قادىل نۇراحىمان ۇلى
جەلبىرە سەن
ۋا،مەنىڭ بەس جۇلدىزدى قىزىل تۋىم،
جۇرەگىمنىڭ قانى عوي قىزىلدىعىڭ.
اسپانىمدا جەلبىرەپ سەن تۇرعاندا،
قىزۋلىمىن،قاباعات قۇزىرلىمىن.
تومەندەمە،تۇرا بەر توبەمدە سەن،
الاۋىڭنىڭ استىندا كەمەل كەشەم،
سەنىڭ ءورشىل رۋحىڭ بولماسا ەگەر،
باقىتقا مەن دە مىناۋ كەنەلمەس ەم.
مەن سەنەن جەڭىس تابام،باقىت تابام،
كۋا بۇعان تاۋ-ورمان،بارقىت دالام.
جىلىستاعان جىلداردان،ۋاقىتتاردان،
سەنى ۇستاعان ءبىر كۇنىم ارتىق ماعان.
سەنى اڭسايمىن شالعاي ءبىر جەردە جۇرسەم،
سەنى ءسۇيىپ،ارمان جوق سەندە كۇلسەم.
بۇل ومىردەن قۋانىپ وتەر ەدىم،
سەن دەپ تۋىپ،كوزىمدى سەن دەپ ىلسەم.
سەن ماڭگىلىك ايعاعىسىڭ كىمدىگىمنىڭ،
ەرلىك پەن ەلدىگىمنىڭ،قۇندى كۇننىڭ.
سەن جەلبىرەپ توبەمدە تۇرعان كەزدە،
قول قۋسىرىپ كەلمەيدى قۇلدىق ۇرعىم.
جەلبىرە سەن قۇزداردان،قىراتتاردان،
سەنىڭ ورتتەي نارتتىعىڭ قۋات ماعان.
ۇلى جۇڭحۋا مەن سەنىڭ ۇلانىڭمىن،
توبەمە ۇستاپ تۋىمدى قۇلاتپاعان.
بۇل وڭىردە التىن بار
بۇل وڭىردە بۇلاق بار مەن بىلگەندە،
بۇلاقتى جەر سۋات قوي ءجون بىلگەنگە.
سول بۇلاقتىڭ بويىندا قالعىڭ كەلەد،
ومىراۋىن ءيىتىپ ەمدىرگەندە.
بۇل ءوڭىردىڭ كولى بار وزەنىمەن،
اققۋ-قازدار قونىپ ءجۇر كەزەگىمەن.
قوڭىر اڭى شۇبىرعان كەزەڭىنەن،
وسى وڭىردە ءبىر قۇت بار سەزەمىن مەن.
اسقارلارى اسپانمەن ءتىل تابىسىپ،
قاپتالدا قاراعاي،تال تۇر قاۋىشىپ.
قىراندارى شارلاپ ءجۇر زەڭگىر كوكتى،
بيىكتەن-بيىكتەرگە شىرقاپ ۇشىپ.
بۇل ءوڭىردىڭ جاپ-جاسىل ارشالارى،
قاشان بارساڭ قابىلداپ قارسى الادى.
تابيعاتقا جانىڭدى جاقىنداتىپ،
بۇلبۇل قۇس تاڭ بوزىنان ءان سالادى.
بۇل وڭىردە بىلەمىن التىن بارىن،
مىنا ومىردە قىزىقپايدى التىنعا كىم.
وسى وڭىردە جايلانىپ جاتقىڭ كەلەد،
التىن بارىن بىلگەندە،بالكىم،ءبارىڭ.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى