىشىڭ اۋىل شارۋاشىلىق كاسىپتىك سەلبەستىك كووپەراتيۆىنىڭ جاۋاپتىسى ۋىن يان: «بۇرىن شارۋالار ءداستۇرلى سۋارۋ فورماسىن پايدالانىپ كەلگەن، قازىر سەلبەستىك كووپەراتيۆىمىز ءبىرتۇتاس تامشىلاتىپ سۋارۋ قۇرىلعىسىن ورناتىپ، ەگىس داقىلدارىنىڭ مۋ باسىندىق كىرىسىن بۇرىنعىدان 300 يۋان اينالاسىندا جوعارىلاتپاقشى. وسى جولى توقتامعا قول قويۋ ارقىلى ءار 3 جىلدا ءبىر رەت توقتامداسىپ، شىعىندى شىعارىپ تاستاعاننان كەيىن پايدا ءبولىسىن شارۋالارعا ءبولىپ بەرەمىز» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى